富臨皇宮

營業中

休息中

小姐妹一直說很饞說想去吃燒雞，剛好富臨搞活動，一蚊一隻雞🐔，那當然二話不說，帶她去啦，嘻嘻！這家店特別火爆，是老字號的粵式品牌，名廚坐鎮，交通也非常便捷，餐廳裝潢有點歷史悠久，但是曾幾何時也是富麗、奢華、高端的！😄經理非常nice 好客，給我們推薦了抵食套餐，最終我們點了上湯龍蝦（約1斤）伊麵配燒鵝皇$448，杏汁燉白肺/一大盅$188，脆皮童子雞（一隻1$/5位，不足5位就半隻），味道都非常好！

母親節上午與太極團體十多人參加活動完畢想揾地方食晏，以為體育節兼母親節好難揾食，竟然俾我哋打電話book到黃大仙富臨皇宫。由蒲崗村行十分鐘就到。一点半入到去部長已安排好兩張大枱，點心也好快到。可能大家肚餓又dup濕身，覺得啲煎釀點心不錯，不太油也不太燶。燒賣好味過蝦餃，啲蝦餃材料不靚，失水準。义燒包大隻，炒飯ok但米不靚，燘米啲肉絲黏埋一嚿未推開，好彩熟，炸麵就料靚麵底好夠咬口又大碟。整體水準一般，目測都街坊多仲有大把位剩。相信鑽石山有好多其它選擇！

除左推薦的點心之外😝😝稻香酒家的飲茶還有許多其他美食值得一試。他們的燒味拼盤非常豐富，有叉燒、燒鵝、燒豬腩等，每一樣都十分美味。如果你喜歡海鮮，不要錯過他們的蒸蝦、蟹肉燒賣等，鮮甜可口。此外，他們還有經典的鮮奶糯米飯和馬蹄糕，口感Q彈，味道香甜，是絕不能錯過的甜點。最重要的是，稻香酒家的服務十分周到，員工熱情友好，讓人感到宾至如歸。總而言之，稻香酒家的飲茶不僅是一個美味的用餐體驗，還充滿著令人愉悅的氛圍和服務。

一個好遲起身，日日瞓到自然醒嘅人，雖然都好鍾意食點心飲茶，但係就要起到身，所以我一般都係比較呢啲地方有夜查可以飲先會去。但呢一日就做孝順女同爸爸媽媽去飲茶，今次就去咗黃大仙富臨飲茶。點咗幾樣點心，但係零零舍舍覺得有其中兩款好可愛，所以影低相留念。整體佢哋食物嘅質素都OK，但係味道偏鹹，略嫌佢上枱時間等好耐，可能因為比較多客人，上到枱啲食物唔夠熱。但我個人比較重口味，所以覺得佢哋未到天行都還可以，但相比起我平時最鍾意食嘅點心，佢都係從未咗少少，但係價錢唔算貴，整體感覺都還可以。

趁着過年前就好想同屋企人去茶樓，食返個中餐慶祝下，咁近地就揀咗喺黃大仙附近嘅一間富臨皇宮。☺️先叫左個冷盆冰鎮和味鮑魚伴秋葵$228，有6大隻連殼鮑魚😍調味帶出少少咸鮮味，隻隻都好入味而且爽彈，我個人就中意點少少wasabi同鼓油🫶🏻當然要食呢度招牌嘅例牌燒鵝皇，一例118之餘仲要有埋燒鵝髀食，上到枱就知道呢個燒味非常有水準，色澤亮麗，油脂充足，成隻拎住食真係好過癮！😳最後邊個話黎茶樓食飯一定要食粉麵飯，就連晚市都可以逐隻奶皇包咁order，所以我地每人叫咗一隻奶黃包，熱辣辣奶黃又好流心，簡簡單單過年前同屋企人食個晚飯熱已經好開心😀不得不提呢度上菜速度好快手，服務不錯👍🏻

老公一向喜歡食中菜，今晚就同佢去黃大仙富臨皇宮食晚飯，酒樓裝潢很有氣派，地方很大並配上華麗的水晶燈，於香港有多間分店，提供多款的滋味點心以及不同的小菜餐點。和味鮑魚伴秋葵：共有六隻鮑魚，色澤鮮明，鮑魚口感爽口彈牙，鮮味十足，加上特製醬汁，令味道提升。本來係伴秋葵，可能賣曬，改伴萵筍絲，清新爽口。明爐極品燒鵝皇 ：富臨燒鵝，從選材、醃製、風乾、烹調過程都全由經驗老到大師主理，每個過程都一絲不苛。嚴選由潮連進口的黑粽鵝，每隻足約五至五斤半重，脂肪含量較多，燒起來，肉質鬆化，皮脆香嫩，鵝香十足，油脂豐腴，齒頰留香！流沙奶皇包：包皮面白如雪，入口軟熟，餡料奶香濃郁，還有沙沙的口感，味道甜鹹交融，讓人百吃不厭。

