富臨皇宮

營業中

休息中

新年團年後都冇麥機會同家人聚會，於是搵左間近地鐵站又舒適既餐廳傾下計。餐廳做梗promotion 有得加48蚊有3款食物可揀，款款都係心水，有龍蝦，魚同雞。我地就揀左魚。係滑一滑既沙巴仔，唔多細骨，一家大細都岩食。同行家人叫左支20.8既啤酒，佢話好抵飲，零售自己買都未必有咁平。叫左份牛4寶，街邊食牛雜試過唔熟，變左牛內臟刺身。今次係酒樓內食就好放心咁食。仲可以慢慢品嘗。因為同行有小童，我地叫左個菠蘿生抄骨，呢個仲有d骨令個肉質更嫰。仲有個竹笙羅上素，平衡下。生煎包都抵食，因為幾大個又新鮮。另外叫個個老黃爪響螺湯，超甘甜。見到平日人流唔多，坐落有電視睇又可以傾下計。服務周到有笑容。值得回頭既餐廳。

媽媽回鄉拜山前，我地一家同佢farewell.柴灣區酒樓出名質素一般，今次我地搵到富臨，覺得以前藍灣果間幾好丫，於是就信左呢個品牌光顧一次。4人同行有48蚊優惠 ，1人以上都可以叫架喇。有跳舞雞，龍蝦同沙巴仔魚。因為媽媽最愛食魚，我地就叫左蒸魚，勁抵食。蒸得岩岩好，骨不多，好鮮。可憐既我煲湯成日都冇人飲，今次一於試下大酒樓係點煲既先。 一大煲老黃爪響螺湯，盛開有成10碗，有雞，鳳爪，響螺，瘦肉，好足料。好清甜。小菜當然揀左自己整唔到既菠蘿生抄骨，牛買寶同一個素食。色香味俱全好正。再叫多一份生煎包，好有風味又新鮮。住係康翠臺既街坊幾幸福，有間富臨係左近。我果邊就只得一間經常食到人腸胃炎既餐廳。。。下次食團年飯可以諗諗。經理仲好識做，送上桂花糕一份。

今天即興，近近地與姑奶奶們一起到富臨喝早茶，早上有孖寶，特價點心，經濟實惠，點心上枱時熱騰騰的👍，推介银蘿脆皮腸，外脆內軟，蘿蔔絲冧甜👍,生滾魚腩粥多魚腩👍，粥底夠綿，燒賣一籠兩粒，蝦脆有口感，衹是💰7.8,鳳爪排骨盅飯也抵食💰9.8,如果一個人又想早午餐一起食，到這裏吃一盅兩件也是不錯啊☺

肥仔難得同阿媽去食飯就諗住去附近食好啲啲啦，又見到間酒樓個上湯龍蝦伊麵例牌298咁平(未計加一)就走去食，龍蝦份量算多，啲龍蝦得個彈牙冇龍蝦嘅鮮味，伊麵又係淡而無味，連個汁都係淡口。之後叫咗個孖寶灼蝦同埋個蒸鱔，灼蝦嘅鮮味仲勁過龍蝦...無言。。蒸鱔都正常，肉質略欠彈牙，但味道都唔錯。最奇怪係我明明唔食碟花生(即酸菜)，個經理話叫孖寶set，就一定要俾酸菜錢。最後經理無啦啦收咗碟花生，但照收酸菜錢....我到宜家都唔明呢個係咩玩法

好朋友生日，今天緊係要攪大佢啦，訂咗兩圍酒席係柴灣富臨酒樓，同佢 慶祝 ，人齊就叫侍應可以上菜，先來嗰原隻燒鵝，味道香濃、再來白灼蝦，蝦都新鮮，小点有麻辣鳳爪，十分勁辣，唔啱我，重有龍蝦伊麵，龍蝦都好正，麵就冇乜味，最後緊有個主人翁生日蛋糕啦，飲飽食醉到十二点幾，又係回家嘅時候。

