小城大廚

營業中

休息中

-🔸上湯時蔬 $98🔸欖角蜜餞一字骨 $88🔸瑤柱肉碎蒸水蛋 $98🔸柱侯蘿蔔牛筋腩煲 $98🔸頭抽安格斯牛炒飯 $108-收工約咗屋企人喺觀塘食晚飯，見依間工廈裡面地下嘅一間中餐廳幾多人食，就試一試～叫咗幾個小菜，質素都好唔錯👍🏻上湯時蔬有幾款菜揀，我就揀咗最鍾意食嘅菜苗，非常鮮甜。欖角蜜餞一字骨係爸爸話好少見，調味好特別，一字骨好多肉唔會只得骨，正！蒸水蛋係細妹至愛，即叫即蒸好熱辣辣，火喉啱啱好好水嫩💯 牛筋腩煲係媽咪揀，牛筋腩炆得好稔同好入味！我哋冇叫白飯，揀咗安格斯牛炒飯配餸食，炒飯炒得夠乾身，粒粒分明，牛肉粒食到牛味，超出預期咁好味喎！

雖然過咗新十五，但終於約齊飯腳食個開年飯，注觀塘扮工友人提議到呢度開餐店內面積都唔細，有卡座亦有大圓枱，仲有獨立房間。主要係廣東菜，亦有火鍋選擇。歡喜食紅燒乳鴿 ($48)，若果價錢合理都會叫返隻當前菜咁食住先。鴿身係細碼，熱辣辣皮脆，肉唔算好多但都夠止吓癮，留肚食主菜。呢度仲提供客家菜選擇叫咗馳名客家鹹香鷄 ($130/半隻)試下，另設蔥油。見到隻鷄肶就知隻鷄唔係大隻，通常做得呢D客家鷄，都係咁上下體積。皮下唔算多肥膏，唔食皮嘅亦可輕易撕走。鷄肉算幾嫩身，食到咸香味，唔點蔥油都可以。底部有咸菜，唔太咸，用黎夾住鷄肉食有另一種食法同味道。呢客薑蔥爆豬雜煲 ($108)，都唔知幾耐未食過，因為唔係好多酒家仲有供應因唔食豬腸，落單時就要求走腸。變成豬雜成員有心，潤，腰同肚，加任大量薑蔥，入口無異味，只有薑蔥嘅香味。通常都係豉汁蒸，屋企都煮到，今晚改叫蜜汁鱔球 ($138)，成碟圓碌碌，顏色吸引。鱔肉無沾粉漿，走走油後皮嘅部份變得脆身咗，啖啖肉加上蜜汁嘅香甜味，用黎送飯絶無問題。唔知點解新春菜就聯想到要有豆苗，可能春天就由苗開始。除咗鷄油炒，仲可以蒜蓉炒豆苗 ($78)。份量都幾夠夾，蒜蓉香

今日收工後約咗朋友一齊食晚餐，傾傾吓佢就推介觀塘有一間餐廳好好食😋今晚同朋友就去呢間『小城大廚』食飯🥳餐廳位於成業街成業工業大廈地下，地點都算好方便，地鐵站行過去大約10分鐘左右👍🏻當晚去到剛好仲有張細枱比我哋，坐低開咗壺普洱茶，睇睇餐牌，除了小炒之外，原來仲有海鮮食😻於是叫咗兩款海鮮😋金銀蒜蓉粉絲蒸大蟶子，一上枱見到隻蟶子好大隻，蒸嘅時間剛剛好，金銀蒜蓉調味又正👍🏻蟶子食落好新鮮彈牙，真係好好味😋椒鹽海生蝦🦐份量都唔少，香氣撲鼻，海蝦味道新鮮彈牙😋用椒鹽整超級惹味🥰招牌小炒王炒得非常出色👍🏻內有韭菜、 蝦仁、蝦乾、魷魚、銀魚仔、仲有腰果，Mix 埋炒咗一碟好味嘅小炒王，真係好食到唔停口😋蜜椒金薯炒安格斯牛柳粒🥔薯仔香脆配上黑椒同蜜糖🍯口感外脆內軟，仲有紅椒黃椒做配菜，當然唔少得主角安格斯牛柳粒啦😻牛柳粒火喉剛剛好唔韌又有口感😋蠔仔肉碎湯飯好大煲🦪啲蠔都好大隻，湯底仲好鮮甜👍🏻我哋7點幾嚟到，餐廳已經坐爆曬😻職員介紹話佢哋嘅客家菜都好出色😋下次約埋屋企人再嚟食😻海鮮嘅價錢真心抵食，仲好新鮮👍🏻『小城大廚』食物好出色😋價錢仲好親民👍🏻推介大家嚟食😘

