富田和食亭 (已結業)

聽朋友講，有一間好低食的日式放題，仲有火鍋，食物種類好多，都是同一價錢，適合不同口味顧客需要。於是，我就約左朋友去這裡搵食。餐廳地址係商場內，位置完全唔起眼，但一樣好多捧場客，地方唔大，檯與檯都近，勝在上食物都好快，飲料及甜品，任食，仲有清酒選擇。魚生刺身必選首選，樣樣新鮮，虎蝦爽彈，鮮柱貝、螺片鮮甜美可口、三文魚魚腩爽滑，魚油豐富。天婦羅，，番薯、南瓜好甜，好似浸左糖水一樣，三文魚魚骨，炸得干脆，雞亦肉軟汁多，秋刀魚啖啖肉，無醒味，淋上檸檬汁更好味。想唔到，芝士咖哩牛腩，都好出色，牛腩唔太腍，有口應，咖哩不辣，芝士跟咖哩味道都好融合，口感味覺滑溜，點上薄餅一流。羊架都唔錯，用香草調味，烤得剛剛熟，香味四溢，啖啖肉，完全唔靭，軟滑汁多，一點羶味都無。

今晚往藍田探朋友，朋友知道我是放題愛好者，推介我去啟田商場富田和食亭，擇日不如撞日，即刻去去到門外最少廿多人在等候，趕快登記先，等左三十分鐘，就有位了食物種類夠晒多，刺身，燒物，炸物，天婦羅，1-7位仲可以食埋火煱食品，有三種免費湯底可選擇刺身當然第一時間落單，十分鐘到就送上，厚厚的冰墊底，保持溫度，刺身很新鮮，尤其三文魚相當肥美，甜蝦新鮮無腥味。壽司亦很有水準，極力推介黑松露三文魚壽司燒蠔熟食亦很多選擇，螺肉八爪魚仔夠惹味，如果少點醬汁就更好，炸物超有水準，沒有太油膩感覺。燒牛扒和豬頸肉，皮燒得脆而肉不韌天婦羅蝦是新鮮即炸，蝦肉彈牙甜品時間到，竟然有百福豆腐花和大腳板雪條，兩樣都是我喜愛，perfect 飲品選擇亦不少，有獅威啤酒任飲吃完甜品埋單，二人共$370；平均每人不用$200,有刺身和各種美食，價錢真的很抵。

到左星期五，人的情緒也因放假，輕鬆起來，就約了兩個仔同細妹，食翻餐勁噶，又放心去食，又唔貴噶日式放題，係食晚飯時間，我地預約左檯，都要等，不斷地有人排隊，因為唔同時段，都有唔同收費，相對來講，是低食！食物的種類都好多，任點任食，隨個人喜愛！😜當然，先來一碟魚生刺身拼盤，中間有一個小杯裝著乾冰，型做出一個小小仙氣。魚生新鮮，鮮味。三文魚魚腩滑口，有魚油香、希靈魚爽滑，鮮甜、甜蝦大大隻，爽滑，留不停口，係停唔到、鮮味十足。串燒鹽燒雞軟骨，燒得剛剛好，入味，食落爽脆、鹽燒海蝦，蝦肉肉質鮮味，爽甜，蝦榖燒得脆脆。鹽燒秋刀魚、唔乾身，皮脆肉軟，唔多骨，啖啖肉。金菇肥牛卷，肥牛煮得太熟，有些嚡口，油脂都流晒係碟上，好油膩。蟹籽蟹柳沙律，份量就細細碟，再加一碟無骨鳳爪，酸酸甜甜，幫助消化，增加食慾。餐後，還有豆腐花、雪榚、汽水、雪米糍等供應。

我明白食物份量好重要，兩個人食俾每人兩件刺身冇所謂，我最多叫多幾次，但每次起馬等十五至二十分鐘，會有小小過份嗎！不但止刺身，連其他食物都係，但是一支梅酒已叫三次先到。上菜速度超慢，本抱著一試的心態，現在明白什麼係中伏。總括而言，食物質素一般，服務質素中下。

