小城大廚

營業中

休息中

今晚老公嚟接放工喺觀塘揾飯食！想試下中菜，喺openrice見呢間係top 3，就嚟試試佢，無book位，但我地18：00就入坐，當時餐廳唔算多人，但過咗半個鐘，已經full house, 唔估到好多家庭同一大班好友飯局都book呢度食，咁應該無伏了。兩口子叫咗呢啲食，價錢都幾實惠，難怪會爆塲：蒜蓉粉絲蒸蟶子 $48/隻蟶子都算大隻，夠鮮味，肉質爽滑，勁多蒜蓉同粉絲，粉絲入晒味，既香又唔會搶去蟶子嘅原味，正，算抵食！菠蘿酥炸大腸 $98/碟超級邪惡嘢，屋企唔會整嘅菜式，真係食到停唔到！大腸炸到啱啱好！外皮微焦帶勁脆，大腸裡面處理得幾乾淨，無咩肥膏，夠晒香脆，配埋酸甜汁加菠蘿絕對係完美結合，不過兩個人清一碟真係有d多，但都忍唔住口食晒，今次真係肥仔了！！！！紅燒乳鴿 $52/隻乳鴿外皮都算酥脆，肉質細嫩，有濃郁嘅燒烤香氣， 控制得唔錯，正常水準。拍蒜菜心（蒜蓉炒菜心）$78/碟呢碟蒜蓉炒菜心簡單得黎又好味，菜心炒到鮮綠爽脆，蒜蓉又夠香完全滲入晒菜度，食完真係滿足！呢道菜嘅賣相都好靚，白色碟襯住翠綠嘅菜心，上枱好整齊，個廚都幾細心，加分！姬松茸燉老雞湯 $48鍾意飲老火湯嘅我，一定要叫嚟試

觀塘嘅大城小廚一向出名，之前同一班朋友聚會都嚟食過，菜式性價比非常之高。呢間餐廳以主要食廣東菜，菜單亦有多種多樣嘅選擇。無論係小菜定係湯、定係煲，呢度都有叫左「豉椒炒蜆」。蜆幾新鮮，搭配青椒、紅椒同埋洋蔥，炒至入味。蜆肉鮮嫩，配合醬油嘅鹹香，真係一啖接一啖，根本停唔落嚟。重點係呢盤菜多蜆肉，有時出邊嗌炒蜆上到嚟只係得殼冇乜蜆肉，值得一讚第二道菜係懷舊菠蘿咕嚕肉，最typical嘅港式菜，佢個咕嚕肉做得都幾酥脆，每次食菠蘿咕嚕肉嘅酸甜味道都令人胃口大開。而佢個名都起得好貼地，真係令人諗返小學嘅時候午餐成日都會食呢度菜，夠晒懷舊！呢個超好味既係欖角蜜餞一字骨，一字骨經過精心烹調，外皮略帶焦香，食落去少少脆，甜甜地，肉質嫩滑，真係煮得好好，最主要係個汁同埋佢煮到少少燶，好有技巧，啱晒搭配白飯食廣東菜又點少得「豆腐火腩煲」—男人的浪漫😹😹呢道菜喺熱辣辣嘅砂鍋中上桌，啱晒冬天食。主要都係豆腐同腩肉，湯汁濃郁，個豆腐真係好滑，我不斷食，呢個配飯都好啱。我個人就最鍾意呢道菜，朋友就最鍾意一字骨嗌咗個時蔬，係清炒嘅菜心，色澤翠綠，口感爽脆，有埋蠔油就更好啦！呢度茶水免費提供大約係下午茶時間去食，個場都

觀塘搵到間抵食中式小菜店，味道有驚喜😋 平靚正之餘，環境乾淨，啱晒放工想食返餐熱辣辣小炒！🌶️ 豉椒炒蜆 ($88)勁大碟 ！夠鑊氣🔥！蜆唔會沙沙哋，好乾淨，豉椒味超香，辣勁啱啱好，成碟送飯一流～重點係啲蜆肉肥美多汁，唔係細細粒冇料到果隻！🧄🐔 蔥油雞（半隻) ($78)又係勁大碟！雞件嫩滑又夠味，蔥油香氣撲鼻🤤🍆🐮 茄子肥牛煲 ($98)肥牛唔係薄薄哋果隻，咬落仲有少少油脂感，好爽口！茄子煮到腍腍哋，吸晒啲醬汁，成煲又香又入味～配白飯簡直係無敵🫶🏻📍總結：平民價錢都有好水準嘅小菜🍽️！佢每日都會有啲特價小菜，所以CP值超高，三五知己晚餐聚餐推介👍🏻

