寶字號刀削麵

營業中

休息中

同朋友一齊嚟咗呢間餐廳食午餐🤩$48「口水雞」：雞肉爽滑，唔算好辣，啱食🤩$48「寶字號滷肉飯」：大大碟飯目測滷肉25%脂肪75%瘦肉，滷肉滷得好入味，旁邊仲加咗啲切碎咗嘅菜心，連埋滷肉汁全部一齊撈飯食好夾🤩跟飯加 $3「熱奶茶」：要咗多奶，大大杯夠滑🤩$28「肉夾饃🥙」：大大個熱辣辣有好多肉碎餡料🤣$18「白灼時蔬」：時蔬係「菜心」，要咗兩碟，簡簡單單🤩$48「麻辣魚片」：魚片肉質軟熟，咁樣麻辣乾撈魚片比較特別，夠惹味🤩

這間寶字號主打食刀削麵，除了湯，還有炒的刀削麵。另外有拌麵，滷肉飯及一系列四川風味小食，價錢又相宜。雙椒雞柳刀削麵，份量都頗大份，炒過的刀削麵仍然好有咬口，配上雞柳，青瓜，洋蔥，芽菜同炒，口感豐富，唔好辣的朋友建議走辣。因為小辣都已經幾辣下。因為炒既關係，油份比較多。肉夾饃 ,外皮酥脆，內心綿軟的夾饃，夾著充滿肉汁的豬肉絲，肥而不腻。羊肉串，每串$20, 充滿孜然香味，香辣惹味。燒韭菜,  灑上孜然粉、辣椒粉烤至軟身，韭菜嫩口。蔥油小木耳清新爽口。

豬頸肉刀削麵（$48）刀削麵份量唔算多，麵質普通，無咩咬口，欠缺𡁻頭；豬頸肉有4片，味道正常；湯底普通，無咩特色。另外麵食會送煎蛋一隻。小食跟梅菜花生，梅菜偏咸，花生爽口。寶字號蕃茄雞蛋刀削麵（$46）雖然用新鮮蕃茄，有茄蓉，但蕃茄湯底唔算太濃厚，偏清淡；炒蛋一份，再加送的一隻煎蛋。小食跟紅油腐竹，腐竹軟實有口感，但無咩豆味，唔夠辣自己再加辣椒油。超值三寶（$53）肉夾饃，饃餅即烤，厚實，外層微脆；肉絲味帶咸，肉質偏嫩，整體味道可以。醬骨架，一件大大舊，味道同肉夾饃嘅肉一樣，味帶咸，肉質嫩，味道可以。桂花雪梨，咁多樣嘢，個人覺得最好食係呢樣，冷食清甜爽口，咁熱嘅天氣好適合。老實講，刀削麵唔夠「山西」好食，醬骨架唔夠「入麵」好味，好難會再去幫襯。但如果係荃灣街坊，下午茶餐嚟講都算抵食的。

呢間好似新開冇幾耐嘅仲要有得OpenRice book位見佢出名刀削麵揀咗個二人餐$148 凍飲都唔需要加錢性價比都好似OK 刀削麵嚟講我哋有一個叫做濕嘅另外一個係乾撈（有少少辣，不過好惹味）佢啲面質好Q彈Q彈每碗麵都有個煎到好靚圓形嘅半流心蛋小食揀咗個小酥肉（豬肉）+一個炸雞粒豬肉比雞肉有咬口，比較好食見到佢個餐牌有烤大羊排其實都好想食不過有友人唔食羊肉唯有下次啦閑日夜晚都唔需要等位兩個人坐卡位都好闊落下次會想試埋烤豬手同串燒😃

今日路過荃灣，見到一間寫住非物質文化遺產-山西大同刀削面，即刻有衝動想試下😂😂1.黑椒牛柳炒刀削麵套餐（#小酥肉+凍檸水）佢係用黑椒洋蔥大荳芽菜，唔辣嘅辣椒炒，火候充足，鑊氣極夠，猛火快炒幾下已經上枱,食落口非常滿足，估唔到除刀削面除左用水煮外，落鑊快炒乜手是可以的。2.肉夾饃只係食包會鹹咗啲，不過如果加埋辣椒醬就勁香，勁好，如果再落埋醋，又會係係另一番風味，因為醋會解油膩，所以醋配肉夾饃也非常匹配3）小酥肉細細粒，易入口，肉本身醃好咗，炸起後好香好好食

