寶膳餐廳

營業中

休息中

由於網上評價不錯，即管去試下，但我想應該局只限於早&午餐。晚餐分量較少，食物普通，且價錢頗貴，不太值。炭爐串燒羊西冷($188)，份量少，但配菜(翠玉瓜和薯條較多)；炸啡菇配松露牛肝菌雲吞($188)，將炸菇一件切開四件，味道ok，但分量太少，雲吞太鹹；另外，甜品有些失望。我加錢轉做套餐($28, 共兩客)，湯好飲，但內包的甜品一般(麵包布甸、士多啤梨泡芙)，餐牌上沒有提及，而餐牌上見到又想吃的，要另再加錢。反而，單叫的煙三文魚雜菌天使麵不錯。餐牌的價錢不太清楚，容易誤會。員工有禮。環境ok。

去海洋公園酒店冒着大雨搭兩個站去利東站都好方便，有兩位老人兩個小朋友，揀咗呢間西餐廳剛好有六個位👍價錢唔算10分平，我哋一共叫咗四個晚餐1. 炭燒西冷牛扒食得出有炭燒味，不過肉質好似有啲唔真實，揀咗燒汁都好好食，配意粉佢又問我哋要唔要芥末，不過後尾唔記得俾我哋😂2.牛油煎原條龍脷魚好特別，魚好厚👍欣賞配上吱檸檬汁嘅工具香港十分少見3.脆焗雞腿肉釀芝士火腿十分好，肉嫩，面頭似有麵包糠，10分香脆， 10分欣賞下一行中間芝士火腿嘅火腿似係巴馬火腿，而唔係金妹火腿🤣🤣4. 忌廉汁煙三文魚雜菌意粉呢個有啲貴$188但係大家都話好食，不會太鹹餐後有三款甜品被選擇，我哋揀咗芝麻雪糕同麵包布甸，正常發揮，亦都好有舊式西餐感覺👍四樣食物埋單$1000多啲，出去玩唔緊要啦，最緊要大家食得開心。😋

放假係附近行完山緊係搵間💛店食, 最後睇到有人推介佢既燒牛扒餐就被吸引去了~💬 燒紐西蘭西冷牛扒 - $98🥩牛扒叫咗五成熟~雖然幾多成熟都只供參考(餐牌寫🤭) 黎到嘅時候真係冇五成熟嘅血水, 牛既油香唔算出 ,不過肉質好冧, 加埋燒汁依個價錢都okay 🤤滿足下食牛扒癮我揀咗配薯條🍟, 份量同香脆度正常發揮💬 芝士焗蕃茄牛脷飯 - $76依個飯係有驚喜既~炒飯底炒得好乾身, 有我鍾意既香香蛋味!! 個汁同大x活乜哥焗豬飯差不多, 不過佢個牛脷真係好正❤️, 又入味又軟滑!!!依個會回頭食!!我平日12:45到店, 都要等少少時間先有位, 不過我覺得平民餐廳黎講都算唔錯😋😋 佢既套餐係包餐湯+蒜蓉包/飲品, 湯同包都好有傳統港式西餐既味道, 我喜歡!!!!另外, 依間餐廳好緊張你嘟安心同針卡🤔畢竟可能係💛店, 唔好怪佢要怪就.....!?!?!?

好多謝朋友介紹呢間餐廳同我慶祝生日！呢一間餐廳非常有人情味，老闆係一個好有愛心嘅人，而且嘢都係好有誠意製作食物幾好老闆，入到去餐廳見到全場爆滿就知道一啲都唔簡單，咁坐低之後，我哋開始睇餐牌有啲咩要食，朋友將成個餐牌最好食嘅嘢都叫晒上枱啦，有鹹豬手啦牛扒啦意粉啦沙律啦嘅咖啡又好好飲，甜品都好好食，就算餐湯麵包都係好好食，睇我影啲相就知啦，幫我將相片上載到社交平台，住喺呢間餐廳附近嘅朋友都問我點解唔叫埋我一齊去啊？原來好多朋友都知道呢間餐廳係好嘢嚟㗎！大家都試吓啦！😘😘😇😇😇💪🏼💪🏼👏🏻👏🏻👍🏻👍🏻🌹🌹❤️❤️

