小南國 (已結業)

小南國一直係我最鐘意既餐廳之一。是晚本來諗住去海港城食飯，但係由於太多車了，停車場full到嚇死人，所以兜下兜下就黎左呢度。 鴨舌 : 味道一般，勝在好腍，又細細條咁，可以連埋軟骨一啖食左佢。 燻魚 : 仍然係我既至愛 好夠味，唔會腥，而且絕大部分都係冇骨，有都係好少好少。有d餐廳既燻魚真係好得人驚，啖啖骨，大力少少咬都唔敢。 醉雞 : 雞質鮮嫩，可惜酒味唔太夠，北京樓既比較好。 清炒河蝦仁 : 同樣係至愛 好爽牙，鮮甜而且唔腥，加埋d醋，好好味。唔好睇佢細細粒咁，河蝦仁唔同一般既蝦仁，一定要細粒既先至係靚野，所以佢唔係呃人，如果隻蝦仁大粒到成隻海蝦咁，咁佢就真係搵笨 扣肉 ? ( sorry 唔記得左叫咩名 ) 唔係外婆紅燒肉，係另一種扣肉。屋企人都話好香好好味，但係我覺得冇乜味，可能因為我冇連埋d肥膏一齊食，佢地個個都將成舊肥膏食晒 自小對肥膏冇好感，所以咪搞我。 蒜蓉 '' 現 '' 菜 : 炒得好香，唔同其他酒樓既 '' 現 '' 菜，呢度既好爽，唔會腍謝謝。 椒鹽小黃魚 : 好好食，外面炸到好脆，但係入面既魚肉仍然好鮮嫩，又唔會腥。 蔥油拌麵 : 屋企人都話好香蔥味

晚上兩人來吃中菜，book了台，可坐小房，人不是太多。叫了：凍肉：朋友愛吃，我就一般，因我愛吃新鮮的肉。叉子鬆：肉分量很多，皮得四片，兩人吃不完D肉；肉有D乾身。小籠包：好香，皮很薄，汁亦多，但沒有穿皮。蟹粉賽螃蟹：好味道，蟹粉很多，蛋白很滑。但價錢貴！

5個女仔聚舊, 當然首要是坐得舒服! 其中一位成員提議這裡.環境:從門口行入店內沿路有多個獨立間開的area供一桌桌大枱用的. 不錯!但我們只有5個人, 所以被安排到店內靠窗的細枱, 枱與枱之間有足夠空間,所以坐得頗舒適! 食物方面: 我們order了一個4人套餐+一碟醉雞+一窩菜飯. 掛住傾, 沒有留意每道菜的名堂但好彩有影相!總括來說相中每道菜的味道都不錯. 另外還有沒有拍照的 :鴨(??)湯 : 味道一般, 小籠包 : 可能沒有趁熱吃, 所以麻麻地.菜飯 : 好味 桂花糖水 : 太甜, 不合格.價錢方面: 可說是中上價錢的上海菜. 茶錢要$12/位.服務方面: 以價錢和格調來說, 服務的態度和水平並不專業:我們發現吃到一半的那碟糖醋排骨的其中一件有一隻蚊飛了上去,我們告訴其中一個男侍應, 他只淡淡的說: "我知道", 然後施施然用筷子把那件排骨夾走了事.一句"對唔住" or "唔好意思"都冇講過!另外埋單的時候連"多謝" 也久奉. 有待改善!

同舊女朋友一聚,知道朋友喜歡飲wine,但餐牌上唯一啱心水嘅已冇,唯有靠那位女高級職員介紹,共介紹了三支,雖然仍不合心水,但仍接受意見選了一支,但竟然埋單時是六百多元一支,因wine list 上售價是ニ百多元至三百多元,由沙田食到呢間,給了我信心,但今次真有點被屈感覺,那位高級女職員從未表明那支酒價錢,自己又太有信心所致,但必定追究到底.說回食品,四川辣雞毫無辣味,比沙田那店相差很遠

本來諗住慶祝母親節，特登到尖咀吃上海菜，點知環境差：空間細，枱與枱距離近，一個字「迫」服務差：叫人來加茶，俾餐牌，要叫3-4次，仲要自己親身出去搵人來食物差：新派上海菜，淡味兼唔好食，小籠包吃一件後就唔想食多件， 雲吞雞湯淡而無味，最仲要是無得吃扁皮鴨，原來要預訂喎﹗失望。 醉雞酒味淡，切得好大件，竟然可以食淨。 東玻肉汁料怪，不相配，伴隨東玻肉嘅包件，太乾，難吞。價錢貴：如果好食的話，就唔會覺得貴。6人晚飯吃了$1000，已經無吃貴價野了。

