小城大廚

營業中

休息中

聽過唔少谷友介紹小城大廚呢間餐廳但每次經過都唔覺眼原來在成業大廈內圍要穿過𨋢口先見到㗎🫖前菜&茶位坐低後店員便送上熱茶和餐前小食是要收費的但食小菜館都預左後邊那碟蒜香陳醋雲耳幾好食酸酸鹹鹹好開胃🍲客家梅菜扣肉煲小菜第一時間點了梅菜扣肉煲哈哈 朋友和我都喜歡食呢樣嘛😁扣肉炆得軟腍入味梅菜吸了豬油鹹香鮮味下層仲有白菜仔墊底減油膩一煲上枱熱辣辣扣肉份量比梅菜還多好多肉食得好滿足😍🐟香煎陳皮鱔蒸鱔食得多煎真係第一次上枱時好香喎好似帶點美極味🤔鱔肉煎得香脆肉質彈牙又肥美入口仲帶有陳皮香啖啖肉勁正👍🧄淮山百合炒藕片最後仲點左份炒藕片因為本身好鐘意食蓮藕本想點的炒清菜就換上呢樣了 哈哈淮山、百合、蓮藕都爽口但各樣的口感又不一樣仲有雲耳同三色椒增加顏色令賣相更好看食到蔬菜的鮮甜味😋🍚白飯咁好餸忍唔住要了白飯淨係梅菜扣肉都可以扒幾碗飯啦😁抵食夾大件唔怪之得唔多人推介👍

呢度除左大量小炒既選擇外, 仲有任食雞煲火鍋都好抵食🤓 呢度既菜式多之外仲好抵食, 每日仲會有兩款唔同既菜式做特價添😚 前菜 ($10/款)今次去係花生同香辣黑木耳, 兩款都好大碟, 木耳勁惹味, 個汁整到麻麻辣辣好香好惹味🤤欖菜肉鬆四季豆🫛($88)超大一碟既四季豆好夠鑊氣, 仲有中量惹味既肉碎撈飯一流😍蜜餞欖角一字骨🍖($98)一層薄薄既蜜糖醬包裹住啖啖肉既一字骨x 食落甜度剛剛好😎客家蔥油雞(半隻)🐓($78)星期三特惠價係呢款菜, 大量香濃既蔥油淋左係嫩滑既雞上面好送飯, 半隻雞既份量都唔少😚椒鹽九肚魚🐟($98)超大碟炸到外脆內軟既九肚魚配上大量既炸蒜同米通好夠鑊氣🤩呢度既食物CP值幾高又夠鑊氣, 上菜速度仲要勁快, 茶芥$8位😌 呢度好啱一大班人一齊食野, 放工或者放假黎一樣正

上星期有幸跟隨老板到小城大厨試食私房菜：果然係與衆不同的私房菜，除咗色香味具全，還有買相超可愛！忍唔住要將D圖片同大家分享下。餸菜的確好味！值得一贊的係東主親自下厨，厨藝勁好！餸菜上齊，東主謝客：嚇我一跳：原來東主係一個廿多歲的靚仔！如此勤奮上進的小鮮肉祝你生意興隆！越做越旺！

🔸晚市三寶套餐 $268🔹清蒸沙巴龍躉（一斤）🔹果香黑醋骨🔹金銀蛋時蔬🔸鹹魚雞粒炒飯 $88-同男朋友想食吓港式小炒，就嚟到觀塘成業街嘅小城大廚。一坐低就有兩款前菜，同揀一壺茶。我哋叫咗個晚市套餐，有魚有肉又有菜，非常豐富。清蒸沙巴龍躉原條上，厚肉而且夠彈牙，蒸魚嘅豉油仲好啱餸飯～ 果香黑醋骨聞落好香，食落甜甜酸酸非常開胃，亦都好厚肉。仲有金銀蛋時蔬揀咗小棠菜，以上湯浸嘅清清哋，營養均衡啲～ 叫咗一客鹹魚雞粒炒飯，真係有鹹魚同雞粒，啲飯炒得好乾爽，三餸加一個飯夠晒滿足呢～

呢間小城大廚前後都轉左手三次，平時都食晏居多，今晚特別想食小菜，見同事推介晚市就收左工走左去食。一入到去見都幾旺場，但人手好明顯唔夠人招呼。坐左一陣就叫左一碟椒鹽魷魚：一上檯見唔係金黃色就知出事，但勝在魷魚夠熱；第二碟叫左金不煥炒硯：金不煥味到ok, 但唔夠入味第三碟就叫左麻辣雞煲：食左第一啖就知咩叫雞有雞味，麻辣有麻辣味。 完全唔夠入味，不過雞勝在大件同夠熱。最後叫左個花膠燉湯，第一啖都幾入味，惟一得呢個好飲。最後埋單4百幾，計埋酒水。我諗只係試一次就夠了。

