富記大排檔

營業中

休息中

當晚8:00和家人在大圍附近辦完事情，家庭成員之一介紹嚟呢間屋村大排檔吃晚飯，其實估唔到現在冬🍄亭裝修可以咁前衞入到去好似去咗泰國咁周圍都係🪵建築，飲品除咗汽水🥤啤酒🍻竟然會有泰國椰青，捱左兩晚夜家人又叫羊腩煲又叫椒鹽九肚魚和生炒排骨🔥上➕油對我咁好當然要飲下椰青水清下我啲虛火和實火啦縱觀全晚最好味都係個羊腩煲下次再嚟都會再encore

大排檔相信大家都食唔少，但係有冇一啲大排檔係令你好似掛住前度咁念念不忘呢？😏富記大排檔可以話係我既飯堂，基本上月月必食，而今次想介紹既菜式就係「種運雞🐥」，造型好似登台咁款👨‍🎤，一上枱已經聞到好香既味道。望住d雞油一路滴下滴下，加碗白飯，真係想唔增肥都幾難😂。「種運雞🐥」一食落口，皮脆肉嫩，好有雞味👍，再配上南乳醬，更加沖擊味蕾😋😋。不過食完記得要做多啲運動，因為好有罪疚感😈😂。其他餸菜就同普通大排檔差唔多，都係好典型既小炒為主。‼️建議大家入黎大圍踩單車🚴🏻或行獅子山🦁️，都不妨試下大圍富記。味道：8.5/10環境：7/10服務：7/10CP值：7.5/10回頭指數：10/10

來到三點三下午茶時間 經過哩一頭 知道哩個屋邨反新咗 所以就來咗哩面搵食 經過哩間富記望望menu 炒粉面包類炸物咩都有 見到有個薯條公司三文治就外賣咗返去試試 一拎外賣就知廚房水吧對自己出品有啲要求 唔似有啲餐廳一盒過裝哂 薯條分開紙袋裝 裝三文治個盒 開哂窿 十五分鐘返到去開餐 食物尚有餘溫 薯條仲有微脆 三文治包個度就一定淋咗架喇冇辦法 外賣通病 料足小醬 靚靚仔仔 整體算係咁 咁食哩類即炸即杆食物最好緊係堂食 價錢都跟一般餐廳相約 有機會試試堂食 分分鐘有驚喜

經朋友介紹就專程踏單車入黎試下 ， 可能太夜既關係所以唔洗等位✌🏻雖然餐廳位置有d吊腳， 但地方乾淨又企理，仲有地方比我地放單車添👍🏻種運雞 呃like之選📸勁茜墨魚餅 好食推介😋炒通菜 夠鑊氣🔥胡椒豬肚雞 味道一般

Geo條👅評分：⭐️⭐️⭐️⭐️ (5⭐️最高）鮮鮑瑤柱金蠔花膠盆菜 $888（4人份量）今個中秋節同屋企人叫咗個盆菜做節，阿媽叫我揀盆菜，咁梗係揀個好味良心盆菜啦，就揀咗富記💛司機晏就3點到就送到，超快😂湯另上唔會索晒啲湯👍🏻盆菜都幾多料，鮑魚彈牙，花膠超厚超大塊😍金蠔好香好味🤤食咗幾隻😛大蝦🍤幾大隻幾爽口，瑤柱都好鬼大粒🤤其他燒鴨、走地雞、腩肉、花菇、蘿蔔、豬皮、髮菜都好入味好正💛成個盆菜都幾出色👍🏻

早幾日朝早同下午都要係大圍做body check，做完朝早果part之後就同男友係果頭食個early lunch～搵到呢間餐廳既午市有好多炒粉麵飯選擇，而且裝修幾田園風幾得意又好似好闊落咁所以就黎試下～我地接近１１點黎到，先叫左個早餐既沙爹牛肉通粉配熱菜蜜（＄２８），等到１１點再叫左個中式牛柳飯配熱檸水（＄５２）個早餐＂沙爹牛＂同我預期既沙爹牛都幾大出入😅 佢似只係用左柱侯醬去醃既＂沙爹牛"完全食唔到真正沙爹既香辣味，更莫講話花生味😅 水準就真係非常普通啦😅😅好彩牛肉肉質夠淋，通粉尚算彈牙，如果當佢係一個普通牛肉通粉去食既話其實就OＫ既～中式牛柳飯係我揀呢間餐廳既主因😂 因為好少可唔係晚市小菜都會食到呢D鑊氣小炒～可惜一黎到我就覺得佢會令我失望。。。。顏色太深紅同埋醬汁太稠似係用現成醬而唔係廚師自己調配出黎既果然食落去的確唔係我預期既味道🙈🙈 醬汁無層次兼太多太濃稠，但其實牛肉肉質唔錯，洋蔥都香兼爽口，如果個醬汁可以俾多D誠意成件事就會好完美🙈 🙈 只能說呢個價錢同質素都成正比既，不過如果下次再去大圍我會揀其他茶餐廳/飯店出名既椒鹽豬扒飯/小炒試，唔會再黎呢間😂

