富家粵菜 (已結業)

食咗餐家常便飯。值得一提荷葉飯和椒鹽鮮魷。全部即叫即煮。很少荷葉飯比足料煮，食過其他餐廳都係好求其，呢間唔錯。椒鹽鮮魷都炸得好好食好香口。一般餐廳都炸的好硬，但呢間炸得好香脆，好軟好易咬，都適合老人家食。

平時很少會打食評但都忍不住手要讚一讚這家已經食過幾次真的非常美味（不是打手）比大多數茶樓味道好每次來都一定會吃錫紙包雞 雖然這個茶式等的時間較長 但很值得（希望可以一直保持這個水準）其他的食物，如蒜蓉粉絲蒸魚!? （名字忘了）也是值得推介的最重要的是 甜品!!!蛋白杏仁茶 真的真的非常美味 有時候同事吃不下 我也可以代勞 飲兩碗絕對都不會膩P.S. 相片影得不太好 但真的好美味 可以一試

一般黎講, 2個人去食中菜真係有d難度, 因為好難叫餸, 叫得多又食唔哂, 叫得少又好似好少選擇, 不過今次朋友仔話同我試下呢間~~~富家粵菜,聽聞係阿一個徒弟開架噃...去試下囉 (笑)。去到見到牆上真係有阿一個嘜頭 xdddd呢到2個人食既好處就係可以咁樣叫餸...哈哈 ! 蒜蓉粉絲蒸扇貝, 一人一隻...嘩, 好多粉絲啊, 好中意啊 ! d粉絲吸哂d蒜同湯汁, 好鬼好味, 隻帶子都幾新鮮啊, 唔錯啊 !陳皮香酥骨好似都幾出名架, 一放上檯...咦...咁乾既... >< 點知一咬入去係另一回事, 入面絕對係juicy, 一層肥一層瘦,炸得岩岩好, 仲有好香既陳皮味, ok喎 !頭抽陳醋煎大花蝦, 拿...隻蝦比我想像中細隻啊 ! 大隻d好啊 (大爆爆爆), 個汁真係做得幾好, 冇話d醋酸到刺喉刺鼻, 有少少甜中和頭抽既咸味, 蝦肉夠彈牙結實, 個頭仲有膏添, 大隻d 好d 囉xddd花膠燉北菇湯, 有少少甘甘地, 又似有DD苦澀, 不過飲得出佢冇味精, 個菇好厚好有肉, 花膠份量唔太多, 你問我既話, 我麻麻地中意呢個湯啦。香煎馬友咸魚配白飯一流, 其實我唔知點解

多數做節都係夜晚食, 但人多始終難約齊人, 所以今年選擇lunch做節~~佢呢度係hotel的1樓, 地方唔算顯眼, 我諗多數都係有熟人帶先識嚟呢度, 而我都唔例外~~ 雖然佢係開12點, 但我地早咗到, 都招呼我地入去坐住等, 仲可以食住d頭盤先tim~~ 頭盤 叉燒 : 個樣瘦得可憐, 仲以為會好un, 但食落先知好林, 真係估佢唔到, d叉燒汁就冇出面燒臘店果d咁甜, 淡淡地, 但唔夠玫瑰露的香味~~ 牛鍵 : 係鹵水的, 切得超薄, 可以透光, 但都好入味 鴨舌 : 又係鹵水, 唔會炆到好林好爛, 而係啱啱好, 但可惜唔算太入味 主菜 翅湯 : 唔記得叫咩名, 但都好多翅, 雖然唔係一大梳果d, 但都好足料, 而且又唔似果d豆粉芡咁杰身 鮑汁扣鵝掌 : 雖然成煲都係得鵝掌同埋鮑汁, 但都夠你送飯, d汁就算凍咗都唔會一pet嘢或者變成啫喱, 即係代表佢冇落好勁的豆粉芡 陳皮骨 : 睇落黑忟忟唔吸引, 以為普通炸排骨, 但食落原來好香陳皮味, 好香呀~~ 上湯小棠菜 : 用咗細細棵果隻小棠菜, 用上湯浸熟, 好清甜呀~~ 蒸頭腩 : 蒸得啱啱好, 但可惜唔夠豉

公司春茗，有同事提議到富家粵菜，似是私房菜。提到私房菜，同事認為自己訂菜單應比餐廳的套餐花算及美味，所以讓曾光顧的同事發揮。辣蟹雖然很辣, 但非常美味, 很多時這類重味道的, 或多或少會用比較不新鮮的蟹, 但這碟, 我仍吃到蟹的鮮味同樣地, 用作做炸物, 有機會是不新鮮的食材, 但這炸蠔, 外脆內鮮超級推介香酥骨, 原本打算只叫陳皮香酥骨, 餐廳建議叫兩味, 還提醒我們先吃炸後吃陳皮,陳皮做法非常香口和入味可能吃了以上重口味/香口餸菜, 一見到有菜, 大家都爭著吃, 這豆苗是正常瑤柱扒豆苗羊腩煲的羊沒有騷味, 成個煲有很多配料牛粒鬆軟好入口, 一口一粒, 很容易不知不覺吃多了可能以上的太精彩, 炸子雞雖然美味, 但沒有驚喜蛋白粉絲炒紹菜莖, 紹菜莖炒得很"林", 粉絲很入味吃飯後無聊看看餐牌才發現套餐比我們自訂菜單平一半有多.....誰說私房菜自己訂菜單比較花算?另外, 餐廳的酒水很貴, 但反而免開瓶費, 我們直接帶幾支香檳去飲扺過飲餐廳的酒水最後要讚讚服務員服務態度很好, 還主動送上甜品. 餐廳環境不錯, 我們坐得很舒服

