尋麻記

營業中

休息中

放假最鍾意同阿媽去大埔墟街市入貨。經過大埔墟街市附近。見到有間店大排長龍。原來係食麻辣野😵。心思思我又排埋一份😂。金牌肥腸✨見人人都點。我當然唔執輸。肥腸去油去脂乾乾淨淨。肥腸變瘦腸。食多兩件都唔怕😮‍💨。招牌麻椒雞🐔原隻雞即時手撕。口多多問下老細。平日每日起碼賣50-60隻🐔。真係超受街坊歡迎😲。麻椒雞可選半隻/一隻。辣度分小。中。大辣🌶🌶🌶。麻麻辣辣顛覆口感。外賣🥡都幾靚仔。

四川風味尋麻記又辣又麻真係四川名物，真係好中意食辣野，好開胃，啱曬我口味呢！呢間大埔小店真係好正，叫左幾個外賣，價錢實惠，都係兩百蚊有找呢！香辣雞腎，真係又香又辣，送飯一流！好好味，好入味，又爽口！檸檬雞腳/鴨爪兩溝，好酸甜，檸檬帶陣陣清香味！鴨掌好爽口，又脆，雞腳都好味，好入味。最後叫左半隻麻椒雞，好似手撕雞感，會撕開肉一片片比你，更灑上特制辣椒同花生，好正，好正宗四川風味，帶陣陣麻香味！呢變都幾多人幫襯，仲有金牌肥腸都好受歡迎呢！下次可以試吓。

💁🏻‍♀️主要做外賣無堂食，lunch經過見親都人頭湧湧👯‍♀️👯，就入去八卦下賣咩👀，就聞到好香的麻椒味，忍唔耐買左幾樣野食番屋企試下，因為見佢地好多人，落完order就走左收工再去拎😆拎果陣已經見到賣得7788🫢🫢🫢►招牌麻椒雞 🐓一隻 $138老闆即場拆開麻椒雞，見到入面釀左好多麻椒香料，等待期間同老闆吹左陣水，佢話一聞釀香料入去隻雞會入味好多。因為老闆已經拆開哂肉同骨，所以食得好方便，雞肉多，麻椒風味十足，唔錯。►金牌肥腸🐷（小）$28肥腸去哂油去哂脂，彈牙而不靭👅，非常肥美，墊底的雲豆都好好味🤩。►麻辣毛豆 $18 毛豆入哂味，咬毛豆果陣會吸埋啲汁，好惹味，配啤酒🍻一流。► 燒椒黃金皮蛋 🥚$28一份有3隻蛋切半，聽佢地講啲皮蛋係自己整，出面買唔到😳😳。〠總結 ▁ ▂ ▃ ☻ 5/5 係細節位睇得出呢間小店好有心，出面有啲涼菜係一個汁打天下🤣🤣，而呢間小店唔同的食材處理方法都唔同，試左呢幾樣菜色都好滿意🥰，見到佢地仲新出左其他涼菜，下次再幫襯佢買麻椒雞果陣會買黎試下😝😆😆

看了抖音网红推广去试一试，点了半只麻椒鸡少辣和一碗肥肠少辣。整体来说麻椒鸡满分十分可以给到九分，味道不错、鸡皮吃起来有口感。肥肠分量不错，处理很干净、下面垫的云豆也不错。应该是新开业做推广。排队较久（怀疑有水军）😂

係大埔墟個邊行街，見到一間店面幾整齊賣外賣麻辣雞同啲小食既鋪頭，屋企人鐘意食麻辣野，買左啲返去試😍.招牌麻椒雞可能6點幾時間，有啲食物都賣哂，好在仲有招牌！係一隻算大size既雞，雞入面包住好多花椒、辣椒、仲有其他種類既辣椒？望落都覺得刺激🤣落左order之後，老闆好純熟將雞肉撕開，撕完之後見到啖啖肉，幾正。雞肉食落充滿椒麻香味，而且肉質唔會鞋身，另外，店主應該有用醬料醃製，食落惹味😋.麻香雞髀 係店鋪唔辣選擇之一😙，買左一隻雞髀，啲肉一咬已經自動脱骨，夠juicy啊🍗.檸檬雞爪 雞爪酸酸甜甜咁，好開胃，即使係凍食，但食落唔會好硬，好食😋 無骨真係係好正，食落全部都係肉，唔使煩，食落夠爽彈，而且辣辣地，岩哂送飯！