第一次去小南國，上海湯包爆湯，燙了舌頭，但非常好吃。涼拌茄子也棒!蔥燒刺參夠味，明蝦更棒，連佐料都捨不得浪費，下次還要去。

生煎包: 皮脆多肉汁,好味, 好似淸真牛肉餅feel荵痳餅 : 皮脆芝麻香,包包又軟熟皮蛋豆腐 / 上海抄麵 / 小籠包: 不過不失小黃魚: 煋東坡肉: 不是透明肥膏 + 過火豬肉 洒讓小丸子: 不夠桂花香...仲有d水仙茶好香好正,不太濃,沖極都有茶味

一年一度既香港國際電影節又快開始了, 約了朋友到文化中心取節目手冊, 之後沿海旁行黎呢度食野~~吃了: 糖醋小排—凍冰冰既, D肉又鞋口, 麻麻地~~竹筍咸肉炒豆苗—呢個就超好食! D豆苗十分嫩綠, 又唔太油, 味道一流!薺菜豆腐羹—呢個味道都唔錯! 豆腐好滑~~不過朋友話好似師傅重左D~~椒鹽小黃花魚—不過不失, 十足家常小菜. 同我阿媽煎果D差唔多~~蟹粉小籠：熱辣辣既汁~~ 蟹粉味道都很濃~~讚啦~~不過我同朋友一致認為最好食都係碟菜~~

情人節同女朋友o黎食晚飯點左:1.蛋黃黃金蝦 - 一人一隻，d蛋黃好正，蝦都幾大隻，兩個人一睇餐牌都話要叫呢味2.蟹粉xxx - 唔多記得個名，俾幾塊類似食片皮鴨的薄餅皮，再"筆"一匙匙o既蟹粉響上面食，都好"漏"下3.腐皮小棠菜 - 一般野啦，志在叫個菜食下4.三鮮鍋貼 - 睇菜牌介紹，話有海參做餡，但咬開要好仔細先發現到，覺得同普通鍋貼冇乜分別環境幾好，雖然呢d節日加上星期日晚，但都唔覺迫，招呼都幾好，咁旺場d員工都好好禮貌

之前成日都有聽同事話去小南國食飯，但係自己就無去過。今次就同班同事一齊去試下。雲吞雞：唔錯，不過就少左d雞絲粉皮：okay la~生煎包：好味小籠包：no good，d皮好厚擔擔麵：一人都分到一碗仔，味道相當唔錯松子魚：好好味，但有朋友話太酸火腿扒津白：好普通既津白叉子燒餅：送粥一流花生蘇 & 合桃蘇：真係做到成粒花生同合桃咁，真係好別緻。而且，味道都唔錯

牛年既第一餐開工飯選擇豪D對自己好D黎到小南國,一路標榜住貴野相信都唔會差得去邊,今次係第2次食哩間分店既小南國!!!同事一行五人無特別野好想食,又唔知咩出名,所以就隨意order左好多點心,好多好多點心!!!生煎包係我覺得最好食既,煎得剛剛好,又唔油,D肉既量又o岩o岩好,有少少肉汁,又唔係太大粒,好o岩食!!!紅油抄手唔食得辣,只要唔係太辣我就會覺得好味,哩度既辣度剛剛好,加D芝麻都香口,好味~!!!X子鬆睇到賣相以為幾好就order,點知食落無咩特別,好似食緊D梳打餅包住D肉碎咁樣,只屬一般!!!小籠包黎到哩類食肆,小籠又點少得,乜小籠包唔係要皮薄架咩?哩度既小籠包好厚皮,同一般食既小籠包既皮好唔同,似生煎包o個種包既皮,唔算好食,但好彩熱食搭夠湯汁還可以~蘿蔔酥好食過一般酒樓既蘿蔔酥,幾鬆化,幾多涵,但一份得2個,太少太貴,唔值~素鵝對齎類興趣不大,點知又幾入味幾好食~!!!蔥油餅愛食蔥油餅既我,見到哩度既蔥油餅真係嚇親,一份一開八,有成塊面咁大,太厚身,唔夠蔥,但滿滿芝麻對我黎講加番少少分,但同事覺得麻麻~太大份,好易飽肚!!!上海年糕以為似小海粗炒,點知完全相反,只係用菜同

