寶蓮寺小食亭

營業中

休息中

三人叫了兩個餐，因為我地自己都有少少乾糧。而且，去齋菜個邊睇過，都要大約120蚊一個人，所以就去左食小食算，而且睇落其實份量不錯。味道方面不過不失，但炸的芋頭酥好好食，係有特別的餡係入面，而蘿蔔糕都正。如果係平平地，我覺得小食亭都係一個好的選擇。

去完大嶼山睇大佛，一定要去呢個小食亭買佢地啲齋食。今次同朋友一齊叫左好多款唔同嘅小食，包括蘿蔔糕、甜糕、春卷、芋角、齋鹵味、炒米粉同豆腐花。蘿蔔糕不會好粉，加上辣醬一齊食，味道唔錯。齋鹵味有多款：有酸齋、齋叉燒、咖哩齋，而當中較為好食嘅係齋叉燒，爽口得嚟又有少少甜味。炒米粉味道都不錯，唔會好淡，但係唔夠熱，如果可以再熱返啲嘅話應該會仲好食！豆腐花就每次必食嘅，很嫩滑。小食亭啲食物價錢其實唔貴，所以成日會唔小心買多左。不過佛堂之地切記唔好浪費。坐低食嘢嘅地方主要係露天，冬天去要注意保暖！！

今日去大嶼山寶蓮寺食齋， 旁邊有個小食亭， 專賣點心， 我哋叫咗芒果糯米糍， 芝麻卷，花生糯米糍，西米布甸， d糯米糍好煙韌， 芒果都好新鮮， 芝麻卷同西米布甸都幾好食😋👍👍👍 下次會再幫襯，試下其他款式😊

今天到寶蓮寺拜佛，之後在小食亭食了一個quick lunch，叫了一碟羅漢齋炒米、春卷及三款甜點，炒米及春卷的味道不錯，甜點中規中矩。見到隔離枱叫了豆腐花，但可惜已吃不下了，留待下次吧

難得假日來寶蓮寺當然要試下寶蓮寺的齋菜。由於去到都已經是下午茶時間，又唔想食咁多，所以買了點小吃食。睇食物個樣的幾靚，可是只係得個樣，睇得但味道談不上好吃，且會錢有點貴。蘿蔔糕好味，食到條條的蘿蔔絲有咬口，值得推介$8/件。炸荔芋都是$8/件，炸得很脆，但味道就淡而無味，而荔芋比較亁。需然是三款不同的酸齋，但係味道大致上相同，好重五香粉味，整體是差評。炒米粉炒很好乾身，食落又唔覺多油，配以少量炒什菜，感覺較健康！豆漿$25/樽，價格上好貴！

星期六坐360上昂坪,去大雄寶殿拜完神,打算上大佛之前食D野先,見到呢間咁多人食又有人排隊,咁就去排隊買野食,我地揀左d糕點,酸齋同咖哩齊同米粉,糕點好味唔太甜。米粉D味道好奇怪都唔知咩味,咖哩齋好精彩咖哩味好似街邊咖哩魚蛋咁既味,但酸齋味道都好一般又唔太酸,但好"林"老人家都食到。但唔知有無睇錯好似見到有用牛奶制雪條賣。但呢間店都唔平架！總結只有糕點最好味,其他就......下次會試下隔離果間先。

因為買咗昂坪纜車全年pass所以今日又去寶蓮寺一遊順道食吓寶蓮寺嘅小食因為上次經過都好多人😵寶蓮寺有小食區，同埋齋菜區今次係幫襯小食區雖然都要排隊不過都好快可以買到嘢食店裏唔可以影相入邊主要係糕點（例如紅豆糕）、炸物（例如春卷芋頭角）、孫齋、米粉、大包、豆腐花等都好多選擇價錢都算合理所有食物都暖暖地，同埋新鮮因為都好多人光顧所以食物進出都好快最鍾意係孫齋，唔會太酸，所以好快食晒其次係芋角，又係真材實料全部＄120左右，都OK搵位都方便不用太擔心戶外環境，可以接觸多啲大自然總括來說：繼續幫襯