今日要去黃大仙做野，放工後就同個同事一齊去醫肚😇唔熟黃大仙唔知有咩好食，咁岩行過見到富臨皇宮，同事就話餓…貪方便上去食，我都照跟啦唯有🫡不過有驚喜!🤣🔸 富臨燒鵝王🦢 (例牌) ｜$118燒鵝皮幾薄又香脆，皮下有層厚厚的脂肪，油脂偏重，胸肉的位置也很嫩滑，餸飯一流🥰🔸 和味鮑魚伴秋葵 (6隻飽魚)｜$228凍鮑魚上菜時夠凍，而質感剛剛好，有口感但唔難咬開，點埋Wasabi豉油食好fresh😋😋另外秋葵醬汁有dd辣，出奇地惹味😳😳🔸 奶皇流沙包｜$21.6/隻中間奶皇流心餡真係不得了😱係湧出黎!! 而且奶香和蛋黃味好香濃，包皮都鬆軟😋📍富臨皇宮黃大仙龍翔道120號新光中心3樓

臨近新年，好多人都去酒樓慶祝，今日唔想煮飯，就帶媽媽兩個人去撐枱腳😆😆6點去到以為無咩人，都坐咗4成人😮😮依家真係旺咗好多呀！⭐️明爐極品燒鵝皇隻鵝好靚🤩🤩啖啖肉，一啲都唔肥👍🏻👍🏻用火熱住，食到最後一舊都仲暖緊，絕對係推介！⭐️和美鮑魚伴秋葵個鮑魚整得好黏口彈牙😍😍呢個真係好好食！🤤🤤秋葵用辣汁當涼拌食，清爽開胃！但我唔係好食得辣，所以放棄咗，俾晒媽媽食😂😂⭐️流沙奶黃包好大個包，有啲嚇親😅😅啲奶黃流晒出嚟，好鬼正😋😋食完真係好飽！食咗3個餸，連茶介加一$300都唔使，好抵😋

餐廳裝潢呈歐洲宮殿風，以白色和金色為主調，環境寬敞舒適，人流多 好熱鬧，氣氛很好☺️ 適合家庭或朋友聚會🥂食物方面提供粵式菜餚，選擇豐富，價錢合理，質素高 有驚喜😍 店員服務態度很好🤗晚市二人消費：$433 🫧包括加一服務費🫧═ ═ ═ ═ ═ ═ ═ ═💖💖💖食評💖💖💖𝑭𝒐𝒐𝒅🥗和味鮑魚伴秋葵 ($192/4隻)✨必試，有驚喜冷盤！鮑魚嫩滑彈牙，完全不會韌，醬汁好入味，口感味道一流😚 秋葵好爽脆，配上辣椒豉油味道更佳👍🏻🍗明爐極品燒鵝皇 ($118/例)✨推薦！外皮好香脆，肉質嫩滑，脂肪比例適中，醬汁好惹味🤤🤤 以明爐保持燒鵝熱騰騰🔥 份量足夠二人享用，配上飯 好飽肚好滿足👍🏻 🥠奶黃流沙包 ($10.8/件)✨大大個流沙包🤤🤤 熱騰騰 新鮮出爐，流心效果一流，好好味👍🏻🍚白飯 ($13/碗)✨🥜花生 ($12/碟)✨𝑫𝒓𝒊𝒏𝒌🫖茶芥 ($12/位)✨

臨近新年同屋企人去咗呢間酒樓食團年飯，好多款式選擇，仲叫咗個例牌燒味試下🤩而且呢到酒樓員工服務態度都好好呀，令我同屋企人都過咗個愉快嘅晚上💕._.🦢｜明爐極品燒鵝皇｜🦢呢個例牌燒鵝份量都算多，佢上枱係用火燒住，唔洗驚涼咗唔好食😳呢碟燒鵝味道好好食，佢外皮燒得薄脆，而肉質又香濃嫩滑，配埋佢個好結身嘅酸梅醬，味道好有驚喜👍🏻·🤎｜和味鮑魚伴秋葵｜💚呢個見佢好特別，係凍食，擺盤好靚，底下有冰冰鎮住😍個鮑魚好入味，上面有鮑汁，唔會好鹹，鮑魚仲好貼心，係起咗肉，砌開咗一半，方便食😋仲有埋我最愛嘅冰鎮秋葵，都係好入味，好推介💖·💛｜流沙奶皇包｜💛大大個奶黃包，咬開咗真係流心奶黃黎架🤩奶黃餡多到流出，好正嘅飯後甜品呀✨._.

