富軒

營業中

休息中

和家人好耐無出去叫餸食飯，早前決定去下皇室堡這間酒樓食下，出乎意料地有心思！他們除了有抵食的晚市孖寶套餐外，還有很多精緻小菜。這是每枱客都必點的「絲絲入扣」，其實是脆皮拔絲黑豚肉，賣相精緻之餘味道亦非常出色！黑毛豬的外皮非常香脆而且皮不厚，要下去肉質煙韌，肥瘦均勻，連平日不太吃肉的屋企人都不停在吃😋😋上湯焗波士頓龍蝦的龍蝦有14兩，味道好香，肉質彈口鮮甜，比我想像中多肉。伊麵底也頗出色，加了好多蒜粒，與鮮味龍蝦香混合一起，非常滋味。晚市還有綠豆/紅豆沙送！這裡的小菜真的用心出色，怪不得這麼多熟客，有機會再來叫餸食飯😋😋😋

11:45分左右入座，12:05落單，食物遲遲未上，查詢後回復答案係漏單，仲要唔係漏一樣，漏幾樣，同一張紙劃嘅嘢食，點解可以咁細心大意？無奈之下重新落單，之後睇返張單竟然又再有漏單。負責幫手查order嘅女士態度極差！重新出過張單之後，叫我地睇下仲有冇漏，張單放低係枱面，我未睇開始睇佢個人已經行開咗，結果都係有漏囉。食物中等，態度極差，唔會想再嚟囉。前後落單兩次都係咁甩漏，第三次算啦，我唔再加單啦！

今日約咗兩個老朋友食飯，因為其中一人晏放工，所以就揀咗喺佢公司樓下食，想坐得舒服慢慢傾偈，所以就揀咗食中菜，嚟到位於皇室堡嘅富軒。大家都返工返得咁辛苦，首先就叫個燉湯潤一潤，呢個菜膽雞燉翅用料十足，入面嘅翅都唔少，又夠清潤。店員話而家龍蝦做緊優惠，所以我哋就叫咗上湯西澳龍蝦，再加$30伊麵底，店員果然好推介，龍蝦啖啖肉夠爽口，一斤都夠晒大隻，伊麵底份量十足，仲有西蘭花拌碟，三至四個人都絕對夠食！之後再揀咗啲小菜，朋友話食過呢度嘅脆皮拔絲黑豚肉好好食，個名仲改得好靚，叫做絲絲入扣。果然係做到有拔絲嘅效果，拉得長長，而黑豚肉肉質比一般咕嚕肉嫩滑得多，啖啖肉又冇骨，再夾埋菠蘿或者三色椒一齊食，可以減卻油膩感。呢個鍋燒啫啫芥蘭夠晒鑊氣，味道又唔會過鹹，芥蘭條條爽脆，食到落底都唔會有過多嘅油分。最後仲送埋甜品，我就揀咗綠豆沙，食埋甜品大家都開心又滿足！

連續幾日見唔同嘅朋友仔，食好嘢，飲好酒，有啲滯的感覺。今日想食中菜，仲要清淡少少，記起朋友推薦嗰呢間『富軒』話佢豐儉由人，有精緻的中菜，坐啲位又寬敞舒適，咁就最啱宜家我嘅狀態，我來了。嗌咗個孖寶，『白灼海生蝦』和『清蒸沙巴仔』，本來對我來講都已足够，但朋友見隔離檯的『紅燒皇子鴿』幾吸引，又叫咗一隻。首先登場嘅係海蝦，食落好鮮甜，又够哂彈牙，好好味，而條魚亦同樣新鮮，點解咁講?因為聽啲師傅話，如果見到眼珠『飛』出來，證明係新鮮好魚，啲火候亦係啱啱好，不會唔熟，不會過熟，好嫩，好滑，正吖。乳鴿也啱哂口味，開心嘅係有免费糖水送，仲要係我哋喜歡嘅綠豆沙，完全係我想要嘅。

