小城大廚

營業中

休息中

佢啲安排勁亂 唔知點解無人反映呢樣野 如果大家諗住一家人黎食圍餐 記得要triple confirm 同埋揾人早啲去到攞位（就算你卜左） 要老人家等就唔好啦。 今晚卜左晚餐 佢果晚預約時間20分鐘前先confirm booking 都覺得有伏 最後我地早左15分鐘到。 結果等左4個字都無得坐 之後佢地安排我地坐左門口果張枱 （熱到滴晒汗🥵）。 又搞左半個鐘先安排到入面既枱。 講真，野食唔係特別出色價錢都無大家講到咁抵 但真心你好熱得同好等得先好黎 或者等冬天啦。

觀塘工廠大廈啲餐廳 次次都唔失望 今次都係🥰 呢間小城大廚 真係有大廚 啲嘢食都超有水準！*茶芥 8/位*小食x2 20花生及木耳，花生好香，木耳爽脆，少少辣，幾惹味🔖籠仔荷葉蒜香魚塊飯HKD188份量十分充足嘅荷葉飯，大概夠四人食用。飯粒吸收咗荷葉嘅清香之餘，更吸收咗豉油、魚香，令每一啖飯都帶有豐富鮮甜嘅味道，非常正。而飯上鋪有幾舊蒜蓉龍躉，件件都頗為厚肉，而且同樣鮮甜軟腍，唔會蒸得過火，非常惹味🔖蜜椒薯仔安格斯牛粒HKD138好豐富嘅一味小菜，以蜜椒調味適中，薯仔炸得可口，少少焦糖外皮，甜甜哋非常惹味。而且牛柳粒好軟腍，冇筋或起渣，食起嚟非常方便香口🔖金銀蒜粉絲蒸元貝2隻 HKD96元貝非常鮮甜，而且蒸得恰好，唔會好韌。而且蒜蓉、粉絲份量不少，鋪滿整隻元貝，配上豉油，非常香甜，蒜香十足。不論元貝還是配料同醬汁都十分鮮甜美味，非常推薦🔖凍檸茶 HKD16檸茶唔會過甜，清清地味道不足佢地仲有好多菜式 都好吸引🥹 但我同朋友兩個人食唔晒 我覺得呢間舖頭都好適合一家大細嚟食！而嚟緊中秋節佢地都有準備左中秋節團圓餐牌 真係佳節食飯好去處之一！

朋友推薦我食「小城大廚」，小菜又豐富又高質，全部都係經典惹味嘅廣東菜🤤 今次我哋三個人食，叫咗兩個煲同一個伊麵，再加兩碗白飯已經好飽，性價比好高，瞓量超驚人，人均都只係一百幾～杞子蠔仔浸西洋菜煲 $128超大煲🤣🤣🤣 清甜滋補嘅煲仔菜，大量西洋菜 清熱解毒，口感爽脆，配上鮮甜嘅蠔仔同埋滋補嘅杞子，真係好適合夏天食！😋沙嗲金菇肥牛粉絲煲必食！香濃惹味🤤🤤🤤 沙嗲醬香氣撲鼻，肥牛份量多 十分軟嫩，金菇爽脆，配埋粉絲，配飯食一流 好滿足🤩瑤柱金菇炆伊麵簡單又美味嘅炆伊麵，瑤柱鮮味濃郁，金菇同蘑菇都好爽脆，配埋伊麵，美味又飽肚🤤

小城裡面隱藏著一個大廚！位於觀塘成業街的小城大廚深受街坊們歡迎，這理有打邊爐、私房菜及小菜，一入到嚟見到晚飯時間都坐滿了人。這裡的枱面有紙巾方便又體貼，雖然係地牢，但係呢度都有Wi-Fi設備供食客使用。餐廳有做緊唔同優惠活動，留意到啲套餐都好多野食都多元化，有二、三及四寶餐呢！我哋叫咗花膠燒豆腐、芹香油鹽水浸蜆、酥炸豬大腸同埋紅燒脆皮乳鴿！花膠燒豆腐遠看真像羅漢齋，有豆腐冬菇等齋菜，清清地幾好。除此之外有浸蜆，份量多，裡面也有芹香油鹽的香味呢！另外豬大腸令人喜出望外，佢即叫即炸唔會太肥膩，有菠蘿墊底夠晒開胃 🤤。仲有脆皮乳鴿，價錢相當平，只係$58原隻上，絕對係邪惡之選。

工廈內有鑊氣大排檔小廚，但冷氣夠勁，地方又乾淨，仲有每日兩款特價精選同埋10款每日都有嘅$78超值小菜，實有樣啱食，多人食飯叫幾樣，除返開就會好抵客家沙薑雞 $78/半隻欣賞佢有信心冇另外比沙薑醬，果然隻雞本身已經調味啱啱好，沙薑味重但唔會死鹹，肉質嫩滑而雞皮爽彈，$78半隻高質抵食蜜椒薯仔安格斯牛粒 $138牛粒份量好多，肉質有彈性唔會好韌，而薯仔都唔輸蝕好好食，炒到好脆身，蜜椒調味又係啱啱好，香口得來唔會太辣太鹹黃金金沙鮮魷 $128果然係邪惡之選，一上碟聞到勁大陣鹹蛋黃味，脆炸鮮魷香濃脆口但唔油膩，魷魚質地爽彈好新鮮，份量都好多絲苗白飯 $12

