富田和食亭 (已結業)

星期六行完觀塘開倉就飛的去藍田食放題，平時食得多大喜屋滿屋都悶啦，周圍試下又唔錯喎！刺身其實只算ok,三文魚肥美既，但帶子太細粒，鮮味不足，甜蝦同虎蝦都無再encore，食左兩轉到，因熟食好味之前食熟食多壽司中芝士饅魚卷芝士味濃厚，花之戀都好食兩款燒蠔都好味，不停encore炸物方面榴連炸彈好正，榴連料十足，炸蝦餅薄薄炸粉唔會厚老公食羊鞍，佢話幾好食，但好漏下，而佢個西冷扒我至愛！係咁叫完再叫自己唔太好串燒類，老公叫左燒蕃薯仔，佢話有驚喜喎！飲品方面無糖只有盒裝烏龍茶，汽水係7喜百事康師傳，仲有清酒梅酒任飲，但我地無試到甜品櫃有布丁，泡芙，布丁麻麻地，泡芙就唔錯，雪糕都幾多選擇，有大腳板，三款雀巢杯裝雪糕，仲有幾隻雪條（我只食左條大腳板咋，太飽喇實在）其實依間仲可加錢食生蠔，希望下次再黎試下總括黎講依間熟食評分高過生野，平價黎講算頂級，試過兆萬北角銅鑼灣都中過伏，價錢仲要無依間咁抵食仲要生熟都唔掂所以畀我會再encore佢，今次臨時黎，帶住b車畀左4人枱我，超好，Le 樣真係無一間放題做到咁滯，去親放題我都係抱住bb食，Le 間係bb friendly 食巿，有bb chair侍應經常

我見之前團購有呢間，上Op又有優惠，就和老婆來吃，最重要係有清酒和梅酒任飲。這裡的刺身都可以，可惜係叫10件黎5件。我比較喜歡吃牛排，雖然係平價的，而係牛味好濃。如果以人頭@$160來説已經算好平，而如果同旺角區比較質素有距離，所以冇得比

有親友從還方到來，要儘地主之誼，請親友好好地返一餐豐富的晚餐，為勉親友舟車勞動，近近地帶她們到附近的日式餐廳，她們都是好喜歡食日式食品。而且，我已幫襯過了兩次，對他們的食物有保證，故此我都會帶朋友到呢度開餐。餐廳的裝修比較平民化，價錢都好平民，係唔錯選擇的餐廳。客人流都唔少，不斷有客人進入。食物種類繁多，隨意選擇喜愛的食物，會分為頭單、再翻單等。魚生刺身、很新鮮，鮮甜，甜蝦爽滑彈牙，三文魚肥美，油脂分佈均勻，入口溶化，吞拿魚爽口，帶子就比較細粒，有質感。清酒煮蜆，淡淡酒香，蜆肉彈牙，停不了口。炭燒豬頸肉，香氣撲鼻，調味剛好，肉質爽口，色澤吸晴，美味。天婦羅，炸得脆口，唔油膩，蝦肉爽口，咬落不乾身，肉汁鮮美，南瓜，番薯清甜。餐後，當然唔少得是甜品，啫喱、盒裝飲品、雪糕雪條，豆腐花等。

母親生日.. 父親竟然提議去佢工作地方附近間日本食品食日式放題唔係好試其他國家野既父親..佢開聲...我緊係帶佢地去食啦我地8點鐘去到全場都唔係好爆, 但8點半開始就開始..人開始多喇..因為8:30起 $158 1個... 我相信d人都係等呢個再平d既時間食..刺身新鮮.. 唔錯既中華沙律:我覺得唔夠爽口螺肉: 呢個同出面一般食開既一樣我叫左一份... 分量多既青酒煮蜆呢個反而有驚喜WOO..青酒味好出... 味道又鮮甜左口魚邊壽司細細件...又燒得岩岩好...幾好食燒羊架羊架燒到8成熟..肉質'林' , 不錯.. 我地叫左2轉燒物味道不過不失燒蠔我只食左蒜味味道幾好...燒到幾JUICY.蟹粥呢個..咁多樣野之中...我覺得最差一個..根本係蛋花粥印度薄餅幾脆口...好似我地係泰國食O個D街頭薄餅咁炸物炸榴槤... 無諗過呢到都有...肉就小左D.. 但炸幾外層幾脆唔差既仲有梅酒飲..飲品甜品而都有數款比人選擇我父母都食唔小..HAHAHA屋村黎講...呢個價錢有咁既質料都唔差啦近近地係可以一試

