寶城美食店

營業中

休息中

除咗炸脾之外乜野都話無嘅茶餐廳， 落單伙記+ 門口收銀態度奇差， 我估佢地應該同老板有仇。 其他菜式平平無奇， 每日餐單好似睇廚師心情咁， 想煮先有。 唔通茶記都有廚師發板？

Lunch 想食炸髀，咁就去左依間食，平時都好Full下，係紅磡廣場數一數二既食肆，有人排隊證明係信心保證，排隊個陣見到個個都叫炸髀，仲可以加太陽蛋落個飯到，加埋自選汁及飯或意粉，可以好多組合，有別於一般既快餐店，所以叫左個太陽蛋炸髀飯黎食，一上台仲係熱氣騰騰，炸髀既脆裂聲同調味一流，給人食慾大增，感覺老店果然寶刀未老，現場除炸髀其他食物都唔差，聞到香味陣陣，所以可以翻食，試下老店既味道，翻食指數5粒星。

之前聽朋友講 佢好推介呢間炸雞髀今次行開就決定去試試星期六下午三點都好多人食等左一陣先有位 半自助式先購票後交票 然後坐低等食⭐️馳名炸大雞肶配薯條⭐️炸雞髀 都算幾大隻厚肉炸得皮脆肉嫩 肉汁豐富 但調味略淡 食到有少少雪味 呢度扣左少少分薯條 波浪粗薯 熱辣辣 夠香脆⭐️檸檬茶⭐️茶底幾濃 冇澀味總結💫食物可以 雞髀算係唔錯環境正常 就係舊式茶餐廳嘅模樣服務唔錯 好有街坊人情味價錢合理 份量足 可以接受經開可以一試 但唔需要特登去

上星期慘遇炸脾滑鐵盧，今日決定搵間有口碑作補償。到步時差不多四點，在門外等約10分鐘有位。坐低後，先到門前收銀處點餐，拎個牌仔，就坐定定等食。又等多十幾分鐘，熱辣辣炸脾薯條就送到面前。雞脾又大又厚肉，炸到金黃色，已經心心眼😍，加上陣陣炸脾同薯條香氣，好吸引！一刀切落去，「咔」一聲，証明雞皮的油份全都逼出來，必定脆卜卜。咬下去，雞皮鬆脆，雞肉嫩滑，好食！薯條份量亦多，同樣炸到熱辣可口，好滿足呀！除此之外，凍檸茶都值得一讚。沖檸茶似乎好簡單，但實在好多地方檸茶都好難飲，不是太甜、太淡、就是太苦。難得這𥚃的檸茶甜味與茶味到恰到好處，又食到美味炸脾，心靈感到安慰🥰～

-{紅磡人氣炸脾🍗}又一間好出名嘅炸脾飯🤪平日午市黎好多人🤓🤤炸雞脾飯配蘑菇汁加煎蛋🤤 ($55)雞皮超脆 雞肉好厚有汁！炸到啱啱好 個雞髀皮脆厚肉😆飯就濕啲但撈蘑菇汁好香口😛加錢都值得😋煎蛋就正正常常流心撈飯😉👖褲評: 8/10淨係平日先會開☺️同埋要係counter落order 俾單再埋位等😉值得一試😎性價比: 8/10服務: 6/10環境: 7.5/10🚩 寶城美食店 🚩地址: 馬頭圍道37號紅磡廣場地庫2-3號#fuudjai #fuudjai港式 #fuudjai紅磡

呢間餐廳真係老字號黎，但住左係呢區1x年終於走去食第一次生炸雞髀🍗真係好少食，一份要$55連飯，覺得有少少貴。不過呢個雞髀真係炸得好出式，脆皮又嫩滑，啲肉一啲都唔會乾柴，好juice！嗌左好出名嘅蘑菇汁，不過真係好鬼咸食完要飲好多水。之後再食嗌翻豉油汁就啱啱好啦，唔洗飲水都飲飽。但佢個雞髀🍗真係好好味，少食多滋味。暫時靜係食過雞髀，下次又試食下其他菜式先。隱藏在小區的美食餐廳🍴希望長做長有！

