小南國 (已結業)

商場新裝修之感覺很寛敞，有老人家就選擇左穩陣啲嘅小南國。女經理好友善，仲幫我地拍大合照，6人餐食物同價錢都好穩陣，啱晒全家大小不同要求同口味。冷盤比主菜精彩，小籠包味道好淡。

我們久不久都會有朋友聚會，昨晚又選了小南國在旺角的分店。因為之前已經幫襯多次，這次也不例外。約了一行三人在這裡晚餐聚會，這一次叫了套餐另外加炒年糕。星期六的晚上，所有的枱已被預約，我們約好6:30開始，8:00交枱。一入座冷氣很大，我們想換枱，但是被拒絕，原因是所有枱已經被預約。但是其他客仍然未來，為什麼不能換枱？經理給我們一個不合邏輯的解釋，零願把冷氣溫度調高。之後，食物的外表看起來合格，始終是美心集團出品。但是味道就不好，炒年糕的肉絲明顯有雪味。小籠包味道不新鮮，菜是菜心但是沒菜味。我們明白生意難做，但是7:50分就叫我們埋單，明顕地趕客。見周圍的客人都是遊客，瞬間明白了。這次也是最後一次的經驗，下次不會再來啦。

mum's comment for this restaurant:現在係小南角moko mall, 我們四個人他說只可叫一壷茶。 $20 一位， 冇選擇？ 我怕凉， 我家人要飲凉茶。The card doesn't even state only one tea pot per table......差差差 unacceptable Photo is attached :

呢晚成班親戚去咗小南國度食嘢，揀呢間都係因為比較就佢哋腳咋。呢度同好多中菜館一樣都係有啲要收費嘅餐前小菜，當晚就有辣菜脯同熟花生，正正常常咁。然後我哋就叫咗幾樣嘢，皮蛋拌豆腐切得平均，加埋蔥花同皮蛋睇落都唔錯。糖醋小排骨表面就蘸滿糖醋汁，食落酸酸甜甜咁。蔬菜沙律入面有青瓜、甘筍同車厘茄之類，同埋係用麻醬調味嘅，味道清清哋。灌湯生煎包個包嘅外皮比較厚身，中間嘅肉餡份量都算適中，湯汁係有不過就唔算多。

食品來説是可以，但服務態度真係非常差！先說食品來得快，尚有餘溫，好似放在廚房等左10分鐘才出枱。結賬時奇快，食到一半便被結賬，話因為下午快3點要落埸。老實講如果你快落場你就應該等我未坐底、未開茶前講啦！

今日下午二時半左右一家四口(2大2細)上到去，諗住見人少入去試下啦！一坐低個侍應就問我地飲咩茶，開完茶見佢$20一位茶錢，已經赤一赤😳，點知個侍應放低D茶同我地講，佢地3點鐘last order 😟，我望隻錶已經2:40，我話我地入黎時唔講，點解坐低開埋茶先講😤⋯⋯咁之後是旦叫左三碟野，諗住食完走，係我地等途中，有個經理話我地叫咁少夠唔夠，我地話你地3點要落場，是旦啦～D嘢食到左，食到一半，佢地就熄燈，只淨返我地張枱附近D燈😣，未食完，又話要埋數要先付款，都算～找完數後，連我地枱D燈都調暗埋😠😠，～咁即係想人走啫，我地依餐食左半小時，但係就一肚氣😡😡😡無下次😡

同事提議嚟呢度食晏，順便可以講吓公司是非嘛。百頁卷，細細粒，一啖一粒，係一個好食嘅前菜。用百頁卷住d菜，好開胃，又唔會食飽肚，百頁淡淡地，可以清下d味蕾。醉雞好香酒味，雞肉嫩滑。嚟小南國梗係要點小籠包啦，皮好薄，餡料鮮甜，而且湯汁十足，一籠有5隻，唔夠分每人2隻，我喺同事專心八卦嘅時候，成功夾咗2隻。炒年糕好煙靱，薺菜碎同年糕一齊炒，菜嘅味道加上淡味嘅年糕，好好味。看似細細碟，但係我們可能掛住講，都食唔哂。甜品當然是必食㗎啦！椰汁紫米紅豆小丸子，呢個一定要試。唔會太甜，有椰汁香味，小丸子又好煙靱，是一道出色嘅甜品。桂花糕同都是煙煙靱靱，中間有桂花蜜糖，好味！

4年前working holiday既組合今日又再岀現，兩個已婚，一個準備結婚，一個二個做哂中女，以前開口埋口食西餐，今日開口埋口要食中菜，歲月不饒人啊！小南國食上海野，梗係食小籠包，小籠包屬於合乎水準，皮薄，多汁，略嫌有點不夠熱，不過都係好食既到前菜喇！我地叫左皮蛋豆腐，豆腐好滑好香，皮蛋切細細粒易入口，但可能太細粒已經無左皮蛋既味道另一個前菜係秋葵木耳，好好食！真係好好食！不過可能有人會怕個汁因爲掂到秋葵既原故而好似好黏咁但我地就勁中意喇食上海野又點少得醉雞！不過呢個醉雞雖然味道好但點解件件雞都咁肥既熱食我地叫左個螞蟻上樹，就係一個包然後裝啲肉碎入去，無乜特別亦無話好好食，不過下次可以唔洗嗌嚕薺菜椰菜花！呢個要比10個讚！好好食！原來呢個組合可以咁好味！主食我地叫左擔擔麵，炒粉絲正常無乜特別，粉絲入面既肉碎無乜味，配螞蟻上樹既肉碎食就啱哂喇最後叫左幾款甜品，但我無乜興趣，唯一好食既係香蕉豆沙餅總括而言係仍然可以再泥食其他菜式既！

同4位知己再次幫襯,上次試九龍灣分店,今次試旺角都好好味,所有餸只差個蛋白炸菜飯差些,其他推介:黑木耳+秋葵,黑木耳+豆+似海棉0既try+小籠包,雜菌黑木耳煲,送無炸過0既前菜花生,烏龍茶-好味+有食剩,新世紀分店,間格很好,分隔左隔離枱,我同班朋友可自成一角!

