富泰燒烤樂園

營業中

休息中

本人其實都幾中意燒烤，特別中意比錢唔限時任燒果款，貪其方便，唔洗辛苦去霸爐，又會提供埋食物，燒烤用品等，兼且又有洗手間，真係淨帶個人出現便可，極為方便。我會選擇富泰燒烤場既原因，一來近屋企，二來價錢平，再加上面積廣闊，不會覺得好迫，而且仲有一個大型露天停車場，免費喔除了揸車之外， 還可以乘搭交通公具，只需乘搭西鐵到兆康站，再轉乘巴士便可來到。入場先付款，職員便會交給你2張紙仔...... 可換水，燒烤用品，食物藍   +  飲品券拎好燒烤用品之後， 當然就去食物區同飲品區啦 ~~~飲品櫃內既選擇都有好多款，大路同冷門都有，點都會有一款岩你任食燒烤只包水同飲品各一，如果要再買，就要依照價目表購買了。任食燒烤內包含既食物種類都算多，而且是獨立包裝，方便又衛生咖哩魷魚 : 入味雞扒 : 大塊而且厚肉豬扒，牛扒金沙骨，雞全翼叉燒 : 入味一直榮登燒烤排行榜榜首 - 雞中翼，有4種味道可揀，果然是最受歡迎食物之一南乳雞中翼 : 南乳味不太濃，其他燒烤場較少有，可一試。蒜香雞中翼 : 蒜香味不太突出麻辣雞中翼 : 因我本身唔食麻辣的，所以沒試，但身邊人都說好味。腸仔同丸類既選擇都幾多架......

能夠去到一個服務又好，環境又優美，而且食物質素唔差嘅燒烤場確實唔易，嚟到呢度只係$100鬆啲每個人，一入到黎，佢哋嘅態度好好，好快起咗爐，我哋每人都有兩張飛可以換飲品。場地非常空礦，可以容納起碼500人，有大型舞台，同埋有兒童可以玩樂嘅充氣池，一家大細喺度共聚天倫就最好不過啦。佢提供左一個筲箕俾我哋可以出去拎啲冷食，就咁望落去食物都有接近40至50款，款款都新鮮製造獨立包裝，唔使整到周圍污糟邋遢。 呢度嘅蔬果都特別新鮮，我最喜歡食青椒，青椒裏面嘅水份好足，唔會因為燒烤嘅熱力而蒸發，証明好新鮮。我仲係呢度見到一隻可愛嘅貓，應該喺呢度飼養嘅好趣緻。呢度仲有師傅親自燒燒豬俾你，價錢不貴，下次一定再嚟試吓先。

今日去到屯門嗰邊，同朋友燒烤揀咗個好平嘅場，我都冇諗過嗰度性價比可以咁高！由於臨近中秋佳節，已經有好多中國傳統嘅燈籠掛咗喺度，令成個燒烤場好有節日氣氛。我同朋友好肚餓出咗去出邊攞嘢食，發現佢啲凍肉全部都係獨立包裝，同一般嘅燒烤場好唔同，簡直夠晒衛生方便，呢邊嘅嘢食都包容萬有，有我最鍾意食嘅叉燒同燒賣，個火燒得好旺，我哋一燒就燒咗20幾粒燒賣，而且粒粒金黃色，脆中帶軟好香口，再加埋蜜糖就very good！去到尾聲仲可以燒埋麵包，啲麵包切到好薄，好易烘好啊。最後口渴每人都有一支水同埋一罐野飲，仲有我最鍾意我嘅沙士，平時喺出邊已經好似少飲到。

由很多年前起，我們住在新界的一班好友就很喜歡來富泰燒烤樂園燒烤，因為地點很方便⋯在兆康西鐵站就有輕鐵接駁巴士到富泰，然後行去燒烤場又近。而另一個原因就是價錢合理又不用為預算食物份量而煩惱！但我們也有一段時間沒來燒烤了，突然心血來潮再來這裡一聚，沒想到的是價錢還是一樣實惠星期一至五（成人）只要$110⋯而且仲有9折假期也有9折優惠，每位都是$135而已😱😱·一如以往的收費全包（除了開爐費$50需另付之外），包括：食物（有標價錢的除外）、用具、炭之外，還有每人一支水和一張飲品券！環境一樣沒變還是跟以前一樣地方空曠～用具整齊的放好，只要把藍色的飛仔交給職員⋯他們就會按人數執齊用具給我們，然後右手邊有提供碗仔比大家倒蜜糖的～然後再過就是飲品區，可以拿著飲品券來換領一罐飲品或是購買～食物選擇也不少，除了常見的廚師腸、還有台灣黑椒腸（必食推介）、燒賣、蔬菜類。今晚所見的肉類以咖哩為主，不過雞翼方面也有很多選擇⋯除了香辣、蒜香⋯居然還有南乳和麻辣，好驚喜呢！不過說到全晚我最喜歡的一定是金牌叉燒，入味得來又不會韌很久沒來的第一印象就是⋯愈做愈好的感覺！雖然很多人可能會覺得每2塊肉就一個獨立包裝很不環保

