富華餐廳小廚 (已結業)

外賣自取左四個小菜:1. 小炒王2. 鬼馬咕嚕肉3. 豆腐枝竹火腩4. 豆豉雞球除左小炒王炒得夠乾身，其他都好難食。咕嚕肉完全稔哂，唔夠炸粉，雞球好少雞，火腩份量都好少。。。一個字: 差

夜晚一個人經過紅磡，唔知食乜好，於是隨意入咗一間茶餐廳。入到去睇餐牌，見到有平時鍾意食嘅梅菜蒸肉餅，於是就叫了這個。先上枱有個例湯，飲落去都唔錯(應該無味精)，之後到碟肉餅上枱，見到碟肉餅仲有好多熱氣，應該係啱啱蒸好。食落去啲肉餅幾香，同埋都好多梅菜，而且啲肉餅唔係落咗好多粉，幾好食。不過一般食肉餅一碗飯唔夠(可能本人大食，所以都係每啖多肉少飯，以免最後淨係食肉餅，應該有人會覺得叫多碗飯咪得囉，但係唔知點解我多數都只會食本身個餐包嘅嘢，唔會額外再叫，即係好似叫炒飯要多飯，叫洋蔥豬扒飯要多汁，我唔會咁做)。點知食咗幾啖之後，但侍應走埋嚟同我講:「係咪唔夠飯呀，俾多碗你丫，我哋呢度白飯任裝，唔駛另收錢㗎。」我聽到之後覺得呢間餐廳好嘢喎，呢個時勢疫情咁嚴重，少咗咁多人出街食飯，好多餐廳都縮皮減支出，反而佢哋仲任裝白飯(雖然白飯唔值咩錢，但都係支出丫)，覺得呢間餐廳幾有人情味，同埋食完之後睇到餐牌，原來佢哋已標明白飯任裝，如果大家係飯桶，可以去呢度試吓。

第一次來呢度食，叫左半隻雞，皮脆肉滑，魚🐠新鮮蒸得剛剛好，牛柳粒炒到6成熟口感剛剛好，燉湯青甜，菜都煮到剛剛好，4個人500幾蚊埋單，可再翻叮，下次試其他野，不過還是最中意隻雞🐔真系皮脆超整

晏就唔知食乜好，通常都會去茶記，因為貪選擇夠多，而且經濟實惠，今次去到富華，叫左個 豉椒排骨炒河 和 芙蓉蛋炒飯 兩個午餐，午餐都只係$50，有茶和中/西湯選擇。豉椒排骨炒河夠晒鑊氣！豉椒汁味濃，配合埋河粉又啱啱好。芙蓉蛋炒飯，未食之前見到都已經覺得好靚，成個蛋都覆蓋住啲飯，個煎蛋仲要連埋有芽菜、蔥一齊炒，淡淡地幾健康。奶茶都夠熱，食左三分一喝一口還夠暖。呢度午餐份量很豐富，男生應該都一定夠飽。但我就要加$1買個外賣盒帶走剩下的

呢間餐廳係之前成班同事係附近做野，lunch時間一齊去食。坦白講，開頭覺得佢同一般既茶餐廳應該都差唔多，無論食物選擇定環境都同其他連鎖快餐店差唔多。但係，估唔到食落好有驚喜。首先份量夠曬大份，我叫左豬扒撈丁，豬扒成塊面咁大，好有誠意。味道方面，豬扒煎得香口，加埋公仔麵，食完好有罪惡感。我再加左個奶油豬，卜卜脆加埋香濃練奶味，食完真係好滿足。不過呢間富華真係好多人食，一食完就即刻要走，d姐姐已經會自動波收曬餐具同碗碟，所以如果剩係食就正既，想慢慢嘆就唔好啦。

今日趕時間，所以揾間茶餐廳，諗住快快哋解決個lunch!叫咗個特餐食。$44，性價比高。🤩沙嗲牛肉通粉個汁夠濃。好多牛肉～足料！火腿奄列同樣足料～又新鮮！加咗三蚊改咗包做蒜蓉多士，兩面都有蒜蓉醬👍🏻係坐得唔舒服，有啲迫，但野食就就真近心高質～

去咗紅磡，揀咗食茶餐廳🍴不過呢間茶餐廳都真係唔係幾平，淨係叫個沙嗲牛都40幾蚊😂不過算啦依家啲嘢真係好貴～沙嗲牛肉麵+火腿蛋奄列，盛惠$43，另外再叫咗個雙拼公仔麵，沙嗲牛肉麵加午餐肉，一樣係$43🤣🤣其實我覺得個奄列都整得幾好食嘅，份量都算ok㗎啦😝佢啲蛋亦都整得幾滑haha 平時出去食啲午餐肉其實都幾細塊，但佢嘅午餐肉就大大塊，不過整體來講我覺得個麵嘅份量都係比較少，唔係幾啱我呢啲大食嘅人食，食完有少少唔夠飽🤣整體來講嘢食份量可以再多啲✌🏻