觀塘區工廈林立，食肆選擇多。今次想吃一些中式鍋氣小菜，就揀了這家一試。2個人吃中式鍋氣小菜的難度是份量比較難預，但這裡的海鮮可以逐隻計算。所以點了2隻美極大虎蝦、2隻豉椒炒蟶子加煎米粉底，其他還點了一個羅漢齋豆腐、椒鹽九肚魚。椒鹽九肚魚粉漿調校不錯，吃起來外層酥脆香口，配上一口冰凍的啤酒絕對是不二之選。羅漢齋豆腐份量不少，豆腐亦是嫩滑，調味適中，不會過於濃味。美極大虎蝦非常香口入味，蝦殼夠香脆，連殼同吃都唔會覺得硬身刮口。豉椒炒蟶子加煎米粉底，煎香嘅米粉吸收豉椒蟶子汁，惹味之餘又有香脆口感，再配上鮮甜蟶子又怎能抗拒。

🍴茶芥 每位 $6 小食 $20🍴秘製沙薑豬腳筋 $138 (7.8/10)豬腳筋比較有口感，咬落爽口，好濃嘅沙薑味，但係唔鹹，中意筯位會好中意！🍴香辣花生拌魚皮 $78 (8/10)魚皮好香辣，係麻香嗰種，好爽口，係用咗新鮮魚皮，真係好好食！🍴椒鹽魷魚須 $78 (7/10)份量足，炸得好香脆，唔油膩，魷魚都有口感，唔錯！🍴招牌小炒王 $128 (8/10)小炒王有韭菜花，魷魚三色椒腰果炒得都幾香口，會好鹹！🍴紅燒豆腐煲 $88 (7/10)豆腐有好多粒，配咗白菜仔，豆腐好嫩滑，微鹹，都幾清淡！🍴冰鎮脆皮呫嚕肉 $128 (8/10)咕嚕肉炸得好香脆，炸粉都有少少厚度，入邊嘅咕嚕肉係用咗五花腩，食落去口感好嫩滑，油脂比較豐富啲！酸酸甜甜，唔知點解加咗藍莓爆珠椰果？可能都係酸酸甜甜？🍴家鄉炒米粉 $88 (7.5/10)米粉炒得比較濕，平時米粉好唔同，口感好滑，質感比較粗，入邊有啲魷魚蘿蔔絲同埋葱，味道都比較清淡嘅。🍴台山五味碌鵝 例 $198 (6/10)鵝肉都好嫩滑幾軟腍，口感紮實，果汁好似鹹鹹酸酸地咁樣？唔係好識形容咩味，個人唔太中意但唔係唔好食。🍴輕煸龍躉斑頭腩 $168 (7

觀塘絕對是高質餐廳的集中地， 由商場至工業大廈都可以搵到各式各樣嘅美食。小城大廚主打港式小炒， 店內環境光猛， 價格親民，兩個人點了以下菜式🥢，茶芥$16(2位) 、小食$20(兩碟) 、 豉椒炒蜆$88、 蒜蓉粉絲蒸元貝$96( 兩隻) 、 美極大海虎蝦$76( 兩隻)、 京都豬排$88、 紅燒乳鴿$48(一隻)。 🔸醋香涼拌木耳 ～ 口感爽脆，酸酸地好開胃。 🔸椒鹽花生 ～ 鹹香酥脆，食到停唔到口。 🔸美極大海虎蝦 ～ 用美極提升虎蝦的鮮味， 特別惹味爽口。 🔸蒜蓉粉絲蒸元貝 ～ 元貝彈牙鮮味， 粉絲入味，口感軟身，有濃郁的蒜香味。 🔸豉椒炒蜆 ～ 鑊氣夠，蜆肉鮮甜， 豉椒炒蜆絕對是一個百食不厭的組合。 🔸京都豬排 ～ 酸酸甜甜，豬排好入味， 口感軟腍又多汁。 🔸紅燒乳鴿 ～ 外酥裏嫩，$48一隻， 幾抵食。 整體小菜夠鑊氣， 價錢抵。🏷️溫馨提示～ 整個用餐體驗均屬個人分享意見， 只作參考😊。