公司清年假外出遊玩幾日，玩到個人癲咗，返回香港都唔想煮飯食。今日心思思，想出去搵間好食既中菜館，於是在萬能的朋友圈睇到，一間位於觀塘成業街成業大廈內的地下有間名叫「小城大廚」中菜館，朋友大讚抵食好味！於是約埋朋友即刻去尋味。原來要穿過大堂，經過保安崗位入到內邊先睇到呢間被工廈隱藏的中菜館。一入門口被一位熱情美女帶到櫃枱查看訂枱號，而令人眼前一亮，竟是任食兩個字，雖然是人間8月天，櫃台上竟然還有一個裝滿各式各樣的糖果盒供客人任食，很暖心！小菜上枱，真係味力沒法擋，我哋一邊品嚐美食，一邊談天說地，竟然忘記拍美食。值得一讚是炸子雞，皮脆肉滑，好好味6個人又酒又肉先系688元，抵食！

成日係成業工業大廈食嘢 都唔知原來地下仲收埋咗咁多餐廳呢間餐廳好大 檯數多 大檯亦好多 岩曬一班人聚會 感覺似足大排檔閑日我哋6點就到 到我哋走嘅時候已經坐滿半場🥢胡椒浸台山桶蠔 ($198)台山蠔出名正 有8隻 隻隻都咁大隻又新鮮🥢川味口水雞 ($78)每日有唔同嘅特價小菜 就算特價隻雞都算大隻🥢椒絲腐乳炒通菜 ($78)呢個腐乳通菜偏甜 炒得好有鑊氣🥢小食x2 ($20)雲耳同青瓜都幾好食 又唔算細份wor🥢茶介x2 ($16)一般嘅鐵觀音 普洱 香片呢D都有 仲有菊花茶 正🌻2個人Total$390 我哋都食唔曬 其實3個人都夠食 仲唔洗加一而且呢度嘅午餐選擇都好多 價錢唔貴 外賣自取仲有9折 食早D11:00-12:00堂食亦都有9折不妨一試👍🏻

不知所謂的服務，落單30分鐘仍未來菜，到收銀問是否漏單，佢話已經落單，叫我再等，再過多5分鍾再催完全冇人理，之後和朋友埋單，只飲了一枝啤酒和枱上的指定花生青瓜小食，竟然還敢收茶錢，這間一定永遠bad list😡😡😤😤

昨天星期日，經openrice 網上訂座6:45兩位，第一次去，不熟觀塘路線，所以遲了十分鐘才到，居然安排坐在廚房出菜位，隔離就係大垃圾桶，其實入面還有其他座位，有必要嗎？唔食啦

食物方面：本身想去食西餐，冇位，所以入咗呢間中菜館，有驚喜！叫咗個魚肉荷葉飯，好好味，兩個人夠食😋😋😋另外個梅菜扣肉都好正，好林，好入味，入口唔覺肥膩👍🏼👍🏼👍🏼服務方面：員工好熱情，有禮貌環境方面：乾淨，傾計都ok性價比方面：適中，合理，味道真係唔錯備註：都幾full，最好去之前book位如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

觀塘工廈抵食中菜今星期來到觀塘工廈- 小城大廚食中式晚餐，有幾道菜值得嘗試。水煮魚片$168魚片入味，辣度適合🈴香港寶寶體質，辣中帶麻，香料很多，花椒八角，配料都好多，豆芽木耳蓮藕萵荀淮山薯粉份量很多，湯汁很下飯杞子蠔仔浸西洋菜煲$128清新之選，杞子蠔仔西洋菜份量很多，和上湯很搭，清淡中帶鮮。潮式沙嗲金菇牛肉$98沙嗲汁惹味濃郁，金菇份量多，牛肉片很嫩。人均$200，吃得飽飽，大滿足😌。Restaurant: 小城大廚Address: 觀塘成業街19-21號成業工業大廈地下3號舖

放工去食港式小菜，去咗間位於工廈地下嘅餐廳，入面近乎坐滿，係一間好受歡迎嘅餐廳😄 有好多大枱，適合一大班人聚餐！同朋友嗌咗3碟，客家黃酒煮土雞半隻$178，一上菜已聞到酒香，個汁調得好惹味，啲雞肉嫩滑，啖啖肉，推介！魚湯海味浸娃娃菜$98 係餐廳推介，個湯少味精，可以飲晒佢，魚味濃，好味到飲晒佢😄仲嗌咗個瑤柱金菇炆伊麵$88，份量多，啲菇同芽菜都多，食完好飽😄 成餐2個人$380，又唔加一，屬好抵食嘅晚餐，難怪咁多人幫襯！

