富來餐廳小廚 (已結業)

我同先生去食早餐嘅時候我哋叫左2個早餐有一個比錯左order 我要公仔麵但用匙羹刮起是通粉於是同佢一個女職員講佢話可能係廚房搞錯佢肯換我哋但責怪我哋撩起咗碗通粉搞到佢要揼咗啲通粉又比說話我哋聽街坊生意都唔好咁樣獨市生意唔使咁樣嘅I was order at this restaurant and the orders were wrong when it come and one of the staff exchanged to us but she were not nice said something to make us feel bad

好味，人情吃濃，可叫外賣，招呼有水準，即叫即到，無遲。價錢相宜，樣樣齊。有福有肩膀，為廚樂道，津津有味，多選擇，時常有新款，值得一試，回味無窮，地方特色，有奖項，有經驗保證，絕對非一般享受，有心人經營。绝佳之選。總之試過番尋味，越做越好，實至名歸，全赖有你，多謝光臨，感激無限，文字有限，心動不如行動，快來。

我間中都去食早餐，佢個沙爹牛面偏咸，但係就可以加5蚊配餐蛋治，幾抵食。佢杯奶茶好好飲㗎，係成個早餐嘅精髓，不過要留意，如果星期日或紅日，你食公仔面餐的話，只能食丁面，當然係加錢啦。如果鍾意食盤茶，都可以一試，料多，腩肉靚，我覺得幾好食，佢貼晒banner話食神大賽攞獎㗎

今日想叫炒粉麵茶餐，餐單寫炒粉麵茶餐至5:30完，我5:15分打去，個職員話廚房師傅要食飯，冇人炒，所以茶餐冇，我問佢係咪所有炒野都冇,佢話茶餐炒野冇,只係得水吧，但晚飯炒野又有，如果你地唔想做茶餐就唔好做。個職員態度又好惡劣。以後都唔去食野。

《富來餐廳小廚》📍屯門悅湖商場地下61-69號—————————————————🔸鹽焗雞飯 $49 凍飲+$2雞肉嫩 味道岩岩好 完全唔會好咸 份量又多 都唔錯薑蓉都整得幾好味👍🏻凍奶茶都幾滑 茶底唔錯—————————————————byT: 8/10

大大話話小弟住屯門都住左二十年，富來亦由細食到大，係度食，食物不會係最精緻，但同高級餐廳一樣，食既環境都好重要🤣。同老豆兩個人食晚飯，不禁就揀左對面富來餐廳，一個餸68蚊，見左三個。芥蘭炒臘腸-芥蘭都帶甜，可以再煮淋小小，臘腸無咩好評價。豆豉鯪魚唐蒿-菜多魚小，不過啲蒜頭幾好，菜剛剛好淋度。京都骨-好食好開胃，送飯一流，諗落呢個最掋食，肉尚算多☺️好普通既一餐同好普通既餐廳，卻不經不覺食左二十年。食既時候見到由細睇我睇到大既伙記做得好開心，成班有傾有講。舖內裝潢依舊無變，碗碟碗筷還用舊式既餐廳香港亦開始買少見少，希望自己同香港人好好珍惜😭😭

一份地道嘅港式早餐係唔少人嘅早餐之選 一間又一間望落環境唔太衛生而且擠逼嘅屋邨茶餐廳 更係一部分人嘅回憶 佢哋靠著一份有誠意美味嘅早餐留住客人嘅胃袋 今日嚟到屯門兆禧苑嘅富來茶餐廳 早餐嚟講唔算多選擇 而且價錢亦都比一般嘅茶餐廳稍稍貴 我就叫做咸牛肉三文治配沙爹牛肉米粉加好立克 $30咸三文治好快就到咗三文治師傅已經幫你切食梯形好方便死入面嘅咸牛肉亦都唔少份量亦都唔少 味道似係一般茶餐廳用落嘅咸牛肉 但係就偏咸 同埋佢冇見過食落有少少肉嘅腥味 咬咗兩啖發現原來朋友嗌咗蛋三文治所以就同佢交換一件係咪一齊食就變成蛋牛治啦哈哈哈 米粉係個湯碗入面滿滿的沙爹牛肉醬偏甜但係沙爹牛肉 似係用鬆肉粉哪個無乜牛肉味但係肉質尚算鬆散同埋比較畫 沙爹牛肉汁撈起米線食好好味呀 朋友就嗌咗個雞蛋三文治配牛奶麥皮$33牛奶麥皮嚟嚟嘅時候這這種貼心咁講話記得攪勻啲奶先好食真係好細心 麥皮甜度適中亦都好細話唔會話太過杰身容易入口