去到大嶼山昂坪寶蓮寺， 原來除了買位食齋之外， 仲可以散叫點心。只見寺外出面有很多石枱石凳， 已有很多遊人在開餐。點了春捲及鹹水角， 熱辣辣新鮮造好。雖然８蚊一件貴了一點， 一場嚟到也值得一試。

試食餐廳： 龍輝山水豆腐花（大嶼山昂坪村60C地下）寶蓮寺小食亭（大嶼山昂坪昂坪路寶蓮寺）美味指數： $13凍山水豆腐花（6.5/10）$38齋鹵味拼齋春卷（5/10）-上回提到昂坪市集的「掃街」之選，這回小女子與男友仔沿著天壇大佛方向走，離開了昂坪市集，穿過一座通往寶蓮禪寺的牌坊，隨了發現沿路有許多牛外，還有一些平民小吃店。其中一間小食店標榜山水豆腐花，從市區長途跋涉走到郊區，吃一碗豆腐花是常識吧！凍豆腐花已有糖水在内，男友仔再加了少許黃糖，冰涼的滑溜豆花加上甜味，份外清甜，正好作炎炎夏日的解暑食品。小女子認為此店的豆腐花比一般的嫩滑，之前在南丫島吃過山水豆腐花，覺得不及此店細滑。難得來到大嶼山，即使不是佛教徒，拜會寶蓮寺也是指定行程。男友仔說寶蓮寺齋堂的齋菜美味，可惜我們到達時已過了開放時間，惟有到齋堂旁的小食部尋味。我們試了素春卷與齋鹵味，春卷外皮香脆，但素菜餡不多；鹵味有五香齋、咖哩齋和甜酸齋，略縑醬汁未能滲入麵筋中。整體味道普通，不過來到寶蓮寺，茹素的重點還是一種清心的心靈活動吧！

星期天一家行完大佛吃東西，大佛寺內有齋舖及小食亭，由於不是太肚餓，所以不選擇齋舖，而是選擇這個小食亭吃一啲齋點心，這裏的點心選擇頗多，我們選了蘿蔔糕、春卷、鹹水角、芋頭角、齋鹵味，以及豆腐花。味道方面，炸物可能放了一段時間，說不上是香脆，但又不是淋支支，普普通通。蘿蔔糕暖暖地，也不是即時炸出來的，口感一般。 反而齋鹵味味道ok，酸齋 、甜齋等都夠入味，算是最好的選擇了。 要講到最好是山水豆腐花莫屬，尤其是天氣炎熱下食碗豆腐花，喉嚨也舒服些，如果可以，冰凍更稱心。

昂坪兩日一夜遊，第二天，到寶蓮寺一遊。 齋堂收費按人頭計算，四人餐，有每人$100或每人$150的提定套餐選擇。然而，大家肚子仍未餓，只想吃點小吃。 友人遠遠地看見前方的「寶蓮寺小食亭」，櫥櫃中，陳列了各式各樣的齋點、糕點和飲品，價錢大眾化，選擇又多。相對早一日在昂坪市集的連續「中伏」，這兒的小吃，可說是教我們稱心滿意的﹗ 貪得無厭的我們，想試多幾款小吃，就幾乎每款都取一件，再搵個近風扇的位置坐下慢慢品嚐。熱豆腐花$12/碗，豆味不算太過突出，然，質感細滑，配上黃糖和薑汁，好吃。豆漿$10甜度適中，入口富豆香。炸春卷$8，內裏的餡料盡是素菜，炸得香脆而不油不膩；鹹水角$8和煎堆仔$8，皮薄餡靚，值得一試。蓮蓉西米布甸$8和雪耳糕$8，可說是亮點之一，前者外焦脆內香軟，後者爽彈富咬口。鹹茶果$8稍嫌皮太厚身了少許，而豆莎水晶餅$8和蘿蔔糕屬正常之作。燒餅$8失準也，外皮頗為乾韌，稱不上軟糯煙韌也。