大埔墟新開的麻辣外賣小店，長期都人頭湧湧，今次決定一試！各款小食都辣得過癮，麻香十足！招牌麻椒雞(半隻) $78雞皮非常出色，充滿醃料的麻香，雞肉充滿油香，髀位特別嫩滑，非常推介。金牌肥腸(中) $38肥腸鹵得非常爽口入味，沒有肥膏！ 配上白雲豆及新鮮芫茜，口感味道配搭完美。燒椒黃金皮蛋 $28非常之驚喜！皮蛋呈虎皮紋，蛋黃半流心狀態，充滿蝦米及黑芝麻鹹香，配合麻辣香油，風味濃郁。香辣雞腎 $48非常驚喜！雞腎肉質結實爽滑，每一口都充滿辣油及雞腎咸香，送飯送酒一流！！

星期六入咗去大埔墟，諗住買下的家用品，順便周圍逛下，吾覺意比我開心大發現呢間新店，以「麻」主打嘅外賣店。招牌有麻椒/麻香雞，同埋金牌肥腸。門口遠遠已經聞到麻香味。此外更有不同麻辣小食。倒如小龍蝦、雞腎、木耳、鳳爪、毛豆等等。咁多款色一定有啱心水嘅。最後要了半隻《麻椒雞》，店長好細心及衛生，會先戴手套幫客人手撕雞肉，再用紙包裝好，方便大家食用。雞肉實香，不算太辣，香濃花椒麻香，十分入味，送酒一流。《金牌肥腸 》標榜去油去脂，乾乾淨淨。而事實真係清洗得好乾淨。入口甘香而完全不油膩，而且很好味。《香辣蝦尾》細細粒好的骰，一口吮一隻，內爽汁香辣，食到唔停得口，仲要吮曬手指。整體店鋪乾淨衛生，食物選擇種類繁多，味道不錯。啱曬外賣回家加餸、送酒小食或宵夜。

知道大埔墟開咗一間麻辣外賣小店平時都見到好多人去幫襯今次就入去睇吓有乜嘢美食由老闆介紹知道呢度最出名嘅係招牌麻椒雞+肥腸一於兩樣都買返屋企試吓麻椒雞驟眼睇都幾大隻我哋就order咗半隻老闆即場拆開麻椒雞豐富嘅麻辣配料原來釀咗喺入面咁樣可以令到雞肉更加香更入味然後一小件地拆開雞肉及雞骨返到去夾嚟食都方便好多屋企人食過都話口味特別唔錯除此之外反而我好鍾意佢細細粒嘅小龍蝦小龍蝦肉質好爽口彈牙而且麻辣得好入味大人細路都搶着要食而肥腸鍋喺近門口位置每一條都大大條睇見都覺得夠晒熱辣辣返到屋企仍然保持到溫度而且大腸裏面嘅肥膏清走晒加上麻麻辣辣嘅口味確實好滋味好好食仲有佢嘅檸檬鳳爪酸酸辣辣好開胃==============================🔍 #尋麻記 📍地址 : 大埔寶鄉街35-39號寶康大廈地下C號舖🔹🔸🔹🔸🔹🔸🔹🔸🔹🔸🔹🔸🔹🔸🔹🔸#大埔尋麻記 #大埔麻辣 #大埔墟麻辣外賣 #大埔美食 #大埔外賣 #打卡必到 #蔡真真 #食好西 #肥真為食 #為食Tata #美食家Tata #吃貨TaTa #tachoi #hkinfluencer #hkfoodie