小城大厨（ 觀塘）今日夜晚返嚟觀塘覓食，觀塘餐廳眾多，今日就嚟到呢間隱世工業大廈食下飯。呢度食物嘅種類多元化， 有大排檔小炒、惹味煲仔菜、正宗客家菜，海鮮和火鍋，真係應有盡有，必定有一款啱你😀！1椒鹽鲜魷$128椒鹽鲜魷好惹味，份量多。鮮魷新鮮，口感爽口彈牙。炸皮薄薄一層，非常香脆。加上面頭灑滿椒鹽，食落份外香口。2 蜜汁鱔頭$138鱔肉好滑，帶點爽口。炸過嘅鱔球沾上蜜糖汁仍然脆口，甜甜地，非常正，老公大讚好味！3當紅炸子雞半隻$108炸子雞炸到外皮金黃色，雞皮香脆，充滿油脂感。雞肉嫩滑，多肉又juicy。4咸魚雞粒炒飯$88炒飯好乾爽，裏面有菜、雞粒、鹹魚同蛋絲等材料，使用少少材料已經令炒飯味道出色香口。

昨日三五知己相約觀塘。正當肚餓的時候遇見一間名叫《小城大厨》的餐廳，姐妹們提議去嘗下是否大厨的手藝，因為係晚上7時多，工厦正門己落閘要從正門側停車埸入去。《小城大厨》廳面都算大，整潔，明亮。入門有位年輕漂亮的美女帶位。(後來聽講係空姐呢！因為疫情轉行的)我們四人點咗四個菜，厨藝的確唔錯，色，香，味都好，尤其係客家蚝仔飯：清香可口！我食細先記起拍照，還有客家梅菜扣肉煲：肥而不膩！客家咸鷄，客家蚝餅好好味，食細忘記影低。因為我們係客家人所以全點客家菜。呢餐個胃俾大厨98分。埋單6百蚊有找。的確低食。我們約咗下星期五再來食其他小炒廣東菜！因為提前訂位有九折！記下地址先：觀塘成業街19至21號成業工業大厦地下3號舖。再會可期

收到朋友仔報料，話觀塘區有間好正既大排檔小菜叫我去試下😂作為觀塘人既我，梗係要去試下🤭個位雖然有小小隱蔽，但都好多人幫襯，好彩我同男朋友6點就去到，好彩有得坐卡位，去到7點已經滿座咁濟😂佢環境好企理，好乾淨，空間又大，枱與枱既距離好夠，加上呢度既客人都好斯文，所以無大排檔味陣超嘈既感覺，我好鍾意🤩食物都好有質素，份量又大，價錢都係正常價錢，幾抵食！👍🏻✅菠蘿咕嚕大蝦球 ($108)呢個我好鍾意😍本身我好鍾意食咕嚕肉，但配大蝦球我就第一次試😂佢個汁好好味，大蝦球外皮又炸得夠脆，蝦肉又大粒爽口！好正！🤤✅避風塘茄子 ($88)呢個都係超級正，炸得好脆，外皮唔會食到好粉既感覺，口感好好。🤪佢個避風塘味好香口，茄子又夠鮮，推介！✅麻婆豆腐煲 ($88)雖然係叫麻婆豆腐煲，但就無煲咁上枱😂不過唔緊要，最緊要係好食！豆腐好滑，加上爽口既豬肉粒，好正。👍🏻個汁都做得唔錯，不過我覺得個辣味可以再突出小小。整體都唔錯！🤩✅金銀蛋時蔬 ($88)我地叫左配小白菜，菜好新鮮👍🏻蛋白好滑，好夠蛋味。鹹蛋皮蛋都好好食😁調味做得好好，唔會好鹹。✅懷舊豬油砵仔飯 ($15)個飯係超有飯香味，豬油就自己仼加，好香😝