1月6日揾食肥華與靚媽，在流浮山，后海灣，睇完太陽伯伯收工，望埋對岸深圳特區夜景，再数到天上見到嘅三顆星星後，因驚靚激親靚媽，肥華唔敢在流浮山食海鮮晚餐，專誠搭車出返唻市區，呢間近肥華住處的酒楼，食特價羊腩煲，平心而論以合共$8O元價錢食到一煲份量和味道都不錯嘅羊腩煲，再加一份食羊肉煲必傋新鮮蔬菜，呢餐應該係冇得彈，但衰就衰在此店員工，人手嚴重不足，加上有某些員工衹顧同熟客吹水，閒話家常，對肥華及靚媽視而不見，除沒有主動提供基本待客服務外，就算你向佢揮手，啲同客吹緊水嘅呀姐，都係唔啋你，繼續吹水，而當晚在羊腩煲及蔬菜以外所點嘅食物，亦係點乜冇乜，今餐晚飯冇人理你，想食乜冇乜，令肥華覺得今晚同靚媽係在一個孤島上食飯，嘅感覺😤🤬👎😤🤬👎

👵🏻生日揀左佢飲開茶既富臨食生日飯 首先乳豬全體 都夠脆 唔會話凍左皮都林埋 同埋肥瘦都算適中 然後係蝦球伊麵 伊麵個汁唔夠creamy 但換左蝦球比龍蝦好食 又方便 一品燒雞好雪藏雞味😖上面啲蝦片吸哂滿滿既油 一入口⋯成啖油入口咁😖 燕窩湯好咸⋯ 片皮鴨啲蒸皮幾張痴埋一齊分唔開 搞到唔夠蒸皮⋯就咁食片皮鴨就只係食到油⋯同埋咬唔開😣蒸魚係成晚最好食既菜式 魚肉嫩滑 火侯同咸度岩岩好👍🏻👍🏻👍🏻荷蘭豆炒龍躉球都唔錯 魚肉厚實 但荷蘭豆油到入唔到口😢 蟹粉豆苗唔太濃郁而且好油 西蘭花炒雞肉蚌片不過不失 壽包隻隻都好巨型 包幾好 個涵就⋯不過間唔中食都可以既基本上成餐飯都係油浸咁濟😩想食好野就一定唔會係呢間

前日天氣好凍就帶屋企人去食返個暖笠笠嘅羊腩煲同小菜。見到而家做緊優惠好抵，值得一試。🥰 🥣金銀菜燉白肺湯 $148冬天要飲返啲湯水補下，佢一盅好大煲，夠4-5人飲。湯料有白肺、雞腳、雞肉、豬肉、菜乾等，相當鮮甜😋 豬肺同豬骨可以配埋辣椒豉油一齊食。🐑古法羊腩煲 特價 $38（原價$138）晚飯優惠淨係$38就食到羊腩煲，見到每枱都食緊就知食得過😎 羊腩份量幾多，好大件，除咗羊腩仲有馬蹄、炸支竹、筍同冬菇，好足料。🤤 羊肉肉質鮮嫩唔會太羶，冬菇同炸支竹吸收晒醬汁好入味。呢個送飯一流。😆🦆京式片皮鴨 $188/隻片皮鴨好大隻，經理仲特登拎出黎俾我地睇下原隻嘅片皮鴨，之後再切片。(⁎⁍̴̛ᴗ⁍̴̛⁎) 一碟有成十幾片鴨肉，三個人食都好飽。鴨皮香脆，肉質嫩滑，冇乜肥膏，餅皮都整得好薄，加埋海鮮醬、大蔥絲同青瓜絲，口感更加豐富。😋

冬天緊係要食羊腩煲喇☺️食完暖笠笠，最近晚上同屋企人去左酒樓食晚飯，酒樓坐得幾闊落👍🏻最新仲做緊優惠🤩我地見羊腩煲都好抵食😆所以點左🥳🌸羊腩煲羊腩煲份量都幾多，入面有好多香料，羊腩煮得好香夠腍又唔會太膻🥰仲有好多配料，有馬蹄，枝竹😋嘩…入哂味😆🌸京式片皮鴨片皮鴨切得好簿，外皮酥脆😍餅皮熱辣辣😋加埋京蔥條同甜麵醬一齊食，口感更上一層又唔膩🤓🌸金銀菜燉白肺湯我地仲叫左個燉湯☺️飲完好滋潤，岩哂冬天飲，e個燉湯嘅功效係潤肺治咳同護膚，同埋個湯都幾清唔會太肥😊仲超足料😋

呢排天氣持續寒冷，收工近近地同屋企人黎症食個羊腩煲暖下身，仲有我最愛嘅片皮鴨供應另外叫一個燉湯潤下先！總共叫左3樣食物～古法羊腩煲 $138羊腩連皮大大件，炆得夠少少羊羶味～配料有枝竹、荀、冬菇等吸收濃郁湯汁！京式片皮鴨 $188 上碟先原隻供客人望望，即叫即片，皮脆肉嫩味道很不錯，要挑剔嘅係片出黎份量偏少金銀菜燉白肺 $148 對於平時忙碌湯水不足嘅上班族，呢個燉湯真係岩晒～超大盅料頭足，湯頭清甜！2人飲到4-5碗