容記小菜王 (已易手)

今日幽靈姐姐和教父哥也來打球, 我也不惜把工作掉到一旁留待一日大OT.被人打到七個一皮, 收隊後幽靈姐姐返館練功, 我們六個人黎到呢間吃小菜.位都等左一頓, 門口有幾幅毛像, 問爸爸佢話有氣勢喎.環境預左係嘈, 但比東寶好一些, 佈置有點搞笑, 雞蛋隔裝在天花板上,D菜牌又用勁螢光色既紙寫, 幾刺眼. x_x九時多六個小菜連忌廉汽水/啤酒陸續送上.燒腩肉個皮脆卜卜, 但唔知點解覺得好似返燒過黎, 無可不認有軟骨吃, 味道都唔錯的.沙薑雞個人覺得普通, 唔係好滑噃, 不過醃個味都算唔錯.椒鹽墨魚咀又幾得喎, 炸得脆送酒一流, 不過我地話炸左食落都唔知係咪真係墨魚咀, anyways呢味幾得下.生炒骨似乎冇東寶咁脆, 不過佢冇碎骨又好過東寶, 我覺得ok喎, 唔知咕姐, 契姐同佢個BB點睇.炒通菜味道好, 搞我送左好多白飯, 又俾爸爸話唔聽話跟教父哥一齊叫飯.魚腐海鮮煲辣辣地幾惹味, 餸又多, 撈白飯又係正, 不過俾契姐話超咸~教父哥吃得多, 又俾爸爸話係大食正死仔, 我見教父哥都冇咁好氣繼續食, 話之佢...最後掃剩幾件雞.埋單平到笑, 又隊啤都係60大洋, 抵食!後記:我好耐未見過大姨

前兩日的星期六晚上，我們一家人八個人踩入去，大家去過都知間舖幾細，原本諗住要張比較大既枱，但係都好爆，所以都要左張細枱。佢第一張安排俾我既枱，個個長頭髮既人（懷疑係老闆娘），硬要將我地張枱迫埋牆，但係八個人坐，迫埋牆起碼都無兩個位啦～唔推出來我地一定唔夠坐。我推出來，佢推番埋，如是者推左幾鑊，我地索性轉枱，但佢個樣不是味兒，又話推出來會阻住人行。跟住我講：「咁你驚阻住人行就唔好夾硬擺張枱啦～不如去第二間去好過啦！」之後佢地咪又安排轉枱。有好多人話唔好坐既幾好食都無用，我逐漸明白這句說話的道理。講番食野，我地叫左以下食品：１．炸蝦餅２．蜆蚧鯪魚球３．燒腩肉４．天下第一雞（半隻）５．小炒王６．蝦醬炒通菜７．沙拉骨８．西蘭花扒鮮菇９．兩碗菜乾粥１０．幾枝啤酒去左幾次，但係今次既水準有下降既程度，特別係「燒腩肉」，以前食都讚，但今次咬落去時，老老地，唔夠鮮。而雞咬落去又係唔鮮，好明顯係隻雞入雪櫃入得太耐。「小炒王」食落去好多油，開頭食都多油，食到底既多油到夠煎隻蛋。最好既莫過於蝦餅，食落去有蝦味，唔似雪藏野。同埋菜乾粥都ｏｋ。埋單後$550左右，不太貴。但係我會付出較高既價錢，去換取質素高既食

例牌燒腩　－　皮脆又多肉汁，加埋日本芥醬，招牌菜果然沒令人失望。容記第一雞　－　即沙薑雞，黃油雞有雞味，但略嫌不夠滑。容記第一咀　－　即椒鹽墨魚咀，外皮脆，不算油膩，香口惹味。大嘉士佰１枝，白飯１碗，總共＄１８３。和同獲亞洲華爾街日報選為香港最佳食肆的越華會比真係好食好多。

同公司同事食飯，同事睇雜誌推介依度～對我o地而言，地點都幾偏，唔係搭的士真係搵唔到...^^"　一如同事提醒，餐廳環境真係麻麻；無所謂o既，大班人食野最緊要好味同開心～由於一早寫好菜式，唔駛等就可以開餐lu:　　招牌燒腩：絕對係全晚最好味o既一道菜！燒腩o既肥肉平均咁滲透o係成件燒肉中，平日唔食肥豬肉o既同事都可以KO成件～因為實左係正，上檯唔夠5分鐘就全部清哂！另一好味見證係：有兩位同事外賣打包返屋企再回味～小炒王：香噴噴o既雜錦炒韮菜，第一啖食，好惹味！再食就開始覺咸，而且多油，但仍值得推介～沙拉骨：豬扒鬆化入味又滑溜，好味！不過沙律醬真係好多，唔駛錢咩？^^"酥炸九肚魚：同招牌燒腩肉/沙拉骨相比，失色左～什炒四季豆：幾好食，不過多油左d～金銀蒸勝瓜：個人唔太鍾意食勝瓜，少食；連同事都冇人夾～明顯墮後o既一道菜～清煮秀珍菇：雖然大魚大肉唔係咁好，但依味素菜一d味道都冇，實左令人卻步～而且秀珍菇有少少苦，唔推介～　食到七成飽，老闆就出o黎問我o地收唔收野，又推甜品（椰汁紅豆糕，唔太好食...）俾我o地～大家都知咩事，唯有提早完成飯局，成為全晚唯一一件唔開心事～不過連埋飲品，埋單一人唔