6月初的時候，與家人到了多年沒來的寶蓮寺參拜. 只吃過早餐的我們，來到寶蓮寺已是中午時份，有點肚餓，決定在這裡吃少許點心，晚一點再到大澳吃素. 家父負責買小食，我就負責搵位好了. 家父買了2碗豆腐花、1杯豆漿、1碟素齋&1件芋角，價錢只是$5X，與坊間的食店價錢相約，所以取價都幾公道，沒有因為是遊客區已開天殺價! 凍豆腐花 ($10) 其實我本身不太喜歡吃豆腐花，但天氣太熱，吃一碗凍的有助消暑呢! 吃一口，發覺甜度頗適中，而且豆花都幾嫩滑，亦有黃豆的香氣，亦有淡淡的薑汁味，想不到也幾有水準的. 素齋 ($25) 份量都幾多的素齋，特別喜歡吃酸齋，酸酸甜甜幾合我胃口~ 至於豆漿&芋角，都由家父包辦，他說芋角幾美味. 對於這小食亭的食物，是比想像中弄得好! 休息過後，是時候上大佛看看了 大嶼山昂坪昂坪路寶蓮寺

上到黎唔想食齋，又話覺得太貴？呢度係一個好選擇！點心五蚊一件，豆腐花十蚊一碗，齋二十五一碟，炒粉十五蚊估唔到呢度都可以甘平，同下舖頭唔係爭好遠豆花有豆味，夠滑，有凍有熱，係細碗小小齋入味又多款，可以每樣少少，咖喱齋有啲辣，一碟夠三個人食炒米粉正常味，不夠無物料呢個地點，呢個價錢係甘上下

昂坪360+大澳一天遊美食第一站天氣一般，霧大風大，乘坐昂坪360，風很大，山過山時，搖擺不定，過後到了昂坪市集。拾級而上，拜見大佛，大佛是日不見善信，座落於大霧中。抱著隨遇而安的心情，參觀寶蓮寺。11時多，是時候吃點東西補充體力，因想到大澳吃街頭小吃，所以沒有選擇到寶蓮禪寺齋堂吃正餐，而到了外邊的寶蓮禪寺小食亭吃素點心。點了齋鹵味$25,加了三款齋點心:蘿蔔糕，春卷，另外一件忘了名字，，每件$5元，埋單$40。自行拿到前邊的位置坐下，位置也不少。齋鹵味$25份量不少，有一款咖哩味，小朋友會覺得辣，其他的味道也不錯。其他三款點心，大大件，不太熱。不錯的補給站，吃飽了，有力氣地跑到巴士站，趕上12:20分的21號巴士出發到大澳去。

走過心經簡林, 回到寶蓮禪寺見時間尚早, 不如就再回到一旁的小食亭吃點甜的吧。意外的多選擇! 糕點竟有十多款, 也見到不少人買齋吃呢。豆腐花 HK$10只有熱豆花賣, 不過也難不倒我。小妹一向都對熱食比較有好感。這豆腐花說不上是又薄又滑, 但也有不錯的豆香。一早已經加了糖水. 不會過量, 味道恰恰好。芒果大菜糕 HK$5把芒果和大菜糕放在一起是第一次見。不過我覺得芒果實在是太酸, 大菜糕硬得來又有點太甜, 不太好吃。花生椰絲糯米糍 HK$5把糯米糍拿到手上會覺得有點硬, 本以為糯米會不好吃, 但切開又見糯米不太厚。內餡是椰絲比生花多, 入口雖香, 總是覺得有點太甜了。下次再回來, 還是只會吃碗豆腐花吧。在大嶼山輕鬆走了半天, 夕陽西下之時也是時候回家囉。