上次試過個lunch都唔錯, 今次試下個dinner~~ 蜜瓜湯咪以為會甜, 其實都係鹹, 而且唔講你係飲唔出係蜜瓜, 因為同木瓜係差不多味, 好飲, 夠潤~ 蒸茸粉絲蒸聖子 好大隻聖子呀~~ 除咗聖子要夠新鮮, d豉油一定要甜甜地, 粉絲又要夠林, 唔好蒸乾, 佢呢度係完全做到perfect 鮑汁扣鵝掌上次食過係只有鮑汁+鵝掌, 今次終於有返條菜伴下碟, 但今次d鵝掌好似冇上次咁林 陳皮骨係雙拼, 有正常同加咗欖角去炒, 兩者味道都唔錯, 但個個都話欖角果個好食d, 因為有少少汁包番住, 同埋甜甜地, 似話梅味 蒜茸炒芥蘭芥蘭太林, 唔似生炒, 似係出過水, 出得耐咗, 所以偏林, 但啱老人家食 上湯浸白菜仔清清地, 唔錯 蒸魚翅唔知係咩魚的魚翅, 但個皮好厚, 好膠質, 夠哂補, 佢仲有d炸豆腐, 冬菇絲, 正~ 頭抽雞原來係用新鮮雞, 但又食唔出wor~~ 因為雞味唔算重, 可能比佢d頭抽味蓋過, 今次做得唔夠滑, 老咗少少, 所以有dd鞋 花雕蛋白蒸蟹好勁花雕味, 蛋白又夠滑, 隻蟹又夠大隻, 但洗得唔係太乾深, 個鉗有沙~~ 臘味糯米飯好香臘味味, 糯米飯又唔會太硬身, 又有

（注意：好多相都係食左Ｄ先記得影相。）當灣仔人家仲係灣仔道嘅時候，頭一次食陳皮香酥骨簡直係一吃難忘，陳皮嘅幽香入晒Ｄ排骨度，令人拍案叫絕。仲有鹽焗雞，係我個奄尖爹哋罕有叫好之作。之後再去過幾次，但係正如其他私房菜一樣，相同菜式食多幾次就會悶。後來想再去發覺已經結業，失去聯絡。最近朋友請吃飯，先發覺原來搬左黎呢度，改左名叫“富家粵菜”。中秋節同爺爺嫲嫲做節，就揀左黎呢度食。因為要就埋其他屋企人，所以早左一日做節。11大3細叫左個十人餐，有勝瓜魚尾湯（本來係蜜瓜螺頭雞湯，因為屋企人感冒，所以改左），鮑汁鵝掌生菜，招牌頭抽浸雞，陳皮香酥骨，燒焗法國鴨胸，生煎蓮藕餅，古法炆柚皮，生炆龍躉斑翅，魚湯灼浸時蔬，鮑汁炆玉米麵，蛋白杏仁茶。另外加左咕嚕肉同生炒糯米飯。勝瓜魚尾湯：有驚喜，勝瓜加埋一種不知名菇嘅香味，令到個湯好清香，正。鮑汁鵝掌生菜：得十隻唔夠分，客戶經理簡小姐好體貼咁攞左兩碟鮑汁撈玻璃生菜俾工人姐姐。鵝掌好冧好入味，剩番Ｄ鮑汁我攞左黎撈白飯，唔好嘥。招牌頭抽浸雞：因為感冒唔敢食，但係屋企人話好得。陳皮香酥骨：反而好失望，雖然肉質唔錯，但係陳皮味完全欠奉。燒焗法國鴨胸：嫩滑，食神嫲嫲話覺

米院友打o黎話今晚佢地上山下海之後會去銅鑼灣食飯~呵呵.........想去........不過當時有客係度同佢研究緊d相,,,,個客人走啦........ 快快拉閘放狗~ 米院友教我坐112過海巴士過海後第一個站落車,,,,對面有一間酒店.1樓有一間叫做富家 o既私房菜我去到, 佢地11個人已經食緊前菜,,,,所以我影唔到相.佢地好似叫o左好多樣餸.招牌頭抽浸雞 (好滑好好味) 蝦子古法柚皮 (老媽都有整, 所以冇乜驚喜) 香煎金蠔 (好似蠔屎, 唔硬好味)燒汁炆牛尾.....(正到唔夠食,要叫多一碟.)頭抽浸雞腎(腎好爽口)清蒸龍躉斑翅 (唔知有冇記錯名,,,,肉好嫩滑)秘製欖角陳皮骨 (好入味)碟碟都正,,,,呢碟應該係........鮮蟹肉焗蟹蓋,,,,有蛋白塾底,,,,正到嘔. 超大隻~肥仔o既拿手小菜.......炒苦瓜,,,我都學到7,8成o架.........不過呢碟"""""""""""苦盡甘來(涼瓜杬菜炒肉崧)"""""""""""仲正......好想成碟食曬佢 呢碟都正o架........個名超長......蛋白蝦子瑤柱粉絲炒紹菜莖....招牌砂鍋炒飯...

