小南國 (已結業)

真的要為這間餐廳寫第一篇食評....除夕夜，book左台係小南國食飯拎位之後，等了超過15分鐘，仍然未有人黎serve冇茶，冇menu....終於忍唔住...要自己叫人~先有份menu睇兩個人，叫左個小籠包5隻($48)仲有叫左金瓜海哲 ~同埋松子貴花魚 ($248)好快金瓜海哲黎左，還未夠數分鐘...松子貴花魚同埋小籠包就已經黎左d菜上得太快，小籠包同埋條魚好快就唔熱...金瓜海哲，沒有甚麼味道....沒有特別小籠包...說真的~~沒有甚麼特別驚喜~~~跟翡翠拉麵小籠包的差不多這個價錢，我寧願去翡翠拉麵小籠包食松子貴花魚味道還可，但係唔係好夠熱都係個句...呢個價錢一d都唔值到叫埋單...都等左20分鐘以上先黎到張單仲要係叫左埋單後再叫多佢一次先黎....仲要明明兩個人收左4個人茶錢 埋單$450...這個價錢，這樣的服務，這樣的食物質素絕對要black list 小南國...以後都唔會再食

友人請食飯 選尼間小南國 順道睇埋聖誕燈飾BOOK了檯也要好等25分鐘 假日搵食真艱難主打既小籠包 一客五只 好一般 皮唔夠薄 湯汁淡同少 "翡翠較勝一籌"是晚較為喜愛季節性推介"蟹粉石頭鍋飯" 幾好味另外我最愛點既"灌湯小籠包" $48/5個 仍舊美味 湯多肉香 皮脆鬆軟 豪比5*****其他所點既菜 都好一般 無乜想評.. 想講既係價格多是SET到$98一碟 而水準同質量都比唔到一半

身為大閘蟹迷的孖芝，出動趕尾班車，享受本年度最後的蟹粉宴~沒想到人流不多的尖沙咀中心，轉個彎到餐廳門前即人氣沸騰，大排長龍 暗暗慶幸早訂了檯~~~ 蟹粉石頭鍋飯：必食推介！蟹粉以外，飯底加了蒜香，還有點點辣味，加上石鍋飯特有的飯焦，非常香口~ 而且鍋身有保暖作用，食至尾段依然暖和，避免了冷卻後的肥膩感，good！ 蟹粉炒年糕：年糕口感佳，鮮味，意料之內的水準作，質素依然。 醉雞：初嚐汁料，味道偏鹹，酒味不太濃。雞肉入口卻意外地入味，亦很嫩滑，不會有很多碎骨，合哂孖芝口味~更值一提是，員工態度極佳！是日臨近冬至，全廳坐無虛席，十人大檯比比皆是，員工個個忙得不可開交，卻見各人皆落力非常，做事靈活兼乾淨俐落。百忙中對客依然有禮，落單斟茶均臉帶微笑，送客時更連聲多謝~ 這些，正是食物以外，留住客人心的要素~ 讚！

星期三老闆請食飯，因為有個美國客來了，1. 小籠包都係好一般（黃沙沙）好dd!!!2. 蟹粉石頭鍋飯 都幾好，3. 燻魚麻麻的，冇味!!!4. 皮蛋豆腐感覺最好，5. 酒釀丸子好好味，桂花味好香Service好好(因老闆係常客)!!!

朋友生日去左尖東食上海菜, 有套餐, 有散叫, 我地就選擇散叫,因想食什麼都得, 唔洗焗限食指定菜, 看到Menu 上的食物多到都唔知點什麼,樣樣都想食, 個蔥油拌面好好食,, 個樣好油, 但食落口右唔咁喎, 外婆紅燒肉,正!, 肥瘦肉都好平均, 口感非常正, 可能係我最喜愛的食物, 所以咁讚揚, 素鵝都好味, 但細碟左d, 生煎飽好多湯汁,一打開就流湯出來, 見到豬肉就覺得好大件, 好驚, 因我唔係好食肉的,再看真d, 就只係半隻鹹旦黃size,ok la, 有個酸辣湯,好得意有個容器點上燭光keep住溫度, 但味道就馬馬地, 希左d, 唔係太多材料, 我地點左10款食物,買單每人都係$220, 重要請左壽星, 係咪都算低食先, D食物都好好味,係個飯和個菜就細左d, 好似二人套餐份量咁, 其他菜都ok.

這間食肆最好地方是環境舒適, 不太多人, 可以慢慢享受, 就是我們說個不停也不會影響其他人...但其實食物的水準就比較一般, 不知是不是不自太旺, 大廚都留待晚市才出現...禮貌的侍應提議我們叫了一個午市套餐, 加上早預訂了的八寶雞, 及甜品拼盤, 應該足夠了... 四小碟比較平均, 百頁卷有濃濃草青味, 很清淡, 未必得到每個人歡心... 涼拌木耳和糖醋小排骨不錯, 燻魚乾而無味, 較為失望...話題一個接一個, 但差不多等了二十分鐘, 第一碟主菜才上桌, 以午市的速度來說, 絕不合格...清炒河蝦仁, 清嫩爽口, 加點醋, 細細隻用湯匙搯來吃, 十分美味...紅燒肉配海蔘, 濃醬油很惹味, 配飯一流, 但心想要留肚吃其他美食, 忍住了...紅燒雞絲翅, 足料味道不道, 絕不是一般出品...唉! 最後三味...鮑魚菇扒時蔬, 因為是小棠, 一般都靠味精上湯調味...特色松子魚, 魚不鮮, 粉厚, 酸甜汁不惹味... 近三百元的八寶雞, 又濕又無雞味的糯米八寶究竟有甚麼呢? 看不出, 嚐不到... 最後, 扳回一城的是肉汁豐富, 上軟下脆的生煎包...甜品嘛... 酒釀小湯丸誘人酒香,

第二次食呢間餐廳, 鍾意佢人流唔多,唔會好嘈,可以慢慢傾計,而且個景望海都幾靚,好舒服好悠閒FEEL!!!!點了 蟹粉獅子頭 ,鍋貼和小籠包最好食 蟹粉獅子頭 濃香的蟹味有淡淡的肉香!!!食完仲會有一陣陣蟹肉芳香停留係口內面!!!鍋貼和小籠包都係普通貨!!!鍋貼多汁!!!但係皮硬!!小籠包多汁但哩個價我範得可以再好D!!!!