估唔到屋邨竟然有咁樣食物質素嘅日式放題，真係唔錯兼抵食，環境又舒適。如果唔想煮飯，同屋企人來轉下口味，或者得閑約埋一班同事、同學聚下，絕對係個好去處，食得開心，又坐得舒服👍

去完藍田探朋友，大家一齊落樓食飯。朋友話帶我去食放題。我即刻打個突，乜原來藍田呢d商場仔都有日式放題食！仲以為我地果晚要去大排檔打冷添。店面紅色為主，好易搵。成人價錢兩百蚊多d，某d時段仲兩百蚊有找添！都可以話係平絕全九龍喇！放題紙上選擇都唔少，各式各樣都有。佢地好貼心，會有分頭單同加單。頭單會優先製作，唔會要食客餓住肚等太耐。野食方面，分為以下幾大類：《刺身》三文魚同甜蝦最好食，魚肉厚切啖啖肉，甜蝦好大隻無雪味非常鮮甜。其他都一般般，虎蝦稍為薄左少少，質感有d怪。《壽司》壽司飯調味唔錯，少少酸少少甜，幾開胃。但係比例方面控制得未夠好，飯太大舊，好輕易蓋過飯面既肉味。《燒物》我地只叫左三款，但都好出色。西冷牛扒高質，好有牛味，只係薄切左少少。羊肉半肥瘦，幾Juicy。豬頸肉爽爽地，好香口。《焗蠔》焗蠔有兩款揀，分別係芝士同蒜蓉。個人鍾意食芝士多d，表面好香口，咬落好軟滑，啖啖芝味。《炸物》炸物都算係驚喜既地方，佢地用新鮮油炸，唔用萬年油，所以入口唔熱氣。炸粉亦唔太厚，無蓋過食物口感。最後天婦羅、煮物同串燒，一般般啦，無咩驚喜。呢一晚食到非常之飽，雖然食物唔算非常驚喜，但藍田有日式放題本

雖然係屋邨商場 但食物質素真係唔錯 而且款式好多 有驚喜黃金燒蠔一定要試！ 加左芝士忌廉好滑 而且酸酸甜甜好味蒜蓉果款味道偏淡天婦羅炸得乾身ok既 天婦羅汁要另外問侍應攞 炸雞翼都好味 肉質實刺身不過不失 唔算好新鮮雞串好入味蘑菇好腍但味道唔夠壽司一般推薦蟹粥好鮮甜 encore左3碗

每當阿媽唔煮飯，我就會心思思想去樓下啟田商場既「富田和食亭」開餐，因為實在好抵食，我今晚周日黎到，每位$188 (另加一)，同去酒樓食餐飯差不多，但唔好忘記喎，呢度係任食，係任食呀！而且比起尖沙咀既日式放題餐廳，富田既選擇有過之而無不及。 周日晚黎到，座無虛設，唔訂位唔駛旨意有得食。 一坐低，侍應即刻遞上一套full set既菜單紙，夠細心。由串燒到火鍋共13張紙任點任食，飲品同甜品自己出去攞。 估唔到既係，飲品竟然有酒類，包括清酒同梅酒 (另有啤酒)，感覺特別抵。 先攻刺身。呢度有唔少選擇，而且因為人客多，流量大，所以食材都新鮮。我好鍾意食馬刀貝，但唔係度度有，見到梗係立即喪叫！馬刀貝好爽口，咬落索索聲，正！生蝦有甜蝦同虎蝦兩種選擇，前者肉質夠甜，後者勝在爽口，兩款蝦都新鮮味美！ 壽司之中，特別推薦火炙和牛壽司，薄薄既一塊牛肉，面層被燒得焦香，底層仍然保持生生地，面頭加左少少煮過既蒜蓉，勁香口，如果唔係要留肚食其他野，我會encore再encore呢個。 其他仲點左串燒、天婦羅同泰式小食，全部都水準中上，鍾意食乜，悉隨尊便。 反而想講下甜品，出面好多日式放題只

