富山和食料理屋 (已結業)

事隔十年重遊富山，餐牌都是大同小異，食物質素有所提升喎，可喜可賀啦 ﹗隔離檯三條村民食到拍檯，阿爸阿媽加隻染金髮帶眼鏡胖虎。漏單遲上菜鬼殺咁嘈，要投訴就出去 cashier，勁滋擾呀﹗影響我心情。現時係我心目中大埔日本料理排名表，鮨一、旭川、御和亭、武藏、德美、板長、元氣、富山、爭鮮、岡本、八戶屋。香辣螺肉，厚厚醬汁包到半透明螺頭實一實，質地勁爽，但本身無任何味道，所有來自辣汁的呢，外購貨間間差不多啦，只求過過口癮的前菜小食。八色刺生盛，先來個精采既醒醒神先啦 ﹗八段錦，帶子、八爪魚、油甘魚、吞拿魚、海膽、甜蝦、北寄貝、三文魚刺生。帶子棉滑甜味濃郁，八爪魚脆脆嚥韌咸味可口，油甘魚淡淡然的魚脂味道，吞拿魚太冰凍影響味道與質地，三文魚沒什麼甜味呢，甜蝦的骰細細隻爽爽黏黏甜甜，北寄貝腍劈劈沒味道。刺生拼盤除帶子食得下外，其他都非常淡口麻麻地。海膽刺生，鬆軟微腥微鮮可接受，用脆卜卜紫菜捲住食加分不少。牡丹蝦刺生，終於有款讓我讚口不絕喇。大條黏爽濕潤，新鮮度不容置疑，沾上芥辣豉油更甜更鮮。甘香蝦膏塞滿蝦頭，大力吸啜盡收嘴裡去，津津有味。火炙芝士生蠔壽司，沒什麼味道的生蠔，炙完有點焦香，加上芝士咸

13/3 周年紀念日，與女朋友到大埔附近的日式和食料理屋食晚飯。鋪頭內人流不算多，見場內的枱大多也是空的，有點冷清。好處是不用等位。兩個人下單：栗米壽司，火炙三文魚壽司，軟殼蟹壽司，鰻魚飯，蟹籽沙律和鹽燒牛脷串，買單時總共$340 。首先是頭盤蟹籽沙律($40)蟹籽很多很飽滿，但是沙律醬味道不夠濃郁，青瓜絲切得很幼，很考刀功。總體來說有7/10。然後是鹽燒牛脷串($45)不太惹味，味如嚼蠟，牛脷燒得太韌嚼不動。3/10分 吉列炸蠔($46)的炸皮很薄，上台時也是熱騰騰的。但是蠔不夠新鮮，咬下去有蠔味但因其放置太耐而扣了分。5/10分 栗米壽司($12/per two)有一般正常的水準，不過不失。6/10分 火炙三文魚壽司($10/per one)入口即化，魚油在口中與芝士融為一體，十分可口。8.5/10分 牛油果軟殼蟹飯卷($68/per four)雖然吃不出牛油果的味道，但炸軟殼蟹的香配上特製沙律醬，一口咬下去很鬆脆香口。8/10分 最後是鰻魚飯($82)，比起一般的日本鰻魚飯，飯的比例比較多。醬油也沒有充份沁入飯團中。另外使用的不是高質珍珠米，煮起來有點兒糊了，所以沒有吃光飯。 但

又貴又難食食放題都抵過佢完全中伏！！！叫個刺身便當又貴又少個lunch menu 又乜嘢都無好心你唔好擺上抬啦得咁少嘢浪費時間浪費金錢完全唔掂呀！你計下條數食放題200 蚊d quality 鍾好啦

日本料理一向是我的最愛之一，簡唔中都要食一食一呢！今次就到了屋企附近的日式料理開餐去！富山日本料理在大埔區內已開了數年的時間，我也光顧了多次，但質素真的是有點走下波呢！雜錦魚生丼～魚生份量偏小，而且亦不夠新鮮肥美！很小魚生丼會配上蟹柳及玉子呢！😑滑蛋吉列豬扒飯～雞蛋算是煎得滑身，但吉列豬排粉漿卻十分厚身，而且一點也不香脆，像是炸了一段時間一樣！雜錦天婦羅～分別有蝦、蟹柳、茄子及南瓜等！味道普通沒有十分驚喜，不過不失！與舊日質素相比，真的是下降了，大埔區有更多抵食好味的日本料理選擇呢！

慢, 侍應態度差, 唔夠人手, 出野食勁慢, 等左35分鐘都未有野食! 另外, 係出面等勁耐位, 點知入面係勁多吉位, 只不過唔放人入去, 要人吹風, 我入去仲聽到個似係經理級既阿姐講, 由得佢地係出面等, 做唔切⋯ 連個大既都咁講咁唔重視d客, 好打極有限啦哩間野～ 索性執左去啦！ 我覺得富山個老闆應該落嚟睇吓啲員工點樣做嘢囉，完全唔係想同餐廳做生意，唔係幫餐廳賺錢，好唔明點解啲人會比好評，連刺身都勁耐未黎，真係冇嘢好講⋯⋯⋯⋯⋯⋯