之前食過一兩次, 覺得個小籠包馬馬地. 所以都無諗住再番黎.點知約左個朋友佢又BOOK左呢度, 咁就又入去食多次.小籠包仍然都係唔好食GEI...仲有叫左皮蛋豆腐, 呢個OK GEI.八寶飯其實都唔錯GEI, 健康D, 不過好似愈食愈甜...仲有叫左個一個担担面, STANDARD啦..SERVICE就....我覺得應該係唔夠人手...唔可以話好差, 但係叫2-3次先應囉...講真, 小籠包應該係主打, 但佢都唔到STANDARD, 我又覺得周圍大把CHOICE, 應該唔會再試...

今日mami既好朋友生日.約左係呢度食.我遲大到呢.8點幾先到.佢地都食哂lu. 加上我又唔肚餓.淨係叫左兩碗酸辣湯.一個窩貼.個湯好好味.個容器仲好特別.有燭光keep著溫度.態度都好唔錯.幾有禮貌的. 聽返mami講.佢有好多送都好好味.仲影左d相. 下次要親身再試.

已經是第二次食呢間餐廳, 鍾意佢不是太多人, 坐得舒服, 又可以慢慢傾, 幾好推介食物：1. 紅燒肉, 另配飽 (名稱不太記得, 是他們的招牌菜之一) , 味道幾好, 不太肥, 幾個人share 最正2. 蟹粉石頭鍋飯 < 最好味改進地方：上菜沒有次序, 飯差不多和冷盤一起上讚賞地方：呢個係起這個標題原因, 我係 5 號房, 成個廳得一個男侍應招呼, 當晚見佢忙過不停, 不過佢都仲好有禮貌, 令我對這間店加分 ... GOOD JOB

我哋八點幾到達，有好多人排隊，我哋等咗差不多一個鐘先有位。環境OK，但人手不足，Service就麻麻哋。我哋order 咗燻魚($45)、糯米蒸排骨($78)、什錦砂窩($158)、义子鬆($58)和窩貼($35)。燻魚 - 味道不錯，口感也好。糯米蒸排骨 - 糯米夠味，軟硬度又適中，好味道，排骨就一般啦。什錦砂窩 - 超大窩！有菜、蛋角、咸肉、燻魚、丸...，味道OK，不過D丸超淋，怪怪哋。义子鬆 - 义子香脆，肉鬆味道也OK。窩貼 - 味道一般，煎得唔夠香脆。

訂位之前未看過食評, 出發前看到最近幾篇劣評, 有D擔心食完之後朋友仔都叫我有時間上黎寫寫幫手平反一下~食物水準絕對係中上, 款多, 不過D湯圓出問題, 其中的一小碗發現有隻蟻 (個湯圓用大湯碗上, 之後WAITER會同你分返碗仔), 我地估係D桂花入面有蟻, 經理亦醒目地同我地換左新一大碗~ 服務方面都絕對合格, 未至於出現叫極唔應既場面, 叫佢地幫手影相亦都OK~有機會一定會再去!

Very very bad attitude even manager (especially the lady with coloured hair). Staff had no smile, not friendly and rude. Is happen on the 14/ Oct which was my father 79th birthday, total of 8 adult and 2children at 7pm. I called to make reservation few days again. And informed that we will bring along a birthday cake. The receptionist says "no problem".But after the main course we asked for our cake. The waiter mentioned that if you wanted me to serve for you, there will be charges. I said to h

Booked dinner for 7 with family for my hubby's birthday. Service is not that good considering this is an upper end restaurant. We asked 紅燒肉，they gave us 花椒紅燒肉instead.Some 4 common dishes and 4 starter, taste average with one 冬瓜湯 and a fish. Bill came as $2500. Never go there again, such a rip off.

第1次去小南國, 1入到去, 感覺幾唔錯光猛得黎又幾grand咁環境幾舒服~一開頭ge前菜...醬油花生就麻麻地...花生太硬...但之後叫ge野食都好好食呀~~1) 皮蛋豆腐好有心機咁切到一片片, 好滑, 好香連平時唔食皮蛋ge我都忍唔到口!!全晚最正係佢呀~!!2) xo醬牛肉鬆+叉子燒餅又一正野~食過幾到ge叉子燒餅e到最gdgd, 入口係鬆化開ga!!xo醬一d都唔辣, 好香口3) 小籠包反而就一般左d個湯汁有點太油...個皮就幾靚ge4) 砂鍋雲吞雞特價野, 但一d都唔小野wor有差唔多半隻雞, 仲要有成10雙雲吞仲有d餡料好比心機整d白菜好幼細5) 豆沙如意糕個糕唔知用咩做...口感好鬆, 入口即融....唔係太甜, 岩岩好~成餐飯都好好食但係d服務就唔太得d侍應成日好似好忙好急咁但其實又唔算太多人, 好多野做咁wor有時叫左佢地加水, 行開左又唔記得咁最衰係我未食哂d野, 仲"but"緊ge時候佢同我收野lo雖然服務唔多得, 但為左d好味ge野食, 我會再去ga~~呵呵