富東閣海鮮酒家

營業中

休息中

黎過幾次,都見到好多枱叫片皮鴨，所以捉左友人黎陪食。 因為今日係公眾假期前，所以好多人黎幫襯，好full. 黃店有番生意，值得開心！但政府又延長限聚令至5月。大家真係要繼續支持黃店，撐下去。入座後，叫左片皮鴨，醬爆鴨件，冰鎮咕嚕肉。因為太多客，侍應很忙碌，真係要耐心等待上菜。片皮鴨香口，油脂豐富，好正！但建議可改良一下個包，有點兒過厚，太大塊亦比較難包。醬爆鴨件，不錯。適合配白飯。冰鎮咕嚕肉好味，喜歡冰冰地又酸甜的外層，入面d肉仲係暖暖地。

由於抗疫期間，買外賣支持富東閣👍🏻 。自己同屋企人近月已經幫襯左6,7次（外賣），味道好，份量好夠，而且仲要係有良心。❤️今晚終於去堂食😆見到都好多人叫冬瓜盅同"三寶"，不過，今次我地叫小炒，四餸送一餸😂上菜好快，下單十分鐘已經有野食～同埋枱上已經準備好公筷👍🏻1. 蝦仁炒蛋：好大碟，蝦又大隻，有鮮味，之前外賣，差不多次次都有叫💓2. 椒鹽肉排：肉香酥軟，炒得乾身，正👍🏻3. 翡翠花枝蚌片：我的最愛😘仲比左蝦醬，勁正～4. 西芹炒龍躉球：好有驚喜，好大塊，龍躉球有"走油"，非常香☺️5. 蒜蓉雲耳蒸龍躉頭腩： 中規中矩供參考☺️其實仲可以買生料，返去自己煮～多個選擇喇～幾好😀整體非常抵食，份量真係夠（最後仲食唔晒，拎左一碟返屋企😂），非常推薦❤️🧡💛自己會持續幫襯，撐！！！

今日幫襯完，外賣返屋企食，點心份量足，味道亦不錯，服務也很熱心……💗💗會再光顧!👍👍，點心選擇算多，正常價格……點心買6送2，感覺幾抵~會推薦俾朋友去試食……👏👏，個人最鍾意釀尖椒~鵪鶉蛋燒賣……包點類也不錯，不會太大個，令你太快飽，吃不了其他點心~外賣回家和家人一起享用，安全又美味……🤤🤤，最重要他是一間黃店，店員非常有人情味~好友善親民……疫情過後一定會幫襯佢堂食，試下佢地啲茶既味道~💗💗💗

試下keep 住每次飯聚，都推介朋友黎懲罰富東閣先！今次又係得2個人黎食，haha…所以又係要散叫,唔知幾時先有機會拎到買4送1優惠。不過餐廳好好，有改進，推出左個二人餐。可惜我岩岩食完下午茶先黎食晚飯，實在太飽了，唯有下次。今次由友人負責點菜。要左個潮州肉碎炒蛋，幾得意，我好少食呢個餸。跟住係菠籮京骨，好食，配白飯一流。豬膶啫啫雞煲，d豬膶好軟滑，一d都唔鞋，好食。最後要左個白飯同汽水。埋單29x.會繼續支持良心小店。加油！好快又會見到我再寫食評的了～下次要試下個片皮鴨，好多枱客叫黎食。P.S. 酒樓內有個男侍應待客親切，主動幫你換碟及加水。抵讚！

