富東閣海鮮酒家

營業中

休息中

街坊酒家賣點: 平 靚 正 加上良心酒家，最近有人跨區團購其片皮鴨，好似好好食。故拉朋友遠赴瀝源吃片皮鴨，亦擔心太搶手故致電留位留鴨。事實讓我們知道:walk-in 也可，不用太擔心。片皮鴨最欣賞是餅皮夠厚實。食片皮鴨最麻煩係餅皮太薄，一包即爛，弄到成手醬，狼狽不堪。這裡不用擔心呢個問題；再加上它不是油膩膩的鴨肉，更不用擔心手變油/唔健康。另外點了小菜；最近有四送一套餐 (點五個指定小菜，有一款免費，每款$80）。吃蠔的可以點薑蔥蠔，一煲有至少8隻蠔；沒有沾上太多炸粉，仍可吃得出蠔味；$80抵食。其他小菜亦不過不失，大份夾底食，有良心的街坊酒樓是可以支持😁😁😁(但未必會再故意前來吃片皮鴨，若經過過黎食飯就得）

富東閣，香港極少數黃嘅酒樓，久仰久仰，早排終於有機會一嘗心願去幫襯。冇咗晚市堂食之後，佢哋長期告急，於是各區手足幫手做團購買佢哋嘅片皮鴨同燒味，數量都頗為驚人，所以光顧當日莫講話片皮鴨，連乳鴿呀燒腩仔呀通通都沽清，真係好癲😂。唔好睇佢屋邨酒樓格局，以為會將貨就價，佢嘅點心質素比想像中高：蝦餃入面嘅蝦係一隻疊一隻再疊一隻，一咬落去，成口都係蝦😮；燒賣又係大大粒好飽滿，蝦膠同肉嘅比例得宜，好食👍；灌湯餃雖然唔係正宗做法（即湯包喺餃裡面），但湯入面有花膠，好鮮甜，呢度有分加；至於最有驚喜既就係小食雙拼，我揀咗脆皮黃金豆腐拼脆香蝴蝶蝦，其中個豆腐外皮炸得脆卜卜，入面估唔到咁滑溜，配埋避風塘式椒鹽脆粒，鹹香微辣，非常惹味😋。我其實真係好鍾意飲茶，不過飲茶一定要人多先開心，因為可以叫到成枱都係點心😆，勁滿足。唔知要等到幾時呢😭。

一直都想試吓呢間，今日勁想食片皮鴨，自己山長水遠跨區去咗買外賣，之後搭的士返屋企。-片皮鴨二食，醬爆鴨件片皮鴨都有好多件，件件都大塊，麵皮好大塊，唔算厚，醬爆鴨件都好好食，原先以為冇乜肉，其實都好多玉霞下-黑椒牛仔骨味道適中，夠鑊氣，有好多牛仔骨好多肉同洋蔥-薑蔥生蠔最鍾意係食呢味餸，炸得好香，炸粉好薄，有大約八至十件蠔，件件都好肥美好大粒下，唔油膩-菜遠炒牛肉牛肉好大塊，有好多塊，味道適中，好食-南乳藕片豬頸肉本身諗住呢個菜會好清淡下，點知食落有驚喜，好香南乳味，味道適中總括來講，佢啲送大件夾抵食，唔油膩又唔會好似其他酒樓咁太濃味，食完唔會口渴，職員好好人，值得推介，會繼續幫襯。

原來今日都好忙政府一個堂食狙殺令阿伯母(我阿媽) 生日要食外賣🤦🏻‍♂️伯母正宗係💛黃阿媽嚟嘅~咁嗌外賣就一定要黃店啦… 為咗想佢生日食番餐好啲， 決定去沙田香港僅有少數嘅黃色酒樓叫外賣， 因為咁啱佢都係今日重開~ 🆘講真我就真係第一次去瀝源邨，都兜咗一下搵到， 外賣餐牌已經放曬喺門口㗎喇， 不過詳細版本都係入去睇好啲，因為紙仔有啲菜係划走咗嘅； 六點半左右去到， 燒味差不多沽清⛔，所以我都只係睇咗小菜， order後坐係個到等咗35mins左右廚房pack好曬拎出嚟走得~ 唔想等可以打電話去落咗order先，張單過200蚊仲可以碌卡…不過就唔收銀聯~💳佢小菜外賣做緊$80/個~買三送一，白飯買一送一，四個餸加埋飯圍起都抵過去茶記， 我仲要叫咗兩味係龍躉兩食~ 都係呢個價… 最緊要係真係好食~唔係純賣情懷😋 我就住九龍東， 返屋企大概要八個字左右 返到屋企都仍然非常之好食， 伯母都好滿意， 仲話幫下黃店嗌多少少食多餐冇問題~

