富臨酒家

營業中

休息中

星期六想悠閒d飲下午茶，點知搞到一肚火。我們二人飲茶，唔介意搭枱，但係都唔駛11人迫一張枱，大家櫈貼櫈，隔離枱一樣大，坐4人，再隔離兩張枱無人坐，你預留枱比客，都唔駛咁安排，知客你瞓醒未，是不是有問題。後來入座的客人又唔調枱，我們又食到一半了不方便調枱，只好快快吃完走人。現場樓面也不足，開茶、落單，過程好艱辛，要發火才有人回應，中途無人再平都唔會嚟。說好的悠閒那裡去了？

於大年初一食了一餐超難食的飯，價錢貴己預了，但沒有想到食物質素超差，湯是苦的，蒸魚是涼的，拼盤是冷的，燒雞等了超過一小時但一樣難吃，餐具全部都沾滿油漬，以後就算怎樣都不會光顧，服務不是太差，此食物質素希望大家不要光顧免得一肚氣。。。

今日星期日，同屋企人去飲茶，佢11點39分落單，但係到而家12點20分，一樣野都未黎，就算幾多人都好，都唔會半個鐘有多都一樣野都未黎呀，好過分囉，想餓雲人咩！！！

兩個人去飲茶，檯夠大，位夠闊。中午唔駛迫，食物就一般般啦，XO醬粉腸粉堅辣，但唔係條條都辣，唔夠均勻。豆苗餃皮太厚，蓮蓉包夠大唔太甜，仲有倒汗紙，包夠乾身。樣樣點心唔夠熱，室溫。

又到下午茶時間，去富臨飮下午茶先，星期六勁多人，不過撘枱都唔使等位，叫左鮮蝦腸粉，同蟹子燒賣，茶就飲水仙可能星期六人多，野食無平日咁好味，蝦腸個皮有啲厚，蝦就一條腸得一粒，不過就有啲瓜係入面，個燒賣水準都一般啦，唔夠熱

和男友一起這麼多年，從未試過單獨兩個人早起去飲早茶，這天他大概心情好，答應我的要求，難得放假也早起，陪我一起吃點心。蔥花炸兩腸的油條不脆，整個軟趴趴的，入口如棉，勝在腸粉夠滑漏。醬皇金錢肚十分惹味，一點也不韌，但芋頭佔的比例比金錢肚多很多，而且比較生硬。豉汁蒸鳳爪味道香濃又入味，一吮就会脱骨，齒頰留香，啃骨頭也是一大樂趣。豉汁蒸排骨令人失望，肉吃下去有一大股豬騷味，很嘔心。蟹籽燒賣新鮮熱辣，入口結實彈牙。四寶雞扎比較油膩及偏鹹。脆皮叉燒包外層不夠酥脆，上枱的時候已經變腍，鹹鹹甜甜的口味，還是不錯。假日人流雖多，但幸運是不用搭枱，兩個人7款點心加茶位再加一，埋單只是$160。但店內的衛生認差，碗碟洗不乾淨，還剩有殘渣，杯子更加裝有洗潔劑的泡泡。希望多加改善...

今天和家人去富臨吃下午茶，以下所寫的是其中一些點心：1.健康上素腸：腸粉皮很滑，裡面有馬蹄粒、冬菇粒和芫茜，味道頗咸2.上海菜肉包：包面有芝麻，新鮮熱辣，但餡量較少3.鮮蝦菜苗餃：菜苗鮮嫩，餃皮薄滑，味道有點咸4.燒賣：有很多蝦，味道不錯總括來說，雖然食物味道偏咸，但茶味香濃，冷氣充足。

2015年3月23日, 富臨酒樓都常幫襯 ，始終幾就腳， 之前覺得石梨貝呢間味道服務 各樣都比荃灣分店好，今次真的非常差， 有圖有真相，自己睇圖片唔想多講了，，， 象拔蚌 真的太太太太過分諗住食多d 488蚊唔叫，叫左588點知另外～部長還不停sale澳洲龍蝦， 特登問部長點整，佢話 可以上湯同芝士，哈哈4斤幾龍蝦咁整，我話如果食龍蝦要龍蝦沙律， 或 刺生，佢先話可剌身，但無靚生果整唔到沙律 ，同埋正在做特價 42-->>25 元両，所以唔做沙律（d肉咁消失法，好彩無叫龍蝦） 正價嘅象拔蚌都咁樣消失左，何況特價龍蝦