今天生日🎉；今天抗疫😷；今天依然要抗爭💪🏿；今天繼續撐黃🟡。在這艱難的日子，食肆收到的每一蚊都非常重要，而我希望自己花在食肆的每一蚊也有價值。🌧下著雨坐上的士🚗來到一間屋村酒樓食生日午飯，感覺很好。😌😆😆👆🏿脆皮燒腩仔～真燒腩仔，並不是燒豬，肉嫩而且真有脆皮。現在市道不好，很多燒味都不夠新鮮，這裏仍能吃到應有的脆皮。酒樓仍不停製造其他燒味，眼見有很多街坊外賣到取，相信銷量好就新鮮。甜酸炸雲吞～有病嗎用得着放這麼多材料？甜酸汁有🍅🍍🧅基本蔬菜外，有魷魚🐙、蝦🦐、雞肉🐓、瘦肉🐖、豬潤，調味恰當，可惜份量真是太多，吃剩。值得一提的是雲吞皮是黃到金🟡，反映所用的油並不是萬年油，相對比較健康。（萬年油易產生反式脂肪，令壞膽固醇增加，且抑制好膽固醇）蜆芥靚魚球🐋、山菜🥬魚肉～魚丸扎扎實實，是鮮魚並不光是麵粉團，但可惜凍了便太韌。生滾豬潤粥～又是很多材料，除了豬膶外，有大片大片的牛🐂，豬膶及牛肉也有應有的肉質及味道，並不是吃着什麼也不知的一片肉。抱著喪叫的心態，卻被分到二人枱，放不下，吃得有點忙。 預備街坊酒樓不好到那的心態來，但不是盲撐，這裏的食物並不差，而且材料真的沒有欺場，故二人來，🤦🏿‍♀️

今次我哋嚟咗呢間屋邨酒樓，印象中好似十幾年前嚟過，希望呢啲小本經營酒樓可以捱過呢個疫情，原本諗住叫set，但係佢冬瓜盅同埋鮑魚都賣晒所以我哋就散叫咗啲小炒。第一樣嚟嘅就係咕嚕肉，不過不失，啲咕嚕肉係長條型，我就比較鍾意食一嚿嚿嗰啲，同埋佢唔係好熱，我估佢係整定一大堆for冰鎮咕嚕肉(貴d)。之後個炒通菜就熱辣辣，份量都好足夠，足4至5個人，唔會話好油，啲菜又唔會好老。之後就係有粟米羹，飲完一碗都飽飽地，係足料嘅，又大煲，啲姐姐仲好好人幫我哋分埋。呢條椒鹽鮮魷性價比真係最高，新鮮炸出嚟，好有咬口，分量超足，以前同朋友食都唔夠分，而家每人可以食4,5舊，如果有得加埋鹹蛋黃就好啦。最後就係呢個美極炒蝦，細心發現酒樓好好，剪晒啲蝦鬚蝦腳，用口剝殼食嗰陣就唔會吉親，超入味，佢仲可以揀椒鹽炒蝦，下次可以試吓，啲蝦食落去好彈牙，唔會梅，每隻都好想啜光佢d汁，小心食到成身都係。最後溫馨提示返各位揸車嘅朋友，商場係冇泊車優惠的，自己執生。

支持黃色食堂✌️平時係來富東閣海鮮酒家飲茶多，但今日就買個外賣鵝脾飯🦢回家慢慢嘆😋😋。呢間酒樓價錢公道，份量足夠，你睇吓佢隻脾大過個飯盒✨✨，鵝脾肉汁多又唔會痴牙👍👍

根據網上消息整合，【富東閣海鮮酒家】被列為黃店原因如下：＊老闆從不同途徑捐款支援手足＊透過區議員助養學生＊已知嘅其中一次捐款達6位數字＊老闆於年卅晚親身前往泰國尋找口罩貨源供港 是日係附近睇完醫生，係被稱為最藍商場嘅附近實在冇咩好食，唸起呢間有燒味有點心有小菜嘅【富東閣海鮮酒家】，即刻行過去試一試先 今次選擇買外賣返屋企安安全全咁食，就揀左呢個快靚正嘅燒味孖寶，比散買平$10 燒腩仔非常出色！皮脆色水靚，肉質juicy又彈牙，咸度亦適中，味道口感一流💯 貴妃雞都唔差，不過不失，肉質唔嚡口👍🏻

知道有好多同路人推介過 但唔好比佢停繼續推富東閣！！-‼️‼️難得有酒樓係#黃店 💛緊係要大大力去懲罰‼️‼️-良心價 夠穫氣 小菜質素唔錯👍🏻仲有得食埋雞煲 不過我未食過所以唔知雞煲岩唔岩口味 等你地試完話我知😻-希望大家不論平日定假日都可以去幫襯🙏🏻外賣佢都有做埋 足不出戶可以有點心食😺-—————————————————推介大家必點薑蔥生蠔！好夠穫氣，有成起碼十隻蠔隻隻都好大粒😺😃聽聞燒鵝三寶三百幾蚊就有埋片皮鴨食！一定要個個星期去食🥰