今日同阿媽去探住大埔寶鄉邨嘅親戚，本身諗住斬燒味加餸，但路過見呢間新開嘅尋麻記幾吸引，就試試佢！閒日下晝六點幾嚟到，唔少小食已沽清，可見間鋪有幾受歡迎我哋叫咗麻椒雞、麻香雞各半隻，同埋一份肥腸 。啲雞係即叫即撕，老闆手法純熟又快手，望住隻雞＋香料我都已經流晒口水。有別於坊間某啲店就噉整熟隻雞再淋醬料，呢度係用四川做法，連埋香料一齊炮製隻雞，會令隻雞更入味。麻椒雞(半隻) $78我哋叫咗小辣，唔會太辣，又麻又香，非常惹味唔只雞肉正，連雞皮都非常爽口，口感好似海蜇咁彈牙！麻香雞(半隻) $78麻香雞就唔辣嘅，花椒味突出，帶有陣陣滷香，無論就咁食定送飯食好都味。金牌肥腸 (小份) $28我地等緊雞果時聽到好多熟客都嗌呢個，果然無令人失望！肥腸好乾淨，重有我最愛嘅芫荽，再加埋麻辣油真係好邪惡！叫肥腸會送白芸豆墊底，啲豆好大粒，口感粉粉地咁都幾唔錯。成間舖頭都幾企理衛生，就連外埋包裝好乾淨，唔會油腍腍，重會提供埋手套方便食用，抵讚

作為手撕雞既愛好者 (因為太懶唔想煮飯XD)最鍾意周圍發掘下唔同口味, 其實出面食問既都差不多, 麻香, 薑蔥今日呢間尋麻記就真係試到佢特別, 點完餐, 師傅即刻拎出黎撕俾你睇, 裡面滿滿都係香料師傅話, 出面多數係撕完先撈汁, 不過佢地係整之前就放D料入去, 咁先夠入味夠晒麻, 唔會太辣除左雞, 呢到仲有好多涼菜今次揀左無骨鴨掌非常爽彈, 又入味, 十分開胃, 大推!!另外仲有金牌鵝腸, 叫得金牌, 味道的確唔差, 鵝腸白軟又唔會有騷味跟埋一齊既豆都好好食, D辣汁好正!!

🔎 尋麻記*📍 大埔寶鄉街35-39號寶康大廈地下C號舖.麻椒雞因為想試埋其他種類，所以今次只要咗半隻麻椒雞，但我非常欣賞佢嘅調味，其實唔係辣，只係麻，所以我自己其實幾鍾意的。如果係麻辣控真係要試下，而半隻其實都一d唔算小。肥腸反而當日叫咗咁多款，我自己最鍾意肥腸，可能因為已經索哂d汁，而且好入味。自己同屋企人都非常鍾意，絕對可以下次再encore.鴨掌鴨掌算係我呢次第2最愛，可能因為佢有d酸酸哋相當開胃，而且唔難咬，好食！呢款都係我下次一定要再點既。下次可以要多幾份添毛豆其實佢調味ok，不過我可能麻麻豆類，所以我自己麻麻哋。如果食開毛豆嘅或者會喜歡。

