富臨薈 (已結業)

好幾次來沙田工作，經過【富臨薈】，都想來這裏休閒地吃一餐。今天，終於了卻心願。 心血來潮呢個舉動可以省卻選擇困難症的出現，因為在大眾美食當前總會眼花撩亂，不過決定了【富臨薈】，就期待著吧。好像開業至今依舊令人印象不錯。.門面跟平時「富臨」集團其下的及出面中式酒樓大大不同，無論在外在內都是相對新式一點，路線更年輕。裝修時尚，有淺藍色套房，開揚的大堂，中西合璧，乾乾淨淨的。呢度提供正宗川菜、新派粵菜及精緻點心，好像真的更想迎合年青人口味，款式夠多夠精緻名字及賣相更有創意，打於也不錯喔！.🔹招牌老壇酸菜魚（酸辣味）$168沒有酸菜魚的一天,等於沒法過下去。 呢句是某知名的一句ѕlogan,看來酸菜魚的勢力已漸漸伸延到香港可能廣東人接觸川菜多了,亦逐漸開始接受麻辣以外的酸辣味道。 酸菜魚可選原味或辣味，這次點了個中辣的。師傅教路，吃魚前先飲湯，呢款中辣也不會過辣，大部分人也可接受！個湯底加左好多酸菜、豆芽同湯粉，魚肉好鮮甜，大塊大塊的，吃得的確過癮，滑嫩爽口！除了魚片外，還有水晶薯粉，晶瑩剔透，煙韌彈牙。對於我相對嗜辣來講，唔夠辣更多嘅係酸味，始終覺得酸菜魚要配合辣味才是最佳的配搭呢。.🔹蝦兵

每年清明嘅時候去拜山，都諗下拜山後去咩地方食飯，見到有間幾特色嘅中式菜館，所以去試吓，我幾鍾意嗰個紅米糍粑，其實真係炸兩嘅變種，外軟內脆；黑金流沙包普通，可以再加多啲蛋黃鹹少少會更加好；個東坡肉呢賣相唔錯，肥膏部份可以但下低嘅肉有啲唔霖；個榴槤酥賣相就好啦但係呢榴槤味唔夠重；鮑魚炒飯真係有個原隻鮑魚，細就細咗啲啦但係個炒飯都幾好食；仲叫咗個尖椒皮蛋、炸大腸、發個豬頭等味道只係中上水平，最差嘅就係小籠包，送到黎嘅時候包底已經甩咗所以冇晒湯。但整體來說都唔錯幾有特色！

天氣潮濕又悶熱，最啱食辣嘢開胃下～ 富臨薈推出全新川菜，有招牌老壇酸菜魚😋 點咗辣味，酸辣度剛剛好唔會太勁辣😛 份量夠多大大鍋～魚肉嫩滑，味道濃香，配埋粉皮拌住湯汁食好滋味😋。另外小食蝦兵蟹將好特別～薄透薄餃皮包住蝦肉及蟹肉，鮮味十足，配埋鮮露荀口感豐富😋 青椒溏心皮蛋都唔錯呢！主菜鳳梨星州炒米真係將成個炒米放入菠蘿裡面😂 份量勁多～。點咗蛋酥脆糍粑作甜品，一直好鐘意食糍粑，將糍粑用蛋漿炸香再沾上紅糖粉，外脆內軟好好食！啱啱食完辣酸菜魚，食依個甜品解解辣又好味😋👍🏻

近期真係愛上咗喺富臨薈開餐 裝修時尚摩登 不像傳統化的中菜館畫酒樓 菜式夠創新 能夠帶給我不同的驚喜$29.8唔係唔識呀嘛 即使要加埋一仲平過喺出面燒味舖食一隻乳鴿 呢度仲要環境舒適有冷氣嘆 即叫即燒 上枱嘅時候仲係熱辣辣一食便愛上 乳鴿肉嫩多汁 外皮鹹鹹香香 應該係有醃過嘅 胸骨位置好入味 真係連骨都咬埋黑金流沙包又即係奶黃包 不過外貌上跳出咗傳統嘅框框相當有驚喜嘅一個流沙奶皇包 中間嘅餡料確實流沙 好香蛋黃味 我可以一個人食曬三個蝦兵蟹將及鴛鴦餃 各$38一籠非常欣賞這種新潮風格 融入不同元素 連點心個名都有趣過人 令人留下深刻印象點心造型新派 全手工製作 質素相當高食得出餡料中嘅鮮蝦彈牙又爽口 十分鮮味 簡單啲嚟講皮薄餡靚糖心皮蛋$38 微凍的口感是一道醒神嘅前菜 甘香軟骨嘅皮蛋 配上青椒及辣汁 簡直係絕配 我本身都食得辣 都覺得呢道有辣度香辣波士頓龍蝦$268推介 非常夠鑊氣夠惹味 辣就唔算好辣不過 好香口 原隻波士頓龍蝦啖啖肉 夠鮮甜 平時上湯伊麵煮就食得多 用辣椒炒都係第一次 底下仲有萵筍作為配菜招牌酸菜魚$168幾乎每枱客人都會點嘅酸菜魚 是餐廳嘅招牌菜 先說說湯底 酸味