Tonight I dinner with my families.We chose a japanese restaurant called ''Tomita Japanese restaurant"(富田和食亭）located in 2/F Kai Tin shopping centre,Lam Tin(藍田啟田商場2樓）which provides free flow of both of drinks and foods.There are diffrent charges from different time slots:Section 1: enter 5pm-7:30pm $158 per personSection 2: enter 7:30pm-8:30pm - $178 per personSection 3: enter after 8:30pm - $148 per person*(Monday to Friday )*+10% service chargeWe arrived around 7:30pm,so we fall into the sectio

質素好差，服務太度一般，價錢唔貴，但一分錢一分貨，食品水准不達標，好似日本茶餐廳，衛生都好貴差.總之👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻千萬唔好食，就係垃圾

漫長的一星期終於過去，早就讓媽媽選擇這天放假，一起去吃好西。為什麼吃個放題要擇日？因為媽媽平常都不怎麼吃生冷食物，食量也很少，上星期卻主動提起去放題，當然要隆重其事。找了很多間放題也被這個精明的師奶仔ban了，說太貴又太遠等等。最後在渾渾放題中選了這間價錢親民、地點就腳的富田和食亭門面有很多關於放題的介紹，等候的時間已經可以睇定心水。放題打頭陣的當然是刺身點了三文魚、甜蝦、虎蝦、馬刀貝、八爪魚、鮮柱貝、飽片還有松葉蟹棒。右邊是再點的，所以能看出三文魚和甜蝦的魅力了吧！甜蝦特別鮮甜沒有腥味，厚厚三文魚是我的最愛。最讓我驚喜的是馬刀貝，竟然能如此爽口，雖然都是很小的一片片，但是爽滑彈牙！唯獨是鮮柱貝size比較小，但味道也不錯。我們最先試了黑松露三文魚腩壽司，媽媽特別喜歡這肥美的三文魚，上面的黑松露份量剛好不會搶了風頭。最近受好友影響有點愛上了左口魚，這裡的火焰左口邊壽司不過不失，調味有點太多反而試不出真味道。火焰三文魚曾經是我必食的一款，吸取經驗弄走了面頭的一些配料再吃，入口即溶。芒果炸蝦卷讓我對芒果的壽司改觀，以前覺得這配搭很奇怪，但吃下去芒果的新鮮中和了裡面炸蝦的熱氣，很fresh的

放工後，與同事前來這一家放題餐廳吃晚飯。初時會想吃放題，至少要三百元才可以找數吧？但原來這裡平日星期一至五的消費只需$168，八時半入座更低至$138，可說是一家價錢親民的放題餐廳。在藍田站爬上幾道扶手電梯，終於在啟田商場的一角找到這家餐廳。入內二話不說馬上點餐，刺身當然是優先點的吧！刺身算新鮮，選擇不算少，第一輪點了三文魚、立魚、希靈魚、鮑片、蟹棒、玉子，每種淺嚐一兩片就好，登時暑氣全消。旁邊的乾冰不斷散發著煙霧，使菜式更添冰涼的感覺。可以看出這裡的壽司選單都經過特別設計，力求避免與刺生過份重疊。即使是三文魚壽司，也提供了黑松露和炙燒的版本。個人比較喜歡炙燒壽司，因為可以嚐到表面的焦香外，還可吃到食材內裡原始的味道。蟹粥鮮味不算出眾，不過淡淡的口味很合口胃。燒蠔挺香口，蠔屬於個子小的那種，蠔味突出。串燒一般，火喉不太夠。炸物大集會──有海鮮米卷、蝦餅、雞翼、蠔、年糕，全部都熱度滿分。清酒煮蜆有淡淡的清酒香味，蜆小而具相當韌度，也沒有沙。粟米粒的牛油味不突出。金菇肥牛卷比想像中要大紮，金菇爽口，牛肉滿有牛味又不算韌。餐廳提供多國料理，所以有這一道咖哩牛腩。牛腩非常軟滑，咖喱的味道也很香