依家唔想出街食飯，大家都明白，不過真係好掛住，好掛住酒樓餸同埋點心😚😚，發現依間正到爆酒樓，有外賣，一解相思之愁，煮熟買三送一，手痕想自己煮都有生材料外賣，沙田友可以試試。😋😋睇佢外表懷舊，呢啲酒樓先至係最正宗👍🏻食完唔夠喉，仲要外賣個乳鴿返屋企做宵夜。都係$3x，即叫即炸，去邊度搵！仲有雙拼飯，真係想抽起條根，連聽日晏晝都買定不過佢有外賣，幾時想食都得啦，新鮮滾熱辣送到！遲啲真係要試吓佢堂食先

今日無聊去左瀝源既富東閣食飯，有幸得知居然有任食火鍋，身為火鍋愛好者梗係打返個邊爐啦。188任食2粒半鐘，湯底另外收費。188任食唔好以為沒咩野食。188有蠔有花姿有花膠有象拔蚌，仲要任食。料足沒漏單，豬紅仲要食得出係舊時足料個款。除左火鍋之外，仲有4個小菜送你1個小菜，真係邊又得，小菜亦得。岩哂一家大細或者家庭聚會。亦可以雀局加晚飯，岩哂不同需求既大家。

基本上上年六月打後都冇咩機會再去酒樓食野，因為說服唔到自己要課金比啲藍到黑既飲食集團。呢間睇app推薦，之前有見過話告急，今晚專登同朋友集合開餐支持下..開得晌屋邨都係aim屋邨客多，酒樓唔算大，裝修冇好靚，座位正正常常咁唔知係咪因為疫情，都有啲優惠，有張菜單上面啲菜式星期一至五$78一個，仲要買四送一星期六日就貴$10，其實呢個年代黎講真係好抵食同朋友一行三人，嗌左片皮鴨（星期一至五$148、六日$168）+$30多個七彩炒鴨絲好耐冇食過片皮鴨，味道都唔錯，係啲皮少少厚好飽肚另外咕嚕肉$78，好脆口非常唔錯！仲有個海皇冬瓜盅好值得推薦！好好味勁足料！都係$88一個～希望呢個咁困難既時期，我地可以互相幫助，大家共渡時艱啦！

一向有食開外賣燒味飯，抵食夾大盒仲送紙包飲品，由於疫情點心和小菜都有外賣，可以食住酒樓的水準和鑊氣安於家中慢慢歎！外賣我食過幾次真係有水準，以前堂食小菜點心一向都不錯，估不到呢家咁平，人流又少都做得返個水準，完全感受到酒樓既誠意！ 外賣點心都會分返整整齊齊，靚仔又熱辣辣，如果牛肉球佢就會配返喼汁比你，炸雲吞配甜酸汁，腸粉配返豉油，完全自動波唔洗叫小菜又係好有穫氣，附近居民仲送埋外賣，如果唔係就外賣自取，仲有分熟和生的，生既意思即係生料，配合一d鐘意拎返屋企煮同埋返屋企蒸返熱點心，真係多元化不得不讚！ 係呢個疫情都無選擇停業，老細保住員工飯碗，難得上下一心，同路人都可以支持一下，每個人支持希望頂得住啦，老細咁低調幫人，今次都希望到我地幫返你，香港人精神！

一行五人點了六個小菜，有半隻燒鵝，上湯龍蝦伊麵，冰鎮咕嚕肉，金沙涼瓜，什菜煲和辣子雞，另加3枝啤酒。平均每人才200蚊。上湯龍蝦伊麵-龍蝦新鮮彈牙，伊麵煮得恰道好處，不會太淋。冰鎮咕嚕肉-酸酸甜甜，開胃，食落脆卜卜，正。金沙涼瓜-味道一流。辣子雞-味道不正宗，可以不叫。

雖然唔近我住嗰度，都要過嚟懲罰下既，我又唔係藍😎😎好食又足料，下次叫多D人黎. 選擇幾多之餘又又唔同既promotion. 最重要食得開心又放心， 冇cctvb 阻住唒