富良食館 (已結業)

食開個間排骨飯執左,所以又試暈屋企週圍o家茶檔,都是呢度味道最好(唔計執了那間).這店可以算是新蒲崗最早期開o家茶檔,早期都有幫襯,但覺得不是很衛生,所以轉呔.但故地重遊,味道無變,衛生改善了,食物款式比以前多了,尤其是排骨飯,屬骨排,唔會太乾身,牛肉有牛肉味,鯪魚球有鯪魚球味,還呢度出名o家雞球大包.一盅二件,睇黎以後唔駛再轉呔啦.

近來見好耐冇幫襯過呢間~諗住幫襯下啦~點知就賴野啦~以前佢d排骨飯同糯米雞都ok架,點知上次買左三隻糯米雞,三隻都(縮)架~嬲到我即刻返去退錢~仲要比屋企人鬧~

鳳爪排骨飯,一盅靚的鳳爪排骨飯第一更係飯呀,點為之靚飯,飯要有少少"lim"吾好太乾身第二就係個盅呀,吾好睇少個盅,以家有好多快餐店,只係用一個長方型,鍚紙型器皿,黎裝飯,咁蒸出黎D飯一來冇咁熱,留吾到D味第三就係鳳爪呀,鳳爪要有少少辣,吾好太乾,同記得幫佢地剪指甲先好方上去第四就係排骨呀,要有七成瘦三成肥,等D肥油可以係蒸煮個時流落去D飯到第五就係豉油呀,豉油要有少少甜甜.咁就做到一盅有辣有甜有飯香的鳳爪排骨飯真係王天不負有心人,今日終於比我搵到一間有齊全部要求飯店呀

本來都唔覺，但最近又好似連飲食習慣都改埋。基本上全地球都知我唔飯既，但呢輪，竟然會唔食魚唔食麵而走去食個盅頭飯。就咁一個煎蛋牛飯，蛋都未來我都食左半碗飯。甜甜地幾好味，但但燒賣就麻麻，實到呢，食完牙較都無力。

舊式街坊茶樓，風味十足。一朝早擺到成條街都係，兩年前每朝上班都會來這兒打包點心返公司吃，現在有時到印廠也會專程行遠一點買外賣。她的麻容包真係極品，包皮鬆軟白滑，餡料滲著濃郁的芝麻和花生香味，還有一大個鹹蛋黃，想起都流口水，可惜停售好耐，不過荳沙包、叉燒包都同樣出色，最好係有多款酒懷舊點心供應，如豬燒賣、大包、百花鵪鶉蛋、棉花蒸魚肚…款款都甚有水準，可惜真係太多油，感覺不太健康，若困想吃飽一點，還有大大盅盅頭飯，才$10，認真超值！