之前同朋友傾開偈朋友知我好鍾意食大排檔既鑊氣就介紹我去觀塘呢間好有鑊氣既私房菜度食今次去開觀塘買野就同老公去試下啦🤭一坐底已經有兩碟小食比我地食分別係涼拌青瓜 & 醋黑木耳， 少少酸酸地又少少辣辣地咁好開胃我地叫左重慶麻辣雞煲 $138/半隻雞好嫩滑，亦都好入味，半隻雞加埋配菜份量好足料冰鎮脆皮咕嚕肉 $128咕嚕肉係我每次食中菜都會必點既菜式😍因為我超鍾意個隻酸酸甜甜既味道🤤呢個冰鎮脆皮咕嚕肉用一堆碎冰墊住係底🧊仲有燈係冰裡面透出嚟，加埋菠蘿椰果藍莓做甜綴😍用黎打卡一流🤗除左睇得，個味都好得👍外脆內軟外凍內熱🤤好味金銀蒜粉絲蒸勝瓜 $88勝瓜蒸得夠腍，面頭鋪滿蔥同蒜蓉，個底d粉絲吸晒d醬汁精華，好好食🤤呢度仲要係免收加一服務費👍小城大廚📍觀塘成業街19-21 號成業工業大廈地下3號舖

觀塘工廠區美食林立，今天我和老公去工廈的「小城大廚」吃晚餐。甫坐下，看到牆身寫上「十二金牌菜」，小菜相當有特色，而且價格相宜。如「生死戀」、台山五味鵝、黃酒煮土雞等。還有「東主親下廚」，如酥脆牙帶魚、台山黃鱔飯等等。再開看餐牌，有抵食的孖寶套餐$188，有蝦又有雞！每天還有兩款特價精選，今天是星期二，我們選了蒜蓉粉絲蒸蟶子。前菜：冰鎮梅釀苦瓜和鹽焗花生。冰鎮梅釀苦瓜給人一種涼爽的感覺，苦瓜帶著梅汁的味道，與苦瓜的爽脆口感形成了很好的對比，非常開胃，而且一點也不苦，值得一讚！而鹽焗花生也炸得非常香脆可口。孖寶套餐：椒鹽海蝦海蝦很鮮甜，外層炸得很甘香，配上椒鹽的香氣，讓人回味無窮。頭抽霸王雞雞肉鮮嫩多汁，搭配頭抽醬汁，口感豐富。雞很滑，而且非常入味，大大的一碟，份量十足。蒜蓉粉絲蒸蟶子（星期二特價， $128 四隻）蟶子肥美肉厚，加上大量粉絲及蒜蓉，吸收了豉油和蟶子的鮮味，非常好吃。蟶子蒸煮時間恰當，肉質鮮甜彈牙。頭抽安格斯炒飯炒得很乾身，安格斯牛肉的肉質鮮嫩多汁，搭配炒飯的香氣，令人垂涎。還有切粒芥蘭梗，爽口嫩綠，配上頭抽的鮮味，真是一碟出色的炒飯。這真是一間出色的隱世小廚。菜單上還有很

收工在觀塘區一齊尋找工廈美食，找到呢間聽聞好有鑊氣嘅私房菜。🤤因為沒有訂位，餐廳已幾乎滿座，我哋只能坐二人枱卡位。餐廳會收$8一位茶芥，會準備滾水同埋茶，我哋點了普洱。呢一日天氣好凍，餐廳職員建議食暖胃的煲仔菜式。🔷胡椒中蝦豆腐煲 $108本來以為會好辣，猶豫咗好耐。食物上枱嘅時候聞到好香的胡椒香味，食落口反而唔辣而且十分香。🔷魚湯海味浸娃娃菜 $98必點，蝦乾味道突出，有魷魚同茹類，娃娃菜配魚湯非常香甜。🔷黑松露蝦多士(4件) $108蝦多士炸得香脆，蝦又夠大隻，十分好食。🔷飛天鹹豬手 $138食物一上枱，職員就提醒要先食鹹豬手，因為炸得剛剛香脆，趁熱食先最好味。果然，皮好脆，肉都唔會好咸，白飯未到已食了幾件。伴碟是酸薑，食2塊清新口腔，唔會覺得豬手膩。🔷見有款花臉啤酒做推廣 $16就試下。手工啤酒，花香甜味好突出！係十分適合女士飲的啤酒。職員不時有來收碟同埋加水，見一位似是經理或是老闆會落場落單上菜，會同客人傾偈一齊飲酒，好有私房菜特色。👍🏻今次未有點鑊氣小炒 ，反而試了幾款餐廳職員推介的菜式，全部都好好食，下次都想試埋小炒菜式。臨走見餐廳做緊推廣中式養生放題，有雞煲，海鮮啤酒任飲