富城火鍋海鮮酒家

營業中

休息中

未係依間野食過，見有任食就諗住試下。雞煲得辣或酒雞煲，有小朋友就叫酒雞煲，個酒係另上既，可以唔落。 有個計時比你，2分鐘開蓋自己炒4轉就食。服務員會講，服務都ok. 係滑，好好食。食完雞煲就上花膠雞湯，都足料。跟著上火鍋，個湯會放一邊唔收起。海鮮擇左煮好上，有粉絲底，好抵食。粉絲只食少少，食得多就火煱應該食唔到。冇落鼓油，我自己去醬油區攞左自己落。早知就早d叫上火煱，因為仔仔唔飲個湯就係等火鍋。豬好食過牛，其實食完雞煲同飲完個湯再加個海鮮盆我都飽了。火煱只攞左左牛百業同菜食。 牛百業個樣一般但好爽，係好食。有食菜，不過菜就唔新鮮。屋企人就都食左牛同豬，豬食得多過牛。另外有烏冬出前一丁，打邊爐食物款唔多，不過我都食飽了都食唔到咁多。飲品都幾多款，有前菜，就都係辣既不過我覺得好食。醬油就自己自助。雪糕就係牛奶公司，有4隻味。想黎食之前open rice 冇 任食 comment, 上黎寫下比大家參考。

食物出菜慢，等半个钟唔催唔来，我食不到四百就面黑，埋单时前面有个人单有问题，等下冇问题，点知仲比人打尖，个收银仲想收，我发烂渣先比我先，其实就得我一个，仲有，佢只收现金同转数快，八達通機长期壞，唔可以碌卡，最近仲搞个自助，千万唔好试，老人家唔好去，条楼梯钭到后生仔都顶唔顺，自助餐D野见到都顶唔顺，尤其生意好差，D野唔生鲜，之前D老员工基本上换晒，其实难怪生意咁差同点解咁多人返大陸消费，你睇到几个男经理完全唔理叫特价菜就走开，二个人食360蚊虽然小D，我妈80多岁了

揸車去到黃大仙又差不多到晚飯時間記得上次喺附近試過一間服務唔錯嘅洒樓而咁啱又搵到位泊車就真係天意想我去幫襯一次入到去由侍應帶位，坐窗邊叫咗壺普洱睇睇餐牌，點咗幾個餸菠蘿生炒骨舊舊都係肉，唔會話用骨扮肉燒汁薯仔一口牛牛肉好香，薯仔炸過好脆啫啫通菜煲上菜時個煲仲熱，通菜蝦米好足料豆豉鯪魚油麥菜鯪魚同埋油麥菜都好generous另外佢有個晚巿優惠兩位以上可以每位以$6.8 有一隻乳鴿再叫多三碗白飯埋單加埋茶介加一 合共$582呢個價錢都好合理侍應態度親切，唔會黑口黑面酒樓地方整潔上菜時會將餸菜放枱中央而唔係茶餐廳咁放枱邊玩推銀機會再幫襯

星期日夜晚揸住車去到黃大仙附近好多餐廳就算有位就係搵唔到位泊車揸到上山腰，去到富城酒家附近咁啱見到有位泊車就不如試下呢間一行四人上去酒樓地方唔算大但有唔少吉枱睇下個menu, 選擇又唔算多不過價錢都合理唔係份量味道如何就姑且試一次啦一坐低，侍應就問飲咩茶仲有滾水同埋兜俾我哋洗碗洗筷子落單點咗幾個餸$98 黃金海鮮炒飯個飯就正常發揮，海鮮就淨係得蝦粒$98 啫啫通菜煲有蝦米，薑，肉碎，炒得好香$88 豆豉鯪魚油麥菜豆豉鯪魚都落得好 generous $148 䓤油霸皇雞正常發揮啦$148 燒汁香薯一口牛薯仔炸過，牛肉舊舊都係肉仲有晚巿優惠 $10 菠蘿生炒骨生炒骨舊舊都有肉，唔會全部都係得骨六碟餸加埋$590加埋一同埋茶介，埋單 $693用餐全程侍應態度好好好多要求，例如加水，收碟，要額外碗碟同埋薑蓉，都有求必應而且侍應上菜時，少有係會放枱中央，而唔係放枱邊好似玩推銀機咁如果以當晚嘅服務，食物質素，呢個價錢真心抵俾始終有服務嘅酒樓買少見少係衰在地理位置隔涉會繼續幫襯

