寶湖海鮮酒家 (租庇利街)

營業中

休息中

放假出中環配定啲敏感藥，配完之後同兩老飲茶。兩老自己嚟過呢度飲覺得幾好食，所以就想我試吓。11:00嚟到，12:30埋單散叫就有折扣優惠。但係一個鐘食得太趕，最後決定叫午市套餐慢慢食。平時喺其他區分食午市套餐真係唔可以比較，始終係中區價錢相對嚟講係高啲，但係食物嘅水準真係不錯，竟然碟燒鵝上枱嘅時候係脾位，亦都好有鵝味，師傅亦都好細心脾位起埋骨，真係啖啖肉唔會淨係肥膏。另外蝦餃、韭菜餃同蝦腸都好飽滿，蝦肉亦都好爽口。另外個柱侯牛筋腩都好入味又夠腍。同埋個牛腩撈粗過份量都幾足牛腩都夠腍唔會黐牙。平時屋企好少食通菜，估唔到佢唔係灼係真炒，雖然係炒，亦都唔會食到成口油。套餐意外加咗個陳皮紅豆糕，係幾香甜。服務方面，雖然唔係常客，但係都招待得唔錯，完全冇其他舊式酒樓淨係照顧上客嘅陋習。兩老冇介紹錯，下次可以試吓下午茶。

📌中環平民食堂 2025 今次同親戚們黎到中環食老牌中菜，位置非常方便，就位於中環街市對面，以中環物價同水準黎講，都值得推介比大家 一 寶湖海鮮酒家 🐮涼拌牛展 $88牛展肉味濃，加埋芫荽、生蒜、紫洋蔥同醬汁，整體好夾好惹味😋👍🏻👍🏻🪿生炸皇子鴿 $78乳鴿炸得幾靚仔，而且皮脆肉嫩😋👍🏻🐟魚香茄子煲 $128茄子燘得入味，醬汁鹹香，餸飯一流😋👍🏻👍🏻🦑椒鹽魷魚鬚 $78魷魚鬚炸得金黃酥脆，確實幾香口😋👍🏻🥟椒鹽脆皮豆腐 $68椒鹽豆腐粒粒都炸得金黃，一咬落去仍然好嫩😋👍🏻🥬瑤柱扒荳胚苗 $148瑤柱醬比得絕不手軟，荳胚苗亦吾會過老😋👍🏻🐷窩燒無錫排骨 $138肉質軟腍啖啖肉，加埋個醬汁鹹甜鹹甜，好岩用黎餸飯😋👍🏻👍🏻🦐欖菜肉鬆四季豆肉碎蝦仁 $158欖菜肉鬆四季豆炒得鹹香入味，加埋肉碎同蝦仁更加豐富😋👍🏻👍🏻*茶介每位 $15📍寶湖海鮮酒家 地址：中環喜訊大廈1-3樓#中環 #寶湖海鮮酒家 #中菜 #涼拌牛展 #自費食評 #平民食堂 #平民美食 #星星帶你食 #生炸皇子鴿 #魚香茄子煲 #中環食咩好 #椒鹽魷魚鬚 #椒鹽脆皮豆腐 #窩燒無錫排骨 #瑤柱扒荳胚苗 #欖菜肉鬆四季豆肉碎蝦

今日天氣迢迢去中環有啲嘢做，下晝約朋友喺度食下午茶先！搞掂啲嘢之後去到都兩點幾三點 原來三點9就要清場所以之後有啲急，但係成個體驗勁好咁！服務態度好好，一開始又驚環境會唔好，因為始終舊式酒樓，點知又好乾淨企理，啲碗會有少少污糟 不過好多餐廳都會咁 下午茶好抵食，有下午茶嘅價錢！原來佢1.9就開始下午茶 唔錯呢個叉燒燒肉米粉好抵食，佢可能冇晒奶粉就俾米粉，點知米粉仲有驚喜！好幼細好好味嘅新竹米粉，而且勁大碗成餐最驚喜係個米粉鯪魚球都好好味，有陳皮香好難得又酒樓又蒸蘿蔔糕即刻嗌咗！不過就有少少油，搞到我好怕肥，但係好好味 50幾蚊嘅涼拌牛腱配搭好香，面頭嘅洋蔥同埋芫荽超級新鮮喺度😍今日食好少少食佢promote嘅$68鮑魚同魚翅每樣是一款 每人限定淨係可以嗌一個上枱覺得有啲落差，食落又覺得幾足料，個鮑魚好好味喎，普通罐頭包feel 魚翅就有兩片，原來佢Menu寫到明有兩兩 好均真餐嘅昇華就係有個好好嘅部長阿姐，熱情得來又爽 有機會再見佢哈哈不過極力推薦嘅雞球大包就普通

