富園海鮮飯店 (已結業)

台灣朋友要走，話想食芝士龍蝦，要就晒咁多人，近近地的竹園。竹園價錢合理，質素就可以接受啦。最想食芝士龍蝦，龍蝦好細細，味道係ok但就冇乜肉，伊麵底要係乾燒伊麵到轉過去。薑蔥蟹非常有驚喜，勁多蟹膏勁多蟹膏，頂晒角！味道唔錯。豉油王蝦都夠惹味，連殼吃都得！條魚都蒸得唔錯，岩岩熟晒又唔老。咁既價錢咁既質素，算好合理啦！

一行五人，叫左個五人套餐再加聖子， 套餐有乳鴒，白灼蝦，芝士龍蝦另加伊麵底，元貝，魚同鮑魚，另外有例湯，橙汁，竹蔗水都係任飲聖子同元貝兩樣都有沙，元貝最誇張 啲沙入哂肉，完全放吾入口，聖子又係洗吾乾淨有沙，真係吾知叫人點食。。 白灼蝦都算鮮甜 鮑魚仔 要自己去內臟食到好麻煩。。又吾比叉龍蝦5個人既份量同2人餐既份量好似差吾多。條魚到我地食哂野先黎，不過條魚好梅，好難食。。。

之前食過 價錢真係抵食 免加一 免開瓶 送橙汁 送金威 又有甜品今次啲野食退步哂 鮑魚有陣味豉油皇炒蝦 - 吾夠乾身，超濕同吾入味。龍蝦 - 可能醃左好耐 太咸了。。。條淡水魚啲肉超級梅，難食。。。得碟菜芯同扇貝好食。。。送既橙汁同甜品都ok。。。總括而且都係大退步。。失望

機緣巧合下,小學同學聚會選了依間餐廳,因有同學介紹依間芝士焗龍蝦好味,我地選左HK$2088.00套餐吃,芝士焗龍蝦係好味既,芝士唔會太漏,有位同學仲叫左幾碗飯送芝士汁添,我地仲叫左十枝啤酒飲,整體過程都好愉快,但當埋單後,因為當時有一枝橙汁完全無飲過,咁又費事唒啦,諗住拿走,店員立即大叫,唔俾拿走架,我心諗都算啦,俾左錢都唔屬於我既,咁都得,但佢仲要加多句,你地唔飲係你地自己蝕底ja~我即係都著著地,但都算,發火無用既,佢食物係唔錯,但如果咁既態度都覺得無問題,歡迎大家繼續去試,因令我最後激氣,因為有個女小學同學去廁所,出黎個陣佢地仲要繼續話我,話佢地都飲左咁多啤酒啦,仲好意思拿枝橙汁走,唉~~

弟弟由英國回港放暑假，不知不覺已經過了四個月，也是時候要走了，不捨的感覺當然有，但更重要的是他能懂事，不要白費爸媽的心機，幸好我家的相處文化很融洽，沒有講求太多輩份的東西，有什麼事情也可以像朋友一樣，直接拿出來談，也可以叫做打成一片。就因為這樣，我們也很珍惜大家相處的時間，所以餞行這一餐也絕對不能馬虎。

位於九龍城太子道的竹園海鮮飯店，歷史悠久，佢比較平民及大眾化，信心保証，講到食海鮮，總不能遺忘它。雖然照片中寫著富園海鮮飯店，其實跟竹園也是同一家店，大家毋須擔心。話明海鮮飯店，所以餐牌上的都以海鮮為主。二人套餐跟三至五人的套餐的餸菜大致上相同，按人頭收費，選好套餐直接跟外面的伙計落單就可以了。落單後，客人還可親自挑選水箱內的海鮮，伙計也會把生猛的海鮮撈上來！

今餐由爸爸親自落單，然後和弟弟一同去揀海鮮，雖然我沒有一起揀海鮮，但從他們口中知道在套餐內的項目可以隨意加錢升級或以不同手法烹製。

套餐內附有老火湯，味道沒有什麼特別，味精略為重手了點，只是喝了一碗充充餓壞的肚子，另外套餐包括部分免費橙汁、酸梅汁或馬蹄水，而啤酒只有獅威啤酒是免費的，其餘綠茶、汽水或其他牌子的啤酒就要額外收