燒烤多數都會選擇燒烤場，貪其非常方便，食物用具，洗手間都以為齊備，屯門的富泰燒烤樂園是個不錯的選擇。從兆康西鐵站轉一程巴士便到，地方闊落，可以招呼很多枱在這裏燒烤。食物獨立包裝衛生方便，一般大路的燒烤食材也齊備。通常燒烤燒第一輪的腸仔與丸類十分充足。雞翼有很多，一包四隻，由於醃料已經在包裝袋內，雞翼十分入味，食幾多自己用於份量。叉燒更加士惹味，貼上食用日期，使食客安心。飲品選擇豐富，入場包一支水及一罐罐裝飲品總結：富泰燒烤遊樂園，所燒的食材雖然是比較大路，但獨立包裝衛生，加上價錢十分抵食，地方亦十分寬敞，是去燒烤場不錯的選擇。

前幾晚收工收到朋友電話，無端端話想去bbq，臨時臨急要搵地方，又要買料，又要買炭買叉，邊有可能呀。好彩諗起以前讀書果頭好似有個燒烤場，比入場費就有齊野食同埋工具，兼且會幫手開埋爐，於是就晚媽媽揸車過去望下。同以前一樣都重係開到凌晨先收鋪，價錢亦都依舊，一個人都只係$100左右重有免費泊車大熱天時重要成夜晚8,9點鐘先入到黎，邊有人會走黎bbq呀，所以最尾我同朋友就做左唯一一枱客野食種類都算齊，基本上正常bbq既食材都會有另外如果想偷懶唔用叉燒，可以比錢買塊燒烤網比左入場費之後，除左任食之外，重會提供每人一罐汽水同一枝水野食係急凍食材黎，不過質素都唔錯，除左大大塊之外，d醬汁都醃得夠入味其中最推介一定係咖喱魷魚，超多汁，食落口又彈牙，最重要係易燒唔會燶

今日嚟到富泰燒嘢食，入場費都係$110 ，已經把一支水，一個嘢飲，蜜糖，燒烤叉，碟，小朋友仲會有優惠架，而且燒到幾點都得，啲嘢食有音樂真係好方便好過你喺出邊又要自己買嘢食又要自己買炭。食物嘅種類多不勝數，而且全部都係獨立真空包裝，感覺棋你衛生，而且更加入味。呢度仲可以比平時追劇嘅我，可以繼續一追再追。環境好闊落，而且燈光足夠。如果有調味料或者棉花糖想食可以自己購買。遠慮都10分豐富，不得不提嘅係墨魚丸，爽口彈牙。唔想攞住個餐嚟燒嘢食嘅，仲可以安排有用架可以燒，十分之方便，可以離開個炭爐，咁就唔會覺得好熱啦

雖然而家夏日炎炎，但係都不減我燒嘢食嘅興致，今日就着埋一班朋友嚟到屯門富泰邨燒嘢食啦，地圖位置十分之方便一啲都唔難搵，正正就係喺富泰村隔離，揸車既朋友都唔使擔心，因為呢度有好大嘅空地俾你停車㗎。地方好大好闊落，而且乾淨整齊，周邊嘅環境又空曠，絕對係娛樂嘅好地方。入到黎就梗係第一時間去攞燒烤叉，碟，嘅用品啦，所有嘅用品都係按住人頭去分配嘅。每人可以配到一罐飲品同埋一支水好味嘅品種十分之多，就連雞翼都有五種味道，有辣嘅，有麻辣，有南乳，有蒜香等，真係啱晒多口味嘅你食物嘅種類都十分之豐富，佢最值得讚賞嘅地方係，佢嘅肉類全部都係獨立包裝，而且仲係真空嘅，感覺上乾淨衛生，而且咁熱嘅天使都唔會容易滋生細菌，真係好貼心，燒烤場都真係第一次見到，至於遠慮品種唔算好多，但勝在質素高，墨魚丸爽口彈牙，而且食到粒粒墨魚肉，牛丸爽口厚實，絕對係貴精不貴多說時遲那時快，過火已經火紅火綠啦，開始燒嘢食囉。

