富臨酒家

營業中

休息中

突然間家人想飲茶，兩個人近近地，行去15分鐘左右到的富臨酒家，因為屋企商場的酒樓麻麻地！我哋都好耐無食呢間，亦好耐無飲過早茶，比想像中多咗特價點心可選，可悲的是經濟唔太好之下先有咁多平嘢，所以要留港消費一下吧！韭皇鮮蝦腸，只係$12.80😱雖然食唔到有韭皇，但真係新鮮蝦，大大隻，彈牙的，咁嘅價錢無得挑剔吧！上湯蒸牛柏葉，家人評價好味，佢超耐無食過。而我，只食當中的蘿蔔，好甜入晒味😋潮州蒸粉果，皮屬中度厚薄，餡料足夠，唔會太咸，滿意的😋燒賣，有蝦正常size & 味道棉花雞，底層有3舊芋頭，夠粉夠霖入咗雞味，棉花&雞正常味道，不過不失！整體滿意，多優惠，有下次😂參考下，唔知幾時會轉

錫蘭煎餅真係一啖一個正😋！外皮酥脆又唔會油膩，入口後就發現裡面嘅糯米餡好細膩，又滑又糯，真係好夾！細心一食，仲可以嘗到淡淡嘅椰奶味，夠晒香濃，個口感真係得意到不得了！排骨王，真的是王中王👑！肉質鮮嫩，啖啖肉咬落去真係充滿咗肉汁，香氣飄散喺嘴裏，係咁隱约間帶點甜，黑椒味剛剛好，唔會過分搶鏡，但亦夠哂味！至於砵酒鴨呢，真係翻版嘅滋味啊😍！鴨肉腍到化，入味得嚟又保持咗原汁原味，啖啖肉食落有種講唔出嘅滿足感。而且啖啖肉中間夾雜嘅砵酒香味，微微的酸香提起整體味道，唔覺得膩，食得出佢哋嘅用心同用料。花雕薑母雞煲呢，又係另一款好東東！雞肉腍得黎啱啱好，好入味。薑母嘅辛辣氣息好突出，暖笠笠啲又適合冬日夜晚。個湯頭食落去真係好夠味，仲有種回甘嘅感覺。食完今晚呢頓飯，真係滿足到我哋每一個味蕾，全晚係咁笑口開懷。富臨，我哋仲會再嚟嘅！🥘🍚🍲

今日去葵興搵朋友搞啲野之後食晏就一齊去飲茶午茶時間，都唔算好多人因為間茶樓好大，所以都好好坐而且我地一行四個人，所以可以叫多啲野試下牛肉腸粉、蝦餃、鳳爪、白焯菜心、沙薑豬手、原隻紅燒乳鴿、銀芽肉絲炒面點心樣樣都大大份蝦餃仲要大大隻，啲皮又薄又多蝦沙薑豬手好入味，上面仲要勁多咸脆花生，真係抵食呀乳鴿原隻上，熱辣辣，皮脆肉嫩肉絲炒面，面底脆卜卜，配埋九黃芽菜香輂口同肉絲，一齊入口，真係有酒樓回味感覺！

每個月都來三四次，飲早茶，點心紙都無乜變化，今日過來，吾同咗喎，多咗手機點餐，同埋以前創意點心又番來，呢個 《有雞先定有蛋先》 幾得意，咸水角配布甸係特別既，如果布甸唔咁甜就更好，有兩隻雞單眼，師傅唔記得比隻眼佢，有啲可憐南瓜造型，忘記咗個名，味道都幾好，仲食咗牛肉腸粉，棉花雞，奶王包，尼d無乜特別，就唔說拉，做埋會員，會有現金卷，可以即時扣五元，仲可以儲分，吾知有咩換架，儲咗先。