而家食早餐，唔係A餐就B餐，離不開炒蛋腸餐肉。。。。。其實都幾悶，之前成日覺得飲茶又貴又難一兩個食，最近發現樓下富臨早市原來有一人點心拼盤，真係一兩個人飲茶既佳音係呢間富臨飲茶，無人帶位，自己見位就坐，想唔想搭枱都係自己決定，茶客既平均年紀都較高講返個點心拼盤，總共有五件點心，菜肉包、紅棗糕、牛肉燒賣、燒賣、潮洲粉果菜肉包、牛肉燒賣、燒賣都正常潮洲粉果皮太厚，沙葛多過肉粒紅棗糕好明顯應該紅棗唔多話算回來，15.8 一個點心拼盘，呢個質素已無可挑剔至少可以慢慢坐，不斷飲茶

辛苦左一日梗係揾三五知己聚吓啦、打左幾个电话、约左幾個老友去左柴灣食反飲酒吹水、坐底等齊人就先來幾支啤酒、叫左條魚、一個飽魚炆冬故、叫多個花枝片抄西蘭花、條魚蒸到啱啱好、飽魚就一般、西蘭花尚箄可以、不过幾個老友聚埋一齊、飲吓食吓、時間过得特別快、個侍應見我地好似唔想走咁、就哩來話比我地知就來收工啦、叫我地下次再來、ok我地就埋單下次再飲过。

難得一班朋友中有幾個係同一個月生日嘅、就约埋成班朋友一齊慶祝，揾左一間酒樓包左間房有麻雀打又有卡拉ok、我地叫左一个套餐、有鸿運乳猪全體、金銀蒜蒸鮮帶子、蠔皇原隻八頭飽扣金錢、翡翠炒雙蚌片、花膠蟹肉生翅，清蒸龍躉班、交竹笙搖柱爬双疏、炸子鸡，鮮蝦荷葉反和蟠桃壽桃。先上係乳豬全體、食落幾趣、帶子好鮮甜、哗飽魚好大隻、咬一啖好林、個花膠翅都ok、條魚就一般、竹笙搖柱爬双蔬就還可以、最大个就係蟠桃壽桃、鲜蝦荷葉反都好好味、飲飽食醉後大家各自回家、下次再聚。

呢個係一個火鍋放題真係超級難食真係好平嘅所以都係算啦啲湯底真係淡到嘔嘢食已經唔好食湯底都係想嘔新鮮嘅蝦都係ok嘅上到嚟都係跳跳紮可以自攜紅酒 又有免費啤酒佢個肥牛簡直係 好似煙肉咁樣佢想上完枱我已經退番畀佢鵝腸完全唔新鮮啲菜係ok嘅總之齋菜類係唔錯最頂唔順係啲餃子類一滾即刻就皮肉分離佢最差嘅就係魚蛋咸到嘔丸類物竟然可以咁難食其實真係唔會有下次我唔係要求你有魚肉但係唔係仲差過街邊嘅咖哩魚蛋其實夜市要多人嘅話不如做返啲中價嘢仲好唔好將貨就價做呢啲不如用心做一下就直情唔做晚市因為效果真係好嚇人

