小城大廚

營業中

休息中

今日叫外賣叫咗個醬皇鳳爪同個蒸飯。個鳯爪未打開個盒已經聞到一陣怪味。初頭以為自己聞錯。點知，一打開個盒傳出勁臭變壞味。個陣味係勁大，佢蒸個陣無可能聞唔到，但佢都照出俾客人，明顯博客人外賣唔會打開個客聞先出。勁有問題！

地址－小城大廚觀塘成業街19-21 號成業工業大廈地下3號舖💋南乳溫公齋煲，呢個煲上菜時見到個煲勁大，我地都嘩左一聲，侍應一打開蓋就聞到好香的南乳味噗鼻而來，令人食慾大增，佢D齋無論款式定份量都勁足料，佢D配料有茄子，支竹，白菜仔同粉絲等，全部都勁索汁，用黎送飯簡直一流，正。💋支竹火腩白鱔煲，呢個煲同樣都係勁足料，佢D鱔肉質爽口彈牙，食落冇腥味，冇乜細骨，勁滿足，佢連D墊底嘅白蘿蔔都勁入味，而且食落冇渣，佢D火腩食落唔會話太鹹，唔會搶左D醬汁的味道，幾好。💋椒鹽豬排，佢D豬扒算幾厚切，食落唔嚡口，佢仲配埋D椒鹽粉同埋喼汁比我地蘸黎食，食落帶一點酸甜味，味道層次豐富，而佢最抵的地方係數量唔少，又幫你切好一條條，可以方便我地優雅咁食。人均價格－ hkd 200~210 (Dinner)

最近在觀塘搵到一份稱心的工作，亦揾到一間如意的飯堂。某日望見公司對面停車場出口燈箱上寫着《小城大厨》幷稱有米之蓮師傅到場指導。地址：成業街19至21號成業工業大廈地下3號鋪。午飯時候搵咗過去因為要穿過大厦大堂兩度門，有啲難搵，但係入去坐係度都幾舒服，大堂寬敞明亮，枱櫈幹淨清潔冇咗街邊的塵埃嘈雜，食起嘢來心情都吾一樣。我叫左一個蒸魚飯：鯇魚新鮮香甜先係46蚊抵食好味，飯餐跟熱飲還送中湯，隔離枱叫左個香煎黃花魚，亦都係50蚊超級抵食。值得一讚嘅係：呢度啲員工熱情有禮貌，我寫食評係因為早幾日隔離枱有個先生叫左一碗胡椒豬肚湯飯，但係食咗幾啖就冇再食啦，好無奈咁坐左10幾分鐘，正想離開，有個女服務員過去詢問，先生話胡椒太辣食唔倒，又差唔多夠鐘返工啊，女服務員話唔食嘢點够精神做野呀！叫先生先等一陣，後來免費送左一碗猪軟骨飯俾先生。先生當然好感謝啦，我作為旁觀者亦都好感動。至此我就認定咗佢係我自己個飯堂返工必到食

❤️觀塘·小城大廚❤️點解今次揀呢間位於觀塘嘅食店？適逢屋企人生日 想食返啲客家菜睇返啲資料原來有位米芝蓮大廚坐陣但唔係咁好彩係當晚去食佢請假🥲😂❇️當天屋企人生日切蛋糕🎂冇切餅費之餘多數食店都要自己準備eg.偷偷地拎出嚟插蠟燭🕯️俾驚喜係我糾結緊諗咩藉口行開去整✨有位店員主動幫我搞掂咗 拎埋過嚟上枱非常好服務👍🏻👍🏻細節位盡顯人情味❤️而且所有啫啫都好有禮貌🙏🏻💯🌈炸子雞半隻 $130真係做到外皮夠脆 雞肉夠嫩滑最怕食雞肉太鞋又韌油份幾足夠而且鹹味適中 好送飯🌈客家鹽水雞 例$108大大碟份量都好夠 雖然有少少多肥位但都幾好食 啲汁好濃郁少少甘仲有啲入晒味嘅花生🥜拌碟 Nice😉🌈客家蠔仔餅 $108分到6-8件 人人都覺得唔錯 脆香外邊蛋味夠香 加埋啲蠔仔啖啖都食到如果可以再厚返少少會更好🌈客家蒸釀豆腐 $108呢個少少失望 唔係好食到係客家菜味道似屋企呀媽煮餸嘅味道係嫩豆腐上釀咗魚肉再配幾條菜心以呢個價格嚟講略貴🌈小炒皇 $128非常香口又惹味 仲有啲脆脆魚乾又有蝦乾/魷魚🦑/韭菜/腰果有菜又有海鮮又有堅果🌰🌈金銀蛋時蔬 $88幾大份量一碗 滿滿蛋白仲有皮蛋菜好夠多 仲有啲菇菌類配搭🌈七彩