公司負責人 對 貴公司員工未能對顧客要求作出專業款待回應，而深感失望。望 貴公司能跟進此事，並能提升公司的服務質素。 本人在1月26日約8時15分與一班外國朋友到尖沙咀小南國用膳，在取枱時己向支客查詢有沒有近窗邊座位，當時支客表達沒有近窗邊座位，我的朋友便提出如過一會有近窗邊座位可否轉枱，支客說可以。 我與一班朋友便隨便坐了一張枱了，正在考慮揀選食物時，見另一張枱正在結單，所以再向支客提出可否轉枱，支客查核後說可以。 回到樓面時，向樓面服務員Exxc提出轉枱，當時Exxc只回應不可以，是支客弄錯了，但我們說支客說可以，但他仍說不可以，這時我們回到原本座位。 再過了一會，又有另一張枱結單，我再問Exxc可否轉那張枱，但他這時面部即時顯露不耐煩的樣子，並不好的語氣說：要看吓有沒有人，跟著沒有甚麼跟進。 再過了一會，有又一張枱結單，我便向了另一位服務員Hxxxxn提出可否轉枱，她只時冷淡回應，張枱有人預訂。 過了一段時間，聽見有服務員問那張枱有沒有人，有人回應沒有人，這時便知道這張枱是沒有如Hxxxxn說有人預訂。 到了結單後更見Exxc手指指呢!!!! 我們便

十個舊同事聚會，訂了枱食飯，不用等位。因女同事多，所以只叫了八人套餐菜卷: 比較新穎醉雞: 少酒味清炒河蝦仁: 蝦米size東坡肉: 夠惹味蒸魚斑腩: 賣相ok, 又有小許蒸蛋做底, 味道不錯酒釀丸子: 沒有酒味, 丸子有質感, 糖水比較甜環境和服務尚算不錯，如果有獨立房間或間隔會更好。

新學期又要開始，美食之旅亦然，首站就揀這間名氣不小的『小南國』吧。武夷大紅袍：爸爸很喜愛的茶，我就是第一次飲，茶香濃郁之余又帶著清甜的后勁，不錯。菌菇西洋菜湯：假期養成了餐前飲湯的習慣，可惜這款很差勁，是標準的味精湯，我只是把湯內的菌菇和青菜吃了就算。馬蘭頭香干：最喜愛的冷盤之一，馬蘭頭清爽新鮮，麻油香而不膩。糖醋小排骨：亦是逢吃上海菜必點的一道，小排十分入味，肉質不緊易入口，帶少許肥膏更出滋味；醬汁甜度適中亦不過分油膩，我覺得勝過『鷺鷺』出品。外婆紅燒肉：招牌菜式，可惜并無驚喜可言。肥膏呈晶狀自成一體，有些油膩，而且整體偏鹹。野生清炒河蝦仁：河蝦仁雖然細細粒，卻十分彈牙鮮嫩，適于口味偏清淡的人群，亦可幫助中和紅燒肉的肥膩。不過一定要趁熱食，不然就蝦仁就不鮮了。蟹粉豆腐：蟹粉夠少的，不過也算帶出了其鮮美；豆腐十分滑身且入味，但也要趁熱食才美味。蔥油拌麵：個人很喜歡蔥油的香純，可惜這里的出品豬油味有余，蔥香不足，多吃幾啖就覺得很油膩了。但麵身彈牙筋斗還是值得一讚的。蟹粉小籠：有驚喜的小籠包，端上枱時熱氣騰騰已令人胃口大增。皮算是薄，但重點非此；湯汁實在鮮美飽滿，又不過分肥膩，是半年來吃過

價錢唔平, 環境都唔錯, 但服務其差,侍應 hard sell 套餐, 我地唔要, 之後, 每叫一味菜, 佢都問「駛唔駛加大?」勁煩!!我地得 7 個人, 仲要係6女1男, 加咩大呀? 叫左幾道菜, 又問「要咩湯?」我地話唔要, 佢又問「要咩冷盤?」 sell 呢樣sell果樣, 煩到爆!!果碟龍井蝦仁, 真係離晒譜, 從未見過咁細隻既蝦仁!! 只係大過蝦米小小,而且一 d 龍井香味都冇, 咁既菜就成舊水!! 總結, 野食係好普通, 但咁既價錢 + 咁既service, 係好唔抵, 冇下次!!