今日入屯門探朋友，黎左富來茶餐廳，中午12:30竟然有茶餐食😳😳😳，其實我10點先食完大家樂早餐，真係唔肚餓，只係想搵個位hea下，見到有茶餐，開心到暈😂😂西多士餐配飲品 $30，飲品免費轉紅豆冰或凍熱鮮奶，可能屯門區消費和生活指數低D, 好抵食。本身我唔好紅豆冰，唔想蝕底，照叫啦😂！紅豆唔夠林，西多士正常味道，朋友叫左個五寶河連飲品$46，坐左個幾鐘，抵番哂。唯獨係一入黎果陣阿叔埋黎寫野，五分鐘埋左黎三次，我地真係未唸到食乜😓 間鋪果陣時又唔full 又無人係門口等位，唔知點解阿叔咁急😛。

下午茶時段，坐在大桌吃頓下午茶。反正有點餓，吃個麻甩all day breakfast - 沙嗲牛肉麵、奄列、多士！沙嗲牛肉麵，麵條不怎麼特別，還是有點林的，但沙嗲醬夠多，使湯底染得更濃。雖然沙嗲醬瀨到碗邊盡是，但更能吃出沙嗲香，醬多而杰稠，世間難求。餐包是隨便的方形餐包，奄列不錯，火腿挺多，蛋汁流出。茶走的奶茶味道挺香濃，但不太夠熱，加入煉奶就更快涼，幸好味道不錯，醒腦提神，為其後的大戰😏注入力量💪🏿

加班加到好夜，番到屋企已經唔想煮反食，於是去了屋企附近既茶餐廳食晚飯。這家茶餐廳環境衛生環境好像越黎越差，不停有好大隻烏蠅飛黎飛去，好騷擾食客，成晚一路食反一路趕烏蠅！食物方面，其實依家茶餐廳係OK，我點了乾炒牛河，幾有鑊氣，好有豉油香味，唔太油，牛肉好嫩醃得好入味，河粉又彈口，唔會炒到碎晒，仲加入大量芽菜，口感豐富。我再點了魚鬆炒通菜，魚鬆好彈牙，外層煎到半脆，再配上腐乳醬，好惹味。整體食物味道OK，街坊價，但環境衛生差及多烏蠅係一大敗筆。

為咗同阿仔游夜水，煮唔切飯，所以就叫表姐買外賣。一返到嚟就有得食啦！ 咸魚雞粒炒飯本身剩係個炒飯都已經好好味，個飯夠味炒到乾身一粒粒，口感超正，仲要唔油咸魚 份量夠剛剛好，每啖都食到少少咸魚雞粒 肉質滑乾炒牛河淡而無味，好油，牛肉都唔太鞋口。唔落辣椒醬真係無味

AUG 27, 2009(THUR) LUNCH呀哥返工之前嚟探吓行動不便的我，帶同弟弟一齊去食咗個晏！最近呢間餐廳攪掂算喇！因為痛到唔想郁！！今日嘅快餐：$26 (凍飲 +$2)均配蘭花忌廉湯甲：日式雞扖拼煙肉飯乙：腸仔肉醬意粉丙：鮮茄炒蛋牛肉飯分別每人叫咗一款：甲：個日式雞扖煙肉飯，嚟到都知出咗事，D汁杰到用叉叉起拉高都唔會斷，黑漆漆好恐怖，味道就唔講大家都應該估到喇！真係睇見到無哂胃口！唯有潑開哂D汁 (應該係獻先啱) 食喇！好彩塊雞扖同煙肉都還可以！乙：呢個腸仔肉醬意粉都唔係幾好睇，跟一般的肉醬意粉唔係太相似，係用新鮮肉碎自己煮的，樣子不太討好，但最好食嘅已經係呢個，一條腸仔分3斷，煎得幾好味！丙：鮮茄炒蛋牛肉飯個樣最掂係佢，不過都只係得個樣，味道一般般，亦唔會覺得好食！食咗一大半有個呀姐拎咗兩個湯嚟問係咪未有湯，但只係放低兩碗，咁仲有一碗呢？問咗幾次都無人拎嚟，不過試咗唔係幾好味都無再問lu！但最終都係無嚟到！