成日見到網友們開心share富東閣既點心、小菜個個都話抵食!!加上我想食片皮鴨好耐😛所以我做足功課 比較寸附近酒樓既價錢 第一城某酒樓既片皮鴨做緊$198 而富東閣只係$148‼️咁就成功游說爸爸👨🏽媽媽👩🏻一齊去食喇✌🏽😙片皮鴨 ($148 + $30 一鴨兩食)鴨片份量唔算好多 但勝在厚身又重鴨味~~餅皮上有少量既黑芝麻 偏厚 所以好飽肚😛醬爆鴨鴨件份量唔少 大蔥炒得入味 我鍾意夾埋d大蔥落個片皮鴨度一齊食😆本來想加多個小菜叫之前發現另一塊餐牌上面有冬瓜盅😍同侍應姐姐加單個陣 佢提醒我地真係好大盅 非常之擔心我地三個食唔哂🤣超級鍾意食冬瓜盅既我 當然最後係照叫啦😆黎到個陣發現 真係好大盅🤭侍應姐姐就好快手幫我地肢解個冬瓜盅 分俾我地 (快到影唔切相😛) 冬瓜湯好清甜!又好足料 入面有絲瓜粒、冬菇片、草菇片、瘦肉粒、鴨腎粒、蟹柳粒等等😋$88黎講真係好抵 個量多到我地每人飲左5碗🤭最後我地3個都飽到捧住個肚走😆人均$100多d咋~~ 抵啊!

今晚屋企冇煮飯，所以去左瀝源既一間茶樓食晚飯小菜。座落後我地叫左個四餸一菜既套餐，有薑蔥焗桶蠔、椒鹽豆腐、菠蘿咕嚕肉、薯仔炒牛柳粒、翠玉瓜炒鮮魷同金銀蛋莧菜。儘管係經常見既小菜，但係佢都整得比平時喺街食到嘅好味。尤其係菠蘿咕嚕肉，酸甜度適中，口感一流，十分開胃；另外薑蔥焗桶蠔比我想像中更入味，蠔一啲都冇縮到水；椒鹽豆腐外脆內軟。最後埋單唔使$600 ， 人均消費$152，都有5個餸又夠飽 。晚餐來就不是很貴。

父親節飯一諗就諗起富東閣喇，又想食片皮鴨，梗係要去支持下！·訂左8:30，準時有枱，不過坐正嗰個位無乜冷氣，食到一半有d焗，所以7個人，飲左5支啤酒🍻一坐底即刻叫片皮鴨先，雖然佢唔係薄切但味道都唔錯，2食都只係198，抵呀👍🏼d餸仲可以揀4款送1款，父親節都唔會特別貴，估唔到牛柳粒咁淋，好味諗住叫龍蝦伊麵，點知細佬叫左大蝦伊麵，佢應該係攪笑既😂全部都大大份，除咗扇貝😝，食得好飽·雖然好熱，但食得好高興，見到佢full house真係好☺️仲有個炒飯同糖醋骨無影😝

近排後生仔中意食酒樓難得同朋友聚當然要跟住個trend🤤特登揀香港人酒樓💛身邊既都係年輕人感覺好可愛酒樓既小菜有屋企風味都抵食架🥰預早訂左片皮鴨味道okay架再叫左個四人套餐 (約$320)有湯，四碟餸，四個白飯 家常便飯既味道但份量吾算大咁抵食叫多兩碟都ok見人地食雞煲又好似ok😂下次再食Remark所有餐廳酒樓職員都會幫大家製造另類生日驚喜😂😂酒樓姐姐：「你唔喺度食蛋糕咩？」🙂大家開心就好😛

富東閣相信大家都對呢間位於瀝源邨ge 黃店酒樓一d都唔陌生身為沙田友緊係要支持黃店所以做節都揀左富東閣同家人食酒樓依加做緊優惠堂食叫4款晚飯小菜就送1款 除番開每款都唔洗$70🍴薑蔥生蠔生蠔個size脹卜卜重點一定要食埋d薑蔥😝夠哂鑊氣🍴秘制柚子骨秘製的柚子醬料惹味 甜甜酸酸送飯一流🍴椒鹽肉排相比起柚子骨就失色咗少少🍴韭王滑蛋炒蝦仁🍴翡翠花姿蚌片另外追加左個🍴海皇冬瓜盅 都只係$88冬瓜盅非常足料 份量一啲都唔小四個人食都飲都非常足夠埋單都只係$540以呢個價錢黎講絕對抵食食物都不過不失唯一要嫌ge係冷氣真係唔夠