是日公眾假六點鬆d入黎, 得一枱人,係到七點先坐爆...門口職員會好熱情款待你, ok啦! 入去坐環境一般飯店咁, 總算叫乾淨ge!一行5人, 就叫個5人餐, 800蚊白飯任裝橙汁竹蔗水任飯6個餸仲有油菜西瓜甜品一, 就咁睇抵到喊咁質素如何?比較老, 同埋太大棵, 女仔冇咁大個口, 又唔易咬斷白灼蝦, 稱唔上好鮮甜, ok爽口啦牛油芝士焗龍蝦, 職員不停話呢款唔多肉, 加錢果隻好多肉, 其實都唔少吖, 不過我見人地3人同我地果碟一樣咁多ge呢個係最好味, 個汁好正, 蝦肉幾鮮, 雖然可以再彈牙dd蒜茸蒸元貝, 好香好入味, 不過點解離左殼ge, 差d喎炸子雞, 佢係第二正, 個皮勁脆, 醃得香, 正清蒸飽魚, 冇咩特別評價, 三分一個手掌咁大囉清蒸海上鮮, 唔好預佢係咩靚魚, 佢呢隻都幾好味, 擬似係街市40蚊買到果隻(我唔知叫咩名)甜品冇hea你, 少可食到有放芋頭係西米之間, 好味最衰冇電視機, 想睇佔中情況嫁嘛!

今日呀媽生日，又聽佢幾星期前話想食海鮮，就帶佢去依間食，估唔到叫左個850蚊嘅餐又幾抵食。芝士龍蝦伊面大碟，芝士味好濃，龍蝦亦都足料唔係得嗰幾粒。之後再叫咗個清蒸鮑魚，鮑魚勁爽口，一啲都唔老，鮮味十足！最後食完,就個果盤。生果好新鮮，西瓜好甜

昨晚朋友生日，他提意去九龍城竹園，雖然都聽過呢間野好唔得，但壽星公開到聲，又即管去試下，所謂好唔好都一餐姐，點知食完即刻就同自己講，咁差海鮮點解仲有咁多人食，一定要爆！八條仔食飯，我去到已經開始上菜1) 白灼蝦 - 係細隻d，但都無嘜問題。2) 椒鹽瀨尿蝦 - 唔夠味，細隻無肉！ 3) 炸子雞 - 好咸！ 4) 蒜蓉粉絲蒸帶子 - 呢味就經典啦！帶子係梅，個殼係舊，好明顯係將d急凍帶子放落個舊殼到蒸！！！！ 5) 芝士焗龍蝦 - 還可以。6) 薑蔥炒蟹 - 成碟最大果隻蟹蓋都無三寸長，邊有肉食架，好心啦，養大少少先啦！ 7) 蒸鮑魚 -唔太新鮮，又係成碟最大果隻都無兩寸！ 8) 蒸魚 - 呢味係另一經典！我未試果外邊食過條魚可以咁細條，由頭度到尾應該得八寸長左右，味道我唔知，因為我見到都唔想食！！！ 最後加兩碟青菜、一碟炒飯、三橙汁、八支啤酒，成為$2100。其他環境、服務都可以。睇個價錢其實唔算貴，但食呢d肥料就唔值囉，呀蘇話齋：「嘟」左佢啦！

今次九個人選擇左呢度聚會...開頭選擇左個$1600的十人餐 , 但係呢間食店的銷售手法有問題 , 人多的話實會話十人餐裡有好多野都冇哂 , 會推您去要個$2088以上的餐 , 咁就算啦 , 咁就要個 $2088的餐 , 但問題又黎喇....$2088 的餐有個翅 , 但佢會同您講個翅唔好食的 , 加錢換第二D海鮮 , 我地就轉左聖子 , 之後又話冇蝦 , 又換左做瀨尿蝦 , 加埋補左百三蚊 , 雖然唔係話補好多 , 但佢地做生意手法好有問題...食物方面係唔差嘅 , 芝左焗龍蝦仔個芝士汁保持水準 , 其他海鮮亦好好味 , 朋友們都食好開心 , 橙汁 , 竹庶茅根 , 金威啤任飲 , 白飯任裝 , 仲有椰汁糕及橙送...對佢地食物滿意 , 只係不滿其銷售手法...因為唔係第一次係咁了...係次次都係咁...        