自己部門聖誕燒野食，諗住近公司就黎呢度又有公司優惠（秘書姐姐幫佢慳荷包嗎？），沽寒腦細俾錢，都唔會有咩期望。揸左三架車去勁驚要搵位泊，路口好難搵，好彩有大車場泊車唔使錢👍🏻門口有幾隻貓貓好得意。價錢唔貴，一百蚊包一支水一燒野食好難搵到！入面好大可能寒流來襲無乜人，格局同元朗西鐵果間差唔好，藍色閃燈好靚，仲周圍有電視睇。50$個爐，有豉油同夠杰既蜜糖幾好。野食呢就好攪笑，好似去左凍肉店，全部真空包裝仲無解凍😱😱😱😱點燒呀⋯⋯今日仲咁凍得十度，好人啲個呀姨叫我地去沖沖水會快啲，我心諗呢啲野唔係要客做呀嘛。我明佢唔想浪費唔解凍就唔會返雪變壞，所以凍冰冰仲要去沖凍冰冰既水，其實沖水又浪費水😒野又未食好餓我好凍囉⋯⋯野食就極普通同少款式喇。雞排雞翼豬扒牛排魷魚叉燒金沙骨係咁多，棉花糖麵包蕃薯錫紙要俾錢。蔬菜有粟米青椒茄子脆肉瓜無喇。其他丸得牛丸（定豬肉丸）魚旦墨魚丸芝士腸好咸既廚師腸同豆卜無喇。全部都有雪包住既😑9個人燒俾一個細菜籃，要用菜籃先攞得野食。即係咁我地明唔浪費架，但好心就俾個大啲黎喇放左蔬菜又無位放丸。個個出黎攞都要似以前pizza hut salad bar咁又咁闊就疊咁闊，有咁高

昨晚去呢度bbq, 講真環境是不錯的， 衛生都ok. 所以開頭好滿意嚟呢個新地方（對我地嚟講因為第一次幫襯）但後來，我和幾個朋友都發現， 連平時唔飲水的人， 都可以在短短幾個鍾內買了4罐嘢飲。 晚上開車回家途中， 個個都叫口喝。 更恐怖的， 我地大家今日起身whatspp 都提到個共通點 , 就係條脷都重麻麻地， 可想而知佢地啲食物加味精加得好重手。 其實我已經係一個對味精不算太大反應的人， 都可以噉強烈感覺條脷唔舒服。 而我朋友平日可以滴水不沾的， 都買4罐嘢飲+支水， 都幾嚴重。 都唔明， 出街食嘢有味精唔奇，但不要太過份嘛。。。。目的想點？ 就係等你以為好好食？ 又或者等你不停幫襯買飲品？ 真係只有佢地自己先知。。。。。

作為一位無肉不歡的食肉獸，學生時代最常光顧的就是龍鼓灘任食燒烤場，那時候的我，總是在尾班車快到前仍不肯放下手中的墨魚丸串......在龍鼓灘未被環境污染之時，那兒的燒烤場辦得有聲有色，唯一缺點就是交通問題了，如今龍鼓灘燒烤場所餘無己，也沒有必去的理由了。捨近取遠，屯門、元朗一帶也有不少燒烤場。這天燒烤癮起，懶得走遠，就光顧這家富泰燒烤樂園吧！細看招牌，這燒烤場易手了，名為「新」富泰燒烤樂園，除多了些遊樂設施外，基本上還是老樣子吧！ 食物方面，卻是有很大的改變。燒烤食物一包包用膠袋包好，密封處理，還有有效日期，確是十分衞生。可是内裏的肉類冰得死死的，雪藏過久的感覺，相信美味程度會大減吧!丸類方面，墨丸是挺大的一顆，墨魚香、蒜香俱備，而且有些墨魚肉在內，增添咬口。魚蛋十分彈牙，但不太覺有魚蛋味。牛丸水準一般，大熱的香腸偏咸了點。魚肉燒賣口感粉稔，沒有一般魚肉燒賣的彈性。肉類方面，金沙骨是正肋骨位，食的時候方便，醃得算是入味，偏甜且有點像京都骨，肉嫩不俗。咖哩雞翼有「咖哩色」但不太覺有咖哩味，肉味一般，但以老公的技術補足下燒得還算可口，碩大肉厚。其他扒類都是一般貨色，醃味千篇一律，加上急凍的