是日去咗藍田探朋友，午餐就喺附近揾嘢食啦~見到呢間日本嘢價錢好似好抵咁，咪決定入去試下囉~點知中中地伏午餐五十幾蚊有前菜+定食+飲品，咁又的確係抵，不過食物質素就唔好抱有咩期望啦...網燒牛扒...好乾...胡麻醬牛肉...個人認為胡麻醬熱食係唔好食嘅...其實食物都係其次，主要係服務態度唔係咁好，同埋不斷聽到侍應們唉聲嘆氣，咁樣會令食客心情都唔好，呢方面有待改善啦！

book咗枱嚟食啦,一家人,本來諗住我同阿妹食嘅姐,結果變咗一家人. 爸爸係禮拜日先出到黎食,所以book咗禮拜日嘅五點三至七點食.早咗成十五分鐘到嘅，但係附近冇啲位比人坐，搞到呀嫲企足咁耐，明明入面全部空位都唔坐得。 黎到先知長者有優惠，早知叫阿嫲帶埋長者卡，平佢廿幾三十蚊。一坐低即刻急急腳寫曬全部單，跟住又急急畀曬啲單。 我以為總之落曬單先啦，仲要等啲嘢食整完， 以為佢哋會逐啲逐啲送上嚟la,睇你食完先畀啦，點知佢哋一次過嚟曬 ，仲要唔夠位擺，碟又大喎。呢個時候真係...即刻食。阿媽又嘈住曬，又話咩你哋唔好嗌啦 ，佢自己又唔幫手執枱。 真係考驗人類極限呀 壓力極限！ 臨尾個侍應，都唉左聲。 臨尾後面黎多一枱，有侍應提佢哋唔好再嗌，心諗，你又唔提我哋！味道黎講，我覺得有量，但係味道就爭啲囉。 個清酒煮蜆都係有啲沙，個蟹粥啲粥冇咩蟹味，好分開囉！ 個蟹棒同街市買返嚟嗰啲一樣嘅。仲有雞肉串，都係同街市嗰d一樣lor。 佢啲甜品都麻麻。 全部飲品都係罐裝飲品，我以為有啲紙包，啊，好似得一隻。 嗰個溫泉蛋真係大伏！千祈唔好嗌！！！ 難食到嘔！

係open rice度見到係屋邨商場入面會有放題食，價錢又相宜，即管訂位試吓！老實說去之前對呢間放題期望唔敢太高，因為始終覺得係屋邨🙊🙊雖然佢嘅裝修唔冇咩特別，但係意外嘅係呢間放題款式同種類十分多，落單既紙有大約十多張，有基本嘅刺身、壽司、天婦羅、串燒等等之外，仲有得打邊爐，同埋有飲品櫃及甜品櫃， 俾人任拎任食！另外最欣賞呢度嘅係上菜上得好快，每一次上菜嘅數量都同落單嘅數量一樣，絕對唔會減少！👍🏻👍🏻刺身船: 一嚟到見到賣相十分可觀，刺身船用咗乾冰，令到成隻船識得噴煙，幾得意😹刺身新鮮，全部三文魚都係厚切，口感十足！唯獨嘅不足係豉油普通左少少，唔夠鮮味。招牌焗蠔: 估唔到呢個價錢都會有蠔食😁仲有兩款口味可以選擇，分別係蒜香焗蠔同黃金焗蠔。黃金即係忌廉芝士，個汁已經好濃好好味，配埋我最喜愛嘅蠔，我食左半打！卷物: 每一款卷物都係細細舊，唔會擔心食完太飽！每款卷物都配上兩種唔同刺身，令口感更加豐富，例如海膽親子卷，芒果三文魚炸蝦卷。炸物: 每一款炸物都係新鮮炸嘅， 十分燙口。最值得推介嘅係香蒜炸雞翼，雞翼本身仲醃左過，脆口之餘炸粉又夠薄。鐵板燒: 香草羊架鬆軟，我一口氣都食咗三份！牛扒生熟