寿司源

營業中

休息中

一般食比較高級的壽司啊日本料理啊都會聯想到尖沙嘴和港島等地區，那也十分正常啊就是那些地區的人比得起錢食嘛😂 久而久之就做就左得那些區才有好日本菜的錯覺～......-------分隔線————-上面爲廢話想深層我都只係想upload下相寫下味道姐，搞到作文gum爲mud基本資料：五月頭去叫了$500 set lunch沙律啊蒸蛋等內容請參考其他食評特式菜式比目魚卷～至於是鮃還是鰈呢..... 我忘了🙈師傅先把魚切成薄薄一片，完後再把魚邊包起來！（55整個卷也是魚來的～）一入口是清爽的口感以及白身魚的清甜再咬下去慢慢再由魚邊散出陣陣油香就這樣？不第二卷包的是火炙過的魚邊！冷與熱，鮮甜與甘甜，清新與油香，層次分明！第三卷也不同呢，但詳情就你自己去探索啦～白蝦飯～在白蝦上加上蝦膏真的一絕本身白蝦味道已經極爲鮮甜，目前以蝦膏作引味並爲整碟菜多加一層complexity，重點不會過份花巧保留了這是蝦料理這概念🤣鯖魚卷～跟日本食的不太一樣鯖魚是輕輕醋醃過，不會太酸，還保留鯖魚那濃厚魚味，再配紅醋壽司飯，簡單但實在的滿足請儘管把這看成打手文吧，假如它能騙到你去且不令你失望就好了🙂

入元朗 相約朋友食飯， 經過見到這間 ，壽司店比佢外觀吸引住， 餐牌 放在門口 ，但全部也是日文， 價錢也是日文， 真係不懂得看。 外面看不到入面的座位， 感覺很神秘。 越神秘越 想試下， 等下次book位 就試下， 沒諗到 元朗有這些高級壽司。😀

打電話預約待應已經大細聲，態度唔好。去到想坐低睇餐牌，立即俾侍應趕鴨仔快啲叫野食，未叫就企喺後面啤住你，到主菜嚟又叫食快啲，野食幾好味都好，貼錢買難受呀。不會再去了

去完台北的游壽司後，一直都想在香港尋回omakase的感覺。經過一輪挑選後，我們最後選了元朗的壽司源作為我們在香港第一間嘗試的omakase。我們今次選擇了午市，因為午市相對便宜。餐廳風格主要簡約為主，無論外觀和內裡的裝潢都充滿日本風。店內總共有3位師傅，這裡共有2種午市套餐，而我們選的是最貴的那一種$500。第一道送上的是日式蒸蛋，口感非常嫩滑，帶有淡淡的海鮮味。而接下來送上的是薄片牛肉，這個味道不錯，但驚喜不大。接下來排不不分先後，因為有些忘了名字，但盡量寫出來，分別是海老、鯛魚、海膽、白梅貝煮、鰹魚、鯖魚、平目魚、秋刀魚等等，壽司飯的酸味和軟硬適中，而壽司師傅的手藝更是沒話說。而午市餐的最後以抹茶雪糕和豆腐雪糕作為結尾，雖然看似十多件壽司不太多，但其實已經很滿足飽肚了。總括來說，以這一個價錢在香港吃到這一個水準，已經很不錯了！

同朋友仔訂左下午一點，兩個人都叫左 300元的 Omakase，發辦的係李師傅。第一味係蒸蛋，上面有南瓜蓉，好清甜，見到小碟上的青瓜都切得好靚，前菜令人滿意。魚味一般，但調味及賣相都不錯。小柱軍艦，紫菜好香好脆，完全遮左小柱的味道，第二件令人失望。師傅輕輕係魚肉上拖左幾刀，同魚身上的紋成左菱形，好靚，蔥油較濃，令魚的鮮味有左對比螺肉又鮮又爽口，正蔥油同青魚的組合。鰤魚壽司，少少彈牙，口感有少少似墨魚，好鮮甜呢個好有心思，火灸過的鯖魚，飯入面加左木魚，紫蘇葉等調味，外面用紫菜包住，好味蝦肉鮮甜，燒過的蝦膏令成件事又升左一個層次。滿足又開心。中拖羅三片，有口感，算係幾肥味。不錯呢個馬冀海膽好鮮甜，份量好好哦~魚苗壽司，係今日嘅最後一件。之後仲有湯同雪糕。全程李師傅都好 nice 咁同我地傾計，我地食得好開心又滿足。呢個價錢食到呢個質素的 Omakase ，真係好抵，非常推薦！