🦞龍蝦伊麵龍蝦嘅鮮味好突出，呢隻係澳洲嘅龍蝦，同埋柔軟嘅伊麵配搭，好好食。麵條嘅口感好好，煮嘅啱啱好，唔會太軟或太硬。湯汁都好好食，鮮甜可口。🧜🏻豉汁蒸鱔鱔魚嘅肉質好細嫩，口感好好，而且蒸嘅啱啱好，唔會太生或太老。豉汁嘅味道都好好，鮮味十足，但唔會太鹹。 🦆紅燒乳鴿乳鴿嘅肉質好嫩，口感好好，而且紅燒嘅醬汁好入味，有濃郁嘅香味。整道菜嘅味道好平衡，唔會太濃或太淡。🥦西蘭花炒帶子帶子嘅肉質好鮮嫩，口感好好，而且炒嘅啱啱好，唔會太生或太老。西蘭花都炒得啱啱好，保持住佢嘅脆爽口感。

今日（7/12/2021）一點多嚟到這食店，已有下午茶。原來下午茶時間由下午一點半至三點半。食店在二樓，無𨋢 無升降機 ，只得樓梯行上去，對於長者就唔係幾方便。下午茶點心選擇都幾多，價錢都便宜。點了一個孖寶，金珠咸水角，有4隻，抵，上枱時剛炸起，皮較厚，餡料唔多。蟹籽燒賣，上枱時只得三粒，問侍應得知，平時4粒，下午茶就3粒，足料，好食。另點了乾炒牛河，以$30來講，超大碟，好多片牛肉，炒得乾身，唔油。鮮蝦炸雲吞，好脆口埋單$92，抵。

去黃大仙食晚餐涼涼地打下邊爐但這條街的選擇不太多見到有間「火鍋海鮮酒家」，以為好pro 打邊爐就入去.原本expect 有任食火鍋，但無Is fine then 先叫雞煲後打邊爐.雞煲味道不錯，夠惹味，但好似雞肉不多之後轉打邊爐，有少少surprise 只是加水而不是湯好在雞煲醬料夠，打邊爐都好夠味.不過火鍋配料就不是太多選擇肥牛算叫抵食$68有6片，都大片而且不是薄身的，叫了2份.出前一丁一份是2包，wow我食不完，直接拿走一包，是餐廳專用版haha.人不多，好靜，今期市道，當然要支持中小企

入到去成間餐廳都係無人，拍烏蠅一樣。啲野食唔太好食，地方唔太乾淨，同位置唔太易搵，由黃大仙地鐵站行過去，都要成差唔多半個鐘。粟米魚肚湯算係不過不失，啫啫雞比較咸，清蒸黃花魚既魚肉唔太新鮮。我地叫左家常便飯4餸一湯套餐，上湯美國龍蝦，龍蝦肉唔算話好新鮮。總括嚟講，算係一般

飲餐早茶可以飲到一肚子氣，想不到今時今日香港仲有咁差既食肆存在，至少俾待應大聲喝罵都是第一次。當朝叫了只四樣點心，包括一個煎茄子，炸菜肉片飯，綿花雞同綾魚球，其中三樣大概等了二十五至三十分鐘，綿花雞好好味，足料，飯一般，畢竟這個價錢不能要求什麼，綾魚球味道口感一般，唯獨是煎茄子一直沒有來，追了單，一直被待應叫我地等多陣，可是已等了一個小時十分鐘，我心想可能漏單了，我就決定不等了直接埋單。行到收銀櫃埋單時，收銀員竟喝罵我叫我等多陣，話我一陣都等唔到？。。。我呆了，站在收銀櫃旁的女部長附和加入罵我麻煩。。。我當刻真的好憤怒，我說等了一個鐘有多，我等唔到要走了，佢竟然勁晦氣面黑黑叫我 走走走 走飽佢 等一陣都等唔到 以後咪鬼黎，我同佢理論，佢兩個又大聲罵番我轉頭。呢間嘢，可一不可再。

一家大細去咗黃大仙呢間舊式茶樓飲茶,本身好期待感覺幾特別,但坐低好耐都無人理我哋,連點心卡都冇,問樓面d姐姐同黑色衫鄉音阿姐好耐都係好唔耐煩咁ignore我哋.....三催四請後先成功落到單有嘢食,可惜未食嘢已食咗一肚氣,其實啲嘢食雖然等得耐但係都不過不失,比較油,味道可以,可惜.....碟邊有條頭髮,不過算啦係碟邊就,費事投訴完加料俾我,因為樓面啲阿姐阿叔個樣都幾惡最恐怖係用餐嘅同時,我帶住兩個小朋友,樓面姐姐,鄉音阿姐阿叔同櫃檯既姐姐不停講粗口聊天,我當堂打咗個突,啲粗口橫飛流利到呢,仲要好大聲傾得好興奮,我心諗食完快啲走,唔係我兩個細路聽到學咗就慘啦,食完後埋單時櫃面阿姐都係西口西面叫我等下先,因為佢睇緊手機好忙🤦🏻‍♀️仲有去呢間酒樓食嘢要有心理準備,佢個洗手間係超級污糟,個女廁兩格都係濕晒,連沖水個位,廁所四面牆,地下都係濕立立,帶小朋友同老人家黎飲茶要三思同小心而對於我就冇下次啦,去過最惡劣態度同最惡劣衛生嘅食肆

