小城大廚

營業中

休息中

我今晚約左好友到觀塘成業街 19-21號成業工業大廈地下3號舖的小城大廚食晚飯。環境寬敞，有當年香港大牌檔的風味。我點左三寶套餐$298，包括清蒸沙巴龍躉（一斤）、蘿蔔清湯牛腩及金銀蛋時蔬；另加美極香煎安格斯牛粒$128。小食是涼拌青瓜和木耳，青瓜和木耳相當爽及脆，條沙巴龍躉蒸得剛剛好，魚肉嫩滑，值得讚賞，食魚一定要趁熱食，才能享受到滑溜的感覺。蘿蔔清湯牛腩也值得一讚，牛腩軟腍清甜，帶邊的油脂入口即溶，好好的享受！白蘿蔔爽口無渣，湯底好清，可以帶出食料的原味！金銀蛋時蔬（菠菜），味道不錯，很好食！美極香煎安格斯牛粒，熱辣辣地上桌，香噴噴，牛肉的肉質好味多汁，令我食不停口，配菜有菇菇及彩椒，亦都被掃一清！整體表現優異，值得推介👍👍！

經過見到就嚟試吓呢間工廈入邊嘅小炒。一入到去個場好熱鬧，有少少高級大排檔feel，星期四嘅晚市都好旺場👍🏻入邊地方乾乾淨淨，價錢亦都唔貴。下次會再嚟。首先，嗌咗個乳鴿，$48抵到喊。夠脆皮，而且好嫩口啲肉👍🏻想有少少住家飯feel叫咗個蒜蓉炒菜心，新鮮唔會炒老咗。跟住叫咗個三色椒炒花甲，好足料，所以食到呢一度都飽飽地🤣重頭戲係叫咗條蒸魚，好鍾意啲蒸魚豉油，甜甜地又唔會太鹹，真係拎嚟送飯一流。條魚夠肥美新鮮，食到飽一飽，勁有住家飯feel。所以今餐飯非常滿意。我哋兩個人食埋單都係$400 ，好抵食嘅晚餐又豐富，下次會再嚟！

🧡《觀塘鑊氣小炒私房菜》- - 小城大廚觀塘區工業大廈中式食肆林立，要喺咁多間中式食肆中突圍而出， 十分唔容易😣。今次呢間私房菜係經觀塘工作的朋友推介🫡，叫我一定要嚟試。我哋除咗大時大節都一般會較少食中式小炒，但今次食完之後，果然食物十分有水準💕，值得支持，一定再回頭食！大家有興趣都可以去食😋😋🐟魚湯海味浸娃娃菜 （$98）第一碟餸，最快上枱的是魚湯浸娃娃菜，撲鼻而來係魚湯嘅香味，偷偷試飲一啖，魚湯味濃🐟🐟。娃娃菜索晒啲魚湯，好鬼好食！😋😋🦑黃金金沙鮮魷（$128）要整得黃金鮮魷得好味嘅地方要三樣要求👌🏻，第一新鮮嘅魷魚彈牙，第二炸皮脆薄可口，第三鹹蛋黃炒出沙，呢間餐廳全部要求都做足☺️☺️，份量亦十分足夠，用嚟送白飯一流🍚！🐮🥔蜜椒薯仔安格斯牛粒 ($128）蜜椒薯仔安格斯牛粒係咁多樣餸之中最好味，首先一上到枱蜜糖同黑椒香味已經令到我地流晒口水，薯仔係有用炸漿包住炸，然後，連同牛粒、蜜糖、黑椒汁一齊爆香🤯🤯，安格斯牛粒亦脂油嫩口，冇得頂‼️😳😳🧄蒜蓉粉絲蒸蟶子 ($48/隻)蟶子肥美肉厚，加上巨量粉絲及蒜蓉，蒸煮嘅時間亦都唔會太長，肉質不會煮太老，時間啱啱好。☺️☻味道：9/10☻環境：7.