最近在網上團購左個5小時任食放題 地點在藍田,估唔到藍田都竟然有任食放題 咁就約埋D同事去試試佢我地本身BOOK左7點,6點9去到就入得間野唔算大間,一眼就可以睇曬周圍咁就好心急拿拿聲點野 第一輪當然就試試D刺身先啦一黎到見到個賣相已經有D中伏FEEL D蝦食落去梅的,又冇蝦既鮮味 三文魚就好似放左好耐咁,食落仲有D惺惺地 之後我地都冇再點刺身了,試試其他壽司 燒物 炸物還有這間店的服務很差,好似得2,3個侍應咁要等好耐先有人肯過來拎點好左既單 係等緊既途中就去睇下有咩野飲打開個雪櫃,D野飲全部唔凍的 有冇搞錯阿!仲要得D好基本既飲品 百示可樂 冰紅茶等...都算啦,跟住D野食又來了D蠔細到就好似手指公指甲咁大既SIZE,食落又淡口,唔講都唔知食緊蠔 牛扒都唔其望咁高,連個樣都放得衰過人,一D牛味都冇,好大陣雪味同(拿)得好勁秋刀魚反而煎得不錯,食落幾香口,個皮既油脂好正,呢個唔錯 雞串 海蝦就一般般啦,不過不失我同事之後點左個叉燒烏冬黎到一睇都嘩左聲...我同事對食方面要求都唔高,但都食左兩三啖就放棄左,烏冬又淋又酸,個叉燒又成舊肥油咁,點食阿!食到呢到都冇乜胃

朋友突然跟我說起藍田有一間放題店 問我要不要嚐一嚐 我當時驚訝得目瞪口呆 皆因住在附近的我怎麼會不知情？怪不得！ 原來富田和食亭是在上年年尾才開始轉型為日式放題店 這消息真是可喜可賀 屋邨市民也終於可以穿著背心外加夾腳人字拖到樓下大快朵頤啦～我跟朋友選了平日七點鐘來 只見人頭湧湧 不說會以為是商場周年慶促銷吧 還好我們訂了位子 時間到了就乖乖入座啦我是比較急性子的人 一進去就要找東西吃 所以就以甜點作開胃菜啦哈哈 該有的都有 唯獨缺了我和友人最愛的紙包烏龍茶需要茶水也可以自己到吧台那邊拿左起：豆腐花 不過不失椰汁奶凍 朋友說椰子味頗香 小清新芒果布丁 口感比椰汁奶凍滑溜 馬蹄糕？ 我跟朋友吃完都不知道是什麼 裡頭有一些小顆粒 應該就是馬蹄吧 可以不試 泡芙 為了它來來回回了大概十次 非常飽滿！不過新refill的要放久一點軟化了才會好吃冰淇淋選擇不多 基本款的巧克力 芒果 芝麻 懷舊的朋友可以吃大腳板和巧克力牛奶冰好啦主角斷斷續續送來了三文魚夠厚身 續點的質素也沒有下降甜蝦與虎蝦不夠肥美 但吃下去頗新鮮鮑片 螺片 玉子 鮮柱貝就正正常常壽司賣相袖珍 不用害怕佔據胃部太多空間 紫心香芋

很久沒吃過放題，住觀塘區的朋友知道藍田有此店，吃放題多數在旺角區，有見及此於是去試一下，看看究竟味道如何。到了，職員給我和朋友二人找了坐位，就放下點食物的便條，說是先用這組，便條上寫著頭單的，之後再用枱上的。飲品和甜品是自助的，可是飲品卻鮮有的，有這兩個盒裝產品，感覺有點意外。先來的當然是刺身拼盤，擺放得精美，還有乾冰作點綴。拼盤中甜蝦是首選，甜鮮味香，完美無任何腥味，帶子細細粒的，一口一粒，鮮十足，螺肉也不錯，吞拿魚非常新鮮，魚肉味香濃，愛吃三文魚的我，也被這些吸引了。隨後來的是個人必吃的清酒煮蜆，煮出來的清酒湯味較甜，清酒味不濃，卻帶出蜆的鮮甜，並沒有被酒味遮蓋，比酒味濃的煮出來，更合個人口味。再來就是壽司，用一隻長形的碟子送上，很是特別。黑松露醬配三文魚剛好，令三文魚更香之餘，更有口感。蟹棒壽司暖暖的，配上沙律醬，咬吃來有點暖有點凍、海蝦壽司相比下就普通了一點，雖是鮮甜，比不上蟹棒壽司的突出，火灼三文魚就非常好，除了經火灼帶出魚肉香味，熟了的魚肉與壽司飯形成對比，一軟一硬的，個人很喜愛這個口感。送上必食之選，羊架及牛扒。牛扒外表仍有點血紅色，大部份也熟了，可是入口軟硬適中，沒有太

我個人來講其實不太喜歡放題，因為大部份放題都垃圾抄埋一碟，唉，都冇乜邊間例外，不過為左應乎朋友冇計刺身，似擦膠多，不消提熟食穩陣，蝦可接受，連委可食到，委瓜都可接受，但粉好多，乍漿都多，一般般啦羊架唯一可接受，叫做食得下，有小小蘇未大多都係一般，冇其望冇失望

