寶蓮寺小食亭

營業中

休息中

都說過啦..七個多月的大肚太太..因阿B頂著胃部..每次吃少少就吃不下..但很快又肚餓..家人們很好都肯陪我密密吃..哈..很快我們又走到齋堂附近的小食亭買食物.. 玻璃櫃內選擇很多..多心的我當然不只選一樣啦..買了多款然後在附近的石檯櫈又開餐.. 春卷是可以encore的..炸得脆而不膩..單吃都覺得不錯..值得再買.. 蓮蓉西米布甸都ok..雖然被'責'歪了..不過都無損其味道..不過不失..都吃得過的.. 奶皇及豆沙水晶餅..um..我覺得水晶部份太厚了..no good~ 糯米糍..普普通通啦..最開心它不是椰絲外層.. 芋角我不吃的..是買給爸爸而矣..所以不知好吃與否呀..其實這裡還有炒米粉..酸齋之類飽肚食物的..如果不想吃齋..想吃平一點都是不錯的選擇~

生日坐免費纜車來逛逛, 在大佛底買了點心劵包含了:-一碟炒米粉, 都幾淡味-一碗豆腐花, 普通好味, 但這是昂平名物, 豆香有一點, 山水就食不出, 其實我都好想知山水是甚麼味道.-糕點任選兩件, 選了芝麻糕, 很香很濃很好味; 桂花杞子糕, 清甜的大菜糕. 

猶記得多年前,青蛙曾跟青蛙媽媽到《寶蓮禪寺齋堂》用膳,當時的齋菜像忘了調味般, 淡而無味.....今次與豬大人同遊大嶼山,適逢午飯時間, 我倆的肚子亦開始發出警號。但由於青蛙陰影仍在,所以決定到齋堂旁的《寶蓮寺小食亭》買素小食吃~咖哩齋: 青蛙本身至愛的齋小食。但意想不到這裡的咖哩齋十分十分好吃!!           每吃一口都充滿濃濃的咖哩汁, 而且它的咖哩竟然帶辣,           亦有越食越辣的感覺, 完全乎合青蛙愛辣的喜好!!!甜齋: 不負其名, 果然夠甜~ 不過同樣每一口充滿汁, 不過不失;齋叉燒: 比較爽口亦帶甜, 青蛙比較喜歡齋叉燒多於甜齋;炸春卷: 即炸脆口, 內裡的配料夠味又爽口;蘿蔔糕: 不夠熱, 配料少, 糕亦實, 口感一般~下次會再食咖哩齋呀!!!!

襯著周日，同安娜一起走入大嶼山，參觀寶蓬寺，然後吃一頓美味的齋宴。不過，單單食齋，又點滿足到我們？位於齋堂旁邊的小食店，又怎可以錯過？小食店內的櫃台，有各式素點心，當然還少不了要試非常出名的豆腐花。我和安娜叫了一碗熱豆腐花，然後每人各點了兩件賣相不俗的小點心，是最好的飯後甜品。付款取餐後，可以到齋堂外的座位進食。可以選擇有瓦遮頭的地方，也可以選擇露天區，與花草樹木為伴。熱豆腐花本身已加了糖，所以不用額外加黃糖，已經夠味，亦不會過甜。豆花夠軟滑，豆味也很足，不過跟大埔阿婆豆花或一些著名小店比較，就稍有不及。但無論如何，這也是一碗不俗的豆花。點心方面，我叫了咸茶果，以及水晶餅。咸茶果是香港傳統小食，每次到大澳等舊區村落，都喜歡買回家做手信。不過，寶蓮寺的茶果不好吃 …… 皮太厚，沒有軟糯的質感。而內裡的餡亦有點鞋。不推薦。水晶餅是小時候的回憶。以前很喜歡吃，但近年已少見了，也不記得上一次吃是何年何月之前。所以，選這個是基於一點情意結。水晶糕之內，是甜甜的豆沙餡。水準中規中矩，但能夠回味舊時的味道讓人覺得幸福。而安娜就點了芒果大菜糕和綠茶紅豆糕。大菜糕是傳統之物，但加入芒果後感覺就變得新鮮。

綠茶紅豆糕 $11/3紅豆係熟既但未起沙,同埋冇落糖冇甜味加上係綠茶粉mix既都冇咩落糖,成舊糕係好清但唔會甜芒果大菜糕唔知講咩好,大菜糕好難食-___-但芒果部分唔酸,幾清甜芝麻糕好食,有芝麻顆粒但唔油,甜度同芝麻糊相若,好滑食果陣個口入面既芝麻味係傳到入個鼻綠豆糯米糍 $4皮好薄但好軟又有韌度餡足,有少少似茶果不過食完又唔會好似茶果咁膩