觀塘工廈入面充滿穫氣的小炒，有非常抵食的三寶套餐$298，有魚有肉又有菜！去到7點幾就非常爆場喇，勁多打工仔收工黎食。 👍清蒸沙巴龍躉 先把蒸魚豉油再淋曬成條魚，夾開皮又淋，蒸魚厚肉唔腥又嫩，連埋蔥食口感一流，完全食唔到魚鱗，鮮甜的魚肉同醬油溝飯食，好滿足☺️。 👍客家梅菜扣肉煲打開熱辣辣的砂煲裝十分保溫，入口即溶一啲都唔肥唔油膩，🤤而且肉同最底的梅菜炆得超入味又腍，我食左兩碗飯😂食左咁多肉最後再叫左🥬金銀蛋時蔬同欖菜肉鬆四季豆，正正常常，沒什麼驚喜。

收埋喺觀塘工廠區嘅私房菜，地方超級大，價錢都好抵食，小菜有鑊氣，每道菜都有實力真功夫地好味。雖然與豪華裝修或雅緻風情扯不上邊，環境係比較大排檔式，但坐得舒服呀！可以唔使拘謹，大聲啲講嘢都唔使怕🤣其實黎呢d地方麻甩食下都幾放鬆架😆一坐低就要揀茶先：鐵觀音/普洱/壽眉等等。之後好快上左2小碟小菜：醃苦瓜&鹽焗花生。估佢唔到個醃苦瓜又幾好食喎，酸酸甜甜唔太苦， 平時唔食苦瓜的我都食咗好多條。見到佢有海鮮缸，真係有游水海鮮自己揀。🥢豉椒炒蜆$88👍👍👍呢度嘅海鮮果然新鮮‼️蜆又大隻又新鮮鮮甜，個汁都好好味，絕對係上乘嘅豉椒炒蜆，食過就知我講乜，真係必試‼️比一般大排檔炒既超班。🥢黃金孖寶$138有齊魷魚鬚同海蝦，鹹香四溢，黃金海蝦炸到個蝦殼好香脆，就咁食都得，都係好味之選👍👍🥢大良海鮮炒鮮奶$128 見佢寫係"鎮店招牌必食推介"，大良鮮奶確實唔係度度都有，如果想試可以喺呢度試到，主要係蛋白炒鮮奶，配有蝦仁、魷魚、脆脆、果乾，個奶會有少少甜甜地🍻🍺大青島$28呢啲環境冇你又唔啤一啤佢啦😎🍚懷舊豬油砵仔飯$15另一唔係度度有得食嘅嘢。會有一大支豬油同一支自家製甜豉油，自由畀你落，鍾意落幾多就幾多。呢啲

觀塘工業區很多食店，但這間位於成業街成業工業大廈地下的「小城大廚」很有口碑。主打有鑊氣小菜，故店內有多枱大圓桌適合大班朋友或與家人聚餐。這裡的小菜價格相宜，每天還有2款特價精選，都幾抵食。～美極大虎蝦$88/4隻是日特價精選，虎蝦都幾大隻，而且新鮮爽口，以美極烹調非常入味。～香辣花生伴魚皮$78喜歡辣的朋友特別推介，一流的佐酒小吃，花生及魚皮都很爽脆，川辣味道食到唔停得口。～金湯酸菜肥牛片$128坊間太多酸菜魚，有時轉下口味，試吓酸菜肥牛吧！一樣用料十足，配菜有萵筍、木耳、淮山、紅薯粉等。大碟抵食。～瑤柱粟米羹$98這裏以瑤柱為粟米羹作主打，而不是像酒樓般用魚肚，咁樣又幾特別喎！

最近和好友到觀塘一間小廚試食，這間餐廳位於地鐵站B出口附近，步行至馬會再轉左，直行到成業工業大廈即可抵達。餐廳地方寬敞，設有多張大枱，非常適合一大班人聚舊暢飲。我們兩人點了一個三寶套餐，都幾豐富多樣，包括龍躉、梅菜扣肉、金銀蛋雜菜，另外還額外點了豬油飯和蠔餅。食物的份量十分足夠，好抵食。龍躉，熱辣辣上菜最重要，肉質鮮嫩，搭配上特製的醬汁，好味。梅菜扣肉，這個是我必點的。雖然看起來好肥美，但其實爽口，肉質鮮嫩多汁，梅菜的酸甜味道與肉的鮮美完美結合，正啊。金銀蛋雜菜，金銀蛋的口感軟綿，搭配上時令蔬菜，中和濃味菜式。另外我們還點了豬油飯和蠔餅作為配菜，豬油飯原來是自己落豉油及豬油，香氣撲鼻。蠔餅香脆可口，好多蠔仔，惹味小吃。除了主菜外，餐廳還提供了前菜，讓我們在用餐前可以先享用開胃小食。這裡服務也很好，價格也相當合理。