一向都係乖乖女既我今次就帶婆婆去覓食～由於老人家都比較上少出街食飯而且食既種類相對比較少所以我都唔敢亂帶佢去食～最後就決定帶佢去富臨到食中菜啦～雖然婆婆平時自己都會煲湯煮送～但婆婆今次食完都讚不絕口仲話好抵食添啊～首先就叫左個姬松茸花膠燉響螺湯比婆婆飲～要求高高既佢竟然讚好～佢好怕係街飲湯因爲好多都係味精湯～但呢煲湯佢飲左四碗！成煲湯都有好多好多料，好足料去煲～連我都覺得好好飲～最好既係佢真材實料～唔會靠味精去令煲湯好飲～店員好好服務咁幫我地分開d湯渣比我地食～成大碟都係 又有螺頭又多花膠小食方面就叫左個生煎包～包入面餡料好足夠～而且唔會好油 老人家都食到～～主菜方面就叫左：菠蘿生炒骨～份量都好多 佢唔算話好多骨 不過勝在炒得夠香 酸得黎又夠甜～連菠蘿都好好食！海參花菇扣玉掌：呢個煲可以算係婆婆既最愛，點解？因為難得地佢炆到好「林」玉掌都炆得軟身～連老人家都食到～所以婆婆成煲差唔多食哂咁濟～到我最愛既西蘭花帶子珊瑚蚌珊瑚蚌唔知點解配西蘭花好鬼夾～呢間炒既珊瑚蚌好爽口唔會太韌～西蘭花都炒得好軟身果皮蒸鮑魚～咁既價錢食到咁大隻既鮑魚其實已經好有驚喜～不過我地就覺得如果果皮味可以再重味d就會

去完東區醫院, 行落山腳是但搵間酒樓食晚飯, 要就老人家口味丫麻 行行下見到間酒樓就入左去首先就嗌左個是日燉湯都幾大份店員首先將D 湯渣不哂出黎, 之後先慢慢分湯真係好足料! 有花膠有響螺媽話有佢煲O既咁濃喎...另一碟餸, 有花膠有冬菇有鵝掌都係媽鍾意食O既.佢老人家都好滿意蝦乾芥蘭煲夠熱夠獲氣幾香口栗子雞煲就似一般家庭菜, 唔會太濃味, 食完唔會口渴另外媽嗌O既陳皮蒸鮑魚店員係上碟果陣幫我地拆埋肉幾貼心!百零蚊有6隻, 又OK 喎...唔想食飯, 就嗌左個主食生煎飽飽底都脆O既, 好食過平時飲茶食果D最後仲送左個甜品.杞子桂花糕一台四個人, 大家都好飽好滿足最緊要老人家都O岩食佢仲話下次生日飯要係到攪....

一個平日晚上 和長輩食飯 就他們方便 揀選同區酒樓地方就腳 地鐵站行平路 5-10分鐘 電梯直達 唔使行樓梯平日晚上無咩人 安安靜靜 唔使逼 酒樓間隔無得頂 四四方方 無牆無柱 搞function一流 傍邊有d房 超隔音 入面唱住K 出面都聽唔到4個人 叫左4餸一湯 加個生煎包 送埋甜品 非常飽 姬松茸花膠燉響螺 一人飲左2-3碗 先飲晒個湯好清好鮮味 花膠有4-5塊  湯料好足 煲完又唔韌 變相多個餸 又一個花膠餸 花膠花菇玉掌應該是鵝掌吧 外型上唔識分但皮厚 膠質重 蝦乾芥蘭煲 有d蝦醬肉碎 鹹香雖然富臨 叉燒王出名 但這次無叫 叫左鮑魚 果皮蒸 甘香 連汁都撈埋部長仲幫我地起肉 栗子雞煲 熱辣辣上台 雞件無咩碎骨 入味又有栗子和冬菇 少少辣 惹味仲有生煎包 當飯食～食到好飽 覺冷氣有d凍 侍應又好貼心幫我地換熱茶最後仲送埋桂花糕 長輩好滿意 食到一半已經係咁讚話味道岩 唔油唔重調味 好過同區其他酒樓話生日都要係到食wor 睇來係真心讚