平日呢間酒樓基本上1點後去拎位就一定要排隊，所以要拎位一定要起12點半前去到，因為附近只有呢間酒樓同百家樂酒樓，富臨相比起其他都較便宜同好食。有圖有真相坐滿人唔係我自己講蝦腸味道唔錯蝦，最緊要無雪藏味，加埋多椒油好味蝦餃同蝦腸應該係用同一隻蝦，所以蝦腸無事蝦餃都一定無事，皮夠薄咸靚古法馬拉糕，整法夠傳統，個味好好濃少甜夠輕鬆軟，咬落口唔會散開晒。好少酒樓仲有舊時呢種馬拉糕整法，估唔到連鎖酒樓會出到一個咁出色既馬拉糕傳統既燒賣咸料，面頭蟹子有少量冬菇加一粒蝦。味道像兒時去酒樓吃既燒賣款式一樣，好吃整體來說點心都依照全統酒樓既整法，沒什麼特別完素加入點心系列，很久沒吃過這種味道了，因為現時很多酒樓要創新不斷加入其他完素入點心卻是格格不入感覺怪異。有時候吃點心就是最想要吃回最舊最傳統的味道而已。

今日做完野，朋友提議去富臨食雞煲，坐低後就睇下有咩食，原來加多左幾款雞煲，咁我地就點左個胡椒豬肚雞，份量十分多，雞已非常入味，非常滿意，侍應服務非常好，對客人非常禮貌，因是三小時任食關係，就夠時間侍應也有提點我地叫多一轉野食，賣單都係三百幾，非常超值!!

第一次嘗富臨雞煲火窩，雞煲火窩有四個選擇：胡椒豬肚雞煲、重慶雞煲、藥膳雞煲及清湯湯底。由於我們一家人都不吃辣，想點清湯，但夥計面露驚訝，他們表示清湯差不多如清水湯底，最後，揀了稍為冇咁辣的胡椒豬肚雞煲。這裡有個規矩：雞煲火窩上枱後才能點火窩材料，需稍等十分鐘，雞煲才端上。胡椒豬肚雞煲裡有大量胡椒碎、雞、豬肚、枝竹等。呷一口湯底，出乎意料地，不是太辣，只有少許胡椒的辛。主角－－雞，也是嫩滑不黐牙！輪到火窩料，其實選擇也不算多元化，如果想要海鮮，恐怕會大失所望，因為蝦、蠔等不在食物紙上，也沒有特色食物，只有大路的選擇，如丸、肥牛……不過，魚旦、魚頭片不推介，很硬，完全不彈牙。小部分食材送上時鋪滿一層冰（丸類）。總結：$12X的價錢，有雞煲，包無限啤酒、汽水、食物（食剩按每兩計算），對於我這個budget有限的小市民還算滿意。

最近見到富臨又有片皮鴨團購賣喎！會唔會頻密咗d呀？ 事原我哋一家人喺四月已食過，當晚仲食到一肚氣添！講番隻片皮鴨，當晚侍應遞上檯時，真係嚇咗一跳！ 就咁比碟燒到 "黑嗎嗎" 嘅鴨皮，同兩碟蒸嘅餅皮我哋，望真d燒鴨皮，燒到又黑又焦，仲有成層肥油喺底，每片鴨皮都冇肉嘅，完全食唔到燒鴨嘅香味，有d皮仲好似係鴨頸皮喎！個個夾咗一件嚟食就停手啦！ 至於夾住鴨皮嚟食嘅餅皮就好厚，雖然幾熱，但黃黃哋顏色，味道好似饅頭多d囉！一睇就知係d急凍餅皮，有人客落單，咪馬上蒸熱囉！其實，我哋平時都有嚟飲吓茶，佢嘅點心，好似腐皮卷、一般蒸點、甜品、下午茶嘅燒臘飯，同炒粉麵都0K架，特別係鮑汁雞腳，用嘅係新鮮雞腳，做得幾正架！估唔到晚飯會係咁！都明白$38係冇可能食到正嘅片皮鴨，但一心以為富臨會用呢個優惠吸引客人，喺晚飯時多點其他正價食品，但咁嘅片皮鴨質數.... 真係唔想幫襯咁多囉！最後我哋多點一個鮮魷炒通菜, 同酸甜排骨就算, 雖然呢兩個餸嘅味道都可以接受，但份量就好少囉！***最嬲係佢大字宣傳 ----> (( $38富臨脆皮片皮鴨！足4斤重！即燒即食！)) 保證即叫即燒？？？真係笑大人個咀呀！莫講