豪氣生日Omakase今次算係第二次食Omakase！壽司源，住喺元朗嘅應該唔陌生！但生日飯豪一豪食個$1200 set!! 所有嘅壽司都好新鮮，油香十足！新鮮赤貝壽司好甜本身想食$800嘅，不過分別係無蠔同海膽初初都覺得會唔會唔夠飽，其實都好夠！要提一提，當晚師傅好細心，其中一味米茄子味噌燒，由於我唔食茄子，佢叫廚房用豆腐代替茄子做一份俾我；但其實我本身已經有個清酒煮榮螺而且有佢地自家醃製嘅薑，另有牛蒡同蒜頭無限添食～

自上次黎左過壽司源食左晚餐後就對呢到念念不忘加上近期有朋友由香港區山長水又遠專登過來食令到我更加想再回味一番但老老實實廚師發板一向價錢都比較貴所以趁今日放假 就同朋友過嚟食個午餐價錢比晚上相宜好多壽司源既海鮮每日到店所以品質一定新鮮！午餐有$300 及 $500 set 選擇而$500set 會多左煮物咁遠來到，緊係食盡佢前菜 ：醃牛蒡 蒜頭 ginger 每款都好爽口前菜 薯仔沙律有好重嘅薯仔味之外，入邊應該加左青瓜粒，食落去有爽口，成個沙律口感豐富蒸蛋入面除左有雞肉，冬菇係上面加左昆布令到成個蒸蛋鮮味更突出食緊嘅時候見到龍師父開始準備食材其中一樣就係新鮮即磨Wasabi而呢到係唔會準備wasabi 同醬油比我地師父會調好哂令我地食到食材最好既一面帆立貝刺身 只加上小小岩鹽 同青檸汁 食落口更加帶出其鮮味日本白象拔蚌亦鮮甜爽口白板昆布立魚壽司以昆布作醬料鮮上加鮮鱆紅魚壽司煮物方便每月都會有新菜式今個月就係豚角煮 肥膏同肉既部分係50／50食落口好腍好入味配上黃芥辣 (但我個人覺得唔需要沾都已經好好食)燒日本大殼 超級鮮甜青魚平時食開既係醃過而呢一款係無醃過 皮係燒過 逼左佢既脂肪

趁住放假相約一班友人齊齊入元朗搵吃！ 壽司源就係我地今日要試的日本餐廳， 因爲呢閒餐廳的午餐 omakase 價格非常實惠，最貴的餐都係500港幣！ 相比港島區的日本omakase 動不動就1000以上，呢個價錢真的好吸引！ 餐廳環境一如其他的日本餐廳，都係以sushi bar 台爲主，全部都可以看著廚師精心炮製每一樣食材。 500蚊的omakase， 包括前菜，蒸蛋，sushi， sashimi， 手卷，湯和甜品。 其中我最喜歡的是象拔蚌刺身，貝，魚子飯 ， 拖羅sushi 。 呢餐，我覺得非常滿意，價錢實惠之餘，我覺得每一樣廚師發辦都很有心思，不是隨便切一塊魚給你就算，每一塊都有驚喜，而且食材都很新鮮，不是將貨就价，我覺得 value for money ~ 以500呢個價錢，可以吃到呢個質素，好抵！ 記得上次係中環吃過一閒每位2500 的omakase， 我感覺還不夠呢閒味道好。。。 可能港島的租金真的太貴了，price in 得太多， 所以以後真的可以多d 入來元朗搵吃！

