容記小菜王 (已易手)

等男友做完gym後, 成九點多d先黎, 驚住好似下面"激氣"朋友o甘, 坐低第一件事當然問阿姐依家係唔係有七折, 佢即刻幫我望一望鐘話"係呀, 依家有七折, 叫多d啦, 好抵食云云", 我其他野都唔諗住淨係叫左細既燒腩肉先, 我地食得七七八八, 男友發板再叫雞(沙姜?貴妃?)同蒜蓉莧菜加一碗菜乾豬骨粥.唔使多介紹, 大家食過佢地既腩肉都知肉嫩皮脆, 正!至於隻雞, 一上檯望一望d肉質已經知道唔係用雞湯"坐"熱佢, 而係用微波爐番叮, 摸一摸隻碟仲係好熱tim...算罷, 雞肉尚算還鮮嫩, 如果唔係我呢個大小姐唔食ga la...碗粥唔錯, 可以!!!是晚叫左兩支啤酒, 折實$151大洋!!!

事源:幾個朋友於九時正到容記食飯,入座時已經問清楚係咪已經優惠時段有七折,落單果個伙記話係,咁就叫野食啦.埋單$365，我地喺找錢時才發覺冇計到七折,就叫負責人黎問問.負責人話我地唔係九時後入座,冇得折,仲話我打後幾張單都係冇折,唔只我地一張單.於是搵返落單果個阿姐黎問問,個阿姐話係九點後落單,但唔知我地幾點入座喎,要以入座時間計算.咁我地當然覺得冇理由啦,明明叫野前已經問左先,而家話唔知我地幾點入座,冇得折!!負責人就咁就行開左,冇理我地,得返個阿姐晌到同我地講,叫我地唔好令佢難做.覺得我地係存心搵著數.大家理論左一陣,阿姐就發脾氣拎住七十幾蚊俾返我地(計實七折應該俾返百一蚊"),但見佢地都打左折,就打算離開.點知呢個時候,阿姐就大大聲咁咒我地嘩!!!洗唔洗咁毒呀,阿姐仲話會認住我地,佢完全冇理會過周圍既客人,大大聲同我地嘈起來.我地一路行出門口,一路仲同佢嘈,坐樓面冇著制服果幾個人跟本都冇理會過發生咩事咁,尤得我地晌到嘈.其實佢地係咪覺得呢D係小事,成日都發生,所以見怪不怪?如果我地打後果幾張單都冇折,係咪客人唔問,佢地大大隻字寫住九點後入座七折優惠就等於冇?一句唔知你幾點入座就可

同朋友晚飯，遲到關係，其他人先食，所以只食了以下幾款嘅菜式：燒腩肉：真係皮脆肉嫩又夠肉汁，必食之選．炸蝦餅：夠蝦味，彈牙，唔太肥膩，點ｄ沙律醬，正蒜蓉芥膽：無特別，ｏｋ啦鼓油王炒麵：叧一味好嘢，鼓油帶少少甜，麵炒得夠乾身，唔油，水準作重有一兩味唔記得，因為飲咗好多枝啤酒．總體嚟講，抵食好味．

老友團拜,在此相聚.十二個人叫了11個小菜.廚師保持一貫水準,火候,鑊氣皆控制恰當.其中最好食的仍然是燒腩肉-香脆可口,豉汁蒸倉魚-魚新鮮,火候好,肉滑.其它如:鐵板燒茄子,蜆芥鯪魚球,雙菇扒豆苗,西蘭花什菌,椒鹽九肚魚,魚腸焗蛋等都有水準;小炒王,上湯雲吞,燒乳鴿等中規中矩.本想叫天下第一雞,因賣晒而告吹!為避免爭埋單,出櫃找數,收銀阿姐還送紅豆椰汁糕做飯後甜品,幾好!

同兩個由外國朋友薦行,特地帶佢地黎食D地道小炒.好多年冇黎過.水準依然.而且價錢合理.招呼還可以.唯一不滿是太逼,伙記在我身後行過時總會碰到我的背.我們點了:燒肉:皮脆,肉入口即溶.肥瘦適中.不過例牌對2女1男來說太多了.小炒王:油了點,不過"九"菜很甜,炒得不老.蒜香骨:我個人較喜歡沙拉骨,因為這個太乾了.不過不太鹹,易佐酒炒蜆:夠野味.兼有很多蜆肉.上次去喜記,那碟蜆是殼多過肉的!豉油王炒蝦:賣相似蒜蓉炒蝦.不太吃到豉油味.不過不是難吃,蠻香口雖然伙記漏單(蠔巿粥),還好,因為實在吃不完上述的菜式.總數300幾蚊.建議多人吃可以試多幾款菜.下次會再去(因為有張送乳鴿的COUPON)