呢間快餐店已經係紅磡廣場開左好多年我真係由細食到依家 質素完全keep到手掌咁大既生炸雞髀 即叫即炸個皮真係炸到金黃同超級脆 食到最後仍然係脆 肉質雖然唔係超級滑 但就好juicy 啲肉勁厚 勁有口感 我心目中既第一名切開都仲出哂煙 大家小心辣親咀仔炸雞髀蘑菇汁意粉 $49 炸雞髀可以揀配飯/意粉 跟餐有例湯/汽水轉其他野飲就要另外加錢🥤下午茶時段就可以揀薯條/沙律汁都有好多款揀🤤 我自己就好愛蘑菇汁黑椒 蒜蓉 咖哩 蕃茄 粟米 芝士 蘑菇 鮮茄汁就要另外加錢牛魔王焗飯 $53另外要推介大家試下既係呢度既焗飯炒飯底就唔洗講啦 基本野呢個焗飯係黑椒牛脷拼芝士牛扒一次過可以試哂2種汁 大滿足大家係收銀度買完野食 會有2個紅色牌仔記得要交一個去前面出餐處另外一個自己keep住放係枱面店員就會送個餐黎比你地架喇星期一至六 收6點 星期日休息

全港最正炸雞脾我一定揀有成四十年歷史嘅寶城！由細食到大 次次去都只會叫炸雞髀飯🤤因為真係好好好正！-🍽【炸雞髀飯】$43 (午餐跟可樂/ 湯)超級巨型嘅炸雞髀😍 真係有一隻手咁大㗎！我食咗十幾年隻雞髀仍然係咁大 冇細過！雞髀炸得非常好 外脆內嫩超級Juicy 一啲都唔乾 勁高質🤤飯嘅汁係自選 我通常就係揀蕃茄汁～仲有蘑菇汁 黑椒 咖喱 粟米等等揀總有一款啱你哋～下午茶就可以跟薯條～-小提示！寶城星期日&紅日都唔開想去就要注意下啦🙈-✨推薦指數：8.8/10

📍寶城美食店📍#饅頭去紅磡#饅頭的港味道------------------------------1️⃣炸大雞肶意粉 ($46) 🔹加煎蛋 (+$4)🔹蒜蓉汁雞肶大概一個女仔嘅手掌咁大，生炸嚟講做得好出色😍，雞皮炸到金黃色有光澤，微脆香口但完全唔冧油👍🏻，雞肉白嫩唔乾身，啱啱好炸到骨肉分離。因為生炸嘅關係，雞肶自然冇上咗粉漿嗰款咁滑，但肉質依舊爽口彈牙好有滿足感，食完都唔覺得熱氣，單論雞肶絕對可以上8至8.5分。但係！！佢其他食物質素非常一般，煎蛋嘅蛋黃太熟，意粉就唔expect佢好食，不過佢好大碟，小編咁大食都食唔曬。重點係佢嘅蒜蓉汁完全冇味😑，叫做令意粉冇咁乾擺入囗，同雞肶擺埋一齊，真係一面天堂一面地獄，大扣分。佢每一個飯都會送例湯或者熱飲，小編嘅友人揀咗例湯，佢話冇乜特別。佢呢度嘅生炸雞髀真係值得一試，建議配飯或者意粉嘅朋友揀黑椒或者鮮茄汁🥺。不過整體嚟講，喺紅磡食嘢，呢個質素同份量配呢個價錢我覺得絕對合格有多。------------------------------🔸整體評分：7.5/10🔸小編回頭率：7/10

紅磡好出名嘅生炸髀！喺紅磡廣場地庫位置好就腳 價錢實惠 又好食👍🏻👍🏻👍🏻👍🏻每次嚟都會自己叫生炸髀同米線呢但配搭 比起menu有嘅意粉或都飯嘅preset combination 覺得湯米線更夾！下午茶份量啱啱好炸髀係即炸 外：脆又唔會太乾 內：肉好滑好juicy😝菠蘿油就爭啲因為個包凍晒🤔

中意食生炸雞髀🍗嘅朋友仔，如果冇食過寶城就失色不少寶城所有嘅炸物都非常出色細個我媽帶我嚟食，依家我帶家姐仔嚟食炸雞腿（ $48午餐/下午茶也有）可跟飯/意粉（下午茶才可跟薯條🍟）配汁有鮮茄、黑椒、粟米、蘑菇汁（比KFC蘑菇汁介好食好多）睇雞髀炸到金金黃黃嘅顏色就知道唔係用用萬年油，雞髀比家姐仔塊臉仲大，一啖咬落去非常爆汁！雞皮都炸到非常脆！雖然勁邪惡但唔可以唔食 雖然之前疫情後雞髀 + 汁都少咗同細隻咗好多，禮拜咗大半年，9月食飯又回復水準！攪到星期三學畫畫一定要嚟食😆