今日同朋友黎咗間餐廳嘗鮮，簡直係一個發現！哥個風雨交加嘅晚上，一入到店，第一感覺就係舒服得嚟又開揚。隨便坐低，見到個位夠闊綽，個三個大電視掛牆上，睇劇都方便！餐廳嘅環境不錯，一路食一路傾計，完全唔覺得擠迫。點咗幾樣菜，首先就係佢哋嘅壽包，印象特別深刻。搣開香滑嘅表皮，每一啖都係軟綿綿，甜甜地嘅感覺，真係夠曬心思！仲有其他啲菜，每樣都做得入味，食物嘅味道真係令人滿足到嚟又唔算太花巧，正宗香港風味。份量都算係滿足，我同朋友食得兩個開心😊，講真，這次嘗試絕對值得記住。當然，如果唔係颱風天，可能要早啲訂位，免得人多等位哦！下次再來，我係一定會再點壽包，不過其他菜都要再試過，總之係，下次見啦！👍✨

啲味道，真係正！首先，我哋點咗個蒜香芥蘭，簡直係青中帶嫩，一啖落肚，感覺到啲芥蘭爽口得嚟又夠脆，蒜味恰到好處，香到彈晒出嚟。接住嚟，講到重頭戲——波士頓龍蝦撈麵🦞，喂，呢個真係驚喜滿滿！龍蝦咁滑，咬落去彈牙得滯，掛住嗰啲麵汁，滋味十足🍜。至於啲麵條啲話，勁啱啱好，吸收晒啲海鮮嘅精華。食完呢幾樣，嚟個甜品加加分——椰子糕。我以前食過好多次椰子糕，但呢度嘅版本軟綿綿嘅，齋食就已經滿足晒，啲椰香味香氣四溢，真係咁好食得罪呀！總之，呢度嘅食物係真材實料，真係值得再嚟一轉，正！👍

話說今日阿爸生日，一家人開開心心慶祝，遠道而來。 來了一道魚，我爸月鐵匙羹一爬， 中間有血線，骨肉不分離，最中心位置還現透明。 立刻叫部長來處理，好聲好氣說未熟， 他硬說已熟透，两邊肉都已分離！我說两邊簿當然熟，中間肉厚未熟透呀！還有血絲！ 之後那個部長就不由分說吃海鮮當然是這樣啦！熟透就過火了！ 我當時著晒燈，我說未熟就未熟，不就入廚房蒸多2分鐘感小事！ 跟我吵一大輪都不拿入廚房！我忍不下去說： 那我不要了！ 當下，他即時很大聲疾呼我說：那就不要了！不要要了！ 我給他氣到很大聲回應他： 那就不要了！ 他即時說我：你大聲也沒用！ 不知道是誰先呼喝誰！ 一宗小事，翻蒸2分鐘的事情給他搞到好像天塌下來！ 態度非常差！而且知道我們是來慶祝生日！

中環飲茶價錢廉宜又好食的，確實選擇不太多, 之前去過這間酒樓覺得食物不錯，而且價錢合理，今天又再來嘆個茶!叫了醒神孖寶和兩個點心,兩人吃份量剛剛好。鳳爪排骨飯一如以往保持水準，鳳爪不會太鹹。飯的份量少少哋很適合我，飯亦柔軟。排骨不會過肥，弄得好吃😋鮮蝦腸粉的蝦，做得十分彈牙。腸粉薄薄的，幾好食🤤屬於孖寶價性比高叉燒包醬汁當咬落去的時候執也流出來，不會像一些茶樓般做得太乾，大推👍🏻榨菜肉片飯也好吃，榨菜不會過鹹$7一位茶在今時今日物價高昂的香港還在中環地區算抵了，而且早茶點心也不貴又好味🥰

26號，中午，兩枱商務。那個黑面的經理，嘩！問佢伙計攞多兩隻公筷啫，離遠大大聲呼喝啊！話一人有一對公筷啦...。I know，但我地覺得有需要分餸用，攞多兩對公筷，超出咗服務範圍咩？。個黑面惡煞經理，好凶惡啊。好了，到埋了單，有淨食物，問佢個女同事攞個膠盒，厲害了，黑煞又離遠大喝一聲，向他那女同事講，即刻收返佢地現金呀。我知，唔係一蚊就兩蚊，三蚊好未，我地有話唔俾咩！到底呢個黑煞平時係咪咁，大家可以講我知嗎？有咁惡嘅服務員嘅，得罪你呀？還是我們找數？！

菜單是12人份量。慶祝父親大壽擺一圍大枱，共15人，其中一個是3歲小孩，即時我們要求照計15人茶介，但要14人份量菜式，原因小孩吃不多那些飽參翅，也不想浪費食物和另加額外費用。同酒樓職員說明，其態度惡劣，還說冇人强迫要收15人份量價錢，話晒我們都是客人。另外，上龍蝦伊麵，沒有鉗，要我們要求下才提供1個，成圍枱得1個？問職員取多一個都黑囗黑面。客人食過龍蝦後，不會主動替客人換上新碗碟，所有龍蝦殼繼續保留，耍叫侍應才肯做。枱上牙簽、濕紙巾，吃翅時落醋公羹也欠奉，又一次要求侍應拿過來。到吃水餃麵和糯米飯，應該會派新碗來，什麼都沒有。我耍求侍應取派新碗來，侍應大大聲說等等，結果只派我一人，這又是什麼態度？不要跟我說人手不足，全間酒樓侍應個人和服務態度惡劣，適逢父親生日，我們只有忍，不想與任何人爭執口角。總之，從未試過那般受氣，也不會再來光顧。

