富記車仔麵 (已結業)

入面d人嘅態度真係超級差，我一路order食物，一路黑口黑面，d語氣好似我得罪佢咁，我只係企喺度點餸啫，亦有講好多句唔該，但d態度都係咁，真係貼錢買難受。唔明點解咁多人話呢間嘢好食，講到咁高質，但我試過覺得只係普普通通，真係一個大伏嚟，唔怪之得就嚟執啦，咁嘅態度，想旺場都難。

今日經過哩間車仔麵店見到只係普通一間店，但有好多人，所以都入去試下係咪真係值得食。見到好多人食都有咩同味道，唔會太單一一種味道的面。因為佢地都係好似平時出面食的粉面餐，可以自己配不同的送。今日叫左個河粉，入面有螺肉，螺肉好入味，加埋個雞翼，雞翼都入味食落都唔錯。成個餐嘅份量都正常，唔會太少唔會太多，剛剛好。食夠32蚊會送野飲，但我都食唔夠32蚊，有三個送都只係30蚊，真係平靚正。除左河米，佢地都有好多粉面，主力都係車仔麵，所以無飯食的。

今日附近清明拜祖，親戚介紹這有5年以上車仔麵。難得舊式車仔麵店，當然價錢已經通脹調整了。外表真的不起眼，而且不說就不會知，這位置是有東西吃。好明顯街坊生意。 食物充滿童年回憶:豬腸 非常入味而且很軟腍牛根 軟腍入味 酸斋 有咬口酸汁新鮮，食出新做的，同斋店內口感完全不一樣。柚皮 真的極少地方有，現在失傳食物之一。飲品食物都是自取，先點麵(油麵，粗麵，米粉，河粉，幼麵)和菜(生菜，菜芯，通菜，芽菜，苟菜)，再選食物，飲品，付錢後就自己將食物端去店內桌上食用。也是以前特色當然車仔麵的魚蛋，豬皮，蘿白，豬紅，雞腳，雞翼尖，餃子全都有，選擇有20種左右，真的值得來吃，因為這店味道完全舊式車仔麵!

講到九龍灣食車仔麵 一定係揀富記  抵食到不得了 係唯一一間食完個麵底仲有餸淨既車仔麵 證明佢係幾咁足料  講返啲餸 蟹柳肉螺肉魷魚蘿蔔牛筋都係必叫  蘿蔔夠甜牛筋都好冧  仲有記得一定要加辣汁 佢個辣汁唔係死辣 而係少少辣得黎而又好香令到你碗麵嘅湯底變得更加濃  

更本冇雜誌講到咁好食！麵食咗6-7啖，冇啦！餸就一般，冇特別，叫咗多辣，得個死咸，唔會再幫襯！另外個阿姐，超級冇禮貌，一入去就黑口黑面，我有兩碗面要叫，諗住慢慢講比佢聽，佢已經唔耐煩，好大聲叫快d，又要問你要咩？答咗佢要咩餸啦，又唔耐煩話要咩面？😡😡😡😡😡😡😡😡😡錢都未收好，就叫我快d去拎野飲，如果想比人虐待嘅話，就去光顧啦。

經過此店，見車仔麵幾平，於是入鋪試試。一進門口已被截停,話要係門口點餐，冇問題。但係其實未諗好食咩，望左一陣，又唔知價錢，店內又冇所有餸既價錢，見門口有張類似外賣紙既野，諗住拎黎睇下d餸幾錢，又唔得，老板娘好惡咁叫我出去門口睇，心諗咩事？拎張紙睇睇餸都唔得？最後叫左四餸一麵，叫餸其間全程老板娘冇回應，麵底其實好少，男人食一個一定唔夠。另外一碗只叫餸沒有麵，不過餸既份量極少............湯底要辣，不過原來只有鹹味，好濃好鹹，一d辣都冇。以佢地咁既態度，間鋪又冇咩人幫襯，原來中伏了，一定唔會再黎！

一入到去鋪頭，個阿姐就要你即刻落單，其實都無問題，但佢無餐牌俾我睇，諗住去拎張點車仔麵紙睇下有咩揀，整車仔麵個阿姐態度極差，唔俾我拎，仲勁黑面叫我出鋪頭出面睇。淨餸看似很便宜，我總共叫左4樣餸，每樣得好少好少，冬菇好細粒，仲要剪開一半，$5得兩粒，菜得兩條，柚皮只有半隻手心咁大塊，牛肚係牛肚絲，有4條，全部餸夾埋得1/4碗滿，仲要收我$27。個湯我要多辣，但只有好咸，一d都唔辣。我以後都唔會再幫襯！😡😡😡😡😡😡

幾位同事都說這麵店由細食到大，車仔麵好味道，而我喜歡食車仔麵，今天到淘大 睇早場，睇完便過來試試味道。叫了六個餸，油麵，腩汁。蘿蔔：冇渣，夠腍，入味豬紅：不太咸，夠味豬腸： 好乾淨，冇臭味，冇肥膏，好食牛膀、牛肺： 充滿花椒八角味，第一次吃 車仔麵可以食到牛雜，有驚喜。咖哩魷魚：非常彈牙，夠咖哩味，正 ！湯底味道較淡，可能辣湯底會好味D。六個餸只需43元，仲有一包飲品送，非常抵食。這店食物款式多，飲品選擇也多，我食完冇肚痛，即食物夠衛生的，可再幫襯。