晚膳的引力@富軒  傳統與新派酒樓，我會選擇兩者，又新又舊混合一起，即是又傳統又新派？即是四不像？非也！非也！環境可能依舊有古老的風味，食物可以秉承舊有味道但又融合新式做法，混出來就是「潮」、「型格」及「令人驚喜」。今次要介紹的地方是位於銅鑼灣的富軒，就是一種令食客有驚喜的食堂，回吃指數高，味道回憶指數高及用膳感覺指數高，俗稱「三高」。餐牌上的款式有中有西，又龍蝦、又帶子皇、又脆皮拔絲黑豚肉……一時間老多眼亂，選擇恐懼症又再蔓延全身了……最後，點了三個小餸，跟友人慢吃細嚼，如像坐上食物時光機，找回食物的初衷，廚師的熱血及厭食症病人第一口進食的感覺。1.至尊脆皮燒鵝: 約1/4隻燒鵝，汁多，皮仍熱又脆，還要有鵝脾，一口一口，大塊肉送進貪吃的嘴巴裡，鵝油在口腔中蕩漾，有少少肥的鵝肉更有口感，舌頭也懷孕了！真的好好吃，拌著飯，有家鄉的媽媽飯感。2. 杞子蟲草花浸菜苗:來一個浸菜苗，作為紓緩區是常識吧，十足料的杞子及蟲草花遍佈整碟菜中，如一幅「錦鋰上河圖」般，嫩嫩菜心很入味，口腔仍散發出杞子蟲草花之芳香，妙絶！3.金薯黑椒一口牛: 不是正立方體的薯仔，而是一塊塊薯片，融入青椒及尚級和牛片，一口

周末黎銅鑼灣富軒晚飯，酒樓位於皇室堡6樓，地點方便。餐牌好多選擇，見到有好多優惠孖寶，不如就喺度揀。最後揀左兩款孖寶，包括深海花尾龍躉二味（即富貴炒龍躉球同古法蒸龍躉）$268同日式沙窩雲吞雞(半隻)+蒜蓉粉絲日本蒸大元貝(4隻)$278。茶錢$12 一位。蒜蓉粉絲日本蒸大元貝(4隻)日本蒸大元貝四大隻，元貝好嫩完全唔韌。蒜蓉，蔥花同粉絲超多，加左油，所以更滑。日式沙窩雲吞雞（半隻）先飲啖雞湯，雞味香濃又冇油。雲吞六隻，皮又薄又滑，饀細細粒有豬肉，西芹，冬菇同蝦，有d似餃子，超水準！雞份量足有半隻，另外有六條新鮮律白。富貴炒龍躉球龍躉球六大舊，連厚龍躉皮，啖啖肉，肉質厚實。配菜有西蘭花，茶樹菇同甜椒。另上一碟蠔油自己調味。古法蒸龍躉龍躉有八大舊，皮超厚，好彈牙，又係啖啖肉，肉質嫩過炒球，不過有少少大骨，都易挑。下底有雲耳。古法原來係大量蒜蓉加蔥花同豉油同油。味道都幾好。陳皮紅豆沙食完仲有糖水送，有紅豆綠豆揀。紅豆沙熱辣辣，好香陳皮味，甜度啱啱好。今晚試左四樣餸，個人最鍾意蒜蓉粉絲日本蒸大元貝同雲吞。服務正常，座位都正常，枱同枱之間都有安全距離。值得一提係呢度唔似得其他酒樓咁嘈，方便傾偈

今日行完成日街所以想食餐好既，又好想食龍蝦伊麵所以就嚟咗呢間，環境同埋位置都幾好而且食物質素好有驚喜!妙醬西蘭花炒帶子呢個見到個刻真係好靚，有心思既擺盤而且西蘭花炒得乾身又惹味，大細岩岩好另外再加上鮮嫩既帶子，食落口感一流而且真係好岩送飯!拔絲黑豚肉原來係呢度既招牌菜，拔絲效果明顯而且重點係黑豚肉真係炒得好好食，外皮夠脆加上肉質細嫩，咬落亦有肉汁，甜酸醬汁開胃之餘又唔會太搶，其他地方真係食唔到!燒鵝下庄我又可以止下燒鵝癮，下庄既燒鵝脾大大隻而且真係燒得好香脆，肉質亦都嫩而且唔會蘇，食落好惹味加上梅子醬，層次感十足!鮮果香檳大蝦老婆指定要食，大蝦炸到脆卜卜而且仲有少見既香檳埋芡，味道豐富而且又有香檳既鮮味，用咗蘋果片做底又可以吸一吸炸蝦個種油膩感，非常好食又難得既菜式!波士頓龍蝦伊麵龍蝦同伊麵分開上可以確保伊麵仲彈牙唔會淋哂，龍蝦肉好彈牙同埋多汁，新鮮整起所以D肉一起就甩! 配合埋上湯加伊麵食，而家諗起都已經好掛住!紅豆沙&南瓜西米露最後經理好好人仲俾我地揀甜品，最後每樣要一款!紅豆沙不過不失都有起沙，食落顆粒感重。南瓜西米露既南瓜味濃，唔會太甜食落岩岩好!