今日陪媽咪整完passport之後就係附近搵嘢食，就返媽咪嘅口味就要搵返啲中菜比佢食，見到呢間位於觀塘工廈入面新開嘅餐廳，一於就決定試試😁💗七彩菠蘿咕嚕肉醬汁調味調得好好，酸酸甜甜送飯一流，咕嚕肉係無骨啖啖肉，有成十幾舊好抵食，夾極都仲有咁😍💗金銀蛋時蔬 （白菜仔）時蔬有好多款揀，基本上你諗到嘅菜都有，媽咪最鍾意食白菜仔，金銀蛋煮白菜仔好清甜，清清地啱晒媽咪口味💗馳名客家鹹香雞（半隻)半隻雞份量都好多，我哋兩個人都差啲食啱晒，鹹香雞肉質嫩滑，雞下面仲鋪滿自家製咸菜，好好食😋佢哋嘅蔥油配埋鹹香雞更加帶出雞嘅鮮味，值得叫嚟試吓！💗懷舊豬油砵仔飯好耐無食過豬油撈飯，雖然好heavy但真係好惹味，配埋熱辣辣嘅砵仔，食完個身暖笠笠！ 💗金銀蒜蓉粉絲蒸蟶子蟶子好夠新鮮無沙，蒜蓉嘅份量都好足夠，啱晒我呢啲重口味人士🤣💗淮杞螺頭烏雞燉花膠 媽咪平時都好鍾意飲湯，呢個燉湯佢都好滿意，湯料好多有螺頭、雞肉、豬肉同埋花膠，味道清甜好養生，一人一盅就啱晒啦😋😋 小城大廚 (觀塘)觀塘成業街19-21 號成業工業大廈地下3號舖

觀塘見完客肚餓仔，於是係附近搵食。呢間「小城大廚」位於觀塘成業工業大廈，目測環境寬敞，不少大圓枱，適合家庭、好友及公司員工聚餐，另設有廂房。餐廳主打足料燉湯、招牌小炒；亦有各款海鮮、火鍋等；更有米芝連廚師推薦正宗客家名菜等。咁啱呢排覺得個人比較dry ，正想飲番個湯滋潤一下，所以決定一試。《淮𣏌螺頭烏雞燉花膠》（$48/位）燉湯可見足料，有花膠、烏雞、雞腳、螺頭、淮山、龍眼肉及杞子等。《椒鹽大虎蝦》（$38/隻）虎蝦大隻肉厚，以椒鹽爆炒較香口惹味。《蜜汁鱔球》（$138）鱔球大大件肉厚，先上粉炸香，再加上蜜汁。設有茶芥、晚市免加一、早一日預定可享全單九折。

🚇觀塘工廈🏭有唔少美食，今晚就來咗呢間有米芝蓮👍廚師👨‍🍳坐鎮嘅💰抵食中菜🥢館「小城大廚」食晚餐。入面地方好大🤩，而且仲有包廂☺️，一家大細👨‍👩‍👧‍👦或者成班朋友🥳一齊來就啱晒。沙嗲粉絲🍜肥牛煲🍲火候十足，沙嗲味道🤤香濃。重點係佢👍幾乾身入味😋，唔會太油太多沙嗲醬，有少少🤏粆粉絲嘅感覺。欖角🍯蜜餞一字骨🍖入口香甜🥰中帶點點🤏欖角微酸，感覺好開胃🤤。一字骨🍖咬落去十分鬆軟，餸飯🍚應該好啱！魚籽醬🍤蝦多士🍞係餐廳🥢推介之一。多士🍞炸得香脆，🍤蝦肉爽口鮮味😋，加上頂部矜貴嘅魚籽醬⚫️咸香十足，入口層次豐富👍好好食！椒鹽手釣🎣大尾魷🦑十分之鮮味😍，椒鹽咸香好味又夠多炸蒜🧄。避風塘茄子🍆份量超大🤩，外皮好香脆惹味🤤，入面嘅茄子🍆好腍滑，而且唔會好油膩，值得👍推介！

今晚接朋友放工，帶了我去公司附近的小菜館食晚飯，，這裏有多款小食選擇，包括海鮮、客家菜、滷味等。蟹粉扒生菜生菜翠綠，表面舖滿了蟹肉及少許蟹膏，令生菜多了點海鮮鮮味。欖角蜜餞一字骨一字骨炸至金黃，表面淋上欖角蜜糖汁，一字骨肉質嫩腍，帶點蜜糖甜香，十分惹味。金銀蒜蓉粉絲蒸蟶子蟶子洗得乾淨，而且完全無沙，表面舖上蒜蓉，蒸出來的鮮味又被墊在底下的粉絲吸收了，蟶子爽彈。客家蒸釀豆腐豆腐既有豆香而且嫩滑，表面釀入了豬肉及蝦米，令豆腐更有特色。