是日好朋友birthday, 佢又鍾意食seafood, 一行7人就約去竹園開餐!! 呢度因為係d舊式海鲜酒家, 講環境就真係唔可以話舒適, 亦唔可以同酒樓比,  而座位與座位係比較擠迫嘅,裝修就更加係無乜啦! 但呢度係勝在掋食!!   而且啤酒, 橙汁, 竹蔗水任飲。今次叫咗個餐, 再加其他食物! 真係太豐富啦, 最後仲要打包條魚 + 炒飯走!有炸子雞, 呢個朋友話係好搶手, 好快就賣晒, 好采我哋等位期間已落order, 坐底無耐見隔離枱叫都無啦。味道都ok啦, 皮炸得都鬆脆 , 而且分量都好足!椒鹽瀨尿蝦, 正呀, 隻隻都差唔多手掌咁大, , 所以係開半去抄嘅, 重點係抄得好入味!象拔蚌刺身, 好新鮮甜美呀!粉絲蒸聖子皇, 好大隻又鮮甜, 正呀!芝士龍蝦伊麵, 芝士味好香, 伊麵吸收晒d龍蝦汁, 好味道!陳皮鮑魚, 火候啱啱好, 蒸到d鲍魚仲係好柔軟吖因為食到隻手同個口都好唔得閒啦, 其實仲有白灼蝦, 清蒸大海斑, 油菜, 炒飯無影相吖!之後仲有果盤 & 泰式椰汁糕送。  

不用等位就可以入店內了~有兩個套餐一個是for 2人的 另一個是for 3人以上~之後我們點了一個 3人以上的套餐~飲品任飲有橙汁和竹庶水~ 食物又好吃~ 這店是個不錯的選擇~~

時間過得很快, 轉眼間一年又過去, 上月過了一個豐富的生日後, 今個月就來到慶另一半老爸的生日.世伯很長情, 每年生日慶祝都只會來這家飯店, 吃足廿年之久. 雖然個人來說是有點悶, 但老人家開心, 也沒所謂了.這家海鮮飯店其實以前也有吃過, 對它的印象只屬質素跟收費不成正比. 門口大大個牌寫著免收加一, 啤酒橙汁任飲, 白飯任食, 條款非常吸引人. 原來進去後才發現標著要每位收費HKD$160 (對!又調高了!) 免費的啤酒只限金威啤, 橙汁當然也不要奢望是鮮榨的了.點菜的重任當然落在長輩身上, 我們只有呆坐等食的份兒.不一會乳鴿先上來 - 紅燒石岐頂級鴿乳鴿很瘦沒什麼肉, 還好皮炸得比較脆. 不過人家這裡是主打海鮮就對此味菜不作太多的挑剔.蟹皇翅打芡頭太多了吧, 很漿的感覺. 魚翅很少又瘦弱, 幾乎找不到. 不過蟹肉幾多, 肉味濃, 算是為這羹挽回一點分數吧.牛油芝士龍蝦這款要算是比較滿意的. 芝士汁金黃色的濃稠地滿滿蓋著龍蝦跟伊面, 牛油味香加上芝士味道濃郁惹味, 低下的面條份量不多, 不算淋都幾彈牙, 主角龍蝦肉質不太肥美彈牙, 口感只屬一般. 但這味只宜淺嘗, 吃了半碗面跟2舊