小城大廚 (觀塘)觀塘成業街19-21 號成業工業大廈地下3號舖觀塘多嘢食就出曬名啊！今晚同朋友去食私房菜，小城大廚。米芝蓮大廚坐鎮，味道有保證。懷舊與創新結合於一身。服務態度超級好。芝士焗西澳龍蝦伊麵（約一斤重）$328份量超級大份，龍蝦肉好厚、味道好新鮮，你會感受到有彈牙嘅感覺。小編好鍾意食芝士，用芝士去焗龍蝦，味道真係好正！ 最欣賞係龍蝦肉多，而不是只有龍蝦殼！依方面價錢絕對值得比。🦑椒鹽手釣大尾魷魚 $108新鮮炸起，新鮮送上，啱晒今日天氣凍食。份量適中，但魷魚都唔吝嗇，絕對係大件。聽起椒鹽，大家會諗到好油，但今次絕對唔會油琳琳，亦都唔會食兩三件，就要狂飲水。絕對欣賞廚師的功力。🥘沙嗲粉絲肥牛煲 $98份量多到同朋友呆企係到！小編係粉絲控，粉絲好入味，熱辣辣，啱晒送飯食啦。肥牛超級多，唔會韌，幾爽口。小編同朋友食極都仲有，食到讚不絕口，啱晒肚餓嘅男士去食。總括嚟講絕對建議大家去依間私房菜，價錢絕對值回票價。份量超級大，啱晒肚餓嘅人士。地點⭐️⭐️⭐️⭐️味道⭐️⭐️⭐️⭐️⭐️環境⭐️⭐️⭐️⭐️⭐️服務態度⭐️⭐️⭐️⭐️（5星為最高分）

「小城大廚」名付其實係一間位於唔顯眼嘅地方，但有出色既大廚✨，餐廳有地道大排檔菜色，仲有鹵水及火鍋🍲，款式多樣化，而且各款小菜夠鑊氣，非常好味😋。粟米🌽魚塊 $88每款魚塊炸得金黃香脆，外層夠脆，肉質嫩滑，配合粟米汁，配白飯啱曬。🍚豉汁蒸黃立倉🐠 $108從魚缸即叫即撈起既新鮮黃立倉，蒸既時間剛剛好，魚肉新鮮嫩滑，豉汁唔會太咸剛剛好，十分抵食好味。柚子蜜棧蝦球🦐$108每一個蝦球都夠曬份量，大大隻蝦球爽口彈牙，配埋柚子醬，酸酸甜甜，開胃好味。海味粉絲雜菜煲🥬 $98魷魚🦑、蝦、蜆肉等等材料，加埋粉絲同雜菜，簡單健康又好味😋。清炒菜心🥦 $78食得健康當然要食多啲蔬菜，菜心份量夠多，清新又健康。

一家人做節 今年終於放寬了堂食於是就唔想辛苦媽媽 決定一家人出外食飯唔想迫大商場又限時這夜放工就在公司附近觀塘成業工業大廈一間新開的小菜館食飯之前lunch食過覺得唔錯就帶家人試下餐廳主打客家菜 工廈入面單位面積甚大 可放到好多張12人枱適合過時過節一家大小親朋相聚//松草花響螺鳥雞燉湯 $48//一小盅的燉湯夠二人份 但超級足料有齊松草花,響螺,鳥雞味道超濃郁而且好甜//梅菜扣肉煲 $98//食客家菜一定要食梅菜扣肉煲扣肉肥瘦均勻，做到一層肉一層肥膏食落層次感好足，非常香口入口即化，炆得夠入味，加上梅菜無渣帶梅香，令成道菜味道好平衡，唔會覺得油膩//客家香煎蠔仔餅 $108//蛋餅不算是太厚但食落好有蛋味蠔都不算仔了 好大粒有咬口已經係超級的多 基本上每一啖都有蠔再配上潮州酸汁整個口感都是蠔鮮味加上蛋香及蔥花結果是最快被清空了//蜜椒金薯安格斯牛粒 $128//每次食中菜見到餐牌有這個都必點！薯仔果然做到金薯效果薯仔烚至軟身，外皮煎至金黃香脆令入口口感外脆內軟牛柳粒肉質嫩滑，灑上了蜜糖及黑椒口感惹味，送飯一流//豬油砵仔飯 $15//客家菜不能不點邪惡首選的豬油飯即叫即蒸的白飯，然後