今晚和老公又去觀塘工厦覓食，誤打誤撞嚟到小城大廚，小菜具特式，頗有驚喜。餐牌上分別有單點小菜、圍菜、孖寶、三寶、四寶套餐及每日特價精選。而牆上亦有十二金牌菜式，種類繁多。有些小菜，如生死戀、沙姜豬腳筋及台山五味鵝等更屬坊間少見。當我見到生死戀這道菜，便想起鼎爺曾經在電視節目上介紹過，立即鎖定為今晚必點菜式。單點這款小菜要$288，四寶套餐只需$398便額外多兩道菜及一窩湯，當然更化算吧！🐟生死戀～這道廣東名菜是用咸馬友魚乾和新鮮馬友魚炮製而成。先將魚乾切條，放於鮮魚魚腹內，再加薑絲和葱絲，然後上鍋蒸熟。馬友魚肉多骨少，魚肉肥美甘腴，味道醇，肉質嫩。鮮魚和鹹魚糾纏在一起，互為襯托，自然超越生死，難怪會有這麼浪漫的名字了！🦐上湯焗虎蝦～虎蝦四大隻，用上類似上湯龍蝦的烹調方法，蝦肉彈牙，肉質鮮甜。🥬時菜炒牛肉～芥蘭爽甜，牛肉有嚼勁。🍲芫荽皮蛋豆腐魚片湯～平常不吃芫荽但愛喝芫荽湯的我，特別喜愛這道材料豐富又下火的湯。假如你是喜歡品嚐特式小菜的觀塘友，小城大廚應該會是你杯茶！

🥢 冰鎮脆皮咕嚕肉💰$128未食過冰鎮咕嚕肉，睇個名都知道係冰墊底再放啲咕嚕肉，外觀上放咗啲椰果、菠蘿粒等等去做裝飾，賣相就會更加豐富。咕嚕肉脆身外皮再加上冰凍效果，口感幾得意，而且咕嚕肉酸酸甜甜好開胃🥢 蜜椒薯仔安格斯牛粒💰$128薯仔同牛粒都黏滿蜜糖同黑椒，牛粒有牛味，夠淋，薯仔炸得脆身，而且好大嚿，薯仔同牛粒嘅比例平均🥢 客家香煎蠔餅 💰$108香煎蠔餅都幾大份，我哋兩個人食完全夠晒，蠔餅厚身，蛋味濃，配埋唔少蠔仔，咬落去淡淡都有口感

觀塘區工廠大廈嘅中式食肆，人頭湧湧，星期六日都有套餐，仲有一圍圍嘅菜式，有細枱有大枱唔怪之得咁多人我哋兩個人就叫咗一個孖寶套餐美極香煎海蝦: 兩個人嚟講份量都唔少，海蝦到香香脆脆，有豐富嘅豉油味道～蝦頭有少少膏，好鬼正！！客家蔥油雞（半隻）食雞，雞固然係主角，但更重要嘅係啲蔥油！！雞夠嫩滑又多肉，蔥油味道好香，有鹹味火腩白鱔煲 呢個菜式唔係度度有得食就一於叫嚟食吓，火腩永遠是港人既最佳美食，白鱔有蒜香味🧄大大嚿幾多肉，唔算多骨！好有風味一碗絲苗白飯夠晒兩個人食

自從多在觀塘工作的我， 知道了一間觀塘工廈的私房料理餐廳🍴 食物有水準，值得支持🧡豉汁蒸鱔球我覺得處理鱔都幾麻煩，係屋企實在懶得搞，所以餐廳品嘗到鱔我都會點😁 ， 而小城大廚的蒸鱔粒粒新鮮飽滿多汁， 愛鱔的人一定喜歡💕蒜🧄蓉蒸勝瓜蒜🧄香味撲鼻，勝瓜腍軟可口，好好味🤤椒鹽九肚魚獲氣十足，九肚魚椒鹽香脆咬落又魚鮮香軟！最後品嚐了燉盅湯品好滿足！🧡小城大廚 觀塘成業街19-21號成業工業大廈地下3號舖

不時轉下口味 系觀塘發掘下啲隱世粵菜店🤪小城大廚主打鑊氣小炒 地點系成業工業大廈入面 搭lift位置後面🥢孖寶套餐 $188一個套餐兩味餸🤑加個白飯都夠曬2個人食🔸️美極香煎海蝦個殼沾滿曬醬油 食得幾滋味😂蝦肉新鮮爽口 吾覺梅🔸️頭抽霸王雞 (半隻)薑蔥辣椒鋪系面 色香味俱全🥰雞肉滑溜 連雞胸都吾嚡 加埋頭抽 正丫🍜瑤柱金菇炆伊麵 $88好大碟 熱焫焫 而且真系有瑤柱粒系入面😎另外有冬菇片銀芽 口感吾錯🐚蒜蓉烤帆立貝 $1818蚊隻做餐前小食就岩曬啦 過下口引😊🦪蒜蓉烤台山蠔 $30幾驚喜 烤完之後隻蠔仲系好大隻 脹卜卜 入面juicy 又惹味👍🏻💭食物質素好 又多種類 價錢相宜 環境寛落 幾適合一大班人聚下👏🏼

