富都茶餐廳

營業中

休息中

黎到荃灣又諗唔到食咩 呢頭有d食店又消失左 行行下見到呢間就入去食過午餐 不過味道真係唔算太好 份量都比較細 。最後揀來揀去都係食常餐算了。多士奄列， 奄列份量比較少d 多士就有點兒乾左少少。紅腸叉燒米， 份量比較少而且味道就麻麻，紅腸比較細塊份量唔多啦，叉燒都係比較細舊，米粉味道算正常。熱檸檬茶就係正常茶記味道。整體黎講，份量就真係比較少而味道就麻麻，成個餐唔吸引只係價錢比較大眾一點。試左呢次都唔會再黎食了，一次就夠。

今日去咗荃灣兆和街富都茶餐廳食小菜套餐，見佢 $168 有兩個小菜，燉湯，仲有一碟油菜加兩杯飲品，覺得價錢尚算可以，就入去試吓！先來個燉湯，湯底清甜唔錯幾好，湯料有紅棗杞子龍眼肉煲豬骨，尚算不錯。跟著點咗兩個小菜，燒汁蒜片牛柳粒肉質有啲韌，唔見有蒜片，反而有好多翠肉瓜同洋蔥，牛柳粒變咗牛扒切碎上，是片不是粒，不過味道係惹味的，只是配料有啲怪。另一款蝦乾蒸排骨，蝦乾真係乾到碎晒，可能浸得太耐，一夾就碎晒，排骨味道還可以。

完全是趕時間和肚子餓的錯。因為要探病，所以晚上9點才有空吃晚飯；匆匆忙忙去到荃灣，見這間「富都」門面不錯，便走進去坐下。心知第一次食，叫基本野如餐肉、煎蛋那類食品最穩陣，難食極都有個譜；於是點了個特餐 ($55) 。在等上餐時，無聊看一看這裡的食評，才知負評多過乜；不過既然叫左，無理由走人；況且各有不同，可能我覺得好正都未定呢？結果一食，就知大數據無錯！那塊多士，無味的！至於火腿奄列，也是淡而無味！跟著我點了碗通粉，配煙肉和豬柳漢堡；通粉的湯鹹到不得了！那塊豬柳漢堡明顯是殭屍肉，煙肉煎得過老，硬到不得了！而最後那杯熱奶茶，只可以用死甜來形容！一點茶味也沒有，跟奶茶扯不上關係！附上的圖片，見我好像吃得一乾二淨；並不是因為好味，而是想試清楚，才寫這個負評！結論：就算趕時間，寧願捱肚子餓，都要好好去選擇食物！特餐都可以整到咁難食，真心佩服！

荃灣三坡坊見完客，快快搵一間餐廳，未食過，又要冷氣夠。今午2點半，天氣焗到喘不過氣，空着肚，找地方嘆冷氣。下午茶，乾炒牛河+紅豆冰多奶。邊嘆冷氣，邊看手機。耳後聽到服務員很努力以普通話介紹食物給國內遊客，精神可嘉。两位熟客，一入門口，就問有冇蒸魚午餐。服務員和熟客，有講有笑，正爭論在街市買海鮮一定有呃重量。乾沙牛河，河粉很黐立立，一般水準。紅豆冰，紅豆唔夠淋，一般一般。不知不覺，嘆足45分鐘，才離去。

忽然好想食下熱狗，行過見到餐廳嘅熱狗下午茶😋所以入咗去富都餐廳！餐廳環境乾淨企理，員工服務態度一流。👍🏻叫咗一個下午茶8吋長熱狗拼沙律$34其實好有驚喜，首先賣相相當唔錯，分量十足👍🏻我要讚下佢哋啲沙律，食落味道開胃配上巨型熱狗腸感覺好正，熱狗包軟軟脆脆當中嘅千島汁調校得非常好，有點酸，但係又帶點甜。真係好喜歡這個味道，然後再加杯凍檸茶，爽呀😋呢間都係街坊幫襯開嘅餐廳，價錢都好公道之餘，份量十足！😊👍🏻

咖啡類好”鞋”口今日本來去返福來村寳X食平價早餐，點知道無卡位，眯行去搵第二間抵食早餐，哩間雙拼麵$34差不多價錢，試下啦入門口，無人理你掃吾掃安心出行，搵吾到個反掃針卡入去坐低亦無人理你,從來未試過咁“自由”.裝修同寶X差不多舊，光猛D,座位闊D.叫左兩個雙拼麵餐，1分鐘就有。都系搵翻同grade的寶X 比較，哩間- 野食無咁熱。- 細碗1/3。叉燒煙肉麵要爽（ 1分）- 叉燒OK，吾”鞋“- 煙肉就都系寶X 一樣，吾系真野，但系無任何味道。- 個麵就剛剛好，吾硬吾”淋”叉燒牛肉米（3分）- 牛肉都幾多- 叉燒OK，吾”鞋“咖啡同鴛鴦差不多味，好苦，無香味，飲左兩啖就無飲， 之後一個小時內條舌頭都感覺好”鞋”，非常差。（0分）終於明白點解哩間無乜人，旁邊的紅Y$39都爆。

好久冇來呢間，順路食個下午茶，叫咗熱狗🌭️+熱奶茶，$30！ 好幾年冇食茶記的熱狗，因為大多餐廳的飽都好hea，真是求用個飽夾條腸，上面放滿醬就咁比出來，而且個飽點會烘，估唔到呢度個飽烘得外脆內軟，絕對係有驚喜的🌭️，正～～～奶茶茶味濃郁，舊式茶記的奶茶果然保持水準

今次到位於荃灣兆和街12號地舖的富都茶餐廳午餐， 中午時間有五個午餐可以選擇，今次試焗馬來咖哩雞扒飯＋ 羅宋湯+ 凍咖啡$49。 羅宋湯沒有特別，只有一點辣味。 焗馬來咖哩雞扒飯的賣相確實唔錯， 但食落都是很普通， 咖哩沒有咖哩味， 飯口感很乾， 雞扒正常。 凍咖啡都是沒有咖啡味， 淡淡的， 飲完好像沒有飲過， 然後又要再出去買番杯正常咖啡。下次到荃灣開會都要試下其他餐廳， 今次這間茶餐廳有點失望。 富都茶餐廳地址: 荃灣兆和街12號地舖

嚟到呢個區探長者，行過兆和街，就去呢間茶餐廳買個外賣飯盒，帶去傴屋企一齊食。我買呢個飯盒係黑椒腸仔豬扒飯， 一打開呢個飯盒！嘩不得了！ 有圖有真相呀！個賣相頹到呢！腸仔係正正常常嘅腸仔，冇特別; 件豬扒睇落大大件，不過肉質好硬好柴皮; 個黑椒汁辣到呢，我食慣辣嘅都頂佢唔順，因為呢個黑椒汁嘅辣，係搶喉嗰種辣，但奇就奇在黑椒味係欠奉，黑椒汁仲要係好鹹嗰種，汁又多到可以浸住啲飯，搞到成盒飯都淋bebe。好簡單嘅黑椒腸仔豬扒飯，點解可以做到咁，有圖有真相，大家可以辨認一下。