去酒樓食嘢都食到好厭😵😵搵翻間新派少少既私房菜 😌居然有驚人發現廚師精心打造嘅私房菜套餐 一碟碟上 保持熱度同新鮮度 ~~冰鎮8頭南非鮑魚 第一道令我驚喜嘅就係冰鎮8頭南非鮑魚  切簿片慢慢食 😍 唔韌,又爽,非常好味第二道令人驚喜嘅就係松露卡邦尼焗開邊龍蝦龍蝦好明顯係非常新鮮肉質非常之鮮甜，配上卡邦尼更惹味， 松露令到龍蝦更加香、味道都幾夾 即刻高級左 😆😆京燒原條刺參玉掌 原條新鮮海參上 賣相非常正 海參爽脆非常滑😋鵝掌 炆得非常之淋 醬汁非常濃郁  ~~紅燒金湯鮑翅 魚翅 非常足料 足2兩魚翅大大片 啖啖翅  充滿豐富膠質 鈣質 好鮮好正配少少金箔 賣相靚啲 湯底用咗南瓜湯 非常清新又清甜濃湯鮮蟹肉扒翡翠翡翠係豆苗 豆苗係蔬菜中選用最好嘅部位 夠哂嫩 😌😌配埋滿滿嘅蟹肉，鮮味即刻提升 食到一啖接一啖 😋😋壽包 壽包傳統都係以蓮蓉做餡 呢間改咗少少以蓮蓉加鹹蛋黃做餡 食落冇咁寡 冇咁膩楊枝甘露楊枝甘露糕 凍凍地 用料足 食到一絲絲嘅柚子同芒果粒整體呢餐，完結都唔錯， 新派中菜確實令我有驚喜，份份菜都係獨立上，用料十足銅鑼灣告士打道311號皇室堡6樓富軒

同老公由拍拖到結婚都好少食中菜，今晚黎個突破🤣，去左屋企附近既皇室堡食酒樓中菜😁，又高質又抵食，食完對中菜既信心番哂黎💯。Menu選擇好多，有2人、4人、6人套餐，亦有不同配搭的優惠孖寶 和 滋味三寶選擇，全部價錢都好實惠同岩口味😍。.✨滋味三寶💲318🔸蜜汁叉燒皇🔸清蒸沙巴龍躉仔🔸金銀蛋扒豆苗叉燒份量比想像多，燒得顏色好靚，每一件都切得好均勻整齊，叉燒是半肥瘦部位，肉質嫩滑軟腍，蜜汁和昭興酒味調味得好撘配。沙巴龍躉仔勁新鮮😍，蒸煮時間拿揑得非常準確‼️魚肉每個部位都好嫩滑有彈性💯！仲岩岩好魚肉離骨👍🏼。豆苗好鮮嫩爽口，皮蛋和咸蛋份量好多，調味到位。.🥘生炒臘味糯米飯💲128糯米飯炒得好乾身👍🏼，煲邊的糯米飯變成飯焦，口感層次豐富，蠟味配料比例極多😍，調味又香又惹味。128蚊咁大煲又咁高質真係好抵。.🍮千層薑汁糕💲18/3件一上菜已經聞到好濃烈既薑味😆，味道甜甜辣辣，咬落煙煙韌韌，冬天食驅寒一流😁。.最後仲有免費甜品每人一碗添，有陳皮紅豆沙和南瓜西米露選擇，南瓜西米露有勁多南瓜蓉同南瓜絲，好真材實料😋。————————————————價錢：💲510 / 2ppl味道：😋😋😋😋😋環境：✨✨