呢到既小菜款類都幾多，有煲仔菜、椒鹽系列、黃金系列、客家菜等等。我地叫左一個煲仔菜、啫啫煲同一碟小炒，每樣份量都好足，食到好飽😋👍🏼▫️蒜子火腩白鱔煲新鮮滾熱辣🔥打開蓋後仍然似煮緊咁滾住，仲好香。白鱔好肥美啖啖肉，火腩肉幾嫩且份量多，底有白菜仔入哂味👍🏼送飯一流！▫️蜜椒薯仔牛柳粒每粒牛柳都好大粒，炒得岩岩好，啲肉唔會好老。薯仔好好食，有煎炸過，有啲外脆內軟既感覺，好香口又有蜜糖甜👍🏼▫️啫啫時菜煲我地揀左菜心，配料如蝦乾、肉碎都好多，好有鑊氣又入味，如果啲菜心炒少幾分鐘會更加好味。▫️豬油砵仔飯好少地方有豬油砵仔飯，加上豬油既飯特別香😋加埋豉油仲正。▫️茶位$8/人呢到地方寬敞，有幾張大枱，好岩一家大細黎食飯。啲姐姐都好有禮貌，整體服務幾好！

近排食得太多熱氣野，要食返一下小菜平衡返先得😂今次黎到觀塘一間隱世私房菜唔好睇佢係工廠大廈就覺得一般佢就係特別出色👍🏻🔸客家蔥油雞是日特價$78半隻，份量相當大，雞肉好嫩滑多汁，蔥油味好入味👍🏻🔸蜜椒薯仔牛柳粒薯仔係先炸後炒，再配上牛柳粒一齊炒，牛柳粒唔會炒到好乾，炒得岩岩好，外面仲有秘製蜜椒汁👍🏻🔸紅燒豆腐煲豆腐很滑，外面炸左既，配菜仲有小白菜🥬冬菇紅燒汁唔會好鹹👍🏻👍🏻👍🏻配飯食就最好食🔸瑤柱肉倅蒸水蛋火候啱啱好，肉碎配蒸水蛋係配白飯既靈魂🔸淮山杞子螺頭燉母雞呢個燉湯真係岀色啦！材料超足，好清甜，唔好以為咁細兜，但其實都好大碗嫁！

🥢🥣🥄觀塘工廈大碟小炒▫️免加一▫️茶錢$8/位，2個前菜免收費☑️前菜前菜有2碟，份量仲好多，有一碟係花生，好脆口，另一碟係青瓜，爽口，有蒜蓉配上醋同辣椒，惹味開胃。☑️鹹魚雞粒炒飯 -$88炒飯好大碟，有鑊氣，飯粒粒分明，有大量生菜，爆香左嘅雞粒，蛋等，調味剛好。☑️椒鹽三寶 - $128呢個有豆腐、茄子同魷魚，雖然係三拼，但好大份，椒鹽粉有好多，仲有炸粉絲墊底。豆腐最好食，有十幾粒，細細粒，外皮又薄又脆，而中心十分嫩滑。茄子略嫌切得太細，但都好juicy。而魷魚味道就比較淡，但免費附上嘅酸辣蒜汁就好好味，酸辣開胃。☑️ 三寶套餐 -$268 1.🆗 清蒸沙巴龍躉（一斤)魚吾算大條，同埋好似得半條到，可能龍躉價格較貴，肉吾算多，骨多，但肉質結實，幾滑，搭配嘅蔥同蒸魚豉油都吾錯。 2.☑️果香黑醋骨份量都吾少，有約十件，而且每件舊肉都幾大，外皮炸到脆脆地，好掛汁，黑醋汁酸酸地幾惹味，舊肉都吾會好硬痴住舊骨。 3.☑️金銀蛋時蔬 （娃娃菜）呢款可以揀要莧菜，娃娃菜或者白菜仔，我地就揀咗娃娃菜。金銀蛋湯可以飲，仲幾好味添，鹹蛋皮蛋數量一啲都吾少，娃娃菜煮得好淋。

身為觀塘上班一族，觀塘食店林立都未聽過呢間中餐館，今次係舊同事大力推介，聚餐一流，份份都大碟又好食，好有大排檔風味，店員員服務一流，唯一要彈既就係好隱世，有啲難搵😂😂😂冰鎮脆皮咕嚕肉一上枱就好壯觀，冰鎮脆皮咕嚕肉做到個皮真係好脆，有啲糖漿痴住個口，連埋啲爆珠一齊食，恰道好處👍👍👍孜然京蔥爆牛肉份量好夠，爆多京蔥😆好有咬口但牛肉唔多足夠，未必會再點了梅菜扣肉極邪惡既傳統客家菜，好正好再鑊氣，咬落啖啖肉，真係好好味☺️真心抵，又夠鑊氣，下次一定會帶屋企再食❤