今日又係family day，同屋企人喺新城市行完街就開始搵嘢食，search到偉華中心有一間粵菜、川菜館，睇相幾吸引，就決定咗晚飯地點。餐廳裝潢好靚，雖然食中國菜，但非常有格調。蝦兵蟹將 $38點心非常精緻，蝦肉新鮮彈牙，高級感十足，內外兼備。鴛鴦餃 $38外皮綠色+白色，好似翡翠😍內涵有蘿蔔、翠玉瓜、冬菇等，素食之選。青椒溏心皮蛋 $38川式小食不得了，個辣汁好正，一定要留番d汁點其他餸😂招牌老壇酸菜魚（辣味）$168期待已久嘅招牌菜終於上桌，對於我哋嗜辣一家來講，唔算好辣，更多嘅係酸味，非常開胃！值得一讚嘅係魚肉唔止份量好多，仲非常非常嫩滑！真係食到停唔到口！去骨去得好乾淨，但偶爾會有幾片魚鱗，但問題不大。香辣波士頓龍蝦 $268平時去酒樓都係食龍蝦伊麵，用辣椒乾炒比較少食，估唔到咁惹味！龍蝦新鮮，肉質彈牙不在話下，仲辣勁十足，的確令人食指大動。蛋酥脆糍粑 $42糍粑的外層沾了蛋酥去炸，外脆內軟，點黑糖醬一流🤤呢度嘅菜式新舊交融，富有特色，任何年齡層都啱食，下次會再嚟試多啲特色點心👍🏻

今個月有朋友生日，今日就好衝忙係openrice搵沙田區既食店，結果就搵到呢間就訂枱，咁抽住個蛋糕當然就要雪下啦，交左接待既職員，咁就返去原先地點去接朋友，準時去到目的地，咁就開始叫嘢食啦！見到呢間嘢居然晚巿都有點心食，我哋4人叫咗有燒乳鴿，青椒溏心皮蛋，菠蘿咕嚕肉，陳醋鎮江一字骨，金沙四季豆，鍋燒生煎包，星州炒米仲有清炒時蔬，啲嘢食都唔錯舊同事都讚好，食到差唔多食完都未有菜嚟去追啦！點知等左成個鐘都未嚟就取消左，咁就上生日蛋糕啦！點知職員話要收50蚊切餅費咪唯有硬比啦！整體來講食物質素都唔算唔錯，服務都ok，唯獨係收切餅費我放蛋糕時無同我講，呢點做得唔好，要改善下，4個人連埋切餅費都食左7百幾蚊，人均消費差唔多2百蚊到，環境都唔錯，坐落去唔會有好逼個種感覺。

這間在沙田偉華中心的酒樓，裝潢非常新潮。食物款式同樣很「潮」，點心款式非常新派，不乏自創菜式。每到假日，來這裡午餐都必需要排隊。上次想來排隊吃，可惜因為趕時間所以放棄了。今天晚上來晚飯，幸好客人不算多，不需等太久便能入座。餐廳新推出川菜的菜式，這些菜式在沙田區真是絕無僅有。酸菜魚是我最愛吃的菜式，當然要點一碟了。老壇酸菜魚酸菜魚可選原味或辣味，這次點了個原味不辣的。酸菜魚的份量比想像中大，除了魚片外，還有水晶薯粉。魚片超滑溜的，加上酸菜味道，整體感覺很合拍。但是我覺得如果點辣味會更好，始終覺得酸菜魚要配合辣味才是極致享受。水晶薯粉滑滑的，質感有少少彈牙，非常不錯！蝦兵蟹將這個名堂特別的菜式是一款點心。點心如其名，包含了兩大元素～蝦和蟹，蝦就是蝦仁，蟹是蟹籽。一籠三隻，單看外型已經很吸引，上面開口放了黑松露，黑松露的清香味跟蝦肉非常配合。家鄉炸酥肉香口食物還是最吸引我，於是就點了一款。炸酥肉外脆內軟，脂肪位經油炸過非常香，令人忍不住一口接一口。花椒味道，麻麻香香的，跟炸肉味道很夾。海鮮稻庭烏冬烏冬的盛器造型別緻，有如船的形狀。烏冬的配料頗為豐富，有魚、珍珠貝和蝦。烏冬滑滑溜，口感相當不錯

