富記車仔麵 (已結業)

唔駛等位，因為根本無客。睇完Openrice先去食，結果中伏。餸就好似幾平，3蚊至6蚊份，但得一兩舊，而且d餸唔過熱湯，放晒係度，就咁夾黎奉客。結果，魚蛋，魚條/蝦條，白蘿蔔既心，一律都係凍既，離晒大譜。麻煩admin唔好要求我俾相你，我唔知點用相表達溫度。同埋一如其他食評，麵量特別少，要叫兩份先等如一般麵量。學生食夠21蚊有野飲送，我地一行兩人都食夠28蚊，想出去拎野飲，個幾十歲姐姐就話無record，唔知食左幾錢唔送，反而送多幾句說話。兩個打完波既哥仔去拎野飲，60幾歲果位姐姐幾好口，仲叫人教佢講普通話。淘大一帶餐廳都滿客，排到出門口，唯獨呢間野拍晒烏蠅，有原因既，依家明晒。