第一次去，見到啲地方乾淨企理，唔錯👍🏻睇一睇佢地既餐牌，嘩…又係想掃佢地版😂好多樣都想食呀，但係我地得3條友，叫咗5個餸，碟碟都好大份，最後食唔哂，要打包🤦🏼‍♀️椒鹽豆腐炸到脆卜卜，細細粒，正😋馬拉盞炒通菜，呢個都好好食，阿女平時好鍾意食呢個菜☺️勁茜墨魚餅，成舊都好多茜好綠，但唔知點解茜味又唔係好濃烈喎，口感同平時既墨魚餅都有啲唔同，無咁實淨，不過好食既😋味菜炒鵝腸，味菜呀🤤🤤🤤我好鍾意食味菜炒餸㗎，但自己唔會煮😅，所以出親街食飯見到味菜炒咩咩，都會想食，好好味，連原本唔食鵝腸既人，今次都破戒了😂胡椒豬肚雞，我好期待既一個菜式，因為我自己勁鍾意食雞同飲胡椒豬肚湯，所以一見到呢個菜式，諗都唔諗就叫咗，不過有啲失望，雞個味道一般，而個胡椒豬肚湯都唔係好夠胡椒味，你話唔好食咩？又唔係，都ok既，我地有食哂，但就可能太期待，所以有啲失望咁囉🤭如果胡椒味再重返多多多啲既話，應該就超正啦😋

嚟過呢度幾次，好鐘意呢度嘅環境、好田園feel連餐牌設計都好特別、選擇仲非常多今次我就揀咗午餐：干炒牛河加熱奶茶☕️有鑊氣、炒得均勻，味道啱啱好，奶茶夠香濃而且侍應態度仲好好添

餐廳安排真係好差。同幾個朋友食飯，8點15分落完單，一路都冇比返張單我地睇，之後催左幾次單都淨係話會幫手跟進下，叫佢at least比返張單我地睇下冇漏單又一路唔肯比，去到差唔多8點45分先有第一碟餸。最後9點15分都仲有一碟餸未黎，再問先知嗰碟漏左單。最後埋單先比返張單我地睇，上面寫既落單時間係9點11分。餸菜就正正常常，但真係唔會再幫襯。

外賣小菜自取八折，叫左三個小菜。炸蝦丸：粒粒大大粒，炸到脆卜卜，非常彈牙！京都骨：舊舊都係肉，大大塊，又淋又入味！中式牛柳：牛肉大塊又軟淋，好有牛味，酸酸甜甜，非常開胃！三份大大份先係二百蚊，開心死。

🍽韭菜豬紅($48)😋差唔多20舊豬紅，唔會一夾就散😋半大碗韭菜墊底，有老有嫩，有陣時難咬啲🤤疫情之下無得掃街，食呢碗超滿足🍽椒鹽九肚魚 ($88)😋炸粉超薄，食到最後都好脆，完全無油膩感😋每舊都有翻咁上下size，同酒樓飲茶嗌嗰啲無得比‼️條魚中心嗰條骨即使炸完都係硬要吐翻出黎，自己要小心芝麻西檸雞($68) 客飯套餐－跟白飯、汽水一罐😋雞塊同樣炸粉薄，keep到好嫩同juicy😋鍾意佢雞塊無同西檸汁兜埋一齊炒，keep翻脆口之餘可以自己決定浸幾多汁😋西檸汁唔會好酸，碟底嘅雞都唔會酸到要扒好多飯👍🏻呢度將屋邨大排檔風味搬入冬菇亭，環境好左，價錢貼地👍🏻免費提供嘅熱茶唔會好淡，仲可以係食野前用黎洗食具🙌🏻環境唔會有餐廳咁好，但室內有卡位，枱之間都算有空間‼️炸野要等耐啲，但係即炸熱辣辣好開心‼️有啲姐姐落單可能無咁清晰，提翻先記得要跟飯同汽水