夜晚已經冇堂食🥺晏晝都唔想太過頹 所以lunch time 又搭一個站去左利東站搵嘢食同事帶咗我嚟呢間食西餐嘅餐黃店💛又脫離黃竹坑 又係黃店💛咁就開心Double Up了⏫😘餐廳地方唔大 過咗最繁忙嘅時間 2點黎到 都仍然幾多人😆★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*🍳英式早餐 $98好耐好耐冇食過all day喇😍😍仲要平日食真係冇咩可能！有煙肉🥓茄汁焗豆🥫豬柳漢堡 腸🥖炒蛋🍳煎番茄🍅炒雜菌 沙律🥗蒜蓉包🍞幾時都話All Day係最豐富嘅😋每樣都煎得恰到好處 唔會因為多客就hea整俾你😌不過如果可以冇茄汁豆就好了😂😂🥩燒紐西蘭西冷牛扒 $99同事叫咗5成熟🥩一上枱我見到都心心眼😍外觀好吸引 絕對係有heart嘅西冷🥩佢一切開 係粉嫩色嘅牛💕色澤好靚🥰吉咗同事一小舊試 好驚喜！牛扒好淋😍入口溶化，juicy🤩🤩

呢段時間小店經營加倍困難...大家有能力的話，在自己崗位上盡撐💪今晚落街搵良心餐廳，見到寶膳餐廳晚餐套餐性價比極高，每個餐包蒜茸包及湯或飲品，都係$60-$80左右，仲有素餐可以揀，即刻order：菠蘿火腿豬扒餐，可以改為配淨菜西蘭花🥦加倍健康；豬柳好淋冇骨，配黑椒汁入口一流，加咗酥炸蘑菇，好有口感好脆口茄子蕃茄蘑菇意大利粉，意粉軟硬度適中，有好多茄子；甘筍忌廉湯好creamy，配埋蒜蓉包香脆，雙重享受😎

一星期前訂咗7位食晏，點知一日前收到通知話第二日同事要補假唔開，要取消我嘅booking，如此對同事有良心嘅小店，我真係幫襯唔起，咁嘅服務態度，我都係第一次遇到。

朋友生日 咁岩又去左鴨脷洲行下 就搵左間平平地西餐試下附近好似都無咩選擇入到去又有驚喜喎-兩個人叫左一個dinner set special （主菜）同一個Set dinner special （沙律餐）已經夠晒飽🌟Dinner Set Special-呢幾個餐係日日唔同米蘭黑松露炸薄牛扒（配薯菜）$188-餐湯+主菜+餐飲+甜品--薯菜係焗煎過嘅薯仔同蕃茄食物原味好濃好香口 清新好食-牛扒雖然炸到吉列狀 但入面仲有小小粉嫩-肉質滑 牛味就唔算勁出 但幾特別幾好食。🌟餐湯-羅宋湯-味道比較淡-偏水。🌟蒜蓉法包-香口-蒜蓉味好濃-牛油味好香🌟Set Dinner Special-田園沙律配餐飲$48份量比想像中細-有火箭菜、生菜、紫蘇葉-都新鮮清爽好食-唔係特別特出。食物唔差呢個價錢無得輸員工態度好好仲專登叫左疑似廚師出嚟幫手影生日相舊香港情懷好重有好多舊式餐廳先有的食品

大街食guide大街自從有地鐵利東站後，就成為左一條有好多特色食店既食街所以勞蘇食都特意開左個系列去食盡小店Bowls cafe，成日排晒隊既西餐廳，終於試到，淨係食主菜又得，頭盤湯食到甜品亦有入左店後最大感覺係，店員態度同服務好到一個點，好有禮貌好欣勤好好人配左一個湯，佢見我哋兩個人就俾多左一舊蒜茸包俾我哋，就係暖！意大利菜湯有啲淡，蒜蓉包正常炭燒澳洲13安士T骨牛扒，五成，個名都已經好吸引，依個價錢食T骨唔易上枱好大塊T骨扒，燒得好香，近邊位較薄身，燒得香啲脆啲，好味近骨位厚啲，做到5成所以肉質會嫩啲同多啲肉汁，牛味濃相當唔錯既T骨扒香煎紐西蘭原條龍脷魚，配檸檬牛油汁，賣相好吸晴成條魚香煎左上碟，煎到好香脆，魚油都好出，略嫌有啲細條所以骨較多較細，但肉質好滑好味檸檬牛油汁其實可以濃啲，配左新薯，味道普通最後係甜品時間，先試一個是日甜品：士多啤梨醬泡芺，攞盤靚，味道正常，酸甜適中朱古力布朗尼配雪糕，擺盤真心有心思又靚朱古力味好濃，布朗尼口感幾唔錯整體黎講餐廳性價比高，小小餐廳但菜式同製作上都唔簡單，難怪咁多人黎食，又一難得小店家庭西餐定撐枱腳都幾唔錯，大家一齊支持支持

門口排隊混亂， 佢一副唔憂做嘅態度，以後都唔會再幫襯， 近來仲加咗價， 就算黃店都大把選擇， 食物都不算出色。 好多時會送漏食物， 例如蒜蓉包。 晚餐叫奶茶， 佢係用lipton茶包， 極度難飲， 毫無誠意。