近年觀塘的工廈開了不少興趣工作坊，小妹亦參加了，散場後跟同學仔在附近的小城大廚吃個便飯。環境尚算企理，街坊酒樓格局。想不到也自設大型水缸，確保漁獲新鮮。食材質量有保證，出品自然高質素。是夜的豐富晚餐，有雞、有魚、有菜、有海鮮！價格合理！脆皮風沙雞半隻$108，價格吸引，雖是半隻雞，但分量也不少，相當抵食。炸蒜香口惹味，配嫩滑雞肉，的確不錯。惹味金沙大蝦球$108，大蝦去殼易進食，抵讚！鹹蛋直接黏着蝦肉，每啖蝦肉都有着鹹蛋的味道，兩者味道夾得很，的確非常好食。豉汁蒸鱔球$148，食魚最緊要新鮮，這碟蒸鱔做到了。豉汁惹味，拌飯一流。蒸魚一向是粵菜不可的，用豉汁蒸魚鮮，不論配什麼魚都非常好味，國粹也！蒜蓉白菜仔$78，簡單不過家常菜式，但不論吃什麼豐富的佳餚，最後也不能缺少一碟簡單的炒青菜。蛋白杏仁茶 $18，味道還可以，尚有進步空間。簡簡單單家常便飯，天天吃也不會厭的。

我之前都很少寫食評，但由於這餐廳實在太出色，所以也決定記錄一下。昨晚一行5人到小城大廚，去之前已經聽聞這裏的食物質素不錯。 點了以下菜式 （5人點了2小食， 8主菜， 1粥 。 每碟正常小菜份量；但由於太美味，點下一個、再加一個、再加另一個、食到抱住肚走）滷水鴨舌 （小食，但份量不小，不會只得10數條的小食） 沙姜豬腳筋（小食，強烈推薦，腳筋有趙口，配菜芫荽蔥，分量多，十分惹味）煎蠔餅椒鹽鮮魷（強力推薦、炸皮香脆、，魷魚新鮮）椒鹽九肚魚（強烈推薦，皮脆，肉嫩）薑蔥日本蠔煲蒜蓉粉絲蒸元貝薯仔牛柳粒蜜餞鱔球蒜蓉豆苗蠔仔粥 （強烈推薦，蠔仔新鮮飽滿，裏面有些冬菜，比例剛好，不會太鹹）食物不單美味，賣相吸引 （原本我們沒有點薯仔牛柳，但見到隔鄰枱點了，見賣相很好，我們也點了一份）整頓飯如果要說的，就是那蜜汁鱔球，如果可以再乾身一點，那就更好了。另外我們本來想點鎮店之寶-梅菜扣肉，我們七點到已經售罄了，下次我一定會預訂。 另外要值得一讚的，是他們很有禮貌的店員，着實今時今日難得一見；座位坐得舒服寬敞；我們帶了幾瓶紅白酒佐餐， 還提供冰桶，免收開瓶費。 一定還會再來這工廈隱世食堂，再試試其他食物，

《😋晴晴港飲港食 #misshcfoodie 》去咗10日日本旅行🇯🇵好耐無食過中菜返到嚟香港即刻嚟食下小炒😋呢間小城大廚之前已經同朋友食過今次再覆桌😏因為佢價錢合理食物又夠鑊氣👍桂花蜜餞雞中翼(8隻） $88呢個值得推介👍 出面好少有呢隻味嘅雞翼雞翼隻隻都好大隻啖啖肉個醬汁有桂花嘅香味而且酸酸甜甜好開胃咸蛋蒸肉餅 $88蒸肉餅又係我好鐘意嘅家常小菜豬肉半肥瘦蒸出嚟啱啱好配埋個又大又靚嘅鹹蛋黃十分滋味🤤瑤柱蛋白炒飯 $88雖然話減緊肥但點都要有啲飯氣落下肚😮‍💨呢個蛋白炒飯直頭係中菜館嘅質素、酒樓嘅價錢飯炒得好乾身 粒粒分明瑤柱同蛋白嘅比例都配合得好好海味魚肚浸勝瓜 $128口乾乾想飲啖湯濕下口叫咗呢個又有湯飲又有菜食上湯用咗鮮蝦、魷魚、蜆肉、魚肚煲成🦐🦑好鮮甜 勝瓜都吸收哂啲精華好惹味涼瓜菜圃肉碎煎蛋角 $88其實我唔食涼瓜🤣不過我對肉碎同蛋角係抗拒唔到🫣略嫌肉碎少咗啲人均價錢: $250 (Dinner)味道: 8/10環境: 7.5/10服務: 8/10回頭率: 8/10📍 小城大廚 @cheftown2020 地址: 觀塘成業街19-21 號成業工業大廈地下3號舖電話: 361