寶蓮寺正在加建，園圍都係地盤，好混亂。　行完寶蓮寺轉左落去就係小食亭，見有幾多人在食，結果就即管試試。點了熱豆花，馬荳糕，芝麻糕，綠豆糯米糍樣子好似好OK, 豆腐花完全無豆味，滑滑哋咁。馬荳糕係粉多，黃豆極少，好似淨食甜糕咁。綠豆糯米糍內裹的綠豆？無綠豆味，外皮算煙'un'　芝麻糕算係最有濃濃芝麻味，但過甜。小食質素真係麻麻，建議不要浪費時間在此。

旅遊同食飯無分宗教的...30幾度高溫下到大佛,只想找一個地方休息下...唯有到呢間店食小食.這裏是旅遊景點之一.客人拍食物照也是紀念.為何店內不准拍攝...味道清淡是正常的...但唔便宜..圖中食物.另有汽水2罐.61元.....食物:只可以講淡而無味,而頗硬的榚點...圖中的炸雲呑.裏面的材料是水果..是比較突出....好奇怪...當日身在呢個地方..我又反思不少問題..不過這裏是食評無謂多講..我建議大家有機會來到..只是坐低飲野就行..食就要考慮.值得嗎?

係齋堂食完齋仲未夠喉,見到出面d人係到食點心好似好正咁就忍唔住10蚊買左3件糕點黎食一件綠茶紅豆糕,一年芒果大菜糕同埋綠豆糯米糍賣相好吸引,但係好睇唔好食先食芒果大菜糕,啖而無味,不過芒果幾甜的再試綠茶紅豆糕,完全冇綠茶味,有少少椰汁味,不過d紅豆好大粒,友人話覺得有少少苦澀味,但我又食唔出最後,亦都係好難食既糯米糍,唔知點解個味道係咸既,有d似豬油味(罪過罪過)好彩買左少少咋...

好難得可以找到一天去昂平360, 再去大佛，見到食齋既飛！我地又驚要就番360尾班車6:30時間食唔到！但又好想食！都去問下啦！點知，佢話隨時食都得架！哇！開心死我地喇！真係好想食，之前怕就唔到時間，原來而家咁識做生意，幾點食都得架喎！即買飛！佢有分60蚊同100蚊既飛！我地覺得60蚊就夠喇！佢話分別在於坐廂房同埋餸可能有些少分別！我地志在參予嘛！我都起碼十年冇0係寶蓮寺食過齋喇！行飽晒就行去齋堂！一個人又食得，二個人又食得，幾多個人佢就預番幾多分量！好好！每枱會有一大筒飯任裝！至於餸！有四餸呀！真係好夠食！兩個人分分鐘未必食得晒！餸都唔係話要扮魚扮肉！係清淡齋餸！真係我地既飛佛！有冬菇菜胆，三椒炒豆乾，豆付青豆粟米，齋春卷！仲有一個湯添！真係抵到爛！每味餸又好好味！唔淡！但起碼又唔會有豬油，食得放心又開心！0個晚我地五點食，到夜晚都唔肚餓呀！總之真係好滿足呀！黎得呢度，我覺得冇其他一間餐廳比呢度食飯更有意義同樂趣啦！出面就有山水豆花，我地都順便買一個黎食下！因為好飽，兩人分一個，UM......豆花就唔覺得特別好味！都係出面老字號的滑一點！但呢個只係題外話！我再黎大嶼山就一定再有機會

今天來到大嶼山寶蓮寺，但今天天公不做美一直下着毛毛細雨。參觀完大佛後決定先到齋堂醫肚和避避雨。齋券實在有點兒貴，於是便到小食店買些點心食便算。選了咸水角、春卷、蘿蔔糕和齋鹵味。咸水角和春卷：這些都是用素菜整的沒有肉在內，都是些酒樓貨色，味道OK啦！蘿蔔糕：這個唔好食，我覺得啲粉落得太多，有些少糊口。齋鹵味：五香齋和齋叉燒十分好味，但甜酸齋則十分難吃，很酸酸得瞎了也會開眼。建議大家買齋鹵味時要走甜酸齋。