自己不是寫開評語的人，但吃過這裡後，不得不把是次經歷給一眾食客分享。是次一行八人。一走進去，是一間除了髹檣外便沒有裝修的狹小單位，放置了數張家用餐桌的地方。我們坐下久久也在汗流，便問經理可否調大一點冷氣。經理走到我的朋友，給他一個冷氣遙控叫我們自行調控。當然我們沒有所謂，只是有點瞠突罷了。點菜，兩頁紙餐牌，有一頁半是套餐，只有半頁是散點。再看價錢，例湯25元一位(西餐廳西湯碗大小)，走地雞400元一隻，豉油雞250元一隻，梅菜扣肉148元八件... 味道不見突出，亦沒有賣相可言。豉油雞就真的只有雞一隻再放上豉油於碟，就是如此。經理也推介梅菜扣肉，還忠告我們他們用的扣肉比其他餐廳肥，會很好吃。但其實不外如是。沒有比別家的肥，更沒有別家的來得入味，更莫論欠了別家入口即溶的扣肉應有感覺。從Open Rice得知用Citibank信用卡結賬可有免費杏仁茶，但經理卻說我們沒有訂台說明會用Citibank來結賬所以不能送。但當我們反問為何我們訂台時沒有堤醒我們時，經理卻支吾矣對。轉頭回來又跟我們說只可以送四碗，其他四碗要以每碗30元購買。我們卻發現套餐中，也有「奉送杏仁茶」，未知是否又要訂台時說明

近期做左富家既常客, 舉凡公司內部食飯或對外請客, 都嚟幫襯富家!!!講真, 唔係有人介紹, 真係唔會識得搵呢個地方, 地點有d 隔”zip” 加上唔係地面店, 要上一樓 ~~~所以都係做熟客仔既生意居多.雖然環境裝修好普通, 不過都算”企企理理” , 不過佢d餸真係幾好味, 加上價錢都算公道.近期熱點order 既餸係鵝肝醬釀海參 , 90蚊一條 (個長度約中指再長少少度), 介乎爽同諗之間, 好有口感.而我自己最喜歡係佢個頭抽豉油雞 (好似係咁既名), d 雞好滑, 味道較得啱啱好, 重點推介.而魚方面, 我地上次order 蒸魚云, 因為佢地好近街市, 所以係即刻落去買返嚟整架, 包保新鮮, 而且好大碟 (有次去富豪食蒸魚云, 個size 得富家既一半, 因為佢斬頭斬尾, 斬得方方正正, 排得是是正正, 好靚, 但係四個人食, 一人二件都無……. 其實魚頭原隻斬件蒸先至夠原味嘛)仲有好多餸, 好似牛肉炒飯, 羊腩煲, 味道都相當唔錯 ~~~ 值得去!!! 呢間店既師博其實係楊貫一既徒弟嚟架, 食物一定有水準.

富家粵菜位於Butterfly On Morrison Hotel一樓, 門面極不起眼, 餐館內亦沒有豪華裝修, 客人亦不多. 當晚我與一位友人點了價值每位$220的套餐, 菜色包括:蜜瓜螺頭雞湯: 味道鮮甜, 沒有感到味精, 似在喝屋企靚湯.鮑汁鵝掌生菜: 鵝掌被鮑汁炆得非常軟身入味, 生菜新鮮爽口.生炆龍躉班翅: 龍躉班翅肉質嫩滑, 芡汁伴配菜炆豆腐亦非常美咪.陳皮香酥骨: 此菜色賣相非常簡單, 沒有任何伴菜點綴, 亦沒有芡汁, 但咬一口便即感受到陳皮的香味, 排骨亦非常爽口, 完全不肥膩.燒焗法國鴨胸: 與陳皮香酥骨一樣, 沒有點綴沒有芡汁, 很平實的賣相, 薄薄的一片片鴨胸, 看起來很乾身, 但放入口便覺得不需要點任何醬汁已很夠味, 肉身亦不會有乾蒸蒸的感覺.濃湯浸菜膽: 很有住家菜的感覺, 白菜被濃湯泡的很軟身, 很入味.生磨蛋白杏仁茶: 淡淡的杏仁香.椰香相思凍: 不會太甜的飯後甜品.因為當晚沒有帶DC在身, 所以很抱歉未能提供食物相片!最後, 我會以'禾桿冚珍珠'來形容這間菜館, 外表平凡, 但卻很有內函. 事後在網上搜尋資料, 原來菜館負責人李先生曾任職於'阿一鮑