富園海鮮飯店 (已結業)

星期日同太太去咗九龍城竹園富園海鮮飯店食飯，叫咗一個芝士焗龍蝦有伊麵底，同埋鼓油王蝦碌，又叫咗啤酒，龍蝦都好多，芝士伊麵味夠濃，豉油王蝦碌好香脆，最後食埋生果菠蘿先走。

每年生日，老公都會帶我吃『他自己』喜愛吃的海鮮餐，但因生性孤寒，所以今年選了大件夾抵食嘅竹園海鮮飯店，點了二人套餐，一如以往，每次都是將原本的波士頓龍蝦改為本地龍蝦，並且加大份量，價錢由原本的$428飆升至$990，但因沒有加壹及其他隱藏收費，價錢也算合理。二人餐的菜單包括；清蒸海上鮮(黃立倉魚)、清蒸鮑魚、蒜茸蒸貴妃蚌、白灼生蝦、牛油芝士焗龍蝦。另外，還配有油菜、白飯、甜品、生果，熱竹蔗馬蹄水和啤酒任飲，海鮮尚算新鮮，已對得起這個價錢，最值得一讚當然是牛油芝士焗龍蝦，芝士和龍蝦簡直是絶配，龍蝦肉彈牙鮮味，芝士汁香味濃郁，不用餸也可撈幾個白飯。相比起西貢、鯉魚門...等貴價高檔海鮮飯店，竹園是十分抵食。

聽屋企人講呢間都開咗好耐吓，以前好好味，講開好耐無食過又想去食吓。的確佢啲裝修同埋格局都幾舊下，完全係舊式酒樓嘅感覺，有名你叫海鮮酒家，就梗係嗌到成枱都係海鮮至啱數啦。叫咗個芝士龍蝦伊面底，龍蝦都幾大隻，但伊面比較乾身。鮑魚啱啱好每人一隻，但有啲難開。整多個薑蔥炒蟹，啲蟹就細隻咗啲。呢個蝦碌係就係份量少啲，味道都唔錯嘅。蒜蓉蒸得幾香，但係我覺得唔係咁入味。成晚最好味就係呢個賴尿蝦，炒得好香！咁除咗海鮮都叫返隻雞嚟食吓，但略嫌老咗少少。

#竹園富園海鮮飯店 (九龍城)上司升職請食飯，佢拉大隊去食竹園富園，佢話抵食。唔係我俾錢所以就評價唔到有幾抵食🤷🏻‍♀️但食物水準就有啲得有啲麻麻地。#象拔蚌刺身 新鮮爽口冇異味#芝士龍蝦伊麵 芝士汁夠濃但太過稠，食多兩口會膩！龍蝦不夠新鮮，肉質較散。#清蒸海斑不錯，火候剛好，不老。魚亦夠滑。#薑蔥炒蟹蟹仔細細仲細過手掌，無咩肉食，但鮮甜。#清蒸鮑魚懷疑鮑魚不新鮮，並不彈牙而且有小小怪味。#椒鹽賴尿蝦較油膩唔夠椒鹽味，蝦肉不夠彈牙，有點點霉。#炸子雞皮脆肉嫩，帶南乳香。#豉油王蝦蝦走油之後蝦殼變得脆脆，可以連殼食。豉油味唔會太濃，啱啱好包住蝦，蝦肉新鮮彈牙惹味。

落親九龍城十次有九次半都係食泰國菜，今次因為同事勁讚抵食又好食就去試吓一坐低未點菜橙汁，竹蔗矛根即時送到任飲仲有啤酒揀，例湯都濃郁油菜蒜蓉蒸蚌-我唔識分叫咩蚌，但鮮甜多汁粉絲索滿連埋勁多蒜蓉好滋味清蒸鮑魚-size都唔錯火候剛剛好夠熟但又唔會過火豉油皇海蝦-蝦炸得夠脆殼都食得，豉油味好香濃想叫飯食添牛油芝士龍蝦伊麵-餐只需加$30就有伊麵食，芝士汁未食過一間咁濃杰而且黏嘴龍蝦係偏細但汁真係一流一下子洗碟清蒸倉魚-倉魚好大條但過晒火肉質似擦子膠而且倉魚如果蒸我鐘意食豆豉炸子雞-皮脆上味又好唔洗點汁都有味，肉有小小鞋但唔錯冇油係碟炸得好，而且份量好大食唔晒送甜品係大菜糕，我由細到大都唔鐘意所以比較唔到總結-飲品任飲，白飯任裝，唔收加一，明碼實價，份量十足，果然同廣告寫一樣厲害

食海鮮第一時間係諗到長洲、西貢、大澳等等既地方，但係呢d地方出晒名劏人，價位好離地想平平地食餐海鮮餐，所以就黎竹園食，已經幫襯過幾次喇！二人餐有五道菜加奉送油菜、白飯、甜品、生果、橙汁、竹蔗馬蹄水，仲要免收加一，好抵食！！🦞《牛油芝士焗龍蝦》芝士汁濃稠，不過個人覺得太重牛油同埋都幾油膩。而龍蝦肉唔太新鮮，食落霉霉地，無咩鮮味，但勝在大份，整體味道正常都唔差🍤《干煎豉油皇蝦》呢個充滿豉香之餘唔會太咸👍🏻蝦殼夠脆可以直接食埋，而蝦肉都算新鮮爽口，仲有好多隻添🐚《蒜茸蒸貴妃蚌》麻麻地，粉絲太乾兼且無乜味，即使上面有蒜蓉但都欠缺左份油香，但粒貴妃蚌都夠大粒鮮甜，幾好食既🐟《清蒸生猛鮑魚》飽魚爽口彈牙，但係味道較淡，無咩鮮味，唔算大隻但有4粒🐠《清蒸海上鮮》魚蒸得太老，好乾好孩，豉油都唔夠香，好就好在無咩骨。最後送左2個甜品，不過完全無味，唔知食緊乜overall成餐既味道屬正常，但未到好味，不過呢個價錢食到呢堆野，味道未去到差，性價都算高既。