今日又同朋友去發掘下工廈嘅餐廳，咁岩見到呢間新開張，價錢又Okay就決定試下。餐廳職員服務態度好友善，座位闊落，如果人多仲可以包廂打麻雀。梅菜扣肉 $138朋友喺客家人都話夠正宗，肥瘦比例適中，入口即化，炆得夠入味，但唔會覺得重口味，仲保留到腩肉本身嘅脂香。主角梅菜無渣帶梅香，唔會食落成口油。蜜汁鱔球 $108CP 值之選，條鱔本身都靚，然後起左骨先炸，咬落啖啖肉，肉質實淨彈牙，份量唔少但價錢超實惠。蒜蓉粉絲蒸蟶子 $144見到有水缸養住D 生猛海鮮，心郁郁就叫一碟。蒜蓉粉絲嘅味道唔會蓋過蟶子嘅鮮甜，食落亦唔會成口油或鼓油。砵仔豬油撈飯 $15可以自己決定落幾多豬油同鼓油，勁邪惡但勁爽皮。

觀塘工廈出名多野食，多cafe，估唔到連中式餐館都有。各種海鮮/小炒都有。環境闊落乾淨。適合一班人去食！假日同屋企人shopping完去食又得，閒日一班同事去食下小炒都好正！前排我order左佢嘅特別推介。大班兩味同埋紅燒乳鴿。唔錯！大班兩味1條魚兩種食法1）炒班球班球啖啖肉，伴左啲清甜嘅紅椒同黃椒炒。仲有大量西蘭花。惹味得嚟不失健康🤣🤣 呢碟超送飯！2）蒜蓉蒸骨腩骨腩同粉絲索晒蒜蓉嘅油香味。熱辣辣食好正好鐘意食魚嘅happysis表示如果有埋魚湯飲就好啦🤣紅燒乳鴿 $38隻乳鴿皮炸到bokbok脆！有皮脆肉嫩嘅效果，唔錯。上湯浸豆苗 $78豆苗好大碟，性價比高！

好耐冇吃撚手小炒，又想吃有鑊氣的特色小炒，又唔想局限去酒樓格局吃飯。今晚就到觀塘成業街的『小城大廚』吃晚餐，有私房菜，客家菜，特色小炒及手工火鍋任君選擇。最後，我們埋單時發現有VIP房，可以預早book定房，唱K，打麻雀，打邊爐……家庭聚會，朋友聚會。。。私房菜大約每位$400……最低消費一圍，甘樣都幾大衆化收費。VIP房最低消費大幾$3000多，人多join會開心感，熱鬧感，氣氛也大會點。豉汁蒸鱔球 ：好怕去街市魚檔，地濕又腥味重，想吃鱔魚，又唔識點處理。。。最佳方法便是去街吃了，又可以拍下拖仔。鱔魚球細骨，又唔會有泥草味，新鮮又蒸得嫩滑，豆豉汁最好配飯吃了，我地都唔會放過，點菜時也要有白飯另上柱侯蘿蔔牛筋腩 ：天氣凍冰冰最好食個熱呼呼的火鍋，不過得我地兩個人，吃蘿蔔牛筋腩都好，暖身先……牛筋牛腩嫩滑，蘿蔔清甜，冬天最佳選擇。瑤柱扒豆苗 ：豆苗青綠嫩滑，瑤柱扒豆苗真係好配搭，一斤豆苗煮左唔係好多，買菜的人一定知道起碼要買上2至3斤先可上到碟，哩碟豆苗點食都係仲有甘樣，真係好抵食。食物吃了令人有開心感及滿足感，尋找美食的同時，而又吃了意想不到的美食會更加令人開心萬分。#重拾拍拖情懷 #