富軒係一間新開嘅酒樓，喺銅鑼灣皇室堡嘅6樓， 呢間酒樓性價比非常之高， 不但招呼殷勤， 食物美味，價錢又化算。今晚我哋叫咗個二人套餐，套餐裏面每人有龍蝦半隻， 龍蝦用上湯烹調，龍蝦肉好厚好鮮甜，係一隻好新鮮嘅龍蝦。 鮑魚都唔細隻，而且蒸到剛剛好，好嫩滑。我哋仲食咗半隻炸乳鴿， 乳鴿非常之入味。 套餐仲有燒味雙拼，係叉燒加油雞，同埋一碟時蔬 營養夠曬均勻， 飯後仲有一個甜品紅豆沙或者南瓜西米露，甜品唔會太甜 ， 符合現代人嘅健康需求 。推薦大家嚟呢度試下，埋單先至398蚊兩個人，係咪好抵食呢!

皇室堡開了間新派酒家，富軒除了有早午茶巿外，晚上還有新派粵菜、小炒和海鮮選擇。坐升降機到6樓，餐廳大堂蠻氣派的看看菜單，款式選擇甚多，因為和媽媽來吃，所以就不用想直接點了私房菜二人餐，很豐富一共有八道菜～ 如果人多也可以單點小炒和海鮮，看別桌點了蒸長腳蟹也超吸引呢🦀先來頭盤是冰鎮8頭南非鮑魚，擺盤有驚喜，師傅將番茄雕成玫瑰花，蠻浪漫的哈哈～ 冰鎮鮑魚爽滑彈牙，不愧為海味之冠巴酪汁焗開邊生猛龍蝦，每人有半隻啖啖肉的龍蝦，新鮮焗好味道很香，蟹肉甘甜京蔥醬燒原條刺參，很肥美的一條，口感腍滑爽彈，加了京蔥醬燒更添惹味這道龍湯鮮蟹肉羹非常足料好喝！有濃烈的鮮蟹味和蟹粉香，入口潤澤鮮甜，真是一碗好湯鮮茄濃湯煮菜苗，份量很多，加了鮮茄去煮酸酸甜甜的很開胃這道紅燒皇子鴿肉雖不多，但肉質柔軟，而且脆皮多汁，連骨頭也很酥脆，深受不少饕客的愛戴香噴噴的荷香珍珠雞，糯米香軟，餡料有蝦仁冬菇肉碎等，吃得滿足甜品是南瓜西米露，南瓜軟綿濃稠，味道清甜，在冬日吃一碗又暖又甜的西米露真是最好不過

富軒 - Wealthy Garden 今個月原本打算訂以往的中菜館和家人晚飯，但發現已經轉了另一間新的中菜館，見地點就到和新裝修，所以照訂了桌和家人試試，不得不提經理姐姐十分友善，耐心講解各款菜式及推介招牌菜。冰鎮八頭南非鮑魚大大隻的八頭鮑魚，冰鎮得爽口軟腍，當中嚐到酒香的味道，配上醬油味道更鮮甜。上湯青龍蝦伊麵 份量超多的青龍蝦肉，肉質彈牙，配上濃郁的上湯，鮮味更出。叉燒皇拼燒腩仔燒味雙拼拼盤，蜜汁叉燒香甜軟腍，燒腩仔皮脆油香。絲絲入扣 這款是脆皮拔絲黑豚肉，酥炸鬆化的炸皮，內裡嫩嫩的黑豚肉，保持著肉汁又不乾身，最深刻是拔絲的做法，令味道更豐富、口感更有層次，推介！南瓜西米露、陳皮紅豆沙混入南瓜蓉，令西米露中有南瓜絲在內，稠密度剛好。非常足料的紅豆沙，吃到粒粒紅豆和起沙的口感，又不會死甜。