真係第一次嬲到要上黎打評語！我早3日打去book左8點半6位。我8點半去到 佢問我幾位之後叫我排隊 問都無問我姓乜，我照排 但我眼見walk in一路入緊。等左15分鐘 已經開始有其他book左既人問點解重未入，我都去問，佢究竟答我: 就算你book左呢個時間都吾代表有枱俾你。我已經嬲嬲地 咁我book黎做乜？之後一路等 大家都一路嘈，佢就叫我地分開座，下！我黎食父親節飯你叫我分開？之後佢又叫我地座住4個人，隔離果2個人一陣就調走俾我地座。咁即係騷擾到人者！之後我地聽到啲侍應係對講機話吾使理我地！我聽到即刻勁嬲！咁我地企左係到，我地又聽到啲人係個對講機到話我地企係到阻住佢地！之後就嘈到全場望住我地 咁我地有個人太激動推左個侍應一下，佢即刻話我地有閉路電視！最後我地嘈左陣就走！明明我地book左位！點解搞到好似係我地有錯我地搞住人咁！本來都無咁嬲！最嬲係聽到佢地話吾好理我地！大家要認住個女人 短髮應該係經理！一間食店如果吾識留枱 咁點解重要俾人book？

住在九龍東多年, 要吃放題的餐廳不太多早前老人家提到想吃日本野, 佢又唔鐘意出人多的旺角想到之前在團購吃過的富田 (當時吃的不是放題, 食物水準都唔錯) 所以一於黎試下佢地既放題一早打來訂了7pm時段, 免得老人家等侯6.45pm來到, 門口已有一堆人在等候入坐, 望望入面都幾full 喎每段時間限食90分鐘, 價錢也清楚列明yeah, 終於可以入座啦帶位的姐姐先遞上一份order紙餐廳深明來到的食客, 一定是第一時間"劃劃劃"這個工作交給男友吧~ 而我當然是分工去拎飲品啦~飲品甜品都是自助的, 啤酒, 烏龍茶, 綠茶, 汽水, 仲有韓國蜜瓜奶都有甜品有自家製的榚點: 椰汁榚, 啫喱, 芒果布丁等也布雀巢杯裝雪榚, 雪條等除凍飲外, 熱茶熱水都有, 不過都是自助式的我喜歡這樣, 因為侍應都忙個不停, 自己拎相信仲會快其實我都唔知男友點了什麼, 交了order紙無耐就送上第一碟: 壽司飯團細細件, 食多幾件也不怕頂胃刺身的色澤都叫新鮮, 黑松露系列必食, 勁香, 而且份量也很大方剌身隨後端上嘩....加入乾冰造出仙氣效果雖然不及大x屋集團的水準, 可是以價錢比較番, 就相對稱職至少刺身都

富田和食亭晚市放題$178 加一黎到香港美食沙漠藍田 估唔到都有間放題而且一到dinner時間就有好多人排隊等入座無他嘅 除左因為選擇少之外 價錢仲係街坊價 好抵好食指數: 3.8/5抵食指數: 4/5梅酒估唔到街坊放題餐廳都提供梅酒仲好細心已經入好一壺壺 雪凍左而且仲有兩隻咁有情調嘅杯仔比你嘆重點係梅酒竟然無溝水 好濃嘅酒味同梅味好揼本 正燒物重點推介有燒三文魚頭同鹽燒蝦三文魚頭外皮燒得香脆 軟骨嘅肉好嫩好腍挑剔就係份量少 魚頭會前開成細細舊想食多啲就要再落order叫鹽燒蝦外殻沾滿鹽 餸酒一流刺身叫第一轉就會黎隻刺身船 都係慣例有三文魚同甜蝦都算新鮮 合格吞拿魚 帶子 墨魚 質素就一般小型火鍋估唔到食放題都可以打埋邊爐仲係細爐添 唔會浪費檯面位置比你試多種野 亦唔會浪費食物 概念幾好湯底係豬骨湯 幾夠味肥牛 雞件 都係拖一拖就食得 唔洗點豉油生根索左湯汁 食落好正

難得又完成了一星期的工作，來到了星期五，當然要吃點新穎得黎又好味既食物啦，今個星期我就揀佐呢間位於藍田一個屋村商場既放題食店啦！大約晚上7點來到食店，看見前面有2位c9正在和店員談話，原來今天已經fully book，幸好我有預先訂座，不然，今天也要吃閉門羹呢！想不到，遠至藍田的一個屋村商場，也有這麼多人吃，讓我對這放題店多了一絲的期待！（後來才發現店舖有做團購，所以價錢很便宜）進入店舖，裝潢還算可以，和式設計，但座位的枱面不太潔淨，有點茶餐廳的感覺 - 「枱面有食物的殘骸」再去看一下自助領取的飲品和甜品飲品有很多選擇-汽水、果汁、無糖烏龍茶、涼茶、啤酒，可算應有盡有！甜品方面，選擇也不少，泡芙、啫喱、豆腐花、雪糕、雪條、蛋糕...再看看放題必備的order紙，13個category，款式也算多，刺身、手卷、壽司、燒物、串燒、天婦羅、沙律、拉麵、清酒、炸物，以至火鍋也有。刺身的賣相不錯，但食物質素我覺得麻麻，三文魚正常，吞拿魚像染身的，喜靈魚表面有黑點，甜蝦有少少晦，沒有了彈性...芒果炸蝦卷幾好味，但飯團很容易散開芝士鰻魚反卷，不太吃到鰻魚味...火焰蟹棒，火焰鰻魚，火焰XO和牛，味