剛入秋，秋天氣味開始濃厚，但氣溫還不算太低。儘管如此，友人還是急不及待要去BBQ。如果大伙兒去郊外燒，是煩的，又要買生熟嘢，拎炭起爐，帶水汽水，仲要搵個無馬騮無爐霸，有廁所有水洗手的......諗起都煩。所以友人的推薦好簡單，去燒烤樂園，擺低百零蚊任你玩。選擇有兩個，一個是龍鼓灘，一個是嶺大隔離的富泰。因為早上在沙田做完義工，再入屯門已經要不少時間，所以節省時間我們不去龍鼓灘了，直接到富泰。不過富泰今年的價錢又向上調節了少許，成人每人$120，開爐費$50。$120元已包任食場內所有食物(蕃薯$2一件另計)，一支水和一罐汽水。個場好大，而且任你搵位，搵啱叫好好人的師傅推個爐過嚟就得。洗手間還算可以，起碼叫大同有水有梘液洗手。炭是無限的，不用就住就住嚟燒，當然，不適宜用太多。蜜糖也很稠，沒有過度溝水。而且有鼓油供應。蜜糖掃，燒烤叉，碟，手套全部都可以自己再攞，很大方。這兒野食是獨立包裝的(丸類腸類和蔬菜則是自己挾的)。比較衛生，而且雪得很硬淨，大部份東西都要放15分鐘以上才開始解凍。沒有特別食物鎮場，但值得推介的還是有的：叉燒粒，蒜香雞翼，魷魚都是很入味和好吃。由下午3點燒到7點，才不過

聖誕或長假期除了外遊，燒烤係港人至愛節目之一，今次介紹係屯門富泰村內既燒烤場，地方夠大，環境清潔，收費每位$160，連一罐汽水及樽裝水一支，另加$50開爐費，食物品種離不開豬、牛，雞扒、及各式丸類，唔算特別，不過勝在將肉類每件獨立真空包裝，而且仲係冰凍既，感覺衛生好多。尤其是雞翼，醃得入味之餘，色澤夠，份量也大，塗上蜜糖之後味道一流。牛扒唔會好「鞋」但就略嫌唔夠滑口，豬扒同雞扒也算夠味。下次有長假期又唔想自己弄得一身工夫，可以考慮下呢個選擇。

聖誕或長假期除了外遊，燒烤係港人至愛節目之一，今次介紹係屯門富泰村內既燒烤場，地方夠大，環境清潔，收費每位$160，連一罐汽水及樽裝水一支，另加$50開爐費，食物品種離不開豬、牛，雞扒、及各式丸類，唔算特別，不過勝在將肉類每件獨立真空包裝，而且仲係冰凍既，感覺衛生好多。尤其是雞翼，醃得入味之餘，色澤夠，份量也大，塗上蜜糖之後味道一流。牛扒唔會好「鞋」但就略嫌唔夠滑口，豬扒同雞扒也算夠味。下次有長假期又唔想自己弄得一身工夫，可以考慮下呢個選擇。

久不久就會心癢癢想燒野食，唔想約來約去，3人就成團。近近地揀左依到，地鐵一出行10分鐘就到，我地認為間間任食燒烤場食物質素都差唔多，只要入列口就OK，因此地點係我地最大考慮，對九龍人黎講，屯門已經好遠。基本應該要有既佢都會有，唔知佢醃左幾耐，所以肉類都好入味；麵包會用野包好，所以表面果批都好乾好硬，如果要食，記得要揀下面果D；甘多樣最中意金莎骨，隻味最好，不過好難”吉”，要小心手… ….；雞翼有3隻味選擇，但食唔出有咩分別；不過同好多燒烤場一樣，有個好嚴重既問題，就係… …蜜糖好差! 好稀! 唔通佢以1比99甘稀釋左? 好似燒麵包甘，要搽好多層先有果個效果!不過以價錢同位置黎講，會再黎幫襯!