每逢週二早上我都會來葵涌和宜合道對面的茶樓 / 酒家改名都改了好多次但這間「富臨」卻開了很多年都仍在裡面的坐位闊落，舒適，環境美觀早市點心更有多種款式，任君選擇有些要在 11:30 前落單，有些則 15:30今早，試下食鯪魚球，三個大大件！裡面有「陳皮、馬蹄、娃娃菜絲」，咬感煙韌，馬蹄爽口，陳皮化氣，整體感覺不錯，買單三十蚊有找，這樣的價錢，有這樣的質素，好好！我們之前試過人多，一人三十蚊，食到個個飽飽，好滿足，好抵食！

今日有事到石梨貝，午飯時間就到附近商場的富臨酒家吃，酒樓的面積都算大，不過裝修就稍為陳舊了些，而且在這比較老舊區域的座上客，都是上了年紀的佔大多數。今日由於時間尚早，我們趕及在晨早時段入單，共計點了五福點心拼盤、七彩炒米粉、鳳爪排骨飯、懷舊鴨腳扎、南瓜炸煎堆。炒米粉顏色賣相都算悅目，而且米粉中又夾雜著粉絲來炒，都算特別外又炒得乾身味道亦很美味。鳳爪排骨飯的鳳爪和排骨醃得入味，只不過飯就因貨就價少了些。鴨腳扎的個頭很大，鴨掌亦算大隻味道也很鮮美。拼盤每樣有一件，蝦餃、燒賣、雞包仔、粉果和紅棗糕，各樣味道都一般水準不過不失。以前曾試過他的南瓜炸煎堆，今天特意再來試多次，見到其大大個金黃色的外表，咬入口外脆内軟兼且品嚐到南瓜的甜味; 唯獨是今天的煎堆炸好太久又沒有放在熱櫃中保暖，使其已經變涼扣了分。今次的午餐以食品算素和價錢來說 ，可算是較高的性價比， 下次都會再來光顧。

嘩！同事認真西利！同事中左馬請同事食飯！真係開心呀！多謝晒呀🙏🏻同事們特登早少少落去拎位避免中午食飯時間要等位南瓜煎堆仔老實講幾好食嘅有少少南瓜味炸得外皮夠脆 入邊又煙煙韌韌芝麻幾香最好食係呢一個點心其他都係普普通通不過不失豉油雞份量正常既 有少少偏肥皮下脂肪有啲多所以都會咬開個皮唔食肉質都算係滑可以接受我非常喜歡食鹹水角呢一個真係普普通通糯米皮比較厚餡料亦都唔算太有誠意淨係得碎肉粒麻麻地鹹魚雞粒炒飯基本上食唔到鹹魚味炒飯入邊放入薑絲基本上食唔到鹹魚味同埋其他味淨係薑嗰個辣味已經蓋過所有味應該叫做薑炒飯比較好四寶滑雞扎雞肉幾滑溜份量都好燒賣正正常常普普通通唔需要太特別形容

2022年7月22日，同媽媽去富臨食飯慶祝生日，有好多双寶組合選擇，問問部長點食至好，佢推介焗芝士阿拉斯加長腳蟹伊面底餐，$7xx，前後加埋6～7樣嘢食，睇落都ok～誰不知！！！不知所謂，長腳蟹得啲腳殼，應該係響非洲嚟，廋到皮包骨，結果只係食炸粉咁嘅感覺，姑老肉大雪味，浸菜苗好鞋，菜單寫住有一個名為健康甜品…結果原來係桂花糕，個餐包4x汽水，唔叫都唔拎比你……埋單時同部長講個餐好差，當你發翕瘋。最後仲要收茶位加一！！

呢間酒樓平時都有煮好嘅餸供外賣，但我一直都冇幫襯過，今晚街市又早收，周圍好多餐廳都冇開，想買外賣都冇。剛好經過見到呢度有$85重慶雞煲，見整好晒又唔貴，份量都ok就買黎試吓。個雞煲味道中規中矩，唔難食但欠缺重慶雞煲應有嘅香料味。食完一半左右就加水當打邊爐，我自己加咗肥牛、丸類同芋絲，全部係預先洗乾淨先落。點知食食吓，見到有隻黑色有腳物體浮响舊芋絲上面，近睇清楚，明顯係隻大烏蠅🪰🤢🤮！即刻撈出黎😡😡🤬🤬其實佢哋擺出面賣嘅時候已經包咗保鮮膜，所以應該係响廚房煮嘢時候已經「包含」咗隻烏蠅😤😤煲嘢本身好深色，啲汁又杰撻撻，如果唔係我加水當打邊爐，而又咁啱有舊白色嘅芋絲俾隻黑色嘅烏蠅托底，我諗會不知不覺食咗😖😖.…..又可能唔只一隻🥴🥴！總之唔會再幫襯！！

