富來粥麵小廚

營業中

休息中

朋友推介，今日去食晚餐，一間CP值高嘅茶餐廳！我哋預早一日訂定海鮮，冰鎮蟶子很出色👍🏻 炸子雞皮脆肉嫩👍🏻 燉湯鮮甜👍🏻 一字骨好好味，但不夠鬆軟。椒鹽鮮魷，咕嚕肉，小炒王都好出色。

早兩個星期5月1號假期 需要在家工作 但係老婆放假想食早餐，所以叫老婆試吓富來的早餐 由於在家工作有突發事件，所以叫老婆先攞位叫定嘢食過咗一陣老婆打電話嚟叫我盡快落去 因為熱辣辣😂沙嗲牛啲牛肉好明顯比其他出面的牛肉厚身應該是鮮牛肉 而且牛肉份量多有驚喜多士的鬆脆啱啱好老婆，我叫咗雞扒煎蛋我哋嚇咗一跳，因為塊雞扒係出面食雞扒嘅三倍大小 😝😋其實早餐冇乜花款，但係見微知著，食得出非常用心 食得出廚房的那一團火老婆食唔晒，我都幫手食埋非常滿足順帶一提，有好多老顧客喺店舖聊天像一個小社區 不停有客人小朋友進來 又有顧客同寵物狗進來吃早餐大家都會傾偈 真係覺得氣氛非常好 如果大家去行山真係可以嚟食個靚早餐才出發 💪🏼總括而言，絕對會再嚟幫襯

見小肥近日多咗出入跑馬地，發掘咗幾間新店，似有六尺高嘅高姐姐就推介區內屹立咗十幾年嘅「富來粥麵小廚」，大讚小菜經濟得黎有水準，肥肥家族襯週末有空即舉家一試。昇平街斜坡上兩邊都係咪錶位，不過全日都泊滿車車。位於街頂嘅地舖綠色嘅招牌好易認，不難找到。小店外牆貼出該星期嘅抗疫優惠及時日精選。室內空氣流通。牆上掛出嘅靚靚素描均為跑馬地嘅街景，街坊情懷盡在不言中。散座空間感足，除咗有電視睇，投影機會不斷循環時播放出時令推介菜式。電子自助落單簡便衛生。不過場內嘅熟客似乎都係鍾意真人對話多。桌上擺有自用餐具及任用紙巾。濃湯雞煲翅（$498/份）：翅翅同雞湯好有文化地分開上，並由店主菲臘哥哥親自分配。如相所示，每份當真足八兩翅翅，四人分享剛剛好，不過五、六個人分都冇問題。以砂鍋上嘅濃湯雞熱辣辣、香噴噴，飲落香濃甜美，火喉十足，必先預訂絕對有理！每人有成兩大碗湯飲，煲湯嘅半隻雞肉相當軟腍，$498實屬抵吃足料之選。拔絲菠蘿咕嚕肉（$118）：酸甜開胃嘅咕嚕肉嘅拔絲外皮香脆，肉質亦好鬆爽。秘製鹹香雞（$128/半隻）：鎮店菜式之一嘅鹹香雞甘香幼滑，雞皮柔潤入味。富來小炒皇（$128）：招牌小炒皇爽脆惹味，

琴晚食飯，見到呢間好多人話抵食，於是去試下。去到點菜，同啲職員傾偈先發現呢間餐廳原來轉手3個月，換左老闆，但餐廳名保留一樣。叫左個菠蘿咕嚕肉同埋豉椒腐乳炒西生菜味道好味嘅，但份量少，價錢一般，無以前啲相咁大碟抵食。

跑馬地區內來來去去都是幾間茶餐廳，特別有一間好多人鍾意去，但我最鍾意這一間。他剛剛開始頂手時試過一次，覺得他手忙腳亂，煎蛋又好油。但今日想正整地，唔使同人迫同埋唔使受氣（在另一地方貼錢買難受），所以來俾多次機會。結果出乎意料地好，老闆自己坐樓面，記得佢啱啱開嘅時候，都好客氣問客人意見，我覺得佢真係有聽。除咗坐得舒服，啲通粉唔會煮過龍，湯又唔會過鹹。奶茶滑濃，湖南雞蛋香濃。見到小菜review 不錯，下次來試。