男朋友一直都係大牌檔超級fans，只係黃既大牌檔唔多🥺(如果大家有好食既好介紹，記得留言話比我地知!💬)疫情之後更係無咩機會出去食大牌檔，最近開返夜市就比佢即刻捉左去食啦😂~富記位置大圍隆亨邨冬菇亭，環境比想像中衛生乾淨，7點幾去到已經爆場啦😛~ 唔知係咪太旺場，野食落單都等左20分鐘左右度先有，不過飲住啤酒等都ok既，爽🤣! 啤酒選擇算多，而且夠凍!👍🏻1. 南乳吊燒雞 ($88/半隻) 🌟4/5分富記最出名係招牌既「種運雞」，呢個係一大隻雞咁上，我地又想試多啲其他野，就轉叫半隻吊燒雞啦。如果大家試過種運雞不妨同我地分享下!😋吊燒雞半隻份量都唔少，皮脆肉嫩又唔會太肥🥰 雞肉本身唔算太咸，南乳另上，點埋就更添風味!😚2. 京都骨 ($68) 🌟4.5/5分呢個又係人氣推薦‼️同平時京都骨唔同，佢係用豬扒做既，變相就唔會好多骨，大部分肉質幾淋身👍🏻☺️只係間一兩舊有少少柴，不過整體啖啖肉又酸酸溜溜，撈飯一流啊!😍配菜只有菠蘿，完全唔會靠啲料頭扮到好大份咁，因為佢真係好多舊肉啊痴線!😭3. 啫啫通菜煲 ($68) 🌟4.5/5分富記有好多煲仔菜選擇，我揀左個啫啫通菜煲平衡下(食肉獸既男朋友話完

團年去左大圍嗰邊食，一早就搵定附近有咩好野幫襯🥰🥰咁啱見到有人介紹隆亨冬菇亭富記大排檔，話就話大排檔但其實呢度啲冬菇亭裝修曬，已經係好靚仔既餐廳黎喇👍🏻👍🏻👍🏻叫左五個小菜加隻炸子雞，全部要左加大size，上菜真係冇手軟，所有餸都分兩大盒咁上😄😄十幾廿人食都夠曬，份量超足！呢檔富記係未裝修變冬菇亭之前已經一早係大圍做左幾十年，係真正既老字號，老闆都同街坊好friend，勁有人情味🥰🥰而且老牌中菜鑊氣真係冇得輸，外賣都完全唔會失望，掓鹽九肚魚爽脆調味豐富🔥金沙骨每舊都勁大塊，肉質超嫩！醬汁又濃！炸子雞完全係出去飲宴既味道👍🏻👍🏻👍🏻仲有個黃金蝦球係實的的好多蝦肉，絕非麵粉波❤️總括嚟講呢餐真係食出水準💕有驚喜好後悔掛住食冇幫佢影靚相😭下次有機一齊回饋番比富記，大家要多多支持唔好比咁有水準又有良心既老牌消失呀💕💕💕💪💪

一日一黃店-沙田良心大份抵食富記大排檔 係大圍隆亨都有好多年歷史 近年冬菇亭翻中翻新變咗屋仔大排檔 都仲保持到大排檔小炒水準 fb keep住都有表態 之前曾經試過告急 但今日下午茶時間去試試 晚市冇堂食 一樣好多人.先上左個湯 （應該係南瓜豬骨湯）👍🏻清甜 飲完冇頸渴感覺冇味精 高分.⭐️椒鹽九肚魚$88👍🏻粉薄 魚肉好滑 本身冇咩調味要點執⭐️京都骨$68唔係用骨 係用豬扒去做👍🏻豬扒調味同埋質感都唔錯夠林好食⭐️雜燴炒河$50👍🏻好多配料 叉燒燒肉魷魚蝦仁豬潤 好豐富👌🏻河粉有鑊氣 河粉冇黐埋一舊醬汁感覺唔會太油👎🏻唯一係舊燒肉好鬼乾.整體份量好大份 好足料一個小菜可以食飽一個人兩個人 叫左3碟 最後食唔晒.#富記大排檔 (大圍) @fu_kee 地址：大圍隆亨村熟食亭5-12號舖.⭐️評分：味道：4/5環境：3.8/5服務：3.8/5抵食：4.2/5

冬至限聚令大家都無得出街食，上網見到依間盆菜十分吸引，6人盆菜都係$880咋，比起出面其他店嘅性價比高好多。🤤🤤🤤送貨服務都係加$50，準時送到樓下，用中小火加熱20分鐘後開食，芋頭好粉好入味，鮑魚易咬又新鮮，好驚喜！ 🤩🤩🤩食過咗多次盆菜，今次最好，屋企人都好滿意！ 份量十足，6個人食完全足夠，完全唔洗加餸。幫襯黃店嘅冬至盆菜，色香味俱全，仲用南非鮑魚同流浮山金蠔，非常足料。絕對會有下次，黃店值得支持‼️