觀塘係臥虎藏龍，美食林立既地區。不同的工廈都有很多特色美食。而今晚到訪位於成業工業大廈地鋪的<大城小廚>，餐廳有很多招牌小菜，令人回味。食物高質，難怪那麼多捧場客-🔸小食有花生及淅醋青瓜，份量相當多-🔸 豉汁蒸鱔球 $168白鱔肉滑爽彈，蒸得火喉剛剛好，完全保留著白鱔的濃郁鮮香，加上惹味鮮蒜片豆豉醬汁，令人食指大動-🔸 椒鹽鮮魷 $128出街食中菜，總會想試鑊氣十足的小炒。又點少得椒鹽系列呢！椒鹽鮮魷炸到金黃色，口感爽彈，再加上爆香了的蒜頭及紅椒粒，色香味俱全香口菜式-🔸沙薑雞$78每日都有特價精選菜式。 今晚點選了$78 沙薑雞半隻。 沙薑從來與雞都是絕配！ 沙薑雞十分嫩滑，沙薑汁美味香口-🔸懷舊豬油鉢仔飯 $15鉢仔蒸飯熱騰騰呈上！ 最滋味的吃法就是撈豬油和豉油來吃，香得油潤🤤 即使小菜未到，把可將飯扒清光

經過已經想帶爸爸食廣東菜 岩晒佢口味望住個餐牌菜式豐富多樣 價格實惠小炒、煲仔菜、椒鹽系列、海鮮等樣樣都好吸引 🤤餐廳設卡位&大枱 適合一家大細食飯✨果香黑醋一字骨 $98賣相唔吸引 但味道💯醋嘅酸味同果香嘅甜味非常夾肉質好稔身 令人回味無窮 撈飯一流😍🍤🍞魚子醬蝦多士 $98/4爸爸堅持要試吓特色野‼️蝦肉鮮嫩 多士酥脆可口 加埋魚子醬 入口層次豐富但價錢略有點貴✨椒鹽鮮魷 $128魷魚嘅口感非常嫩滑又大塊椒鹽鹹香又多炸蒜2個人食份量都好多下～✨金銀蒜粉絲蒸勝瓜 $88諗住清清地叫個菜食上枱真係嘩一聲 好震撼 😧將勝瓜切成小件 口感好脆嫩配埋海量粉絲、蒜末同香蔥十分有營養價值嘅小菜☺️食唔慣勝瓜仲有娃娃菜可以選擇每日午餐亦有唔同嘅推介 晚市仲有套餐優惠 十分抵食～

上次喺成業工業大廈食完嘢留意到一間「小城大廚」主打鑊氣小炒同客家菜，定價合理，Bookmark 咗要嚟試餐牌選擇豐富，除咗小食、小菜、燉湯、多款海鮮等，仲可以打邊爐先奉上前菜手拍青瓜及香脆花生手拍青瓜爽脆鮮嫩，醋味恰好；加入淮鹽的花生更添美味感==========🔹淮山杞子螺頭燉烏雞湯 $48/位湯料非常豐富，加埋瘦肉令湯更出味鮮甜，毫無油膩感推介指數：8/10==========🔹孜然京蔥爆牛肉 $98碟頭夠大又有鑊氣，京蔥份量豐富，同時加咗紅椒及黃椒，調味剛好不過鹹；牛肉切得夠薄，口感紮實有嚼勁推介指數：7.5/10==========🔹黃金孖寶 $138孖寶為鮮魷及海蝦兩款海鮮均炸至均勻的金黃色，碟底油份好少黃金鮮魷脆漿做得夠薄又富鹹蛋香，鮮魷保留一定口感黃金蝦夠大隻，蝦頭跟蝦身緊緊連繫，證明蝦夠新鮮，鹹蛋香同樣突出推介指數：9/10==========🔹金銀蛋時蔬 $88將白菜排得好整齊，加上大量金銀蛋及蒜頭，賣相得體白菜鮮嫩，上湯鮮甜，皮蛋及鹹蛋選材不錯，為健康之選推介指數：8.5/10==========茶錢每位$8，前菜小食$20，免加一服務費整體用餐體驗不錯，小店選材合