小南國是一間上海菜館，裝潢都算淡雅。Moko分店很方便，出旺角火車站moko商場出口，坐電梯便可直上餐館。雖然招牌小籠包做得時好時壞，有時皮薄，包內湯水滿溢，有時包上枱時已全乾，包內的湯水早已全溜出包外。😅但我喜歡它的小黃魚。黃魚炸得金黃，皮脆肉嫩，味清甜。要了2條小黃魚不到一百元，價錢合理。另一個必叫的點心是煎餃子，每次都做得很好。餃子皮薄，底層煎得少許金黃，咬一口肉汁便會濺出來，記得小心燙嘴😀

今日黎到小南國食午餐，雖然食物有點偏貴，但都叫好食，如果價錢同食物再正比點會更好！一其叫左五道菜，上湯時蔬就叫左菜心，菜心好甜但無任何特色，同個湯好似滾水咁淡！「香菇素菜包」超好食，包皮夠薄，餡超多，菜夾有香菇，素得黎又好香菌味，一流！😍「外婆紅燒肉」仲汁甜味適中，同有少少藥材味的茶樹菇好夾，甘甜夾雜！但肉如果入味少少會更好！「雞絲粉皮」同「醉雞」就好一般，略嫌雞肉唔夠滑，同師傅刀工要改善，好多碎骨！

第二次食小南國，第一次係係Megabox食，覺得唔好食，之後就無再去過！今次係因為阿哥叫食一年一度團年飯，佢揀既，所以無say no！3個人，叫左10樣野，當然有好食有唔好食！好食既有～1.秋葵木耳（個汁好味）～2.生煎包（個底夠濃好香口）～3.雞絲粉皮（個人中意食麻醬）～中間位置既有～4.冷盤豆腐（唔記得叫咩名，個汁同豆腐都係無咩味）～唔好食既有～5.小籠包，6.蟹粉小籠包（唔知點解肉汁有陣“穌”味，似係唔新鮮）～7.擔擔麵（完全無花生醬，似麻辣面多啲）～8.黑松露炒飯（啲飯炒到一舊舊，同埋硬心飯）～9.桂花蜜拉糕（膠膠地，味假）～10.酒釀丸子（先唔講有條魚骨係入面，好酸）P.S. 發現魚骨都無call店員係因為朋友撈清楚無其他異物話算數我想call的！另外，book左8點台，7：45分到，通知完都要等到8：15先有台，仲要入左去最入個間房，當然係叫天不應，叫地不聞啦如果再有朋友提去小南國，我一定會say no!

同鐘意嘅人一齊食飯永遠係最開心！如果D嘢又剛好合胃口，更加冇嘢好講！幸福就係咁簡單！好耐冇食過小南國，嚟開花墟，於是嚟呢度食埋飯！醉雞好入味！酒香但食落冇乜好重酒味！雞肉實，但唔「鞋」叫咗兩件蟹粉小籠包。冇影相。不過真係唔建議大家食！唔抵唔係咁好食！普通小龍包一定好食D！東坡肉，ok D汁效濃，不是我杯茶！麻婆豆腐，好有中華料理feel！豆腐好滑，送飯一流入！可惜，呢個我就覺得唔夠辢！呢個黑松露河蝦，冇得輸！我覺得清炒河蝦太清淡，反過來，呢個黑松露河蝦剛剛好！唔太濃，但好香好吸引！桂花小圓子同八寶飯我都覺得好好食！桂花味夠濃，八寶飯煙韌仲有椰奶香！真心好食！不過。。。事實上呢兩個甜品好似晤係好多人鐘意！比較小眾一點！

星期六晏晝都算唔多人但係唔知點解覺得呢度啲空氣唔係咁流通坐坐吓都有啲局叫咗三碟小菜叫左個醉雞海蜇海蜇嘅麻油香味幾重但質感同平時食開嘅海蜇有少少唔同呢個係比較硬身同埋脆口個醉雞好香酒味而且啲雞好滑呢個網煎餃子入邊嘅餡料味道唔錯唯獨個皮厚左少少但係煎起來幾好味個炒河蝦仁質感都好爽啲蝦比較細隻咗少少同埋啲青豆好似冇乜炒過咁但味道係可以嘅

星期六夜晚九點幾來 估唔到都仲係人山人海等左五分鐘就入咗座坐低無耐侍應就俾個小食我哋2人一碟收費$20好肚餓關係好快揀咗嘢食啦小食揀咗個鍋貼 生煎包同小籠包整體我覺得比較油同吾夠熱😂吾知係咪比較近收工時間味道係好既 配合埋個醋食 好開胃全餐最夠熱就係雲吞雞湯 飲落辣口湯底好清甜味 仲真係有埋雞肉食雲吞粉皮較厚但係個饀都超大主菜揀咗個招牌送外婆紅燒肉豬肉一層肥一層瘦 食入口半溶嘅口感正美中不足係唔夠熱換新想叫個白飯撈嚟食點知連白飯都賣晒 就叫咗個揚州雞火煮乾絲個面一定要連湯一齊食湯汁好鮮面身煮得好冧好軟中間微微食到薑絲 有種暖胃嘅感覺全晚以香蕉豆沙鍋餅作結紅豆蓉吾太甜 餅身夠薄脆 食食下有淡淡香蕉味流出 對於中意食香蕉既我好吸引