今朝9點喺鴨脷洲打波，8：35左右諗住近近地入到去坐底嗌咗個蕃茄貝殼粉拼煎旦煙肉配熱齋啡，$45蚊真係唔平，5分鐘左右即磨齋啡到咗，當時客唔算多，之後等到8:55分嘢食仲未上，唔對路喇，追問職員就話整緊，到9:15左右再追又話整緊，話下個到我，我打波已經過晒鐘，真係火都嚟，我大聲講整碗粉要半粒鐘有無攪錯，之後起身話唔要早餐，淨係收咖啡錢，到我俾錢時先見到食物送出嚟，仲問我要唔要，佢都黐線嘅，食埋我唔洗打波啦，最後只飲咗杯啡空住肚去打波，好彩朋友有餅乾俾我頂住肚！

假日到香港仔一日遊，經過見呢間舊式西餐廳幾多人同星期六都有lunch set就試一試。每個set lunch都可以選擇要餐湯加蒜蓉包，或者飲品，今次因為叫咗兩個餐所以就叫咗湯加蒜蓉包同可樂。湯係羅宋湯，好吹料，唔係一般連鎖店咁溝大量嘅水，而蒜蓉包都好鬆脆可口。主菜叫咗最貴嘅燒紐西蘭西冷牛扒，雖然塊扒比較薄，但都算大塊同唔會過韌，味道同性價比一般。而香煎豬柳拼炸蝦薯條就不過不失，薯條係用粗薯條，唔會炸得太乾身。整體感覺呢個lunch體驗就不過不失，見其他食評推介嘅都屬於晚市餐牌上嘅菜式，可能晚市黎試會氣氛同菜式會好d，不過午餐黎講呢個價錢都不過不失。

早餐11點停，在門口排隊時有位年輕女侍應突然要求我們先下單，但我話要睇吓，因為餐牌離我一段距離，1分鐘後當我想再次落單時，便走近餐廳並推門時，侍應們沒有注視我，於是我開口問「係唔係要我落單」，當然侍應們仍然沒理會我，我便係門口連續大叫了幾次「唔該」，可能我推開了門，在店內的客人都注意到我，終於有2位侍應走向門口，其中一位是剛才叫我落單的女侍應，但她只是忙放執枱，沒有理我，另一位紋眉5x歲的女侍應走到門口在我旁邊時，我問「係唔係要我先落單？」但是她沒有回應我，而是問排隊的人幾位。然後我再問那紋眉中年女侍應「係唔係要落單」，但她秒速以很掘都語氣回應我「我未準備好喎」，我就話「你都可以應下，叫左你幾次，服務態度咁差」，她便反擊話「都話未得」。我再問「你哋話11點截單，要求我盡快落單」她立刻看手錶，以不屑的語氣話「宜家10:53，仲有時間，可以慢慢落喎」大街好味服務好的餐廳有很多，建議大家不要去，免得受氣影響胃口

非常之正既午餐，只要你堅持打去訂位，就可以唔洗等食到美味午餐。所有午餐都跟餐湯或餐飲，熟客如我強烈推薦餐湯，好濃好creamy, 配埋個頂級蒜油飽好夾。同同事一人一個午餐開心🥳大家都好滿意。我既牛扒豬扒有齊兩樣好淋黑椒汁都唔會太搶味。魚柳好大塊，仲有甜咖哩汁，脆脆又惹味。全日早餐好耐無食大大份，紅酒汁牛切好左睇落都好淋。四款午餐都有沙律🥗或配菜好健康，所有野都係用心出品，精心炮製。不過食完出面長長人龍，就唔好意思坐咁耐了。

🍝寶膳餐廳 Bowls Cafe☕️ 今次到南區友私心推介南區作為一個坐落於印度洋嘅世外桃源可以入得口嘅黃色美食可以話少之又少而寶膳可以話係我家嘅飯堂之一由以前開始不嬲都有食開之前重做過學生餐請學生哥食依家為咗公眾衛生亦做好足守護街坊黎講都算不遺餘力西餐嚟講佢並唔係鼓油西餐亦唔係求其home made味道真係好憎食到嗰種一pat野嘅意粉煮到咁我不如自己喺屋企仲好啦🤣好彩以寶膳質素係絕對唔會出現嘅個情況最值得推介嘅菜式係佢個燒春雞同脆皮豬手釀咗d意大利米喺雞入面豬手亦燒到卜卜脆而個即磨咖啡亦真心好飲比出邊嘅香好多亦唔會太苦澀我地成家人由佢開業食到今時今日個VIP card都更新幾次了知道佢係黃店嗰下真心覺得不枉幫襯咁多年推薦！