今日參加了一個行山活動, 終點是昂平, 順道行埋去附近的天壇大佛和寶蓮寺. 沒有去吃齋菜, 反而去了離寶蓮寺最近的泳樺屋吃豆腐花. 選擇這店只有一個原因--- 因為一行出來就已經見到此店, 而看不到其他店!!! 加上是星期日的關係, 所以客人很多, 這間店子都差不多坐滿! 店裡可供選擇的食物款式不多, 只有豆腐花, 芝麻糊和車仔麵. 因為肚子不餓, 所以只點了山水豆腐花試試. 豆腐花不用一分鐘便送上, 效率超快, 但同時也是"一手交錢一手交貨", 食物送上便立即付款! 這碗聲稱是用山水造的豆腐花暖暖的, 入口也算幾滑, 但除此之外便無甚可取. 豆腐花的豆味欠奉, 而桌上提供的黃糖也欠缺甜味, 而且價錢偏貴, 一碗已經要$10, 比坊間的貴不少!!! 當然, 在昂平這地方的店子賣東西當然會較貴, 但食物的味道卻不是相應提高, 不值這個價錢. 下次再有機會到昂平的話一定不會再光顧這店......

來到大嶼山梗要去下寶蓮寺參觀，都幾宏偉，送到吃埋午茶，發現有間緻寶齋，有豆腐花吃，叫了一碗，再加三件糕點，豆腐花，仲熱，夠滑，唔太甜，仲有（疆）味。糕點無特別，但可以一吃。

6/10/2009 晴天今天天氣真是好晴天, 所以天氣都好曬, check out 後, 我和嘉豪由梅窩乘車返了東涌, 去了商場的food court 食個lunch 後, 我們乘坐昂坪纜車去了昂坪市集&去看天壇大佛, 真是好開心, 之前我來的時候未有大雄寶殿, 現在可以參觀了好多佛像真是好榮幸, 2011年後又有萬佛寶殿了, 那時我們會也來參拜, 之後我們購買了兩張$23的入場卷去看舍利子, 之後更可攜卷到齋堂旁邊的小食亭---緻寶齋享用糕點!一張卷可有米粉, 糕點兩件&豆腐花三款食物!看了舍利子&參觀佛像之後,我們去了緻寶齋食小食, 然後我們換取了兩碟粉米粉, 4件糕點&兩碗豆腐花, 入到佛寺, 食的食物當然不會太有味&是冇肉, 所以味清淡都是好正常!豆腐花都好滑, 食了兩啖後好涼快, 裡面的糖水是有薑味, 好有豆味!食完一碗後整個人都感到涼快!炒米粉裡面有菇有菜&有些紅蘿蔔絲, 味道清淡, 米粉都好有煙靭, 都不錯!糕點我選擇了奶黃糯米糍, 西米盞, 紅棗糕,椰汁馬豆糕, 奶黃糯米糍不是太好食, 因為個皮和奶黃饀都比較乾, 可能雪藏了好耐,西米盞的內饀是紅豆蓉, 不是太甜, 西米

落左幾日雨, 天陰陰咁個人都冇心機陳某話需要去抖下新鮮空氣, 所以一齊去左寶蓮寺行下。因為落毛毛雨既關係, 天氣好涼, 吹埋黎陣陣都係好清爽既涼風, 舒服到唔識講, 行到餓餓地, 本身打算黎食呢度既齋, 但睇完MENU又覺得會食唔哂, 所以就去買D小食試下。小食部O係齋堂隔離, 環境好好, 食物放O係玻璃櫃display,見到有好多款糕點, 樣樣個樣都好似好好食咁, 心大心細之下叫左以下幾樣: 炒米粉: 估唔到會咁好食, 叫左2碟黎食, 仲打包左番屋企, 好夠味又爽口, 椰菜同米粉比例O岩O岩好。紅棗糕: 幾爽甜, 不過實左少少, 但都算係好食。西米糕: 呢種糕係我兒時最愛, 近年都好少食到, 呢度整得唔好食, 唔夠爽, 唔夠甜, 中間既豆沙餡有陣怪味, 可能曾經食過太好食既西米糕, 所以好難搵得番O岩心水既....奶皇糯米磁: 難食, 中間D奶皇同泥膠冇咩分別, 食左幾啖就投降春卷: 普通, 冇特別~

今日同baby昂平一天遊梗係要試下地道野食!去左食齋小食~叫左炒米粉,幾好食丫~唔油酸齋~我唔太喜歡食,不過baby中意,我唔中意太甜...腐皮卷~好好味,好脆!春卷~入面d料好似冇腐皮卷咁好食!咖哩so~~~甜左d!不過都好味!我地唔夠再叫d甜d既~~~叫左碗豆腐花,係就係好味,但真係貴左d!!!蘿蔔糕~好好味呀~~~綠茶紅豆糕~冇味,少紅豆,唔好食,食左少少芒果椰汁馬豆糕,呢個好少少....但係都係唔好食= =總括黎講呢間野既咸食會好食好多,甜食就真係麻麻!