星期五結果要做到十點半, 真係餓到暈左, 在地鐵上左思右想去邊到食野, 結果想到去容記.在黃金附近晚上工作完, 多數都會去容記打躉. 事實上以容記是有一定質素. 另外當然是九時半後有七折的緣故.九時半後非特價品是有七折, 加上最低消費是88, 另加茶錢5 蚊, 了解這些條件, 這個時段食飯是不錯. 一枝加士伯, 折左7 蚊枝, 去邊到搵.不過當晚去到成十一點, 燒肉賣晒, 大馬站煲又賣晒, 焗魚腸都無埋, 所以不宜太晚去.或者客人會爭論燒肉是否真的咁好食, 不過天下第一嘴就無走雞. 用去了骨的墨魚咀加上椒鹽去炸, 刁鑽, 香口, 彈牙, 加上喼汁, 送酒佐膳是一流之選.當晚另外叫了腐乳扒茄子. 容記有很多樣餸都用茄子. 其中腐乳扒茄子是餐單上一項推介. 茄子不是炆都爛蓉蓉那種. 咬落有茄子香, 但期望腐乳味濃, 反而不是, 有點失望.另外叫了兩條雞肉腸, 肉質非常彈口好味, 但經常懷疑條骨頭的由來. 每條都是六元, 值得一試.論你喜不喜歡容記食物, 從牆上菜色項目之多, 以及整體食物質素, 可見容記在經營上下過心思及苦功. 有時見到老闆容哥, 問佢有關店內菜色問題, 他都欣然回答, 沒

一直都好想黎試下呢度既小菜直至今日去完旺角睇戲專誠搭車黎試六點左右黎到已經坐滿左一半心諗都無搵左地方因為個人唔多愛吃豬只係叫左天下第一雞(例牌),炸蝦餅同北菇扒魚腐天下第一雞～話係例牌,但其實有半隻咁多,新鮮蒸熱好香,入口有好香既沙薑味同雞味,唔點同上既醬汁已經好正,連我呢個平時唔多食雞既人都忍唔住連食幾件,滑得黎又軟淋,果然係招牌走地雞,抵佢檯檯都叫炸蝦餅～又係另一招牌菜,佢唔似泰式蝦餅咁炸到一個個波,而係不規則咁不同大細既,新鮮炸起,放入口食熱到差d辣親個咀,蝦肉好彈牙,又有鮮味,點埋卡夫奇妙醬,味道不錯北菇扒魚腐～因為見之前有食家話呢度既魚腐好味過魚米家,突然好想食魚腐就叫左呢個,但點知好失望,雖然份量唔少,但魚腐唔係飽滿既一件件,而係扁身既,口感差左好多,味道亦只屬一般,好在冬菇都幾厚身,而且成個送唔會油淋淋亦唔會好鹹,ok啦碟碟份量都好大最後食唔晒都係要打包番屋企阿哥咁嘴刁既人偷食左件雞都話個雞唔錯價錢唔貴又好味名符其實快靚正下次一定要翻炒題外話:服務真係好好隔離檯唔知叫乜食時本來聽到想叫一個辣既送但阿叔見佢有小朋友一齊食反提議佢叫另一個平d既菜無話"你死你事"

尋晚同男友在此食晚飯,呢間舖都幾難搵,7點半左右已經人頭湧湧,好彩吾洗等位,我地叫左招牌沙拉骨$48---個人認為似豬扒多d,太大塊太溜!軟雞骨腸$12/2條---系一般台式小店都食到既腸,冇咩特別;枝竹魚腩煲$48---十分野味,枝竹很入味,裏面仲有火腩及冬菇,火腩超正!可以連骨都食埋!菜乾豬骨粥$12/碗---尚可!total食左$125個人會prefer強記多d.

無可否認容記既小菜的確做得比人地出色，求其叫個豆豉鯪魚油墨菜又好，五香肉丁豆腐之類既罐頭野都可以整得好好食，其他菜式更加比美心、東海之類好得多，而價錢方面亦拍得住呢兩間，除左少量菜式四、五十有交易外，其他郁下都七十、九十，甚至過百，所以容記每晚九點半後做小菜七折特價，不過自從佢生意好左之後，大部份小菜後面加左特價兩個字，特價即係冇得再折，冇任何告示貼出黎講特價菜冇得再折，埋單出櫃面求其俾個總數就叫你俾錢，之後覺得唔o岩數時候問佢先講，我覺得呢種生意手法真係好有問題，不過或者佢地覺得做街坊生意，食慣個個都知掛？天下第一雞好入味又夠軟熟，而例牌即係半隻，通常九點半後會所剩無幾，招牌燒肉我覺得係先燒後炸，所以保持到外皮脆卜卜，肥廋比例適中，但亦非常肥膩，其他菜式求其叫都幾好食，唔駛點介紹，反而要提一提大家特價時段份量會少左；環境幾惡劣，坐著枱斯文客旁邊都還好，坐著枱豪情奔放既街坊隔離嘈到拆天都幾惡頂，嘈到連單都落唔到，餐具方面係膠碗膠匙羹配即棄木筷子，同坐多陣都腰骨痛既冇椅背圓膠櫈，地面有多少油漬，門口外面近日少左馬伕同Ｄ流鶯都叫做好Ｄ，否則熱鬧程度同入面不遑多讓，總括上同朋友黎食就ＯＫ，拍

