富臨 (已結業)

又到了大閘蟹當旺的季節~同朋友一齊去食依間~任食大閘蟹放題!富臨晚市原價: HKD468/位,電話訂仲有得減HKD40✌🏻HKD428一位，我地主攻任食大閘蟹，也叫了ROUND無限追加自取京式片皮鴨，多款甜品及主食任點任食，豆腐花係百福,豆腐花幾滑~清蒸、花雕蒸、油鹽焗3款口味大閘蟹任點,各有特色,大閘蟹膏多而香甜,質量不錯,.另外有SET每位一客的單品~原盅螺頭花膠湯,補補身又有美顏潤膚功效~特別夜訓捱夜人士，要飲多D呢和味鮑魚伴秋葵,鮑魚味濃郁而帶鮮~秋葵營養健康~8年太雕醉蟹一隻,口感比較棉厚,蟹黃也十分飽滿~.這家餐廳座位都算舒服,如果和朋友行到累來食中菜野和聊天也不錯喔看到其他款式其實都吸引，找天要再來食呢🌈

收銀員態度極差付款有0.5蚊尾數 我還沒有拿出來 她已經找完錢 我話我有五毫子 然後叫她給1蚊我 她完全無視我？？？（唔存在她聽唔到我請求或者她很忙的情況.因為她見到我而且完全無動於衷，我都沒拿完錢已經找完錢給我 我同她講我有散紙 她選擇無視我？）落左六個點心 只來左四個！！！ 等左一個鐘 都唔見有另外兩個上來 叫人去check才知道沒有落到order？！失望至極，我們落order用紅筆mark 正常人沒理由見唔到 本身開開心心同屋企人去飲茶 覺得真係掃興 而且去得早 不存在人太多忙唔過來的情況 唔知點解會咁樣 真係好失望 唔明返工咩心態 一個人影響曬整體的形象 而且D嘢食已經唔係話好食啦 感覺以後唔會再幫襯 都唔會建議其他人去

限聚令之後唯有回家食，今日有客到，我廚藝一般般，就靠富臨的外賣自取救命！47折，最平的$38就有一個餸，大部分都是within $50有找！有酒樓的水準，又是茶餐廳的價錢，平靚正！-清遠雞 $38 果然是超筍推介，$38就有半隻雞（$68有一隻），香滑好食又啖啖肉，加上蒸豉油及油蔥汁，就是那種夠香夠惹味的味道！-蓮藕花生燉豬手 $39 應該是用南乳醬炆的，豬手炆得好入味稔稔地。又有好多蓮藕及花生，有水準！-大澳香蝦骨 $44好特別的味道，豬肉不膩又香，爸爸不客氣吃光了。-黑椒牛柳粒 $57朋友喜歡牛肉，這個牛柳粒炒得香黑椒味，牛柳大大粒，牛肉都是嫩的，薯粒更是吸叫了黑椒的精華，特別好食。.生炒糯米飯當主食，馬拉糕當甜品啦，都好正，糯米飯好耐無食啦，就是那種好懷舊的香黏，馬拉糕都是那種原味道。.見到有點心外賣，一個蒸飯都是$18，下次lunch 買來食先！

幫襯富臨次數唔算好多，但係有幾樣點心都係值得去試下。1/腸粉好似考試噉呢都有評分準則。腸粉嘅評分準則主要有兩樣，第一就係要鮮味，第二就係要口感夠滑。a/鮮味?雖然呢道腸粉都有用到大量嘅味精，但係都感受到肉嘅鮮味，最起碼見到肉，唔同有啲酒樓嘅腸粉根本就見唔到肉，我又唔係叫齋腸，見唔到肉就唔合理。值得一提嘅係肉嘅鮮味滲透咗喺腸粉嘅表皮，一入口嘅話都感受到，不但有米香味，仲有肉嘅鮮味。b/口感滑?呢度腸粉嘅米漿比例比較恰當，我試過有啲酒樓嘅腸粉，米漿裏邊粉太多，口感唔夠滑。但呢度腸粉就唔會有口感太膩嘅感覺，要知道有啲酒樓嘅腸粉做到好似糯米糕噉，一入口就會將住你啲牙。我個人喜歡食一啲比口感比較滑嘅腸粉，呢度菜就幾啱我口味。你唔好見佢幾多油，真正嘅好食嘅腸粉係需要有啲油係表面。2/豉汁鳳爪試咗鳳爪系一道非常廣告嘅才每一間餐廳同酒樓都做得好好食。我個人比較嘴刁。a/火候如果豉汁鳳爪做得唔夠火候嘅話，鳳爪就會唔夠軟熟，一入口就會咬到佢d筋，而且啲甘亦都好難咬攝住啲牙喇。呢間酒樓食嘅豉汁鳳爪，火候夠，入口即溶。b/ 豉汁味道呢度菜最講究噉就係豉汁個醬汁，如果整得太甜又或者太鹹嘅話，就會破壞左成道菜。呢