哩個鋪位嘅餐廳, 無30年都有20年歷史! 好耐以前已經見佢存在.鄰近嘅餐廳, 總係覺得冷氣不足, 我估計地牢D店舖應該夠凍, 所以試試寶城, 幸好無失望, 冷氣夠凍!有D擔心落到地牢手機接收有問題, 手機上網有D慢但接受.落到餐廳都唔知食咩好, 見到鄰枱有位食客點咗栗米肉粒魚柳飯, 栗米汁濃郁唔係D hea制玻璃茨汁, 二話不說, 一碟!忘記咗叫佢少飯多汁添!首先, 白飯份量不少, 應該叫扣底啦! 一定食唔哂! 怪自己衰!魚柳外脆內軟, 質素唔錯!至於肉粒, 肉質鬆軟一D都唔硬唔鞋口, 同大家樂有得比!至於栗米汁嘛..... 濃郁, 夠味夠甜, 感動!我知, 寶城最出名, 係炸脾飯嘛! 鄰枱叫咗兩大碟! 雞脾超大隻!可惜..... 由細到大, 都唔中意食雞脾.....sorry.....

愛吃茶記的我炸雞推薦，那必須第一時間就去試一下，本身以外這麼大的炸🍗腿肯定不入味，但是我錯了，太入味了，肉滑還香！.這家店據說是附近打工仔午餐🥣必選，價格實惠味道好，肉肉距離週末下午兩點到，滿滿的人，而且人均一隻大🍗腿。除此之外，我還很喜歡港式茶餐廳的炸薯條🍟，波浪薯，外脆里糯，太美味。看到店主介紹，他家🍗提前兩天醃制，所以特別入味，而且油每日都換新，因而炸🍗色澤誘人！

早前聽同事介紹左間打工仔飯堂要親身去拜訪下先得.餐廳位處於紅磡廣場地庫果然名不虛傳( ᵒ̴̶̷̤◦ᵒ̴̶̷̤ )剛坐低時同同事傾偈話題離不開炸雞髀有人介紹九龍灣 日月星弱弱的說我就話我淨係食過大埔 三多真係唔知道紅磡有出色的炸髀店餐廳係以到櫃檯叫餐的形式然後會俾個號碼籌你 你就可以搵位坐等食眼見滿座 而且全部都係打工仔💡鮮茄炸大雞髀飯 拿 呢隻就係吸引我地一行八人落去食既雞大隻到呢 利申因自己要減肥 炸髀由朋友試四個字講哂 皮脆肉嫩仲keep到好juicy招牌炸雞髀唔係流既有黑椒/洋蔥/咖喱汁可選💡豉油王滷水雞髀飯 我就食呢個既👉🏻👈🏻我好同意都係做得好juicy 肉好滑味精上黎講 一般我好怕好怕 醃料味好重既肉味夾滷水汁黎食 不濃不淡 味道剛好 食雞髀呢 我就習慣成隻拎起扯啲肉黎食 咁樣食先夠滋味嘛‪⸝⸝- ̫ -⸝⸝‬✰ 幫襯意粉/飯 免費例湯或汽水其他飲品就加$4✰ 想講佢成碟飯同例湯份量都好大飯桶都唔擔心食唔飽喇

6月11日中午，在紅磡庇利街九龍城政府合署，牙科診所讓醫生修理完D揾食拍檔後，寧願放棄回公司職員飯堂，食平價午膳而專誠到位於國華商場地厙的寶城美食，食佢嘅被譽為紅磡名物炸大鷄脾，當日我柯打了一客炸鷄脾㗎喱飯跟一杯凍檸茶，茶是大路貨色與其他茶餐廳無乜分別，而碟飯就喺在白飯上面淋上淨汁㗎喱，内裡無其他配茶傳統七十年代快餐店出品格局，個飯同個㗎喱汁，講好食就冇佢份，講難食亦吾到佢，總之入得口食得落肚，講到本餐主角炸鷄脾個外觀真係好靚，成隻鷄脾炸到金黃色仲大大隻，一啖咬落去真係皮脆肉嫩仲好似有D汁液係鷄脾肉內滲出來的感覺，但係再食落去發覺隻鷄脾D肉係淡茂茂，毫無味道，再望自己張枱及其他餐枱上個調味架上嘅鹽盅都後近乎吉嘅，就明白呢隻紅磡名物，因為係雪藏貨所以衹能做到外觀一百分，而味道衹得二十分的出品，總結一試無防，再試無謂