尼餐生日飯真係食到背脊骨落囉~~之前見尼間野又多人食啤酒又任飲, 攞左張單張黎睇啦~點知一入去就出事了一行3人, 叫左個2人餐, 就話有最底消費每人$148,(點解單張唔show 出黎, 要入都去坐低先見到囉) 咁都算啦,入左去無為走啦,另外就叫多個炒蟹~1坐低就叫支啤酒慶一慶先啦~啤酒任飲就緊係飲晒再叫啦, 唔知果個4眼女人係未老闆娘啦, 見到我地叫佢都唔理...之後叫其他侍應攞就黑口黑面...唔想攞咁, 咁唔想比就唔好叫任飲啦,真係唔知佢地覺得幾個女仔去食好蝦d定點呀....最後都係飲左4支, 到喉唔到肺...可能唔收加1, 所以係全冇服務可言呀~點都要講下d送o既....送都算上得快...係咁2介紹下啦~蒜容開邊蝦 10隻... (偏咸)都算新鮮龍蝦 (偏咸)都淡淡肉既炒菜 一般生菜菜心炒埋1碟蒸扇貝 4隻 (超韌)比較細粒魚 一般普通黃花魚果類...都尚算新鮮炒蟹 尼個係另外叫o既...價錢同個餐差唔多要$240, 但煮出黎又少又無膏唔明點解好似唔多新鮮咁....個餐話就話有甜品, 叫佢比埋甜品時, 竟然話無晒....尼間咩黎ka....無晒唔係應該一早同人講

已聽竹園呢個大名好多次...都未有機會一嘗!! 一行三位大食美女,準時7點入座,未見有人排隊,可能係閒日關係啦!!嗌了1個3人套餐, 份量好平均,唔洗打大架, 仲奉送1樽橙汁,生果,甜點~碟碟都大,價錢又平,上菜又快,雖然座位較迫,但都可以接受!!侍應姨姨知張台細,不停為我地停殼,雖然勤力,但有點覺得阻住我地3個大食女人傾計...瀨尿蝦: 10個正,好夠獲氣,熱辣辣...倉魚: 5個正,一般水準(可能我麻麻地魚)本地龍蝦(芝士,伊面底): 9.5個正....好濃芝士味,龍蝦啖啖肉!! 手指d汁都啜埋鮑魚仔: 每人2隻,都ok,係難拆肉去腸聖魚皇: 1人1隻, 爽口, 唯獨係豉椒蒸的汁有d咸,cover左聖子應有鮮味扇貝: 好香,大大隻,啖啖肉!白灼蝦: 正,中型size,唔係細細仔,肉質彈牙,鮮甜, 無食到有梅肉!

週三(1月11日)與親友們一行12人去竹園食團年飯.7點半入座, 在樓下先點菜, 聽落單阿姐的建議, 選了最貴的套餐, HKD2488, 有魚翅, 有蒸鮑魚, 有蒸斑, 有龍蝦等等.用餐的樓層是3樓, 環境狹窄, 不夠8點已全層滿座.等到8點20分左右, 終於上第一道菜, 是兩碟烚青菜: 芥蘭+菜心, 清清的, 當是開胃小菜.接著是一條蒸青斑, 份量十分小, 像是桂花魚那樣大小, 肉質十分"鞋", 好明顯是蒸過火了;大大盤的芝士焗龍蝦伊面底, 應該是幾隻小龍蝦開邊, 十分普通;炸瀨尿蝦, 肉質ok, 我認為是全晚最好的菜式.跟著的是薑葱炒蟹, 此菜是十分失敗, 用的是細細隻的奄仔蟹, 在鑊裏炒得太久, 上桌時已是一餅一餅夾雜蟹殼碎, 十分乾, 我已十分仔細的去剝殼, 但完全食不到蟹肉.再上的是蒸元貝, 鮑魚, 淡而無味...所謂的蟹王雞絲翅, 只是一煲雜錦翅, 十分稀...等了很久, 一道豉油皇炸蝦一直未上, 我們便追傳菜的大叔, 他就說"廚房垮了, 不要追了", 我們覺得奇怪, 便打算落樓下問問是否可取消此菜.然後, 有一個染金髮的男人, 問我們發生甚麼事, 我們跟他講還欠一個菜,