在沙田現在有愈來愈多的特別餐廳這次就來到位置沙田偉華中心的富臨薈來吃個新年飯這次被這間有特色點心和造型的餐廳吸引了先點了一個發財大吉發財大吉是柚子蝦餃這個組合吃下去令到蝦餃更加清新甜蜜愛侶這個是麥香醬包是以刺蝟造型做的好可愛招財進寶紅豆咸水角是元寶造型的咸水角嘻哈大笑陳年碎蝦陳酒的香氣完全進入了蝦中好香笑口常開鴨蛋炒帶子鴨蛋比雞蛋香加上嘢味的醬汁很好吃喜鵲報曉蘭度炒鴿甫鴿甫真的沒有吃過平常都是整隻吃這次可以啖啖肉豬年包撈起新一年一定要撈起拿個好意頭

原來想話一家人去新城巿廣場食飯，點知問咗幾間餐廳都話無電話訂枱服務，要用 apps，算數，轉去富臨薈，起碼門口有凳坐同無咁多人，而且，我又未去過富臨薈，轉場！富臨薈有三款食品好難忘：蝦餃 -- 食咗幾十年白色蝦餃，失驚無神突然間整兩籠黑色嘅蝦餃放係我眼前！雖然味道同平時食開嘅蝦餃無咩分別，鮮蝦彈牙，但係......一時間未能接受，就好似酒井法子依家變成MK女一樣，一時間接受唔到...... BB燒乳鴿 -- 今次食BB乳鴿名符其實，不單只size係BB size，最重要燒完出黎肉質嫩滑，有D部位連骨都燒到脆埋可以食埋吞落肚！要推介！珍珠雞 -- 平時食開珍珠雞，裡面嘅芡汁太多漏到爆，今次嘅珍珠雞不單只芡汁大減，重用上(好似係)紅米！不過... 連糯米味都大減囉.....

平時返深圳嘅時候都已經好鍾意食酸菜魚 今次難得又見倒有 所以就同朋友去咗食🤤店員就話3月推出左尋味四川主題嘅川菜 首先係招牌老壇酸菜魚 $168 唔食得辣嘅朋友仔可以揀原味🤤原味就可以更加試出條魚新五新鮮🙂🐟口感嫩滑 肉質彈牙🤩盤底都放咗好多唔同配料好似芽菜寬粉等等吸晒啲汁真係唔錯鳳梨星洲炒米$98 星洲炒米裏便好多配料 包括有蝦叉燒等等 食落去都有淡淡菠蘿香味值得一試🥰另外比較特別嘅就係蝦兵蟹將 $38 雖然只係得三粒 但係質素真係唔錯 餃皮幾煙韌 加上餡內有足夠海蝦🦐蟹肉🦀及黑松露 清清地得黎又唔會冇味 啱晒啲鍾意食海鮮嘅朋友😃

川菜真係好惹味😋好鍾意食酸菜魚👻-富臨薈係3月推出左尋味四川主題嘅川菜啊🤗必食推介係佢哋嘅【招牌老壇酸菜魚】$168 就算唔食得辣嘅仲可以揀原味🤤揀嘅都係一斤重嘅新鮮加州鱸魚🐟口感嫩滑而肉質彈牙🤗令人欲罷不能啊👿而且魚嘅份量都幾多喔🤩-【霸皇辣子雞】$108 望落紅噹噹好似好辣咁🌶其實冇想像中咁辣🔥少少麻中帶辣😎酥脆惹味食唔停啊【川北涼粉】$38 反而呢個係最辣😂涼粉用新鮮白豌豆磨製而成，質感幼細😀【蝦兵蟹將】$38 餃皮透薄煙韌😇，再包裹新鮮越南海蝦，加上越南海蝦🦐蟹肉🦀及黑松露，口感爽滑彈牙，夠曬鮮味