趁住新年，帶老婆入元朗食餐好!呢個係$1500 嘅omakase 套餐，好豐富架!!$1500 【晚市菜單】【前菜】-日本唐蒿伴三文魚子: 由蘿蔔蓉、柚子、春菊、三文魚子整嘅前菜!-北海道厚岸產生蠔:  長崎県小長井生蠔伴以酸汁、蘿蔔、蔥，爽、厚，有肉感!------------------------------【刺身】-平貝、帆立貝: 一個爽、一個鮮!-剝皮魚: 肝同肉差不多大嘅一種魚，爽得黎有D似雞泡魚------------------------------【手握壽司】-車海老: 即半生熟花竹蝦壽司，蝦味濃，爽甜-燒北寄貝-針魚壽司：清新爽口-牡丹蝦------------------------------【煮物】-白螺汁煮: 昆布汁煮白梅貝------------------------------【手握壽司】-金目鯛: 夠油份，加埋燒得脆身嘅魚皮一齊食，好特別-鰆魚: 肉質實-小肌魚: 輕輕用鹽同醋醃過，夏天比冬天細條嘅一種魚類------------------------------【煮物】-燒白子: 鱈魚白子咬落去，白子特有嘅乳狀口感喺口中散開-燒鱈場蟹腳: 鹽燒

今次我選擇晚市價格$1200較貴的套餐，另外的就是$800.  食物全由厨師發辦，全部食材都是當做食材，真是不時不吃。客人可以一邊食一邊欣賞厨師炮製美食的過程，可以讓客人同厨師有交流，為餐飯增加不少樂趣。細心的師傅會慢慢向客人介紹每一樣食物的來源和處理過程。麻醬配豆腐作為前菜，配上爽脆青瓜，配搭清爽更能突出豆腐的嫩滑。接著就是我的最愛，蠔的肉身飽滿，肉質滑嫩，再配上酸汁，絕配！！！北海道帆立貝表面加上少許山葵和青檸汁，帶出其中的鮮味。金目魚與薑蓉和葱作搭配，顯得魚味清淡。左口魚分別配上蘿蔔蓉和葱和酸汁，肉質較軟，和配上山葵，肉質就較為韌牡丹蝦軟軟的帶點黏黏的口感，味道鮮甜。面層被燒過的蝦膏香味十分吸引，加上青檸汁降低了蝦膏的油膩感。青柳口感不太韌反而覺得嫩，貝柱肉側十分結實，味道鮮！！昆布白梅貝煮入口就是昆布味，肉即使很厚但不會很韌。每條池魚都是人手調的，魚身不被損壞，所以血水不入肉，同時肉質結實，食的時候口感爽滑。鯖魚由醋醃製而成，配搭紫蘇葉後紫蘇的味道突出，加上酸味，兩者分外合拍。鰹魚表皮燒得焦脆，配上辣蘿蔔蓉,薑葱,酸汁野生吞拿魚腩的魚味較重，口感嫩滑入口即化，油脂分佈十分平均。

日本菜向來都是豐儉由人，價錢低至外帶壽司店的三元一件包裝機壓壽司，以至高達過千元一位的高級廚師發辦（Omakase），質素固然與價錢成正比。雖然廚師發辦向來在我心中高居頭號位置，但始終價格不斐，未必能夠頻頻享用，但心癮一旦出現，始終難以抵抗誘惑。元朗區廚師發辦之王定非鮨文莫屬，但始終想多試幾間餐廳一較高下，最終還是選擇了評價同樣極高的壽司源。餐廳位置比較偏僻，隱藏於大廈之間的巷內，不過招牌燈箱明亮奪目，絕對不難找到。晚市廚師發辦分為每位$800及每位$1200兩種，而我們則選擇了較貴的一個套餐，足足有二十款食物，更意外發現這裡午市同樣供應廚師發辦，下次定必再找個悠閒下午到此一嚐。最喜歡坐在吧桌前面邊吃邊目賭師傅炮製食物的過程，細心聆聽師傅細心介紹每款食物。前菜精緻得連青瓜亦如雕塑一樣，麻醬豆腐清爽嫩滑。蠔體形龐大，肉身飽滿，配上酸汁及少許蔥花，絕不帶半點腥味，鮮美爽脆。北海道帆立貝上加上一點山葵及青檸汁，肉質與一般帆立貝刺身的軟腍截然不同，稍為結實且帶帆立貝應有的絲絲分明口感。金目鯛配上薑和蔥，魚味會較清淡。配上酸汁、蘿蔔蓉、蔥、芥辣的左口魚（平目）爽中帶韌，油分適中。牡丹蝦爽嫩帶黏，