早排買咗網上嘅富臨coupon, 堂食片皮鴨一隻$38，再加一$15及醬料小費，所以要趕喺到期前去食。如coupon所訂明，於享用時必須三天前訂位。到酒樓後，仲未睇得切menu, 侍應已催促先入片皮鴨張單到廚房先 ( 好似趕住去邊咁! )，然後再點其他菜式喎！無奈答應佢囉！之後.....看一看當晚menu，原來仲有其他優惠！如$1木桶雞一隻，$98加拿大芝士龍蝦伊麵，及多款信用咭特價小菜等..但因為我哋已買片皮鴨喎，所以唔准許有任何其他優惠喎！ 好嬲呀！ 早知放棄片皮鴨算啦！其實好想食完片皮鴨就走，但都無奈叫咗幾個小菜試吓。 嘩！ 乜隻鴨唔係拎到你檯前片嘅咩？咁至少都比隻鴨嘅穀身你望一望呱！？佢哋張coupon大大個字 hard sell 標明係 "足4斤重" 喎！但佢凈比碟皮我 ( 約12, 13塊皮 )，加一碟包/粉皮，咁點知係乜皮？有幾重幾大隻呀？ d皮片得又大塊，塊塊皮下面都成層厚厚嘅肥膏，個個一路食, 一路嘖哂d油出嚟，真係食到火都嚟呀╰_╯ ****真係好後悔網上買咗富臨呢張coupon呀！ 芙蓉炒海膽$78 : 要擘大對眼至揾到幾粒細細嘅海膽喺面，其他都係蛋白，京

假期最後一天同家人一家三口飲茶，1:15pm拿飛等，店內有5,6張中檯無人坐，但職員堅持只有5-6人才可坐中檯。結果等到1:42分才有檯，但1:45分就下午茶派飛，門口職員黑晒面，反正假日無事就多等一會吧!之後，有其他食客拿飛，未到下午茶時間，他們心大心細，有些人眼見已有廿幾三十人在排隊等下午茶，就只好飲正價，那黑面職員還如林大敵用對講機大大聲同店內職員說，"42檯入，正價，正價，mark時間，正價呀"，我心想，下午茶平好多嗎，用不著那麼緊張吧!2點鐘，下午茶開始，我們進去，在檯上找不到任何價錢牌，問待應下午茶平多少，她說平d啦，再問佢小點幾錢，佢話$16.8，我話咪同正價一樣，然後佢話茶錢平兩蚊，同有碗特價粉麵 ($20..8)，omg!我多等20分鐘，就是這樣。都算了，請繼續看...點心還算可以，但那個蟹粉小籠包，並沒有蟹粉，只是加了咖厘汁，令佢變成黃色，鮮蝦菜苗餃個皮林芝芝，內裡只有一粒仔如蝦米般少的蝦。到埋單，發現茶錢都是收正價，問經理，經理大大聲指著收銀櫃台上新春全日同價個牌 (那個牌全店也沒有)，仲發悔氣話，如果個待應同你講平兩蚊，你自己去問佢拿番兩蚊 (那就是說那個下午茶

富臨在公司附近開了都一段時間, 也光顧了兩次, 他給我的感覺是環境很美, 但質數有待提升~這天有同事last day~她說想試試富臨, 因我們人比較多, 所以被安排坐在大堂最深處...那裡的冷氣分佈很不均勻...比較熱焗而且桌傍就是後門通去商場洗手間, 時常有員工或食客在那裡出入今次由於叫了太多食物, 所以不能盡錄小食方面是不錯的, 燒腩仔皮很脆, 燒肉不會太鹹海蜇煄蹄也頗爽口, 份量也頗多腸粉等皮薄滑溜~其他蒸點如蝦餃,燒賣, 飽點等味道也不錯, 全部即叫即蒸~至於炸點, 吃了兩次, 兩次也是給我的不好的印象油益味很大, 而且炸點大多是涼的, 沒有熱辣辣的感覺, 今次特別是這個魷魚鬚, 一咬下去已吃到腥味至於糖水甜品, 如芋頭西米露,南瓜露,雙皮奶等味道全都很濃郁~這個桂花糕味道也不錯, 但顏色方面令我們覺得加了色素, 黃得帶點螢光...