今日個lunch實在非常不濟，食左兩啖就放棄左一路番工一路勁肚餓，心入面有把聲不停講"快d放工食餐好⋯快d放工食餐好⋯"係我扮工既時候，就當然上op睇下公司附近有咩好食啦，睇睇下發現藍田有間放題，咁肚餓仲唔食到盡 咁近就試下佢啦搭正六點正即刻起身九秒九走人好快就去到藍田呢個屋村商場啦，第一次黎呢度，估唔到個商場又幾大，乜都有wor分3個時段，星期一至四就平少少，一家人黎食既話，小童長者就仲抵我今次食既時段就最貴，每人$178，但放題來說呢個價錢一d都唔算高呀食物紙有成13種種類俾你慢慢揀，真係逐樣試都試到暈，但大家都記住唔好亂叫，要珍惜食物首先黎個刺身拼盤，每樣刺身都唔錯，夠晒新鮮蟹籽沙律，有青瓜絲同栗米撈埋沙律醬一齊食，喔喔脆燒物選擇繁多，有我最鐘意既燒菠蘿同小蕃薯秋刀魚都燒得不錯，魚皮燒到夠晒脆身卷物就散左少少，但味道唔差1-7人可以叫一鍋，8人或以上就可以叫兩鍋湯底都有3種選擇，我地揀左蕃茄濃湯，呢個鍋我地用左黎做雜菜鍋食咁多肉都要食番d菜中和下～其實除左蔬菜，仲有好多唔好既材料揀架，放題有得打埋邊爐真係比較少見埋黎睇埋黎揀，有好多唔同種類既飲品俾你任睇任揀任飲甜品都有唔少選擇

少有來到這區，今日親友帶我來呢度食放題，晚上8.30後只需＄158，任飲任食，有魚生、有熟食、甜品飲品還有酒類，還真夠多！看！人頭湧湧，企滿商場！刺身一盆上，造型殺哂！三文魚夠大塊，又厚又油潤甜蝦很甜刺身來說，睇顏色很夠新鮮，食落都係！除了有冰底外，還有一杯仔乾冰，出哂煙咁樣金菇牛肉卷，金菇好多耶！！羊架都好好味，燒得香口，夠厚肉，而且小小蘇個人比較愛清酒和梅酒，小小一渣，不夠可再添，也不會浪費清酒，清清地，卻很有酒味梅酒，很甜，有梅味酒味很濃，甜甜水飲飲下都幾勁抽串燒鹽燒海蝦，燒得剛剛好，小小海鹽提鮮鹽燒雞軟骨，燒得香口，卜卜脆爽口shot shot 聲的口感，不錯喔！牛奶樂，好耐冇食過了，還有其他的雪糕，蛋糕，甜品等，都非常多什錦天富羅粉很脆薄，炸得不錯喔！種類繁多，有蝦、蟹棒、南瓜、茄子、蕃薯、蓮藕最後，一定要稱讚店員，服預態度極好，有禮有耐性

6月7日 一位親友剛到埗香港旅遊 由於親友未食過日式放題 於是我便選擇這間在家附近的放題餐廳 係團購網站見到有呢間餐廳做緊5小時任飲任食放題團購優惠 均一價$118+48 (其實walk in價仲平 成人$138+10% 小童$98+10%) 由於同行有位8歲小女孩及親友剛到埗 為免進食過急 我還是選擇團購5個鐘諗住慢慢食 到餐廳門口先確認booking 門口操大陸口音的姐姐左摷右搵都冇我booking(店方表示要提早一日訂枱 其實我6月5日中午 即提早二日已經訂枱)幾經交涉及我出示手機錄音紀錄(好彩手機有錄音功能)店員先好無奈安排一張4人枱比我坐低後我再問店員確認團購可以食足5個鐘 我便叫同行各人可以慢慢食 唔駛急 邊坐邊食到3個鐘 收銀姐姐(即門口操大陸口音的姐姐)埋黎表示有客在門口等位 冇比任何優惠我地情況下要求我們讓出坐位(自問同行4人都不是小林尊《日本著名的大胃王》 其中一位更係8歲小女孩) 見各人都食到7788(其實我g親友未夠飽)坐多15分鐘便到收銀枱結賬 結賬時我同大陸口音姐姐講(做唔到5個鐘唔好出個甘既優惠麻)佢便好串甘話(噢