大埔越來越多好嘢食，今次去朋友屋企聚餐，每人揀d野食上去一齊分享，經過依間小店，不得了！香味撲鼻！店面光鮮整潔，即刻睇吓咩料先😎😎小店主要售賣麻椒/香辣風味嘅食品，唔辣嘅都有，其中麻香雞就係店員推介唔辣既☺️我哋超鍾意食辣嘢，所以二話不說揀咗：麻椒雞店員會戴上手套 將雞撕開雞入面嘅香料好多！佢哋係用咗採購自唔同地方嘅花椒同埋辣椒，嗰種香噴噴，令人食慾大增嘅氣味，真係吸引！麻椒雞非常推薦！好香！味道亦都好特別，唔會太辣。最抵讚嘅係，雖然用咗好多花椒，但係一啲苦味都冇👍🏼👍🏼一件接一件，好食到停唔到口！金牌肥腸（小）我建議大家，直接就買個最大份既！如果唔係，就會好似我咁後悔😅😅肥腸真係非常乾淨，冇肥膏，冇污糟嘢，食落去係爽口！分分鐘係全香港最乾淨嘅肥腸！！配上大大粒嘅白雲豆，口感好好，仲有啲芫荽，辣得好過癮！依粒大大既豆，口感就好似紅腰豆咁，粉粉地，但層皮就冇紅腰豆咁硬，好食！

以前好鍾意食手撕雞，今次聽住大埔朋友話有麻椒雞，到底係乜嘢嚟？好想試吓。原來係呢間，之前成日經過，見到有C奶買，話佢家新婆仔好鍾意食，成日點佢要落街買。間鋪面細細間咁，幾整潔。外賣🥡加餸，好多款可以揀。有麻椒雞、乳鴿、檸檬雞腳、雞脾、肥腸、皮蛋、木耳、毛豆⋯麻椒雞係他家主打，成隻完整嘅雞，雞肚子裝滿花椒，辣椒粒，胡椒粒同香料，即場在你眼前切開，即場拆肉，然後拌勻，即時聞到麻香味四溢，食落口感實在，擔擔都係肉！滿滿的滿足感。完成拆肉的麻椒雞用紙包實，然後再用紙袋帶走，非常方便。干淨又衛生。

呢日突然好想食辣嘢，經過呢間新開嘅舖頭就買咗啲嘢食返屋企加餸。呢度有好多款麻辣小食可以揀，仲有招牌嘅麻椒雞。首先，當然要試吓佢呢度嘅招牌麻椒雞。佢嘅圖入邊塞滿左香料，當中包括花椒，啲香味滲透晒落啲雞肉度，每一啖都可以食到佢又麻又香辣既味道。店員會將麻椒雞撕成一條條既雞肉，返到屋企就可以好方便咁樣食啦。小食方面，點左檸檬雞爪，佢酸酸辣辣咁，好開胃。仲有呢個麻辣雞臀，雞臀口感結實，好好食！仲有爽口嘅麻辣黑木耳。外賣返屋企一路食一路配啤酒簡直一流。

呢一間以麻香辣為主嘅外賣店，全部都係相當惹味嘅川味小食☺️作為咁中意食麻嘅我都必定要食下過下口癮先得😆🐔麻椒雞 (半隻) $78老闆即場將麻椒雞用手搣開，過程中已經聞到麻辣嘅香味，聽老闆講佢零晨時分已經開始製作！ 從色水已經睇得出好入味，果然食落好入味，麻辣嘅味道好出色，真係有大陸食開嘅味道🤤十分惹味！份量嚟講唔少，雞皮相對地比較有咬口，肉質厚實👍🏼🐔檸檬雞爪 $48呢款相對地冇咁辣味道酸酸辣辣，開胃得來又好過癮，加上係無骨嘅雞爪，轉眼間就食晒了🤭🐷金牌肥腸 (中份) $38肥腸煮得好淋好入味，老闆用咗燈籠椒去煮製，辣度好夠，越食越停唔到口😆加埋我最愛嘅芫荽，更加惹味！重點仲有少量白雲豆，一個咁邪惡嘅食物配搭呢一個咁健康嘅白雲豆，令到成個罪惡感都少咗好多🤩🤩🐔雞腎 $48每舊都切得細細舊，食起嚟好方便，爽口嘅口感加上辣到十足，食得相當過癮🤤🌟店員服務態度好友善，亦會好用心解答客人每一個問題，仲會俾埋手套方便客人進食，相當貼心🫶🏼📍大埔寶鄉街35-39號寶康大廈地下C號舖