平時嚟富臨飲茶就飲得多，今晚同屋企人，有老有嫩嚟天水圍晚飯，慶祝父親節。炎炎夏日，叫個海皇冬瓜盅，好多料，無味精...飲咗幾碗都唔口渴，走地雞配蒜蓉蟶子皇，隻雞超正，勁入味👍🏻蟶子加埋蒜蓉粉絲，好新鮮。蔥爆牛仔骨，甜甜辣辣咁，個味好夾，唔同平時出面食開嘅味道，泰皇蝦球炒通菜，辣辣地好好味😋 最特別係薑蔥焗桶蠔，望落仲以為係魚雲煲，大大隻食落口又juice, 無諗過薑蔥配蠔係咁好食😍😍😍好鍾意呢個場好大坐得好舒服，完全無壓迫感，婚宴擺酒好正呀！

Family day總是諗爆腦，最好就係去飯堂，其實都已經食過好幾次，性價比高，餐牌又耐唔耐會轉，最緊要係岩老人家胃口。首先叫左湯，松茸雞響螺，清甜足料。半隻雞上。海參鴨掌煲，鴨掌炆到好入味。海參有好多條，好彈牙，炆到岩岩好，軟硬適中。龍蝦芝士伊麵，all time favorite. 算幾大碟，同埋龍都新鮮。蒸帶子，唔會有沙，新鮮，都幾大隻無叫白飯，叫左生煎包都好夠飽。呢個薑蔥蠔堅正，有大概8隻蠔，超大超多汁。

「我們傳統這一家👨‍👩‍👧🐱🐶」雖然我同團團都係「歪果仁」但久唔久都係要去下酒樓,食返啲夠鑊氣嘅小炒菜式,話晒外國人都中意Hong Kong Food嘛🥰.總結評分：8/10番啅指數：⭐️⭐️⭐️⭐️

星期六同屋企人黎飲茶，呢間係天水圍黎講都算ok既酒樓黎架啦！我地3個人食左8樣野都係3百幾蚊！真係好抵！因為去其他酒樓真係貴好多，呢間呢個價錢真係唔錯啊！野食又唔錯，可以一試。

前兩個星期嚟過『富臨』下午茶覺得食物同環境都OK唯一嘅缺點係等位等得太耐😂今日放假又同屋企人飲茶決定再去『富臨』今次試吓其他點心～『富臨』假期堅多人想入去飲啖茶真係要早少少拎飛今次有兩樣點心好抵讚👍🏼👍🏼第一樣係「炸雲吞」炸雲吞好多地方都有，不過唔係每間餐廳嘅炸雲吞都有咁大舊餡😍呢碟炸雲吞外皮超脆！餡料豐滿，食到鮮甜蝦味加上個甜酸汁酸酸甜甜好開胃～另一個抵讚嘅點心就係呢個「雙皮奶」同樣都唔係間間酒樓有得食呢碗雙皮奶奶味濃郁質感好細滑！一碗嘅份量都多，食埋其他點心的話一個人應該食唔晒一碗

weekend下午茶時間同屋企人去high teaa，嚟到我屋企附近嘅富臨。 估唔到假日嚟飲茶都有優惠!畀大家睇下個下午茶優惠紙! (我哋三個人都叫咗好多嘢食。。😂)其實唔係第一次嚟呢度食嘢，次次嚟食都會食蘿蔔千絲酥!(大力推介!熱食更加好味!) 炸皮好薄，但又夠脆口! 正! 咬落去唔會好乾，入面蘿蔔好夠濕又甜甜地，中和番“乾“ge感覺。(最怕炸皮好厚，食落好乾) d蘿蔔餡料好多! 成個千絲酥都脹卜卜。😍另外叫咗雙皮奶，比想像中好味，好大碗!👍👍