聽同事介紹, 去開深水步就試下. 最衰得2個人, 叫唔到好多.1. 燒腩仔- 好好味, 好脆, 食落暖暖地, 極力推介. 2個人可以叫個小. 2. 鐵板燒茄子- 當個亞姐係你面前用刀介開, 見到入面仲係熱辣辣, 食落仲好好味. d茄子入面釀住d豬肉, 有d黑椒同洋蔥配埋, 好好食.3. 鹹蛋肉餅蒸豆腐- 這個菜係後加, 但食完頭2個菜已經飽, 又係衰眼闊肚窄, 這個不太好味.

原本經過深水步的時間, 無想過食什麼, 但看見有間叫容記小菜王的菜管外貼滿明星光顧的照片, 跟住進去試一下, 當日試的有他們的招牌菜的燒肉, 別外抄多左2個小菜, 老實說燒肉味道不錯, 其它兩道小菜未道都萛過得去, 原本都想介紹朋友來光顧, 但到最後.................. 結賬時, 我們便去櫃台付款, 誰知去到櫃台準備付款之際, 有個容記菜管的伙計好不禮貌地對我們說" 邊個比你地自己行出泥, 如果要埋單就係位埋" 說話又大聲又粗俗, 跟著我一元小費都不給( 平常好少不付小費)就走, 我們想這就是待客之道嗎, 經過這樣的服務之後我以後都唔會再光顧這等態度惡劣的菜管, 如果我有朋友要去的話, 我一定強力見議他們不要光顧這服務像垃圾一樣的菜管. ( 這樣的菜管在裏面吃的就算有多美味都好, 吃完之後都會不能讓身體吸收, ( 頂住道氣) ...............所以平它為最差食管肯定沒有錯...........所我給它平分為( 0分)

夜晚要去打波，諗住早d去容記菜王可以唔駛等啦，好彩兩位都唔係等左好耐，可惜要同一班煲煙既人搭...因為得兩個人既關係，所以只係食左幾樣(呢度既碟頭都係適合一大班人黎食會開心d!!!):沙薑雞半隻:::::好正!!! d雞勁入味，好有雞味，好嫩滑，唔點任何醬汁都ok咸旦肉餅蒸嫩豆腐:::::從未食過咁滑既豆腐，滑到好似豆腐花咁，而且吸收晒d肉汁，至於肉餅蒸得剛剛好，肉質唔會"鞋"口雲耳鮮百合炒勝瓜:::::呢味就冇乜特別，普通家常下次黎一定要試呢度最出名既燒肉!!!

一行７人去食．．．都成８點．．．．都ｆｕｌｌ　晒．．好采有訂位食左燒腩....可能係第2次食....冇左第一次食果個驚訝....不過依樣好食....好快清晒...另外waiter 介紹左個鐵板醬燒茄子...好好味...佢一條茄子一邊介開左....讓左d魚肉...隔住隔住甘...加上鐵板+ 洋蔥燒汁...上檯熱辣辣...好野味佢有個超級滑豆腐....我覺得係一定要食既dishes....佢d 豆腐真係超級滑...!!你可以choose 肉碎蒸..或者蝦膠蒸...什至soya sauce蒸etc...今次食左百花超級滑豆腐(ie 蝦膠蒸)...很好!不過if like 完汁完味...簡單soya sauce 蒸就好d...不過唔好話"自己都荏蒸倒啦"....因為d 可豆腐真憬好滑...

星期日一家大細去深水步容記食飯,伙記介紹招牌菜係墨魚咀同燒腩仔,食過之後簡直不知所謂,太興d燒肉好食好多,個墨魚咀好硬,好難食,一句講哂,差到嘔!一定唔會有第二次!!要靠門口d廣告招生意!唉~~簡直係垃圾!!

名過其實啊~~~!!!聽朋友講佐好食所以去食下，點知原來這樣差，雖然唔係好貴，又待應態度不錯。但一去到環境好似大排擋都唔緊要，好食就無所謂！點知，一點有特式的小菜也沒有，個名菜墨魚咀苦的，名名說是蒸腩仔肉，打算特別些試下，點知原來是豬肉，豆腐重要硬到死。個火"南"還可以，但無特別過人之處!!~~有時一些東西出名的原因總是個迷~~!!