網購完喺附近自提 拎完都7點幾就順便食埋飯見呢間新新地嘅小菜館都幾多人讚一於試下呢度免加一 不過留意番淨係收現金見佢餐牌有一系列米之連廚師推介 本身想試下點知大部分都要預訂先有 唯有點其他小菜啦欖角蜜餞一字骨呢個比較少食到 原來欖角煮豬肉類係咁夾落左麥芽糖甜甜地幾好食 蜜椒金薯安格斯牛柳粒牛柳粒就固然好食啦 煮得啱啱好唔怕韌炸過嘅薯仔粒外脆內軟 紅黃椒本身又夠甜成道菜都係會食唔停口嗰種魚香茄子煲夠晒惹味送飯一流 不過略嫌油咗少少鮑汁雞腳平時飲茶先會食 炆得好軟腍好入味仲有豐富膠質 可以補一補骨膠原上湯浸白菜仔食左咁多油膩野就叫個清淡啲嘅菜朋友話好欣賞佢啲炸蒜頭要我讚下😂埋單唔洗500 平平地又地道嘅港式風味好過去大排檔啦

今去左工廈食間中菜，呢度晚市唔使加一都幾抵食，提早一日預訂仲有九折，啱晒同屋企人黎食。✨淮杞螺頭烏雞燉花海參：個湯超熱，入面超多料，烏雞，螺頭，海參，龍眼，杞子。 個湯好甜味道好濃，飲得出無味精。✨馳名客家鹹香雞：色澤幾靚個黃油，個雞食落幾有油香嫩滑又唔會太肥。✨薑蔥台山蠔煲：個蠔好肥味鮮味，加埋個薑蔥好香，送飯一流。 個蠔有七隻，入面仲有隻jumbo size.✨金銀蛋時蔬：估唔到個呢湯係幾好味，好濃郁， 菜心好腍甜，皮蛋咸蛋粒粒分明。✨燒乳鴿：上枱熱辣辣, 皮脆肉嫩，不過有d 唔夠喉。

今日去觀塘食飯，行到嚟海濱附近嘅位置好多工業大廈隱藏咗好多美食，咁啱同男朋友都想食中菜，所以搵到呢間有少少隱蔽嘅小菜館。 餐牌嘅選擇多，好多熱門香港人會食嘅小菜都可以喺度食到。《紅燒乳鴿》$48乳鴿好食！皮薄餡靚，夠脆口，而且肉唔會乾身，仲食到有肉汁，而且唔蘇，唔錯！《椒鹽鱔球》$138椒鹽鮮魷九肚魚就食得多但係鱔球真係第一次食！好厚肉，炸粉不厚仲炸得脆口，好好味！椒鹽做得夠香。《鮮沙薑陳皮蒸雞》$128之前食過砂礓煎雞已經覺得好好味，竟然喺呢度俾我再遇到呢個菜式，而又做得出色，煎雞係用雞扒肉，所以比較滑，唔會好鞋，而且煎得勁香，沙薑味出！《鹹魚雞粒炒飯》$88呢個雞粒炒飯不過不失，鹹魚味唔算好濃，但係勝在雞粒夠多，炒飯唔會好濕，啱啱好，其實都非常好味。《花膠湯》$48呢個湯冇落味精，好自然嘅鮮甜味！而且非常足料，真係勁抵飲。總括嚟講，點嘅每一樣菜式我哋都好滿意而且價錢真係唔貴，下次經過觀塘一定會再嚟。

「禾是窮鬼whita 醉愛買抵野」🛖小城大廚📍觀塘成業街19-21 號成業工業大廈地下3號舖性價比:🐘🐘🐘🐘/5(窮鬼表示下次夏天去可以嘆住冷氣食大排檔😋 )工業區裏面嘅餐廳通常都比較隱世～今次搵到呢間喺工業大廈地下嘅大排檔😜1.蜜椒金薯安格斯牛柳粒同一般餐廳唔同，呢問薯仔係比較軟身，外皮唔係香脆個種😝不過反而有另外一種口感～又幾得意💗2. 七彩菠蘿咕嚕肉身為咕嚕肉愛好者！呢個一定係中上🤤隻醬唔會太酸唔會太甜～咕嚕肉炸到好香脆😋3.沙嗲粉絲肥牛煲呢個真係有驚喜🤩好濃嘅沙嗲味🥳連我唔鍾意食芽菜，都覺得連芽菜都好好味，唔係好食到芽菜本身隻味🙈啖啖都係沙嗲味😍