首嘗Omakase 唔使諗食乜, 由師傅會安排最時令食材, 不時不吃, 一期一會安排入坐後, 即有沙津同茶碗蒸蛋為我整壽司的係廣東話師傅, 之後發覺佢仲好風趣, 搞笑壽司師傅每上一件壽司都有介紹, 但我就......記唔到油甘魚深海池魚 在師傅手上反生的鳥貝鮑魚加岩鹽甜蝦 加火炙過蝦膏中筋 吞拿魚雲丹- 北海道海膽, 鮮甜自家製三文魚魚子加o左柚子皮調味豆腐的麵豉湯柚子雪葩

第一次黎試佢個lunch Omakase起初見價錢幾平冇太大期望試完又有驚喜喎！山長水遠入到黎元朗試食位置距離西鐵站不遠，分兩段時段，早段就可能坐唔到太耐喇店內環境都不錯，座位不多，所以必須訂位午餐分別有 $300 / $500 選擇今次就試左$500好鍾意佢地前菜有用wasabi醃過既淮山好好味之後既每一道菜都好好味師傅既刀功亦都十分之好但始終一分錢 一分貨，魚生都不是好頂級既貨色叫做對得住個價錢師傅好鍾意用幾片薄片疊成一塊魚生增強口感讚食完好夠飽連埋加一$550覺得好抵食，會再黎幫襯！

點解香港人甘鍾意去日本 壽司剌身真係一個好大既因素小妹食Omakase 次數不多 十隻手指數得唒對上一次已經係年中係東京食。今次入到黎元朗區試下紅日關係 lunch分左兩輪 book 左1:45 餐廳位於內街 地方比想像中大 全sushi bar有16個位 4個師傅 裝潢簡約新淨 Lunch 有三百同五百既set今次叫左五百點好餐等左一陣就上茶碗蒸同前菜蒸蛋質地好滑 裏面有帶子粒 可惜蛋味淡 壽司剌身就唔遂件寫 寫d印象深刻架啦(其他冇介紹既其實都ok，只不過對比其他 個人覺得冇甘特別)煮物: 鮟康魚肝(右上)用味醂蘸過 小小甜一啲都唔腥，醬汁同魚肝好配合帆立貝壽司新鮮爽口 好味中拖羅切成三薄片 撘起成一舊壽司  係口中溶化牡丹蝦上面有d燒過既蝦膏 令成舊壽司更香更有層次海膽壽司反而最失望 唔鮮甜 仲食到苦澀味秋刀魚剌身係當造 好肥美 左上toro手捲用左三個部位toro剁成蓉包成手捲 唔錯 食完手卷就係尾聲甜品係雪糕 揀左士多啤梨味 食唒成個Set 都已經七八成飽值得一讚係Service師傅會簡單介紹返壽司係乜嘢 又會問你喜好,食得飽唔飽甘，而且大家香港人 更易溝通男經理都好細心

早兩日又去壽司源開飯,mark師傅真係手勢一流,每件壽司都令我忍唔住會心微笑,色香味俱全,每次黎基本都唔洗睇餐單直接上500果set,一個月食得果幾次對自己好D每月都有新餐單,保持新鮮感,仲要係當季當造食材,真係不時不食,正!!!👍不得不提既係秋刀魚真係超肥美,真係百吃不厭,入口即溶爆鮮甜同呑拿魚腩有得比👍今次煮物係燒劍魚腩,帶淡淡酒香,肉質結實魚油不足有點乾,整體還算可以海膽,野生拖羅呢D就唔洗講都知又係一絕其中梭子魚同平目真係普通左D,味道係眾多壽司中唔算突出,但都好味既,而今期推薦既關鯖,秋刀同筋子真係正到不得之了,秋刀就上面講左,關鯖魚味極濃,咬下去滿口油香,筋子同出面食到既完全係兩回事,平時出面食要吐番塊筋膜出黎因為黏糊糊一團又難咬咁呑唔落,但係呢件塊膜係薄身,連魚子咬脆脆滑滑咁好香好順口👍最後件香蔥吞拿魚手卷非常美味,脆卜卜D魚油又香非常滿足師傅仲請左件晚市先食到既長崎蛋糕玉子比我試,蛋味極香,甜得黎食到淡淡海產既鮮香,一問之下先知加左魚同蝦蓉,食起黎異常鬆軟非常出色👍每次食甜品時都會有種莫名既落寞,好似有一埸愉悅既旅程即將完結既失落同不捨,不過同時亦有一種強烈既期待,唔知