D 海鮮好新鮮 可以話係價廉物美, 環境是比較平民化一點, 但亦是勝在有點舊街坊情懷, 食得好自在輕鬆. 我地次次去都係食套餐架, 都唔駛點諗, 佢個鼓油皇蝦 6 超級好味的, 芝士龍蝦伊麵又係一絕,出面好難搵到其他能夠媲美, 真係好好味. 其他菜色味道亦都不錯的.  餐有炒菜 有條蒸倉魚, 鮑魚, 乳鴿 或半隻雞, 有扇貝.芝士龍蝦伊麵.. 甜品係大菜糕仲有橙, 多人的套餐會有炒飯.2舊水一個人, 食咁多海鮮, 好抵食, 成日滿坐爆場要訂位

好耐無去九龍城間竹園，今次去食都係咁好食。 一坐低睇餐牌， 就出去叫左個3人餐。埋單630， 我地俾齊頭700，因為呢間野係無加一的。 你睇相就係我地個餐包既海鮮， 個芝士龍蝦加30有伊麵底，每樣海鮮都新鮮，侍應們都有笑容有禮貌。總結就係星期五已經約朋友再去食！

好耐無去食海鮮，決定一班朋友再次黎到呢度食餐好。雖然地方唔算係十分之好，但勝在，質素同價錢好。黎竹園當然要食海鮮招，豐富的海鮮。坐低有湯供應，。橙汁竹庶水啤酒任飲，呢個已經相當好啦！。主菜上場有芝士龍蝦伊面，芝士龍蝦真係好正好好食！仲有，鮑魚，海蝦，蒜蓉蒸扇貝，賴尿蝦，幾乎大部分海鮮都有得食樣樣海鮮爽口彈牙，特別鼓油王大蝦，好好食。一口就可以放入口食，次次黎到一定會再食。食左咁多每人都唔使300！所以一定會再黎

今天是個比較特別的一日，滿天期待今天晚上的食飯，之前吃過一次，已經很想再次光臨。竹園是富園的前身，格局沒變，只是店名改了，今天正正有這個機會再來一嚐，順便寫下我第一篇食評留下個回憶。這間餐廳有小菜，當然海鮮是招牌菜，豐富的海鮮叫人流晒口水。坐低有湯供應，但個湯略咸，一入口已感到咸味，可能個湯落了較多燒骨比較濃，之後問侍應拎左杯熱水溝淡無甘咸。橙汁竹庶水任飲，仲有菜送。主菜上場有芝士龍蝦伊面，豆豉炒聖子，鮑魚，大海蝦，蒜蓉蒸扇貝，樣樣海鮮爽口彈牙，肉汁鮮甜，這餐很好滿足好飽。

忽然想食海鮮 平平地同男朋友去撐枱腳就去咗九龍城竹園二人海鮮餐 四百幾蚊免收加一首先係呢個芝士龍蝦伊麵底 芝士汁香濃 龍蝦又彈牙又新鮮 超好味跟住 呢個清蒸鮑魚 賣相平平 不過都係食個鮮味 一人兩隻好滿足蒜蓉粉絲蒸元貝 蒜蓉好惹味 元貝變咗配角豉油皇炒蝦 好香豉油皇味 蝦走過油好惹味 不過食多幾隻之後有點過鹹原本嘅清蒸海上鮮 加多廿蚊轉做燒乳鴿 幾入味仲有油菜 任飲橙汁 竹庶馬蹄汁 甜品生果整體黎講性價比好高 二人餐份量一定足夠有餘 呢個價錢食到咁多野 好滿意

食完飯埋單時，我點左6人餐千幾蚊，我還未來得及數下幾錢，服務員已快速搶走盤子，回我一句:散紙比伙記飲茶算啦！認真激氣，不是錢問題，是人品問題！搶錢咩……有十幾蚊散紙架！認真O哂嘴！

一家人食飯，食得開心有時比食物質素更重要。可惜在呢間餐廳食得非常不愉快。想和家人提早慶祝父親節飯，早了20分鐘去拿位，誰知被門口招待打發走，我說二十分鐘內一定人齊，可以先拿位嗎？但門口招待叫我走。一場來到，也沒要求先入坐，連想問清楚訂位也不可。轉頭20分鐘後父母都來齊，突然說無哂位，要父母等，早來不給位，遲少少來又無哂位，態度惡劣，唔憂無生意！一家打算離開，突然又職員又願意開旁邊的舖位讓人入坐，為了讓父母不要舟車勞頓，還是選擇入內吃。公平說一句，店內服務員態度還不錯，食物味道10分也有七分。不過門口的招待員真的不敢恭維，除非服務態度有改善，否則以後也不想再光顧。

服務態度差，食物一般，環境惡劣，無餐牌，廁所細又窄，你自己揀既海鮮全部唔知有幾重，只係同你講一個總數。今晚4個大人，1個小朋友，平均每人540蚊，餸有龍蝦，瀨尿蝦，油菜，龍躉仔，鮑魚。如果想去既朋友去之前就要想清楚。

食物麻麻其實都算，成餐飯最難受係臨尾上甜品係幾個用杯仔裝嘅大菜糕，我地問呀姐拎幾隻匙羹仔，好地地答我用牙簽都撩到出黎就算，無啦啦要補一句「因為係送俾你地架嗎」，所以呢？下次免費請我黎都唔會食！