因為屋企人鍾意食中菜，所以多數出街食飯,我哋都會揀中菜，同埋試唔同嘅酒樓。今日因為喺柴灣買完野，喺柴灣地鐵站遠處就望到富臨個招牌，結果就走左黎食啦。我哋先先就叫左個野山參燉水鴨湯，食飯之前暖一暖個胃，滋潤一下！個湯材料好足，睇相就見到有好多嘅雞腳，水鴨同埋山蔘。真材實料，所以個湯好清甜，油都唔算好多，飲完都冇口渴嘅感覺，所以應該冇落到味精。天氣咁凍，最啱食羊腩煲，所以餐牌上見到，二話不說就叫咗黎食啦。羊腩煲上枱時暖暖地，所以一路煲，煲到滾嘅時候就食得啦。唔講得少，啲羊肉都幾多，入晒味，好淋！佢仲配左個腐乳，可以點。除咗羊腩之外，配菜仲有支竹同竹筍等。好中意食竹荀，稔得黎都爽口，又係好入味，正！之後我哋仲叫咗一個堂剪BB豬，乳豬上枱嘅時候仲未剪開，係會現場幫你剪，好似張圖咁。乳豬個皮好脆，好多肉好大嚿。估唔到呢一個乳豬都幾大只，仲整得幾好食添。啱晒鍾意食乳豬嘅爸爸，食得好滋味！之後叫咗個蚊鱔魚。平時係街市買嘅都要百幾蚊一斤，呢度整埋俾你食都係百幾蚊，真係幾抵！鱔魚真都好嫩滑，骨好幼，除中間骨外可以就甘食。好香果皮味！呢一條鱔魚真係做得唔錯，值得叫黎食！有圖睇既餐牌真好！吸引易明，唔會估估

呢間富臨真係超大，成間餐廳真係好似皇宮咁樣，有幾間獨立嘅房間同一個大大大大廳！六點零鐘嚟到，未到食飯時間，人唔算好多，唔需要等位。呢一個叫做堂剪乳豬，之前都聽過呢個名，但係就唔知點解。今日都終於知道啦，原來堂剪乳豬係成隻或者半這個乳豬拎到上枱先至剪開。之前食嘅時候唔知道，係因為其他餐廳雖然係叫做堂剪乳豬，但都係切開咗先至拎出嚟。乳豬上枱嘅時候係完完整整嘅半隻，之後職員就會用鉸剪將佢剪開。好鍾意呢個乳豬，因為佢個皮仲係好脆，好多肉，唔肥。同埋呢隻乳豬好大隻，唔似得其他餐廳，雖然話係本只，但係因為剪好先上枱，所以成日覺得佢會係唔夠半隻，除非夠。哈哈！而呢一個就可以俾人見到無偷工減料，係完完整整嘅半隻。剪開後有十件八件。點埋甜醬食，正！野山參燉水鴨湯望張相就知道材料好足，除左山參，仲有好多雞腳、豬肉同埋水鴨等，燉到淋晒，個湯好清甜。呢一個燉湯好大兜，每人可以飲到兩三碗。香薯一口牛呢一碟好惹味，薯角炸左先炒，所以唔會爛蓉蓉咁樣。而一口牛四四方方咁樣一粒，一啖就可以食晒。一口牛肉質琳琳地，有少少嘅肥肉。用咗黑椒同埋甜甜地既醬汁去炒，好食！而且好香黑椒嘅味道，食落好香口。生煎包新鮮熱辣煎出嚟，因為

！由於方便嫲嫲(在佢屋企樓下)，因此被迫在這間酒樓食中秋節飯。！！！！服務好差！！！！乳豬好瘦，啲皮都OK脆！！啲翅好難食！！啲花膠好難食，唔夠味，而且我阿媽煮得仲好味過佢！！啲冬茹幾大粒！！啲冬茹同生菜幾好，不錯！！雞好咸，勁(鞋)！【鞋是同音字】！蟹鉗超難食，係第一次咁難食啊！！蝦球唔夠食 (唔啱人數)！！條魚唔熟，要返蒸！！糯米飯都OK，不錯！！椰汁紅棗糕都OK，不錯！總括，服務和食物都好差好貴，唔抵 $2618 @一家人 (12人)好失望