I have tried Cart 🛒 noodles Because of the white radishes Before I went to Thompson rdWan chai for Cart 🛒 noodles And their radishes were wonderful my favourite noodles is Oil round yellow noodles 🍝 here Foo kei provides good pig intestines all the way I just want radishes Inexpensive Sweet Easy to chewAlways delicious 😋 my 3 choices Oil noodles =22$radishes Fish ball cubes And fried pork chops

尋日只係食過佢一餐，食時都已經覺得豬大腸同牛肺有D怪味，不過估唔到會瞓著左，都肚痛到醒返，起身屙到脫水！之前一次食牛肺都試過屙架啦，但個日有食其他餐廳，唔敢開你名，驚冤枉左你！但今次係只食過你呢一餐，真係永不再見！呢次肯定無冤枉你啦！

朋友介紹話老字號，故此尋找此店，就在一條小巷接近盡頭。進店先點餐付款，點了三餸一麵一菜，都只是$24，味道好，罐裝、大紙包飲品$6，加多包紙巾也只需$2，個人認為好抵。

工作關係黎到九龍灣忍唔住去巷仔搵返無食好耐既味道富記車仔麵 - 從前一個禮拜起碼食三次既地方今日點都唔放過佢 食返夠本一到門口 就熟練地叫麵叫餸福麵 九菜 蘿蔔 豆卜 紅腸 豬紅 魚蛋加多支可樂丫唔該重點一定係支裝可樂每次見到都一定要叫講番碗麵先麵底對我黎講 肯定係太淋因為福麵係唔適合煮太耐蘿蔔一如以往好食入味夠甜普通既豆卜 本人至愛魚蛋彈牙豬紅帶怪味 整體良好 又搵得返以前隻味大滿足

去淘大買野, 同學仔介紹呢間車仔麪, 不用等位, 店員快速問食咩食咩, 款式數十種, 花多眼亂. 第一次食都係要返啲穩陣餸好D....選擇左粗麵、九菜、籮蔔、豬腸、豬紅、冬菇、雞翼尖、加辣汁, 共$35, 食滿$27仲送指定飲品...嘩..真係抵食! 籮蔔好甜, 豬腸麻麻, 冬菇好入味, 味道算OK,吃完不算很口渴，所以味精不算多.下次去開淘大都會再幫襯的.

收到OR送來田蕊妮演唱會門票,一於相約在九龍灣上班的中同齊齊欣賞,搵食地點捨棄德福的連鎖店或人頭湧湧的淘大,兩人在附近巷仔裡覓食,首選的文記車仔麵真的太多人,另一邊小巷的富記同是車仔麵反而有著不少位置,GOGOGO!一步入富記,麵檔阿姐即問:"要咩麵呀???"目光還被起碼二十種的車仔餸吸引得目不轉睛的時候,嘴巴已順溜地說出: 米粉丫。繼而從多款車仔餸上挑呀挑的一大碗計數,阿姐說:"$29(???!!!),自己去雪櫃下格拎飲品啦,上面唔係架。"$29大大碗還有飲品送???!!!真係架???? 雪櫃裡見到盒裝劉華烏龍茶,深信沒糖的烏龍茶比其他甜味果汁較佳,不用多想就選了劉華來陪我吃車仔麵。米粉份量不多,換作以前的我絕不足夠,現在年紀大食力不繼反而剛好,幼身米粉爽口而吸湯,尤其加了腩汁的湯底夠濃味,這才是車仔麵的應有濃郁味道嘛!要是喜吃蔥,這裡大大碗新鮮蔥花任加,將地道車仔麵自行變成日式蔥麵也可以,店主也蠻慷慨的。車仔麵必點的豬腸不是用上彎彎新鮮腸,直版版的豬腸炆得香軟只欠一點油脂,冷凍豬腸一向沒有新鮮豬腸那獨有臊香,鹵得入味就算不如彎彎腸的肥美口感也算不錯; 每條豬皮切長條形的極骨子,沒有

唔駛等位，因為根本無客。睇完Openrice先去食，結果中伏。餸就好似幾平，3蚊至6蚊份，但得一兩舊，而且d餸唔過熱湯，放晒係度，就咁夾黎奉客。結果，魚蛋，魚條/蝦條，白蘿蔔既心，一律都係凍既，離晒大譜。麻煩admin唔好要求我俾相你，我唔知點用相表達溫度。同埋一如其他食評，麵量特別少，要叫兩份先等如一般麵量。學生食夠21蚊有野飲送，我地一行兩人都食夠28蚊，想出去拎野飲，個幾十歲姐姐就話無record，唔知食左幾錢唔送，反而送多幾句說話。兩個打完波既哥仔去拎野飲，60幾歲果位姐姐幾好口，仲叫人教佢講普通話。淘大一帶餐廳都滿客，排到出門口，唯獨呢間野拍晒烏蠅，有原因既，依家明晒。