有什麼比在乾淨的環境下用吊扇帶來微風的美味早餐開始新的一天更好的了！ 盛平街的Fuloi 是一個必須選擇的地方。 他們的雞蛋都是特選的，質量上乘，加上大顆新鮮的橙黃色蛋黃！ 菜單為註重健康的人群精心設計，提供高蛋白、低脂肪的品種。 不能錯過！

裝修完整體光猛左 但我一直都係買開外賣所以冇太大影響。冇諗過裝修完 連menu都換埋。之前招牌菜沙薑雞都冇左，另外本來每日都有既例湯都取消左。另外以前好好味好香口既咕嚕肉都完全變樣，唔單止唔係用僑頭配搭，炸料厚之餘仲又淋又韌，同以前可以保持香脆既水準真係差好遠。因為冇沙薑雞叫左鹹香雞，不過不失。唯一仲幾好係個清炒菜心，來貨唔錯，菜心難得有甜味。唔知餐廳係想轉換路線定係鋪頭轉左手，但食物水準真係同以前差好遠。希望可以認真正視。

店面細小、殘舊，名字也十分普通，若非經過老饕介紹，想必不會發現此店吧。🥢富來咕嚕肉😋此店的招牌菜，必試！皮薄脆、肉多汁，炸得洽到好處，醬汁甜酸度平衡，還有蕎頭伴炒，絕對是個人在香港試過最完美的咕嚕肉，沒有之一！🥢沙薑雞😋雞肉新鮮、嫩滑，不用蘸汁就已經非常入味，配上的沙薑汁是現磨的，蘸後簡直是神來之筆，不論味道還是肉質都比之前在港島試過，朋友推介的「最佳沙薑雞」都有過之而無不及。這應該就是香港最佳沙薑雞了吧？🥢安格斯牛柳粒😋牛肉煮得非常軟腍，入口即溶，師傅竟然能把安格斯牛煮成A5和牛的口感！配上現成的甜合桃。不過伴炒的翠肉瓜有苦澀味，醬汁以及合桃搭配出來的味道不平衡，是此道菜可惜的地方。🌸雖然上述的食物都非常高質，但個人認為，來這裏就點以上推介的食物好了，小店的其他食物，以至湯、飯都屬一般或中下水平。不過竟然有大玻璃樽裝的可樂！在已經極少地方能喝到的現今來說，可謂十分驚喜！老闆也非常熱情、友善。🌸人均100hkd！以味道來說非常划算，還可以喝到大玻璃瓶裝的可樂！當然環境及服務就可以不管了。

由於上星期日重係六人限聚令所以一家六口即刻快閃去吃個晚餐我黎過好多次 疫情下重做得住 要讚一下支持一下今次寫低我哋一家最愛覺得必點之選咕嚕肉，佢入口好似吃酸甜油炸鬼甘 好好味唔用菠羅係佢地既特色我地一致俾9.5/10 自己整唔到佢甘第二個煲上南瓜芋頭雞煲 ， sorry太好食個個夾晒先記得影，個汁mix埋白飯好好味。 細路仔好arm吃有棷香味唔辣， 可以叫佢煮林少少老人家都可以吃得有營養老闆話疫情期間佢地送自己煲既五花茶（有時會轉酸梅湯，有時祝竹庶茅根）佢哋入好左一樽樽好衛生 希望佢哋可以keep going 咕嚕肉真係好好吃😍🥰😘😋

限聚令放寬少少後即約朋友食飯慶友人生日。必定要食咕。嚕。肉。忍左好耐啦今次都自行帶了少量海鮮比大廚展現身手炒大蝦碌....蒜蓉蒸蟶子...野味到呢....亦早一星期訂銅盤雞...之前有見過其他客叫..今次即管試試...不過今次大廚重手左...沙薑味偏濃....但伴白飯一流...可以原諒咕嚕肉保持一貫水準...外脆內軟..肉質鮮嫩今次再黎好開心見生意比之前好...多左外賣既客人...希望小店們可以順利過渡疫情......支持支持