觀塘工廈隱世鮮味 蠔迷必試！講真，觀塘工廠區搵食，估唔到伏低咗間「蠔」門盛宴！小城大廚嘅台山蠔，真係一上枱就嚇親人——手掌咁大隻，肥嘟嘟脹卜卜，蠔肚撐到幾乎透光！重點係：一啜落去，濃郁嘅海水鮮甜即時爆出，跟住係澎湃到漏嘅金黃蠔膏，邪惡得嚟甘香到痺，食完隻蠔仲掛住啲膏香，真係「蠔」冇得頂啊！金銀蒜粉絲蒸 鮮味鎖到足佢哋用嘅係台山蠔王級數，師傅火候拿捏超準，猛火快蒸，蠔肉剛熟唔老，保持超嫩滑爆汁口感！墊底嘅粉絲吸盡蠔汁精華，加上炸過嘅金蒜同生銀蒜夾擊，蒜香濃而不搶，仲帶微微辣勁，惹味到忍唔住連汁都撈埋！每隻蠔都鋪滿閃令令嘅蒜蓉，視覺同味覺都大滿足即叫即蒸夠新鮮 性價比爆燈食到呢種質素嘅台山蠔（視乎時價），仲要係即叫即劔即蒸，上枱仲熱辣辣噴煙，誠意分加爆！蠔癡如我，覺得比出面高級蠔吧平一大截，但鮮度絕對有過之而無不及！同場加映：蠔殼堆到成座小山咁，就知有幾受歡迎啦～街坊飯堂格局 人情味濃雖然餐廳藏身工廈，但晚市坐滿熟客，阿姐落單爽快有笑容。環境就係典型大排檔風，但枱夠大坐得舒服，最緊要係食物有水準！另外再叫左碟黑椒牛仔骨，香辣惹味得嚟份量又唔少。再嚟一碟蝦膏銀魚仔蝦仁炒飯，啖啖鑊氣風味十足！

在工廈林立的觀塘尋味，某中菜館的「冰鎮咕嚕肉」堪稱盛夏救贖。琥珀色的肉塊從碎冰山中撈起，入口瞬間，外層脆漿迸發「咔嚓」清響！冰涼外殼下裹著滾熱的豬肉，酸甜醬汁被低溫鎖住鋒芒，平衡得妙絕。冰霧繚繞間，那外脆內熱的雙重奏，是味蕾最驚豔的夏日變奏曲。然而，店內兩款多士卻踏進「伏味」雷區。 「黑松露厚多士」 徒具其名——松露醬稀薄如影子，香氣淡若游絲，厚多士炸得油亮卻內裡乾硬，彷彿吸盡廚房油氣，入口只剩膩滯無趣。至於 「蝦多士」 更是災難，甫上桌油腥味已先聲奪人。一口咬下，油分如泉湧，酥脆外衣下盡是沉甸甸的負擔。那油色混濁深褐，蝦膠黏膩失彈性，疑似反覆使用的「千年油」徹底糟蹋鮮蝦本味，油膩感纏喉不去，令人卻步。這店猶如滋味戰場：冰鎮咕嚕肉是高山之巔的清泉，爽冽驚艷；兩款多士卻似深陷油沼，尤其蝦多士的陳年油味，絕對是味蕾的無情轟炸。若訪此店，緊記：向冰鎮咕嚕肉直奔，對多士區的「伏位」繞道而行，方為上策！

本家都食過幾次圍菜，入過房，收過佢送現金卷，50元一張，背後條款只寫住消費滿100元就可以，無話午市唔用得，背後文字見圖。今日，7月24日中午時間黎食午飯，諗住叫小菜，但前枱姐姐同我講三張現金卷唔用得，我已經唔多滿意，但都無拗落去，都繼續點菜，點完菜想要杯凍奶茶，但話小菜唔包只送例湯....但50元既午飯反而包茶飲句例湯？？我再望下個餐牌.....個句“奉送凍熱飲”其實係係全版既最左下角。見圖。我理解為以上餐食全部都包餐飲都唔算不合理吧。餐廳餸菜其實可以的，否則都唔會幫襯咁多次。只是係行政文案執番正之前，我自己都唔會主動提出再黎呢度。

有日去買早餐，去到收銀位嗌個雞扒通粉早餐，嗌到一半問我係咪跟蛋，我話有咩加，無端端就勁串咁話我係外賣就一早講定，我都未講完要乜點講外賣？ 我同佢講你咁急可以下次問我係咪外賣先落單，又無端端話我嗌咗咁多次，都唔識講外賣真係唔知講乜，好地地買個外賣都要收氣