同朋友來荃灣揾野食，行下行下到咗食店林立嘅兆和街，看見這間門面新淨，看看門口餐單，好似幾啱食就入咗嚟試下。點咗羊肉串、牛肉串、雞翼串、牛腩刀削麵、辣椒炒肉飯及兩杯飲品。所有食物都在水準之上，味道非常正宗，我朋友不吃辣的，可選不辣，我食大辣，太好味了。價錢又適宜值得推薦俾大家。

#1（肉夾饃$50/2鹹咗啲，不過連包食加埋辣椒醬就勁香勁好食落埋醋就更加係另一番風味。3🌟#2）黑椒牛柳炒刀削麵套餐（小蘇肉+凍檸水）$79佢係用黑椒洋蔥大荳芽菜，唔辣嘅辣椒炒刀削麵，勁香易入口 。啲牛柳炒得岩岩好、好腍身 ，配埋黑椒好香。3.5🌟#小蘇肉本身醃好咗好香，炸起好好食。又香口又彈牙。別有一番風味，感覺好地道，好似真係食緊當地既菜式咁。哩間大眾點評有攞獎，難怪咁香咁好食😋！！！4.5🌟

建議不要使用點餐系統，三個人去食，出左四個餐，系統不會確認訂單，職員亦沒有提醒，叫你食唔晒打包，食物真心一般，價錢偏貴，小食味道尚可，麵質不彈牙，嬲到要第一次寫食評，祝生意興隆

🍲超值單人麵套餐 - $76我品嚐了豬肉刀削麵。這碗刀削麵有著彈牙的麵條和香嫩的豬肉粒。湯頭鮮美，帶著淡淡的醬油味道。套餐還有蔥油小木耳。這道菜色澤鮮亮，散發出濃郁的蔥油香氣。小木耳口感爽脆，是一道很好的開胃菜。🍗烤雞中翼 - $38雞翼烤得恰到好處，外皮酥脆，肉質嫩滑多汁，每一口都帶來滿滿的孜然香氣。🍅番茄湯鹵牛肉麻辣口水雞刀削麵 - $61這碗刀削麵帶有微微的蕃茄酸味，加上口水雞的辣度，而且鹵牛肉片鮮嫩多汁，這碗刀削麵充滿了豐富的口味。🥬油菜 - $18

星期日放假肯定帶媽咪嚐嚐她喜歡的麵條。荃灣近半年開了這間刀削麵店，於是我們來嚐嚐。我們一進去看到牆上的食品就先點了一個炒麵，就是腰花爆蝦刀削面、另外再加上一份卤牛肉、烤羊肉串1 串、熱檸茶、熱奶茶。熱飲跟餐只需加$3。抵！刀削麵，大概是6mm寬，口感非常Q彈有嚼勁，搭配大量青椒、大豆芽菜和重口味的醬料，口感和味道達到極致，配菜裏的大蝦有點脆，看來是經過大火過油，使他的鮮味鎖在蝦肉裏面沒有流失，吃起來更好味。烤羊肉串是二十元，肉厚肥少，即叫即燒，新鮮熱辣，小辣味香口。滷牛肉一份味道清爽，墊着的青瓜絲新鮮好爽口下次再來可以再試鱔糊湯刀削麵。