今日同個朋友一齊行街 ，一路都是下雨，於是搵間酒樓去飲茶，黃大仙鳳凰新村，一條橫街裏面有間富城酒樓，喺2樓嚟㗎，位置唔係好起眼，因為在小路的街尾。但係上到去，覺得係好有人情味好的街坊酒樓 ，好多人跟嗰啲侍應都係好相熟， 價錢都好優惠 ，我跟朋友叫咗個 皮蛋豬骨粥、 幾個孖寶點心。誰知有意外驚喜喎 !嗰碗粥好好味、好綿，有一種媽媽以前煲嘅粥嘅感覺，味道恰到好處 。我好耐冇食過咁好味嘅粥皮蛋粥 。點心亦都好夠熱呀!令人覺得係好好味和好舒服。

四人同行一人免費任飲任食，在黃大仙鳳凰村公園仔隔離富城酒家。初時以為好低食，叫第一輪order嚟唔齊，第二輪來兩碟菜, 之後都唔記得有冇來到第三輪！同個侍應講D嘢冇嚟，佢叫我地再寫字order，寫咗好幾張紙都係唔再嚟食物，又話任食其實「限食」！其實最嬲係叫極個侍應話比佢聽有啲嘢由頭到尾都冇嚟過，佢竟然又叫我地再寫紙，根本再寫都唔會再嚟😡😡😡😡😡😡😡啲服務態度又差，簡直係冇服務，佢哋當啲客傻嘅！仲有D牛肉肥到呢⋯⋯

聽朋友介紹話佢嘅點心唔錯款式又多,所以專程嚟睇睇。係地下大門口望入去外貌(不同凡響),一般酒樓都係燈光火著金碧光煌,但係依間野光線唔多足夠。原來再要上樓梯行多一層去二樓,見到茶客又唔少喎自己搵到靠窗邊有二人位坐底等咗五分鐘都無伙記得閒理你。不過佢哋真係(踢晒腳),得兩三個人大概要招呼三十幾檯茶客結果攪到要自己行去水吧攞水兜熱水洗茶杯碗碟再行去同一個女企堂講請佢開壺普洱茶。之後就揀咗幾款點心再攞埋收銀柜面放落入單果個膠兜度依種經驗起碼已經無做十幾年喇不過食落啲點心味道果然👌首先原隻蝦餃$5.8/2隻,都交到貨嘅。羅漢齋腸粉$10.8好啱好味綠茶香芋餅$16.8好有新鮮感,淡淡嘅綠茶味道之後有芋蓉嘅香味生煎包都OK,熱燙燙。潮州靚粉菓係最唔掂嘅,大件得嚟無乜味道本來已經食到飽到上心口,但係男部長又攞咗碟銀蘿脆腸粉$20.8嚟,當然同佢講無叫到喇。不過佢話好正㗎雖然攪錯咗但即管試吓喇。入口果然唔錯一般酒樓只會做到 將油條捲入腸粉裡面,但係佢居然再可以係油條裡面放入熱燙燙嘅蘿蔔絲。好得依一餐兩人超額咁食,埋單$115。

琴晚突然想打邊爐，立即搵下周圍邊道有任食邊爐，搵左一輪成9點半先搵到富城。其實都唔知係邊打去問左有任食即刻出發。位置係有的格涉，環境亦唔好有太多想像，一般舊式酒樓，樓底仲頗矮。不過重點係食物：久違了新鮮的魚片，真.墨魚丸，醉雞窩隻雞頗新鮮，餃子料足好味...仲有樂天cream milk，芒果汁。一般任食邊爐都係比的差到爆同唔新鮮既食材，但係富成真係有良心既酒樓，連任食邊爐既料都唔求其。Btw的樓面姐姐超好人，今時今日真係好難得，其他地方你叫佢多兩次都黑你面。唉，希望佢地做得住，唔好比的大集團頂死啦。

一大一細兩個女人仔去打邊爐，夾硬話仲有個爸爸寫多一個人，啲食物冇一樣新鮮，蝦一人限一只，花胗冇供應，點左分油麥菜，中間已經襖到爛曬，叫巨來睇，巨拎走就算，仲要冇換返份新鮮既比你真系極品到第一次見。真系超級難食。