開放8人一枱，公司就可以齊人食餐飯。中環寶湖海鮮酒家上湯南澳龍蝦焗伊麵龍蝦彈牙鮮甜，爽脆口感，啖啖滿足，伊麵吸收左上湯同龍蝦鮮味，食落好香滑，伊麵口感煙韌原盅石斛花𣄃參炖螺頭勁多瘦肉，好足料。啖湯真係好濃。南非6頭鮑魚扣關西遼參鮑魚好正。野生竹苼上湯浸津白真係好清淡清蒸黃皮老虎斑魚肉好鮮嫩白切新鮮鬍鬚雞雞肉嫩滑金沙奶皇包奶皇包香甜軟滑中心有咸蛋黃，添上點點咸。時令生果盤生果新鮮。楊枝甘露甜度岩岩好。

星期六黃昏與朋友行中環街市，晚餐時間，行過隔離，揀左呢間，就腳！入座後，等左好耐都吾見有人招呼，終於，有人來落單，極力推薦2人套餐，＄580，另要加一及茶芥，好抵食呀….結果，點選左每人半隻乳鴿，很乾，很柴…😟再嚟，五柳魚，魚肉石頭咁硬，勁多魚幼骨，肯定已經雪藏左好耐好耐，用五柳汁蓋腥味，只怪我哋沒有細看菜牌，以耳代目！否則，我們一定不會order此套餐！跟住嚟，鮑魚鵝掌，外觀係不錯的，但鵝掌靱及鮑魚吾夠冧，個獻汁最好味！有芽菜雞絲魚翅食，(忘記拍照），似碗仔翅。完全不好吃呀！單尾楊洲炒飯，簡直係冷飯！😩可能人手不夠，完全係無招呼！怕怕….不敢嚟…晚飯！點心及飲茶係不錯的

經過這間茶樓，見到舊式的格局，去試一試，太好了，真是有懷舊點心。點了韮菜角，已經好少茶樓有這個點心了，韮菜角至緊要多韮菜和蝦膠，這間酒樓做得不錯，韮菜十分多，很香，炸物也下算太多油，好吃。再點了千層腐皮，同樣是買少見少的懷舊點心，厚厚腐竹食落很滿足，中間卜沖繩夾著一些鯪魚，臘腸，好吃。叉燒飯，有燶邊叉燒，水準中规中矩，可以接受吧。下次試一試懷舊灌湯餃。埋單時見到隔離枱碟干炒牛河好誘人，下次要食埋。環境一般般，服務是可以的

我與友人們選擇閒日閒遊「中環街市」，幸好算不上人多擠迫，⁠我們消磨一個半小時，沒有在街市午膳，在附近的「寶湖酒樓」午茶， 這裏的黃金流沙包口感一流，我小心撕破流沙包，熱騰騰的黃金流沙，隨着我的手腕轉動、流動，吸引我慢慢嘗味，它甘香甜美，十分可口！黑松露皮白炒飯也不賴，飯粒清爽味道鹹香，四人分享夠份量。  其他點心味道與口感都比較一般。  吃飽了！女侍應奉上免費的綠豆臭草糖水，窩心啊！ 飄來很清香的臭草氣息，又臭且香！挺有趣的！人均消費$101，在中環區消費也算是合理。

友人訂左西澳龍蝦和石斑各共一份，當時部長（李偉興）冇講明龍蝦和石斑的價錢。 5/9/2021(當日):口頭叫左七隻奄仔蟹，部長當時說價錢為$200一斤。 係埋單時，計下發現西澳龍蝦係$45両同一隻蟹係$200。單據上沒有列明清楚明細，只以手寫單代表菜式，同冇列明海鮮既價格、重量等。我們有7個人，每人飲左一碗湯、食左西澳龍蝦一份(烏冬底)、炆石斑翅(一斤半)、奄仔蟹（每人一隻）、壽包、糖水、生果盤。而壽包、糖水及生果盤部長話係送既。唔係食啲咩貴野，只係食海鮮，已經接近七千蚊，真係搵笨！所有野既價錢都唔清唔楚，老屈你咁！部長又蠱惑，口講一個價，埋單係另一個價，完全當人水魚咁㩒！奉勸大家千祈唔好去食呢間店！咪去俾人呃！

新來店長 態度禮貌奇差 同以前嗰個差好遠！以前店長 未入門口見到你 就已經打招呼 坐低後仲會介紹今日有乜嘢抵食同好食 非常親切 好似好朋友一様！而家個新店長 不論係生客熟客 見到你當你隠形兼黑面 飲茶食飯好感覺好似去乞食咁 大佬呀 服務行業嚟㗎 唉 真係咁都得 離晒譜！