深水步的容記小菜王,在區內打出個名堂差不多無十年也有八年.一直與此無緣.昨夜有緣參與飯聚在容記小菜王,十二人檯,十個人都剛好坐得落,最後十五人,逼無可逼,差不多要坐大髀.小弟有幸"艋"車邊成為席上一份子,也算是緣份.整檯十五人,論資歷小弟最淺,點菜此粗重功夫,當然由我這等後輩代勞.雖然事前未來過,不過大約都知道會點什麼菜,同檯戰友,安心繼續同部NDS做朋友.人未齊先下馬威,例牌燒肉$80碟,名震港九的容記燒肉,老實講又燒得幾香脆,但絕非比外界吹到神一般級數.同真正化皮貨色比較,尚差一段距離.話雖如此,觥籌交錯之間,已忘記吃掉幾多碟.沙拉骨肉質唔夠鬆化,個汁稀過頭,比食得妙同越華會,差何止一皮.椒鹽墨魚咀,金黃香脆,墨魚咀爽口彈牙,佐酒佳品.自我澎漲,標榜之天下"第一雞",味道根本無天下第一雞之理.雞肉唔夠嫩.唔夠肥.幸尚有雞味, 算.焗魚腸,吃不出魚腸的甘香,只吃出蛋味,水準以下之作.豉椒肉根,肉質幾爽.椒鹽雞肝,吃到成口粉.雞肝唔夠甘香.這類肝臟物體,用酒煮才能將其甘香豐朕的質感完全發揮.用來炸就真係浪費.腰果肉丁,無咩甚特別,係想食下腰果才叫.算係全夜最"名貴"的菜式-- 鮑魚花膠

同男友六點去到，己經有三四一家大細o係度食緊。因為我鍾意食小菜，見到個餐牌又樣樣都想食，結果心大心細之下揀左三樣：燒腩肉（細）($38)－燒肉皮好脆！好耐無食過咁脆既皮，腩肉中間夾住層層肥肉，keep fit中既我都照食，因為咁先夠原汁原味，而且有肥肉唔膩，香口好食。雞蛋焗魚腸($30)－用金屬煲仔盛載，阿姐拎出黎時依然熱辣辣，d蛋仲滾緊。材料除左雞蛋魚腸仲有陳皮，因為有雞蛋焗既關係特別香，感覺有ｄ似煎蠔餅，不過無咁熱氣，加上我好耐無食過魚腸，所以覺得特別好味。蒜蓉炒白菜苗($40)－好大碟，夠四個人食，不過我同男友都鍾意食菜，所以好快KO。一貫小菜水準，無咩特別。我地一路食一路望下其他食客，差唔多人人都有叫燒腩肉同雞，不過我地今次食過，打算下次試下其他菜式。其實ｄ食物咁大碟最適合一大班朋友一齊食，又可以試多ｄ菜式，兩個人真係食唔到ｄ咩。而且環境又舒服過ｄ大排檔（起碼有冷氣），阿姐又有禮貌（唔似有ｄ老牌食肆ｄ惡伙計），真係唔錯。加多一碗白飯，食到飽飽出門口埋單$118。我地走時只係七點，已經全場爆滿，出門口仲見到有六、七個人等緊，睇怕下次黎食都係揀周日穩陣d…

星期日晚八點去到, 等位唔耐, 入到去不久人竟然逐漸少, 所以服務OK.點了下列菜式:1. 燒腩肉-最好食, 皮好脆, 肉唔un, 肥瘦適中2. XO醬炸銀魚芽菜-幾搶口, 夠辣3. 咕嚕肉-唔得, 拉低平均分, 唔需要點4. 醬燒釀茄子-用鍚紙包住燒, 上枱時好熱, 茄子吸收了醬汁好食, 但釀落去的豬肉就散散地5. 天下第一雞-好食,因為隻雞,煮法完全無特別6. 花膠鮑魚煲-$78有花膠有鮑魚有伊麵底, 但花膠同鮑魚都係平貨, 通常有伊麵底係吸收汁的味道, 但呢個煲的伊麵無味, 淡口唔好食7. 菜乾粥-入面仲有蠔鼓, 好好味8. 紅豆糕-老闆送, 看到牆上的雜誌推介, 其中一樣係紅豆糕,多豆,比普通酒樓的紅豆糕好食,但原價錢$38,唔送未必會叫來食

21/6(三)食完糖水之後,等齊人就過左黎食dinner3個人叫左椒鹽墨魚咀,沙拉骨,炒同埋鐵板倉魚椒鹽墨魚咀唔覺得特別出色,雖然炸得幾香口,不過濕左小小沙拉骨鬆化入味,不過d醬太"傑",食食下有d"溜"炒蜆,蜆都幾新鮮大隻,無沙,但咸左小小鐵板倉魚是鐵板上,用"碩"紙包住條倉魚,配洋蔥汁幾match,倉魚新鮮嫩滑另加2個白飯2支beer,埋單獨$27x