沙田新開左間新潮酒樓！每次經開呢度都見到好多人飲茶！心郁郁想食好耐！今日晚餐一家人黎食先～先來一壺茶！個茶壺好特別啊！茶都幾好飲清清地牛太子腸粉腸粉幾滑！牛肉都好林！上面鋪左啲木魚絲～比起傳統腸粉好特別！海南雞有雞味㗎！骨膠原同肥膏入口好似啫喱咁！配埋啲醬料好好食呀！發過豬頭點心拼盤賣相好得意呀！小朋友見到大叫豬仔！一籠滿足晒一家人嘅願望！豬仔入邊係紫薯夾心！不錯有雞先定有蛋先個菜名勁得意！原來係鹹水角同埋芒果布甸我小朋友勁鍾意呢個！下面仲有啲米條餅！佢鹹水角好好食！外脆內軟！紅菜頭鹹魚雞粒炒飯天然紅菜頭色素！鹹魚鹹鹹香香！好香口啊！仲有石鍋燒左啲飯焦，好香脆！枱邊仲有USB叉電位！好貼心有高嘅BB櫈提供今年豬年！仲有好多得意新潮嘅點心！呢度比起普通傳統酒樓菜式特別，造型得意！好睇又好食！帶埋小朋友仲開心～

近年有幾間新派中菜開始崛起，今次嚟到富臨薈試吓唔同嘅菜式先本身唔係住沙田，所以搵呢間鋪頭嘅時候都有啲難度，其實喺新城市廣場係有條通道過去嘅。環境十分闊落，兩個人都有四人位座有雞先定有蛋先好可愛，下次一定會食到你！牛太子腸粉唔錯，皮薄餡靚，上面嘅木魚絲添加左少少層次，不錯嘅一種fusion黃金流沙包，賣相吸引，同其他食過嘅餐廳不相伯仲櫻花蝦海鮮炒飯，粒粒分明海南雞半隻 - 如果無左雞頭同埋剪埋腳趾甲就好啦中間隻豬仔原來係紫薯包，呢個點心拼盤唔錯少食多滋味整體服務態度不錯，上菜速度亦算快手，下次嚟沙田又有新蒲點啦

每次黎呢度，都會有好多特別既野食富臨呢間打造年輕人客路，其實都做得幾出色！每次節日都有特別既菜色，好有創意！今次年初8黎，有好多好彩頭既餸菜。今次叫左呢個「撈起」！真係好有彩頭！同平時既「撈起」好唔同，呢個都係用菜/生果絲做，有蜜瓜絲、紅蘿蔔絲、青瓜絲等等，中間部分有一個煙三文魚花，其實食落都幾fresh! 但$288就唔係太抵！黎到呢度一定要幫襯食「紅燒乳鴿」！呢度既紅燒乳鴿真係好正!皮好脆，乳鴿好嫩，連骨都可以咬到！好正！好貼心地有膠手套同靚靚小桶裝骨！值得一讚！仲要提一提個豬油撈飯！超正！唔太油！而且飯用砵仔裝，特別好味！推介！必食！總括每碟食物都唔錯，炒土豆絲有少少辣椒，辣辣地點綴番脆脆地既土豆絲，幾惹味！但油油地！如果少一點油會比較好！櫻花蝦炒高麗菜 麻麻地， 唔知點解高麗菜係椰菜！ 雖然菜甜甜地，但太硬同都算太多油了！酸菜魚，好靚，有菊花瓣在上面點綴，好清新既感覺！酸菜魚味道還可，偏酸，但入面有薯粉同蒟蒻，唔錯！好地道感覺！魚好新鮮！酸菜好酸唔算好腍，未算煮左好耐！但都算ok! 糖醋排骨好似生炒骨！炸排骨，炸得外脆內軟！唔錯！有蜜桃一齊炒，吸左d糖醋味，蜜桃都好好味！整體呢

Bb百日宴唔想在普通酒樓擺，呢度食過幾次食物質素都好好，就諗住呢度擺，人唔多，擺兩圍，包房。查實佢所謂既房只係用隔板隔一隔，但鋪頭既設計令到呢個空間好私人，感覺好好。叫個圍半菜，本身叫佢分兩枱上，電話話ok但到時就無分到又話做唔到，都唔緊既既，都係一家人食飯。12人既歺份量大得好驚人！如果唔係有最低消費，我覺得一個歺已經夠廿人食！味道方面都算ok,龍蝦係鮮甜既，質素好好。不過食完覺得呢度始終係點心最出色，下次嚟都係食返點心最好！