荃灣新開了一間刀削麵店舖，離地鐵站好近，夠方便，超抵食超值優惠套餐，選了這份 [ 超值單人麵套餐 $76 ] 主食3選1，小菜4選1，飲品 (冷熱) 4選1。主食選擇了 豬頸肉刀削麵 - 刀削麵份量超多，豬頸肉入口鬆軟，食落肉質嫩滑。小菜 蔥油木耳 - 份量好多，爽脆可口。飲品選擇了 凍檸茶下午2點可以點選超值下午茶套餐的 [ 超值三寶 $53 ] 三寶包括有肉夾饃 - 外層又香又脆，肉質又濃又多汁，好好味。醬骨架 - 大大舊肉，肉質超嫩滑。小食桂花雪梨 - 爽口清甜，一口接一口，食到停不了口飲品 [ 沙棘汁 $28 ] 營養豐富，味道甜甜好飲必選小食之一 [ 酸辣魚皮 $48 ] 可選大中小辣，份量滿滿，夾埋青瓜絲，口感爽脆彈牙，吃不停口

最近天氣成日落雨當然要約埋老婆一起食嘢我哋揀咗呢一間老字號餐廳位於荃灣兆和街#寶字號刀削麵之前在這間餐廳點咗幾次外賣不錯這次同老婆一起去堂食店內嘅裝修都相當有特色我哋就揀咗幾款美食我就選擇咗豬頸肉刀削麵配返杯凍檸茶湯底我揀咗麻辣湯味道特別正👍都幾好咬口跟住我就嗌多咗一份肉夾膜入邊啲肉真係好多😋我老婆就揀咗一份辣椒肉片炒刀削麵份量特別多😄我偷偷地咬咗一啖好味道炒出嚟香辣又好彈牙價錢都唔貴人均消費$50左右面食愛好著一定不能錯過📍 寶字號刀削麵 荃灣兆和街32號地舖

去荃灣玩完室內樂園喺附近食午飯，見到呢間餐廳差唔多兩點都仲係咁多人於是試吓。超值雙人套餐 $148寶字號豬肉刀削麵 +牛腩 $15麵條Q彈有咬口。本身配有兩條菜心同唔少豬肉碎。牛腩近筋膜嘅部份特別香。辣椒炒肉麵麵條同炒醬完美融合，好濃好惹味。除咗青辣椒、肉絲，仲有唔少爽脆嘅木耳。雞米花小酥肉炸至金黃酥脆，內裡肉質鮮嫩多汁。兩款嚟講雞米花更香脆。冷熱飲兩杯肉夾饃$28 肉餡又濃又多肉汁，仲有濃厚嘅蔥花香氣。

下午茶見呢到茶餐幾吸引，揀左呢間食個靚tea😋😋白灼時蔬 $18平時出街盡量都會叫個菜食，今日時菜係菜芯，用左菜芯苗，好嫩又夠新鮮😄肉夾饃 $28即叫即整，夠曬新鮮熱辣！ 個餡啲肉夠多之餘唔會好鹹，調味啱啱好👍餅皮香口，每啖都好滋味🤗下午茶套餐$53和牛鍋貼 配蔥油木耳和牛鍋貼有5件，牛味都幾出而且食落好多汁！入面仲包左粟米😌😌蔥油木耳份量好大，正😄下午茶餐仲配野飲，叫左熱奶茶，正常水準😌

荃灣新開咗間刀削麵，每次經過都見到好多人食，今日lunch time帶埋同事一齊試試！餐廳環境光猛潔淨，坐位都好闊落，提供套餐或單點，價錢好抵食！🔹肉夾饃外皮相當軟熟，夾住既肉份量十足，食得出配料好新鮮，咬落去有嚼勁。一啖咬落，既有麵包軟糯，又有肉同蔬菜既鮮香。🔹烤羊肉串/牛肉串兩款肉質十分鮮嫩，烤既熟度啱啱好，面頭灑上滿滿既辣椒粉同孜然，十分惹味！🔹寶字號油潑刀削面呢款刀削面用乾撈既形式加上肥腸作配料，肥腸洗得好乾淨，完全唔會有異味～配上香口既油潑，呢碗刀削面真係一流。🔹老壇酸菜湯刀削面呢款刀削面以酸菜湯加上鹵牛肉為伴碟，酸菜味好香濃，但又唔會過咸過辣。鹵牛肉切得好薄好有口感，啖啖肉好正～🔹飲品兩款刀削面都配左一杯飲品，我地揀左凍檸茶同熱檸水～寶字號刀削麵地址: 荃灣兆和街32號地舖