-🔸上湯時蔬 $98🔸欖角蜜餞一字骨 $88🔸瑤柱肉碎蒸水蛋 $98🔸柱侯蘿蔔牛筋腩煲 $98🔸頭抽安格斯牛炒飯 $108-收工約咗屋企人喺觀塘食晚飯，見依間工廈裡面地下嘅一間中餐廳幾多人食，就試一試～叫咗幾個小菜，質素都好唔錯👍🏻上湯時蔬有幾款菜揀，我就揀咗最鍾意食嘅菜苗，非常鮮甜。欖角蜜餞一字骨係爸爸話好少見，調味好特別，一字骨好多肉唔會只得骨，正！蒸水蛋係細妹至愛，即叫即蒸好熱辣辣，火喉啱啱好好水嫩💯 牛筋腩煲係媽咪揀，牛筋腩炆得好稔同好入味！我哋冇叫白飯，揀咗安格斯牛炒飯配餸食，炒飯炒得夠乾身，粒粒分明，牛肉粒食到牛味，超出預期咁好味喎！

雖然過咗新十五，但終於約齊飯腳食個開年飯，注觀塘扮工友人提議到呢度開餐店內面積都唔細，有卡座亦有大圓枱，仲有獨立房間。主要係廣東菜，亦有火鍋選擇。歡喜食紅燒乳鴿 ($48)，若果價錢合理都會叫返隻當前菜咁食住先。鴿身係細碼，熱辣辣皮脆，肉唔算好多但都夠止吓癮，留肚食主菜。呢度仲提供客家菜選擇叫咗馳名客家鹹香鷄 ($130/半隻)試下，另設蔥油。見到隻鷄肶就知隻鷄唔係大隻，通常做得呢D客家鷄，都係咁上下體積。皮下唔算多肥膏，唔食皮嘅亦可輕易撕走。鷄肉算幾嫩身，食到咸香味，唔點蔥油都可以。底部有咸菜，唔太咸，用黎夾住鷄肉食有另一種食法同味道。呢客薑蔥爆豬雜煲 ($108)，都唔知幾耐未食過，因為唔係好多酒家仲有供應因唔食豬腸，落單時就要求走腸。變成豬雜成員有心，潤，腰同肚，加任大量薑蔥，入口無異味，只有薑蔥嘅香味。通常都係豉汁蒸，屋企都煮到，今晚改叫蜜汁鱔球 ($138)，成碟圓碌碌，顏色吸引。鱔肉無沾粉漿，走走油後皮嘅部份變得脆身咗，啖啖肉加上蜜汁嘅香甜味，用黎送飯絶無問題。唔知點解新春菜就聯想到要有豆苗，可能春天就由苗開始。除咗鷄油炒，仲可以蒜蓉炒豆苗 ($78)。份量都幾夠夾，蒜蓉香

今日收工後約咗朋友一齊食晚餐，傾傾吓佢就推介觀塘有一間餐廳好好食😋今晚同朋友就去呢間『小城大廚』食飯🥳餐廳位於成業街成業工業大廈地下，地點都算好方便，地鐵站行過去大約10分鐘左右👍🏻當晚去到剛好仲有張細枱比我哋，坐低開咗壺普洱茶，睇睇餐牌，除了小炒之外，原來仲有海鮮食😻於是叫咗兩款海鮮😋金銀蒜蓉粉絲蒸大蟶子，一上枱見到隻蟶子好大隻，蒸嘅時間剛剛好，金銀蒜蓉調味又正👍🏻蟶子食落好新鮮彈牙，真係好好味😋椒鹽海生蝦🦐份量都唔少，香氣撲鼻，海蝦味道新鮮彈牙😋用椒鹽整超級惹味🥰招牌小炒王炒得非常出色👍🏻內有韭菜、 蝦仁、蝦乾、魷魚、銀魚仔、仲有腰果，Mix 埋炒咗一碟好味嘅小炒王，真係好食到唔停口😋蜜椒金薯炒安格斯牛柳粒🥔薯仔香脆配上黑椒同蜜糖🍯口感外脆內軟，仲有紅椒黃椒做配菜，當然唔少得主角安格斯牛柳粒啦😻牛柳粒火喉剛剛好唔韌又有口感😋蠔仔肉碎湯飯好大煲🦪啲蠔都好大隻，湯底仲好鮮甜👍🏻我哋7點幾嚟到，餐廳已經坐爆曬😻職員介紹話佢哋嘅客家菜都好出色😋下次約埋屋企人再嚟食😻海鮮嘅價錢真心抵食，仲好新鮮👍🏻『小城大廚』食物好出色😋價錢仲好親民👍🏻推介大家嚟食😘