是日休息，最適合同屋企人輕鬆飲個下午茶。兩點幾去到『富臨』門口巳經企滿人，不過等左大約15分鐘左右就有位了👏🏼👏🏼呢間『富臨』勝在夠大，座位好多，所以唔洗等太耐～富臨蝦餃好飽滿👍🏼外皮唔算好薄，但夠煙韌！餡料充足、入味，帶有濃濃蝦味！食完好滿足喔😍黎『富臨』飲茶必點～今次嘅蘿蔔千絲酥唔多熱，只有極微温⋯⋯不過仍然好味道！蘿蔔絲絲分明，咬落外脆內軟～好香口😍如果上枱時熱啲，味道更佳！不過要睇下你好唔好彩喇🙃燒乳鴿有點失準，賣相還可，但係食落就知炸得唔夠透，比較似鹵水乳鴿⋯⋯令人失望🙈

早市有早茶優惠點心， 仲有孖寶可以選擇。 孖寶黎講啲配搭都算多， 價錢又唔會好貴。 抵食！ 我哋四個人叫咗十樣點心左右。。🙊極度我一去到酒樓梗係要叫個盅頭飯頂下肚😋， 呢個飯嘅份量好多， 四個人每人食一碗半碗甘就啱啱好。 排骨同鳳爪嘅份量尚可以，4個人都夠分。 😂🙊令我覺得特別好嘅食物有叉燒包、牛肉球同鯪魚球。 叉燒包超多料🤤 另外牛肉球同鯪魚球都好大粒， 迫爆嗰隻白色小碟， 絕對冇偷工減料。😍👍另外有兩張特別推介， 但係已經點得太多點心，今次冇機會嘗試。長輩話呢個優惠好抵， 我就真係唔識計啦😂然後見到另外一個promotion，真係好震撼😂， 啲嘢食真係好平， 不過每次張單只可以享用一款。。😂🤔

朋友介紹話富臨飲茶居然禮拜日同閒日一樣價錢，Omg、真係有d唔係好信，於是有了第一次富臨飲茶體驗😬去到茶樓已經係差唔多3pm，竟然等位嘅人都唔少...唔知係咪因為禮拜關係呢..酒樓空間感幾大，唔會俾人壓迫感，飲茶環境坐得舒服與否其實都幾緊要下..蝦餃皮雖然有d嫌厚，不過內餡唔錯，竟然價格只係$13.8😳超抵食啊炸乳鴿略嫌肥膩，如果唔炸咁耐可能會嫩滑d😂燒鴨瀨粉超讚！燒鴨皮好脆，瀨粉好爽口，我竟然食晒冇剩😍抵食必點～乾炒牛河普通，50蚊都唔洗呢個價錢可以接受，不過如果有下次再去飲茶應該唔會再食😂最後食多一個蓮子紅豆沙，甜而不膩😍絕不欺場Total六個點心加埋一碟乾炒牛河埋單只係$180有找，週日飲茶咁嘅價錢、同埋唔錯嘅service, 有機會應該會再試～

食中餐真係一家大細都岩既地方呢間富臨係呢一區都算幾出名好食既中餐頭抽走地雞成隻雞係木桶裝住好有感覺, 雞不單止入味但又唔會太咸, 而且好嫩!! 頭抽係香口D既麻婆豆腐食飯點可以少得D可以撈飯既菜式哈哈, 呢個份量十足, 上既時候仲係滋滋聲咁, 熱度十足既豆腐好食過番熱既十萬倍咕嚕肉睇到D肉舊舊都咁大就知呢度有幾咁足料!! 味道同色澤賣相都唔錯, 個咕嚕汁撈埋飯真係一流生煎包煎到又唔會太焦同乾, 一咬入去D汁BEE哂出黎, 超JUICY!!冬瓜盎食飯當然係要飲埋湯啦 仲有D作病咁 更係要飲D健康D既冬瓜盎, 又足料又夠味!!

平時屋企人最鐘意去酒樓飲茶所以就決定去銀座呢間試下啦一入到去有一個套餐超抵！可以叫三款小食！首先我地叫左個頭抽走地雞好好食！食落口好有雞味又唔會太咸而且份量都好多當然唔少得豉汁蒸白鱔好有鮮味 肉質都好嫩滑仲有麻婆豆腐送飯 豆腐好滑配上肉碎 好滋味呢個係麻既感覺比較重既鐘意食麻既朋友可以試下熱辣辣既白飯～咕嚕肉都不錯酸酸甜甜 好開胃仲叫左生煎包入面係菜肉黎架個皮煎到好香口脆脆地入面好多汁最後仲帶冬瓜盎好足料啊～