街坊茶餐廳，午餐除有飲品，亦有例湯送。例湯是霸王花無花果煲唐排，名稱很長，可湯一到，一看一飲，不過是無味無料的例湯罷了。香茅豬扒炒蛋飯，碟頭頗大，豬扒大塊，醃得入味。炒蛋亦很多。梅菜扣肉飯，扣肉皮是很肥，但肉太瘦，而且炆得唔夠，肉很硬嚡。

Order 了常餐$44， 有豬扒撈出前一丁麵、蒜蓉多士、炒蛋和加$3轉凍啡！ 價錢首先 不貴！難得有蒜蓉厚多士，是其他茶餐廳很小食到！炒蛋也很夠滑！ 撈丁也很出色，不會太乾！豬扒夠大塊！ 唯一扣分的就是人太多，座位很窄！ lunch hour 來，很有逼夾感！

同家人下午五時15分入座，一入座我哋分別叫了常餐，下午茶餐及晚餐幫我哋下單的姐姐已經好似未瞓醒咁，常餐A有雞翼同豬扒揀，同佢講要雞翼，佢竟然覆我問係唔係要雞脾(吓！？)之後問佢嘢飲要加幾錢，佢問我係唔係要加茄子(吓？！）之後常餐同下午茶都陸續嚟到，都未有事發生。一直等，五點九晚餐其中一個餸到了，之後我哋問佢可唔可以俾飯我哋(個餐有包湯同飯)，點知佢話6點先有飯(吓？！)咁我哋就問佢，咁你而家上咗餸又唔飯，要人哋等3個字先有得食飯，啲餸都凍晒啦之後佢竟然問我哋係咪要飯，可以而家買(!!!!!)真係火都嚟埋，一開始落單，餐牌營幕無寫晚餐係幾點開始，而個職員同我哋講可以叫晚餐，所以我哋無為意，都算！但係你要咁守規則6點先出飯，如果而家要就要俾錢額外買的話，咁個餸你又唔6點先上？之後再同個收錢阿姐講，佢當然都係好似其他職員咁嘅態度唔俾飯我哋，之後我哋就話唔要啦咁，取消啦。佢發脾氣咁收走咗後，仲要即刻黑面，一句唔好意思都無講，再喺度同其他人話我哋！好啦，個下午茶同常餐食完啦，就出去埋單走啦，問佢係唔係只收咗常餐同下午茶錢，佢仲要好寸咁話，”唉俾張單你睇喇！點敢收多你哋吖！ “態度勁差!!轉身走門

為母親大人慶祝生日，揀餐廳都想左好耐，最後揀左富華，餐廳經理得知是慶祝生日，特意為我們換上紅色枱布，非常有心思😍。訂枱時已寫好菜單，因為我地想食海鮮，所以要預定。雲吞雞煲——湯頭非常甜，雞肉很嫰滑😋，還有娃娃菜底，個娃娃菜索哂啲湯勁好食。芝士龍蝦伊麵——龍蝦新鮮彈牙，芝士又香又濃，麵亦很多😤。椒鹽鮑魚——第一次試食椒鹽鮑魚，鮑魚很爽口，原來椒鹽食都幾夾😉清蒸東星斑——蒸得剛好，又多蔥，正👍。薑蔥炒蟹——蟹很入味，屋企人連蔥都食哂🤣起初都擔心唔夠食，但份量非常足夠，我們將所有餸菜全部清哂🤣，職員都很積極換碟👍有下次。

係紅磡眾多茶餐廳之中，覺得富華係屬於好好食既一間。價錢算係合理，服務環境果啲都係一般茶餐廳啦，不能要求太多，但係最緊要啲野好食。晚餐嗌啲小菜仲有湯飲～墨魚餅香脆好味👍

態度差，冇下次，同個經理講話$148生毫変味，佢話比廚房试下，洗不洗比埋其他人試下？佢話冇变就咁算，大佬，我可以照比$148轉最平D野，蒸水旦都得吖，難道生意只做一次

平時經過呢間茶餐廳都人頭湧湧，見今日比較少人，就決定入去食個lunch。午餐都幾多選擇，每日都會有六個餐俾你揀。我哋帶咗鹹魚雞粒炒飯同埋醬爆翠玉瓜牛肉飯。食過咁多次鹹魚雞粒炒飯。普遍都係覺得味道比較鹹。但呢一次就比較有驚喜。炒飯味道較淡，鹹魚唔會影響咗成碟飯嘅味道。而且＄50，份量非常多，兩個人食都綽綽有餘。午餐仲會包埋餐湯同埋嘢飲，所以都幾抵食。而醬爆翠玉瓜牛肉飯呢，牛肉都非常軟稔。但係我同朋友都覺得麻麻喇，味道其實幾好，只係個醬汁同啲餸唔係好夾。整體來講，其實份量大大碟，佢哋嘅性價比都幾高。而且佢哋會日日轉餐牌，所以遲啲都有機會試吓其他餐。

I think this restaurant is one of the best HKG Style Cafes for HKG style breakfast. I personally think it’s better than a lot of famous HKG style Cafes. Their breakfast menu have a great selections to choose from. There are about 8-10 sets to choose from and they are flexible, as you can switch macaroni to instants noodles or rice noodles. (Not a lot of HKG cafes allow you to make changes on their menu)Today, I ordered 2 items instant noodles. You get to choose items such as satay Beef, lu