自從某連鎖店增設壽司列車後已經好幾個月無嚟富山食，今日諗住閒日容易啲有位，點知係全場只得五、六枱客(時間晚上7:15)，以前肯定已坐無虛席。今日食食吓總係覺得有啲唔對路，想深一層首先啲壽司，魚片淡而無味全無魚味、壽司飯食咗好多件都發覺不但比較散仲要係無味，壽司嘅靈魂打飯打得唔夠及豪無醋味。完全令我食得好無引，無意慾繼續食。其他食物我就不想多講啦，點知再睇價錢，比幾個月前都貴了10% - 20%，講真就算完價都只係中檔價錢，無乜所謂如果食物質素好，但價錢貴咗之餘食物質素下降咁就真係不可接受。

今日餐廳是日推介是串燒雞軟骨，軟骨極硬，有點咬唔爛的感覺，雞軟骨表層味道不過不失，可惜內裹有些用水煮熟的淡水味。👎🏻 串燒雞翼同樣得外表味道，味道不過不失，可惜內裹的肉好像沒有調過味。 另外雞串賣相十分差、皮肉鬆散，好像隨意撕開👎🏻。 如果拉緊燒，賣相會好好多。雞串都算燒得乾身👍🏻牛利串算不錯😋 乾身得黎有肉汁。 調味都算不錯。環境舒適👍🏻，服務不錯👍🏻，價錢合理。交通較遠火車站，有點不便。

今日去左食依間富山，路過好幾次但冇食過，入到去人都唔多，我地兩人就坐窗邊的4人位置見到有個二人餐，仲要好似幾多野都係$298，就即管會一會佢。 但我地都怕依個價錢會份量唔夠都叫多左個原隻燒魷魚，打打底😎前菜竟然係最唔鍾意嘅海苔，但又唔太腥，又好似碗面咁大碗……然後就係蟹籽沙律，又係超多蟹籽勁大碗，大碗過你食放題跟住就係刺身同壽司，刺身每人有一片，有3款，三文魚，油甘魚同甜虾，都算相當新鮮，但就唔太厚；而壽司就係三文魚，八爪魚同玉子，每人一件天婦羅就每人一個炸虾，但味道就好淡；而鹽燒鯖魚就味道可以，反而個蜆湯就覺得似係味精水加一隻蜆最喜出望外係個牛肉鍋配烏冬，牛肉份量勁多，係甜豉油做湯再加上個烏冬竟然每人有2大碗最後就係我地隻魷魚竟然要打包，因為真係飽到喊，份量勁夠, 以依個價錢，仲想點woo...

今日入左大埔海濱...走果時搵野食...行行行行行~~~~行到腳斷~搵日本野食~發現原來大埔一街都係鋸扒........秋季餐牌@@咁梗係要叫海膽壽司同火炙海膽三文魚壽司熱下身啦@@海膽望落都新鮮...粒粒分明的~但味道好奇怪...可能係唔知來自咩國家既品種-_-炸軟腳蟹卷...味道正常! 軟腳蟹都夠脆~微暖~還可以啦~食親日本野必叫清酒煮蜆是常識吧?友人喜歡嘛最後我見隔離台叫左呢碟和牛炒烏冬...我就忍唔住想食啦結果似乾炒牛河~味道不似預期....但份量足....牛肉都好多~總結: 入面都算大~但燈光較暗~食飯時間無滿座....可能係天氣涼D人去左打邊爐~餐具台椅油膩感還可以~順路又想食日本野可以食~特登黎試就不必了~沒有可取之處~亦沒有不值幫襯既致命弱點~都係果句~大食既朋友去放題吧~

很多年沒有光顧富山了...正值星期日晚上..附近一帶的食肆都要輪候座位而這裡卻不用等位由於和親戚一行共7人就不想花時間等位了..便帶他們進了這店點了雜錦魚生丼﹑昆布清酒煮蜆﹑日式煎餃子﹑蒜香鰻魚炒飯﹑壽司﹑什錦煎餅和烤原隻魷魚另還點了一瓶清酒雜錦魚生丼，材料種類多，但份量不多有帆立貝﹑甜蝦﹑吞拿魚﹑油甘魚﹑三文魚﹑蟹籽﹑蟹柳和甜蛋魚生丼和壽司一樣..食材算新鮮..卻並不十分鮮甜這裡的壽司，值得一讚的是，魚生和飯的份量配合恰好魚生雖不是厚切，但至少不會是飯多於魚生醋飯味道亦調得合宜，炙燒的兩款較香，所以比較好吃！昆布清酒煮蜆，最欣賞的一道料理蜆肉size大隻，鮮甜沒沙昆布和清酒更有提味之用，突顯出蜆的鮮甜整碗湯都被喝光！日式煎餃子，煎得金黃香脆皮薄，餡不算很多，但充滿肉汁！蒜香鰻魚炒飯，飯炒得夠乾身蒜香味很惹味而不會鹹鰻魚看似不多，其實飯裡還混雜一些細細碎碎的加入粟米一起炒，帶點甜同時令炒飯更有咬口！整碟炒飯不會太油膩啊～～～什錦煎餅，其實是野菜煎餅面層澆上照燒醬﹑沙律醬和木魚碎煎餅底層煎得脆中帶軟簡簡單單的就已經夠滋味！烤原隻魷魚，size大隻夠入味，而且重點是不會韌連魷魚鬚都好易咬！