落船後專程由尖咀搭車去食日本野，竟要話要等成個鐘先有位，大家便決定轉移陣地，同行個fd話呢度d小菜唔錯，唔駛等位我當然手舉話好啦。雖然話唔駛等，好彩早到一步，遲多步都要等，原來咁旺場。推介係燒豬腩肉，當然第一時間落單啦，真係唔錯喎，皮脆肉，肉與肉之間仲有d軟骨，好有咬口。咸魚茸肉餅-好有咸魚香味，唔算太咸，煎得好香口，雖然話係肉餅，但食晒成舊都唔覺好溜。沙拉骨-豬扒好化鬆化入味，可惜豬扒切得較薄。鐵板燒茄子-鍚紙包住原條長茄子用鐵板上夠特別，不似傳統的制法d茄子熟後變了一pat pat，我不好茄子都試了一舊。雖然晏晝時已係蒲台島食過咕嚕肉，點都要叫多次比較下質素。漿粉唔多炸得香脆，只差d甜酸汁唔太夠味，但都唔夠中午個間好食。雞煲-味道好濃，尤其是豬潤同冬菇仲好食入味雞蛋焗魚腸-魚腸雖多，但蛋味唔夠。清炒西蘭花同金銀蛋波菜都ok。另外，再叫了三煲排骨煲仔飯，飯味夠香，不過飯身較諗，不太乾爽，不過收10蚊一煲都唔好要求咁高。6個人食了9碟小菜3個煲仔飯，每人都係$8x，除了好抵食之外，食物質素仲係水準之上tim，只差在地方麻麻。p.s.蒲台島個間明記海鮮，炒d 咕嚕肉好掂，真係估唔到。

老公行完電腦商場, 10次有8次都會話來容記開飯.今次早少少到, 個燒腩水準keep到, 上湯竹魚付好好味, 好味過"魚米家"d魚付. $10的瓦煲飯不夠乾身, 冇飯焦, 但比得呢個價錢相對要求不高.

以前成日去,而且仲系9點半後特價時段,原因成日OT!據稱這裡的廚師是前菲律賓總統的御用廚師.招牌菜有燒月南仔,容記小炒王,鹽焗雞,焗魚腸,椒鹽墨魚嘴等等.而我最喜歡的是豆豉菱魚油麥菜及炸蝦餅.豆豉菱魚油麥菜簡單來說是靠罐頭豆豉菱魚的味道來放在油麥菜上,雖然如此,我仍然覺得好好味.比其他地方食到的好味.炸蝦餅則好有鮮蝦味,加埋沙律醬食,外面脆脆地,甜甜地,超正!喜歡容記的原因,還有那分同柑共苦的情感.一班人開完OT,一起食飯,一起喝啤酒,快快活活過一天.現在生意淡薄,放工都回家去......往事只能回味

以前它剛剛開業初時常常和朋友一起到\'容記\'開餐\,而當時的食物普遍水準尚算不錯,價格亦可接受.<br />後來客人越來越多本來應該是好事,但它的食物卻越來越差了,所以後期我和朋友們已經沒有\'幚親\'多年.<br />然而,在這個月初與友人行經\'深水埗\'心想很久沒有去\'容記\'了,所以便抱住\'再比多次機會你\'的心態去了.<br />要的也是它的\"招牌菜\"如:燒煵仔,小炒王,鹽焗鷄,焗魚腸...等等,但不幸地現在的水準比我們多年前最後光顧的那一次還要差.真不明白為何這類店總是這樣的流程.<br />但有一點可以肯定的是我以後不會再光顧此食店了.

老公同朋友全是大漢, 9人加埋叫了3 round , 於特價時段(9點半後)去食, 連汽水飯粥可以$8xx埋單, 我諗除了茶餐廳, 好難有人平過佢.

d沙薑雞又鞋又又硬，味道又差。燒肉d皮淋曬，唔知有乜好食。總結：又難食，又貴。

嗌左三碟餸:天下第一嘴(椒鹽墨魚嘴), 燒肉, xo將爆象拔蚌. 埋單都成$17x, 唔係好抵.天下第一嘴係好好味, 好彈牙, 不愧為招牌菜.燒肉就唔係好掂喇, 我屋企留下間燒味鋪斬的都新鮮過佢好味過佢.但容記賣成八十幾蚊蝶, 得幾件, 我屋企樓下果間賣二十蚊都多過佢喎! 都唔明點解佢話係揚名國際, 可能係粗製濫造掛!xo將爆象拔蚌好油!油得制, 冇乜xo將的味~