前幾日第一次買叫個外賣，金髮阿姐態度勁差。我淨係講咗我要雞扒，阿姐問我姐問我跟啲咩，我問佢有咩跟？之後阿姐用咗我好似殺咗佢屋企人嘅語氣 : 或者我就咁樣文字上大家feel唔到有幾惡同幾大聲。首先我覺得外賣定堂食會影響到你落單，係咪金發阿姐本身自己嘅責任要問咗我先。而唔係落到一半就鬧我。我真係呆咗。到底係點解要咁樣對客人？係咪我做錯咗啲咩？希望你哋可以改善下呢個阿姐嘅態度。令人唔舒服嘅金髮阿姐。

有日喺觀塘玩完劇本殺之後，用咗好多腦細胞，要食餐好嘅補補體力🤣朋友推薦咗佢私藏飯堂，位於工廠大廈樓下，網上冇乜人講，但係憑口耳相傳，晚市都幾旺場🔥餐廳有好多款大排檔菜式，選擇極多，有時仲有時令推介。叫咗金沙菜式、酸菜魚、牛肉等菜式味道都唔錯，水準幾好👍🏻🍖冰鎮脆皮咕嚕肉 $138賣相好華麗😻除咗有乾冰製造煙霧效果💨咕嚕肉上面仲有水果爆珠，配埋一齊食幾特別。咕嚕肉過上脆糖，咬落外皮薄脆鬆化，口感好好😋🐟金湯酸菜魚片 $168份量十足👏🏻魚肉爽口彈滑，配料有大量芽菜、萵筍、蓮藕片等，索滿麻辣有致又唔會太嗆嘅湯汁，送飯一流😽🦑黃金金沙鮮魷 $138值得一試👍🏻好香咸蛋黃香氣又唔會膩，鮮魷炸得外脆內彈牙，口感好好😋🍤籠仔荷葉蒜香蒸虎蝦飯 $188好足料嘅蒸飯，必試✅熱辣辣嘅蒸飯粒粒分明又香軟，拌勻蒜蓉粒，蒜香味十足😍飯面放上不同海鮮，有青口、大蝦、帶子，幾個人share大家都食得好滿足🥰🥩蜜椒薯仔安格斯牛粒 $138以大排檔經典菜式嚟講呢度都做得唔錯😛牛肉粒有咬口唔會韌，薯仔裹上一層蜜糖，表面微脆內裡夠粉。🍹竹蔗茅根海底椰 $48$48有一大乍消暑清甜嘅竹蔗茅根，6個人每人都飲到2－3杯，好抵

講真，觀塘工廈成日藏龍臥虎，今次俾我撞正「小城大廚」呢間寶藏餐廳！佢哋嘅台山蠔真係堅到冇朋友，食過一次即刻想book位encore！點解咁誇？等我話你知：1. 蠔如其名，巨無霸size嚇親人！一上枱真係「嘩」出聲！每隻蠔大過我隻手掌，肥嘟嘟、脹卜卜，仲要係原隻連殼燒，視覺效果滿分！師傅火候撚到啱啱好，蠔殼邊仲滋滋響，香味撲鼻，未食先興奮！2. 爆汁！鮮甜！海水味超正！重點嚟喇——啖啖肉咬落去，啲蠔汁好似噴泉咁湧出嚟，鮮到舌尖跳舞！台山蠔出名肉質嫩滑，佢哋揀嘅貨色仲要係頂級，海水味濃得嚟唔腥，尾韻仲帶啖淡淡奶香！簡單加蒜蓉辣椒燒已經無敵，唔使多餘花臣，原汁原味贏晒！3. 街坊價錢，酒店級享受！你估咁大隻靚蠔實貴到飛起？錯！$百零蚊就有交易（時價，但真心抵），仲要係即叫即開，保證新鮮。同區西餐廳食隻普通蠔都唔止呢個價啦！仲有呀，餐廳裝修係懷舊工業風，坐得舒服唔逼夾，啱晒同班friend吹水喪食！ 食蠔最怕縮水貨同雪藏味，但呢度嘅台山蠔真係 「實肉、爆鮮、唔呃秤」，蠔控食完保證心心眼！仲未試過？走寶啦你！

小城大廚觀塘成業街呢間小廚都唔錯😌 果日打完波去左食。佢有個好味嘅黃金炒鮮魷🦑皮都幾薄、而且鹹蛋黃醬都幾stick得實，所以難分皮與醬。鮮魷都幾彈牙、有大有細啦。另外我哋叫咗一個金菇瑤柱扒時蔬做菜，就係金菇切碎之後，再加醬汁就會煮成好似瑤柱碎一樣，在淋上去啲娃娃菜度。我覺得佢個燉湯都幾高性價比，值得叫嚟飲吓。$38 行都幾足料。我哋叫嘅係茶樹菇燉排骨燉湯。裏面除咗有排骨之外，其實仲有雞肉，同埋雞腳。燉湯真係好清，上面嘅油脂唔係好多，但味道足夠。我哋嗰日叫咗一碗白飯，其實可能打完波唔係食太多，已經夠兩個成人分。