追月四人限聚令之下，只可以一家四人吃簡單便飯，上網見到呢道出名咕嚕肉。於是去感覺少人D既跑馬地，但我地去到見到有3個roo roo, da da等取外賣。 其實銅鑼灣搭的士去好近。 吃飽之後一家搭叮叮出銅鑼灣隨便睇月亮。咕嚕肉真係好脆，唔係硬掘掘果D，好出色，唔怪得個店另外兩台都叫呢個菜。個汁唔會太甜同酸，不過無菠羅吃。店員話如果下次要菠羅要提早出聲，呢道特款係用喬頭。其實唔差，只係我地唔係喬頭 Fans. 呢個我覺得真係值得吃的。之前見網上有蒜蓉蒸粉絲聖子，原來要預訂，店員叫我地試下 蒜蓉蒸茄子，送飯一流，茄子好林，老人家吃都不錯。廚張茄子皮去除，感覺好滑，一口吃下唔會有渣。蒜蓉菜心正常，份量還可以。南乳炸雞，呢個雞醃得唔錯，同炸完內重有肉汁，唔係乾晒甘，如果鐘意炸野朋友可以試下呢個中式炸雞 ：）店員有提提我地，星期一只開到下午4pm，無晚市。其他時間正常07:30am-10:00pm. (大約09:30最後下單)如果去試既朋友我就唔好摸門釘

由於去開銅鑼灣，於是兩口子順便開埋架車去跑馬地。可能由於政府開放左4人限聚令，我地2個入到去剛剛好。可能星期六又落雨，見到門口有四五個人等交外賣。我地點左三個送，比上次來堂吃等得長左好多。難得疫情好左，堂吃咕嚕肉係必需。期待已久既咕嚕肉，保持水準，入口好脆同個掛汁做得好好呀，上網睇話有溝山渣汁，真係唔知屋企自己點整呀。白飯未到己吃了半碟。張相吃了左先記得影。今次試秘制雞，個汁好好味呀，問左無得只買汁，個雞要浸多一陣會入味D，不過個雞算滑，最後叫店員俾個盒得盛載個汁回家自己撈青瓜同麵。第三個送炒菜唔記得影，同一般小炒店一樣，沒太大特別，都係不過不失，夠鑊氣。

晚市，門可羅雀，是近日疫情之故。富來小廚有家常小炒，亦有生蠔蝦蟹扇貝海鮮之類。說鎮店之寶該是蕎頭咕嚕肉，每次到此是必叫之食。先來一個例湯，但卻寡淡一些，當時才六點多，湯已經不是老火了。咕嚕肉，外皮脆口，內肉軟嫩，配汁酸甜適度，最好的是剛剛一口份量，適合時下食客要求。腐乳蒸雞，很入味，看見賣相已垂涎，基本上叫一碗白飯加這碟餸已夠喉。不過，蔬菜是少不了的，海鮮雜菜煲，有兩隻大蝦，兩件班腩加幾款雜菜，很清甜。二人吃三餸，已飽肚。店舖的食物質素不差，格局設有卡位，理應飯後可多坐一會，惟裝潢卻不太討好，感覺有點昏暗，惹人納悶。

我哋之前去咗跑馬仔跑馬仔 之後就去咗呢間餐廳食🐎佢其實距離馬場有少少遠 但係值得去架😍😍😍而且佢超有誠意 係就算夜晚都會有例湯送 仲要係好飲既湯 唔係味精湯🤤🤤🤤·富來咕嚕肉 $98呢個你相都可以睇到佢係勁好食 佢個炸皮超薄 而且係勁鬆化 食落口係真係有個種一食就化嘅感覺 超鍾意😍😍😍·啫啫芥蘭煲 $68呢個超級好味啊😋佢個芥蘭係炒到啱啱好 超級送飯🤤🤤🤤·招牌炒飯 $98呢個就有少少失望啦 本身見網上面好多人推介 但係我哋嗰日食嗰個炒得唔夠乾身 冇想像中咁好食😭😭不過都係有鑊氣嘅😎·#rbyeat#rby跑馬地·📍跑馬地昇平街8號地下

都係叫番平時叫既菜式，不過由於家人喜歡吃膏蟹，於是提早五天打去留位同叫佢預備海鮮。例牌都係叫 咕老肉，啫啫生菜煲，秘制雞，同炒飯。唔洗再特別寫啦。今次不如講下隻肉餅蟹，佢地真係四左一隻約四個人份量既膏蟹。C 傅話清蒸太浪費，不如加塊肉餅再提升一下，於是由佢發板。嘩不得之了，膏蟹同D汁留晒落個肉餅，好味，同埋個蓋全部都係膏，個蓋飽滿同橙紅真係好香好有質感。肉餅吸收晒D精華，其實送白飯最好，於是叫左一個白飯 share.....鬼叫叫左炒飯，製作中，無得cancel. 呢個送真係唔錯，店員話蟹當做先會幫我地搜羅，唔鮮唔靚，司傅唔會整wor.