今晚想飲個湯，所以諗住搵間酒樓解決晚餐。第一次來呢度食，座位好闊落，加上平日唔多人，完全唔需要等位。見到羊腩煲$28, 即刻去馬😍羊腩煲並無因爲特價而hea做，好足料好多羊肉，完全唔羶，又不會太咸，$28真係好抵食！花膠響螺雞湯$98又係另一抵食之選，大大盅，夠5～6人份量，入面d料好多，淨係雞腳都成十隻，好出味，我地好滿意呢個湯👍卜卜脆蘿白，好醒胃，平衡到肉的油膩感，真係如其名好爽口好卜卜脆，十分有口感。板燒黑椒豬手，因爲太大份，知道一定食唔曬，所以一早打定包，所以無原圖😆以百零蚊的價錢算係咁，又大份，都幾惹味。不過點都有d雪水味，我發覺係香港食豬手都有呢個問題。呢餐的性價比算好高👍下次可以再黎開飯😋

同屋企人去飲茶 🫖 因為食開 專登再過來呢間試多次午市 今次叫左個超抵食既四人套餐 有個鳳爪豬肉花膠雞湯（真係有咁多料 可能有漏添） 半隻雞 （呢半隻雞同另一隻自己用手撕既雞 有比較之下 真係差啲既） 個蠔餅真係超級差評 完全食唔出有蠔同蠔味 得啲生粉炸成既餅 其他都正常&偏好既

前菜：手拍青瓜同香辣嘅野生雲耳 ，做為開胃菜真係一流，必點！😆 炸魚皮真係食得出岩岩新鮮炸出來，有好濃郁既鹹蛋味 食幾舊幾好食 不過食多幾舊就好容易滯 燒肉都好好咪 肥瘦岩岩好 條魚先至係重點 新鮮甜美 整體來講唔錯

復活節長假第一天已經開始 Hea, 老公突然想食撚手小菜，但我又唔想煮得咁辛苦，諗起之前個朋友推介酒樓外賣自取，網上 search 下，發現近屋企有間富臨酒家做緊類似嘅優惠最平去到 48折，真係抵過自己買煮添，我地兩個揀左大澳香虾骨，西蘭花炒蚌片蝦球同瑤柱金菇炆伊麵，埋單$150 有找，去邊道食到呀，買餸都要啦。去到櫃檯落 order 比錢，去行一陣就有得自取， 佢地好細心設有外賣專區給客人坐低等，還有飲品可供客人享用，講緊免費喎。精美小菜也多選擇，性價比超高，下次真係唔好辛苦自己煮，買外賣回家可他他調調享用，不受任何疫情法例規定又自在些。重點回到家還是熱辣辣，香虾骨好惹味啖啖肉，西蘭花炒蚌片蝦球夠鑊氣，伊麵大大盒兩個食唔晒。

周末去石籬探親友，先去富臨飲茶。好多人，還好親友先去取位，我們到了沒等很久就能入座。周末都有優惠點心，蝦餃只要9.8。我們點了10幾樣點心，有冬瓜盅配炒飯孖寶。還有燒賣，燒腩仔，叉燒包，金錢肚，人均100左右，掋食。

今日同家人去飲茶本想找間集團的茶樓飲茶，食物水平會比你有保障！😓比我之前去食小店要差我們三個人點了一些點心基本的蝦餃芝麻流沙包蘿蔔糕......味道上可但是流沙包沒有流沙乾鯁鯁😓😓😓