今日黎到官塘做野做到好夜，朋友介紹係工廠區入面有間夜茶既選擇黎到開左壺茶，不過就唔係食點心，都係叫D小菜首先，呢到每日都有唔同既特價小菜，今日係湛江雞，我地當然試試佢，雞肉色澤金黃，皮脆肉嫩，咬下去的時候，肉汁瞬間流出，味道鮮美。搭配上特製的醬油，真係一啖啖都好過癮，而且份量都好多，好抵食，一定要試!跟著就叫左個杞子豬潤浸白菜仔，白菜仔浸得岩岩好，唔會好淋，而且帶有一點杞子的香味，味道清新，令人食得更加開心，加上豬潤都好新鮮，完全唔腥，而且又係份量好多，起碼有十幾舊最後，主食我地就試左豉油王炒面，炒得好乾身，一D都唔油，麵都炒得好入味，豉油香味濃郁，口感都彈牙，仲要好有獲氣，份量好抵食，呢到既一碟差唔多等於平時既兩碟總括來講，呢到真係幾有驚喜，每一道菜食材都新鮮，味道好好，份量更可好大，好抵食，如果夜晚過左十點又係呢邊既可以黎試下

《小城大廚》自2022年創立，融合多元菜式與文化見稱，將傳統粵菜與街頭大排檔風格揉合，無論是講究的海味佳餚，還是親民的炒粉麵飯，通通即叫即做，份量十足，保證新鮮出品，誠意滿分。燻蹄：外皮爽口，肉質腍滑，滷香入味，加上餐廳秘製醬汁，冷盤必點。紅燒豆腐煲：豆腐滑溜，索滿香濃醬汁，配料有冬菇絲和白菜，熱氣騰騰，健康之選。上湯菜芯：上湯甘甜清澈，加入爆香左既蒜頭，令菜芯更爽脆惹味。臘腸缽仔飯：米飯煲至微焦鍋巴香脆，臘腸鹹香四溢，米香與肉香完美融合。懷舊豬油缽仔飯：淋上熱辣辣既豬油和生抽，撈起一碗人情味與回憶，一試難忘。總結，餐廳無論是宴客應酬還是宵夜聚會，都能提供多樣選擇，是重溫傳統與創新融合的美食好去處。

第二次到訪呢間中菜館～啲食物好有質素～今次我哋叫左4個餸🤣好岩我哋胃口😊客家沙薑雞（半隻）香氣濃郁～而且好有沙薑嘅味道～雞肉好鮮嫩多汁☺️豆腐火腩煲豆腐外層微脆😂內裡就保持柔滑的口感😉燒肉經過炆煮後，肉質變得軟嫩😊好有豐富嘅口感😂瑤柱金菇炆伊麵麵條好有彈性😂鮮香四溢～去酒樓中菜館必食😊村長下酒椒鹽骨椒鹽骨的外層經過油炸後～形成一層酥脆的外^_^肉質鮮美～香脆的椒鹽增添了香氣，仲帶來了微微的辛辣感😂餐廳21:00pm後有9折優惠～亦可以選擇火鍋/小菜～經濟實惠😂

今晚同朋友去了這裡吃晚餐。紅燒乳鴿（$68）：紅燒乳鴿的外皮酥脆，內裡的肉質則鮮嫩、滑口。這種對比使得每一口都充滿享受，搭配上特製的醬汁，讓人回味無窮。豉椒炒蜆（$88）：蜆子本身富含海鮮的鮮味，加上豆豉的獨特發酵香氣，整道菜呈現出豐富的層次感。蜆子的肉質鮮嫩，經過快炒後仍能保持其彈性，而豆豉和青椒的加入，為菜餚增添了多元的口感。蜜椒薯仔安格斯牛粒（$138）：這道菜的調味通常以蜜椒醬為主，帶有微微的甜味和香氣，搭配煎炒至嫩的安格斯牛粒，肉質鮮美，口感滑嫩。薯仔則吸收了調味料的精華，使整體風味更為豐富。安格斯牛粒的肉質結實，但在烹飪中又能保持多汁，咬下去時能感受到肉質的彈性。薯仔外脆內軟，為整道菜增添了層次感，使每一口都令人愉悅。