大埔逛左好耐 唔知食咩好。。睇到富山日式餐廳最正 好彩唔洗排隊，平時經過好多人排，就算3個人好快有位。入去環境整潔，服務ok。全晚上菜速度快，未食完一個就黎兩個。good！鰻魚飯好味，飯煙韌，鰻魚較少但都好有鰻魚味。雞軟骨 夠脆 但偏鹹一點 覺得可以淡少少清酒煮蜆 冇沙 好鮮甜 好好味 連湯都好飲。。。。。。。。推介咖哩飯 正常正常 同出面一樣 普通吧但🍣壽司 刺身好評，好新鮮。。（今次食點少左刺身，下次 一定再試！！！）以呢個價錢 質素算不賴，會來下次😬

兩個女仔係大埔食野，原來捐窿捐"拉"都會搵到野食，仲係其他地區未必會有既鋪今次食晏，揀左間日本野食，入到去就有店員招持我地坐邊個位，再倒d 茶比我地。跟住我地就嗌左兩個lunch 定食我就嗌左呢個刺身壽司定食，甘呢個餐係配小食同埋甜品既，原本睇落去，以為個小食只係普通既芝士波波，但原來佢係有蝦膠係入面包住d 芝士，幾有口感，好好好好食。個烏冬好彈牙，好好食。但d 壽司同刺身，唔算特別新鮮，不過冇雪藏味，同埋d 魚生都冇根既，甘可以接受到。朋友就嗌左呢個海膽三文魚魚子丼定食，呢個餐係配左小食同埋湯。見到佢個海膽，我就忍唔到，夾左d 黎試，幾鮮味，入口即溶，感覺好幸福，哈哈。朋友就話呢個飯幾好，三文魚都算大塊，個飯唔會好凍，因為佢同我一樣，好怕食d 好凍好凍既飯。最後甜品係雲呢拿雪米糍。如果係日本定食黎講，佢個價錢唔太貴，60-70蚊左右，服務唔錯，係刺身差d d，其他都唔錯。

今日約左好耐冇見嘅中學朋友 係附近打完羽毛球之後就去左食個午餐 total有10個lunchset 都算多選擇***我就叫左個汁燒牛扒配刺身壽司便當 牛扒肉質唔算話好肥亦唔算太韌 配埋個汁蘸黎食係幾好食 另外兩件壽司係腐皮同鮮蝦 仲有四種唔同嘅刺身 三文魚吞拿魚八爪魚甜蝦 其中一個類似蔬菜嘅炸物炸得都幾香脆 配埋一碗白飯同一碗味噌湯 真係好飽 $58黎講真係算多野食 加多16蚊可以食多個章魚丸子燒 一般般啦 不過可以過下口癮🙈🙈

前個幾日約左朋友係大埔食lunch 朋友就帶我去食係太和附近嘅富山 食日本lunch 都有唔同嘅lunchset揀 朋友想食拉麵就叫左個和風叉燒湯拉麵 有個前菜同兩舊加州卷壽司 都幾夠飯 肉質一般冇太大驚喜 反而我叫個蒲燒饅魚飯定食就不錯 饅魚尚算肥美 有前菜味噌湯同炸餃子食 炸餃子就好普通 不過細細粒幾cute 味噌湯都足料 最失望嘅係我地竟然冇食到個甜品 走左先知有甜品送 服務員埋單前都冇提醒我地使唔使上甜品 希望下次可以食到啦

這裡的環境舒適，當天晚上order左壽司、軟殻蟹手卷、牛肉鍋及吉列豬排蛋定食。軟殼蟹手卷很好吃，紙菜脆，飯則微黏及略有質感，而軟殼蟹則暖及脆，沙律醬及蟹子的份量剛好，確可再三回味。而牛肉鍋、壽司及吉列豬排蛋定食的質素也佳。店內環境舒適，座位寬闊，燈光光暗度適中，而且員工服務態度良好，可悠閒地慢慢地享用晚餐。順帶一提，此餐廳的冷氣充足，如果男孩女孩拍冷又或是與老人家到餐廳享用晚餐，記得多帶一件外套。