皇室堡自從裝修後, 有好多新舖和食肆進駐。今次上去6樓試呢間新開酒樓, 電梯大堂裝修好華麗, 睇下個餐牌價錢又幾實惠喎！精選2人餐$398免加一茶芥 有海鮮食, 係銅鑼灣嘅黃金地段, 性價比真係幾高下！燒味雙拼 半肥瘦叉燒 軟熟細嫩, 鹹中帶蜜味。燒腩仔香口脆皮, 食落卜卜脆, 油脂甘香！蒜蓉粉蒸大元貝 肥美肉厚, 鮮甜煙韌唔鞋口, 同蒜蓉粉絲一齊蒸, 特別惹味！蒜蓉開邊蒸龍蝦 新鮮生猛加拿大龍蝦蒜蓉開邊蒸, 鮮甜爽口彈牙啖啖肉！紅燒皇子鴿 皮脆甘香, 肉質嫩滑, 鴿味濃郁, 一搣開油脂豐盈, 有爆汁效果！上湯浸田園時蔬 菜心新鮮幼嫩, 無渣清甜。南瓜西米露 南瓜味道濃沃, 散發天然果香, 配合西米露稠口香甜, 為今餐劃上完美句號。

昨晚到剛開業不久的富軒吃晚飯，位於銅鑼灣告士打道311號皇室堡6樓， 地點超方便， 在皇室堡一逛完街就可以上去晚餐。 酒樓光線充足， 座位寬闊舒適， 我大約七點到達店內已經有不少客人了。 𨋢門一開已經有一位熱情的店員帶位👍🏻， 這裏的員工們都非常親切友善。 餐牌上有散叫或套餐， 我點🏆精選兩位餐$398～ 燒味雙拼、 冰鎮鮮鮑魚、 蒜蓉開邊蒸龍蝦、 紅燒皇子鴿、 上湯浸田園時蔬、 精選甜品和飲品兩罐。二人套餐仲包兩罐飲品， 我叫咗一罐jolly shandy ＆ 一罐忌廉。✨✨✨冰鎮鮮鮑魚～ 一碟有四隻， 爽滑彈牙的口感， 鮮味濃郁， 喜歡用冰鎮這個烹調手法。蒜蓉開邊蒸龍蝦～ 蒜蓉蒸龍蝦鮮甜美味， 龍蝦的肉質紮實爽口彈牙非常新鮮，撒上蒜蓉，賣相吸引。清甜的龍蝦肉配搭香噴噴的蒜蓉和豉油， 鮮味更濃。燒味雙拼～叉燒的肉質鬆軟，多汁， 香甜而美味。白切雞皮滑肉嫩， 配上薑蓉是最佳食法。紅燒皇子鴿～ 一啖咬落去皮脆多汁， 肉嫩骨幼，鮮嫩彈牙 ， 鹹香合度。上湯浸田園時蔬～ 套餐裏面點少得菜類， 用上湯浸熟， 清新健康， 蔬菜新鮮。精選甜品～ 有紅豆沙和南瓜西米露，紅豆沙囗感稠稠沙沙的，入口軟腍

最近疫情 想同屋企人去酒樓食餐晚飯都好困難銅鑼灣呢間新開嘅酒樓順勢推出咗2人餐有海鮮有乳鴿有鮑魚仲有燒味兩個人靜靜地 都可以食到港式風味👍👍上天落地都齊曬 只係398咋(包晒)😂.✅燒味雙拼份量適中每樣每人都食到四嚿腩仔好脆 肥瘦適中 調味好唔會太鹹叉燒 肥瘦叉點埋啲蜜糖 水準唔錯肉質夠曬淋 唔會鞋颯颯呢個價錢算係性價比高✅豉油皇焗鮮鮑魚鮑魚軟硬適中 唔會好似食橡筋咁豉油王好入味 咬入去有鮑魚香同豉油王配合得勁好 每人有兩隻比xl雞蛋仲要大 好平好抵食😆好味 真心！呢個有90分！✅蒜蓉開邊蒸龍蝦一人分到有半隻 龍蝦新鮮幾彈牙啖啖肉 好好味 有啲唔夠喉如果可以一人一隻就好(sorry我知自己貪心咗😂)✅紅燒乳鴿一樣係一人半隻 隻乳鴿燒到幾脆點埋啲椒鹽好香口乳鴿大細適中 唔會畀啲發育不良嘅你✅上湯浸時蔬口味清新 食完啲濃味嘢個人即刻refreshing曬✅個餐仲包 二人糖水同飲品.海陸空都食曬價錢又唔貴而家出去食日本嘢兩個人都要六百蚊呢個餐398仲要連埋加一喺超旺地段銅鑼灣 得閒試下中式都好唔錯🍎😚😚.🎀富軒Wealthy Garden🎀銅鑼灣告士打道311號皇室堡6樓