端午節做節，難得叫到大家一齊食黃店!乳鴿份量偏小，呢度叫咗六隻，每隻$48 勝在多香口蓮藕片炒百合，味道新鮮可口炒肉蟹，好香口，但肉嘅份量比較少推介之選: 黃金涼瓜炸得無油益味，但鹹蛋黃分布不均，我哋叫佢俾咗啲甜酸醬。好啱做佐酒小食貴妃雞肉質鮮滑，不錯比較唔抵食嘅會係呢個豉汁蒸大鱔整體:🤤🤤🤤

今日去到瀝源廣場呢度飲下午茶☕️ 屋邨生意所以價位較低 下午茶更平 都幾抵食 最平既點心$10都有 茶錢$8今次試左4款食物首先有燒鴨烏冬$21 （可以配檬粉/米粉）$21 黎講呢 燒鴨份量好多！而且肉質一啲都唔柴 皮好香仲有少少油脂幾好食 😋都算幾大碗第二樣係蔥油餅$10 同我想像既有少少出入我以為係薄餅個種 原來係偏向麵包質地 蔥唔多但煎得幾香 $10有3塊好飽肚 係幾抵食蓮藕餅$16 煎得好脆 豬肉餡調味岩岩好 蓮藕爽脆口感好好 抵食🤩👌🏼第4款係菜苗餃 $16 好大舊 餡料飽滿咬開仲好濕潤juicy 仲有好多蝦添 總結4款食物都做得好 而且只係$10-$20 又好抵食 值得支持呀～～

個日冇book位去 得walk in⋯所以就特登7點左右去拎飛⋯好好彩等左5張飛就到⋯我地一行5人叫左佢既package 買四送一+一隻北京烤鴨烤鴨好好食 不過我覺得個春卷皮厚左d至於4送一既菜我地叫左茄子 四季豆 咖哩雞 炒蛋蝦仁同咕嚕肉整體來講都正正常常 不過個咖哩雞對我地黎講辣左d每人買單就$120蚊 哩個價錢真心抵仲要入座無限時 想傾幾耐都冇問題

一直都很想支持一下富東閣，近月更因為疫情關係而告急，於是乎call齊人馬一齊去食野。我地一行13人，叫左個八人餐，再加幾個小食同片皮鴨，overall份量好足，食物好夠火喉，埋單人頭2百幾，好抵食。特別推薦個8人餐，入面個高湯龍蝦伊麵足料又好味，班球兩食一蒸一炒鑊氣夠。另外個脆皮燒雞勁香，個皮好脆，呢D餸又係出街食先食到。埋尾的甜品係紅荳莎，入面加左西米，口感不俗。之不過，個片皮鴨d麵粉皮太厚，8人餐入面又包左個翅(我個人係唔食翅的)，要扣少少分。

老一輩好鐘意食酒樓，年輕人反而鐘意食d大排檔嘢，其實價錢差唔多，有冷氣舒舒服服食下酒樓都係好貼地食法。網上見人推介呢間，收工就同朋友黎食。附近巴士通大埔，西九龍，交通好方便。6點幾已經見到唔少年青一代入店開餐。酒樓特色就係好多特惠套餐，朋友喜歡小菜多款，唔喜歡食魚所以叫了呢個四送一小菜套餐。平均70零蚊碟，好抵食咕嚕肉，肉質鮮嫩，甜酸汁都好惹味，青椒都好新鮮呢個牛柳粒薯仔煎得表皮香脆，索到蜂蜜汁，送飯一流。牛柳火候控制得唔係全熟，保留口感同肉質椒鹽豆腐外脆內軟係基本，呢個符合水準南乳藕片炒豬頸肉，肉同蓮藕都爽口，南乳汁均勻，鹹鹹地送酒一流最後呢個香芋南瓜煲，個汁淆曬d材料嘅味道出黎，而且香香甜甜，唔鹹，撈飯超正，就咁飲都仲得叫多幾個白飯同半打藍妹都係600蚊有找，比大牌檔抵食舒服好多。

因為肺炎關係 呢間係瀝源既黃店告急作為沙田友梗係支持下✊🏻上次食已經係好細個既時候今次叫左片皮鴨一食 $148街坊酒樓對鴨既切法無咩追要求皮唔脆 肉有d厚有d薄 肉單皮無任何調味餅皮厚身 但尚煙煙銀銀呢個價錢來講過吓口癮都okay既除咗片皮鴨 仲叫咗蜜汁薯仔牛柳粒呢個意想唔到咁有驚喜牛肉雖然係用粉醃製到鬆軟睇得出肉質唔係好好不過呢味菜嘅重點係薯仔唔係牛柳😂薯仔外皮夠脆配埋蜜汁甜甜辣辣超正而且分量好多 唔會用好多配菜黎ar位好良心👍🏻