🤤午間時間，帶住餓肚去咯食個飯。跟朋友落咗陣去間工廈嘅中菜，醒胃開場先來個燒乳鴿——呢個又香又脆，食落好過癮！接着嚟個金銀蛋時蔬，就係一道簡單又有家嘅feel嘅菜。蛋香四溢，啖啖菜心彈牙又清新。再嚟，馳名客家鹹香雞彩呀🍗！皮實在係滑得嚟唔肥膩，肉質鮮嫩，啖啖肉香，講真，啱哂我哋呢啲愛吃肉嘅食客。個淮杞螺頭烏雞燉花海參⚫😋湯底得意，鮮甜得嚟又濃稠，幾滋潤，食葉淨白飯都得！講到啱晒冬天嘅菜式，薑蔥台山蠔煲必須榜上有名，啫喱塊蠔仔，海鮮味直接襲上心頭，加埋夠味薑蔥，幾正宗！整體來講，飯局真係無挑剔，又暖笠笠，簡直就係寒冬中嘅溫暖呼吸啊~未講埋份量，每個菜都足夠幾個人share，真係物有所值。啱晒一家大細，又或者同班friend來打邊爐。呤，準備返工喇，唔可以食太飽😜。我下次一定會再黎探探底！

觀塘依間「小城大廚」除咗有唔同嘅鑊氣小炒之外，仲有川菜、串燒等等，嚟到嘅時候已經座無虛席，可見真係唔少人嘅飯堂，最重要係無收加一服務費，而且食物份量多，餐飯最後都有少少食唔曬。金湯酸菜肥牛片（單點$128），表面鋪滿芝麻、辣椒、芫荽，肥牛肉質嫩滑，牛味濃厚，好足料，配料包括有萵荀、蓮藕、淮山、芽菜、酸菜、木耳、寬粉，湯底味道酸辣，好適合湯撈飯。蒜蓉粉絲蒸蟶子（兩隻$96），表面鋪有芫荽、香蔥、指天椒、粉絲，蟶子肉質肥美，味道鮮甜。椒鹽茄子（單點$78），份量多，表面鋪滿炸蒜，茄子口感外酥脆內軟腍，食落好Juicy，味道惹味。蒜蓉烤帆立貝（兩隻$36），表面鋪有蒜蓉、指天椒，帆立貝食落有鮮味，帶有牛油香味。絲苗白飯（兩碗$24），口感軟硬適中。小食（單點$10），香醋青瓜，口感爽脆，味道酸溜。小食（單點$10），涼拌木耳，表面鋪有蒜蓉、芫荽，口感爽口，味道酸甜。茶芥（兩位$16），茶味濃香。

🫶🏻小城大廚位於觀塘成業街，每晚好旺場，除左細枱仲有多張大枱，適合一班朋友聚會。當晚8:30去到滿晒座，食客飲酒傾計場內非常熱鬧。餐廳有中菜亦有任食火鍋，選擇多元化～而中菜有多款鎮店招牌及撚手小菜，果然係私房菜～🤣約會三寶餐 ＄298 (餐廳命名) 清蒸沙巴龍躉(一斤)梅菜扣肉/鎮江小排骨/蘿蔔清湯牛腩 (任選一項)金銀蛋時蔬🐟依個餐好抵食，一斤既龍躉夠晒兩人食，共3餸好豐富。沙巴龍躉有隻碟咁長，開邊放係碟再鋪滿青蔥賣相好靚。肉質超級嫩滑，用青蔥豉油送飯一流。蘿蔔清湯牛腩中有菇做配料，蘿蔔好正完全無渣； 牛腩整到好入味～金銀蛋時蔬的菜係任君選擇，我選左西蘭花，但原來味道都好夾。主要係個湯較清，食菜時配鹹鹹的金銀蛋，讚👍亦有肉碎配料非常香口～🥣川芎白芷魚頭湯(一盅)好驚喜，餐廳竟然有依個湯售賣，外面好少中菜餐廳有依款湯賣，因為依個湯相對較為花時間製作。一開蓋，配料非常多，有魚件、瘦肉同圓肉。湯頭色澤金黃，除了清甜後，亦會有一陣特別既菜材味道，而我當初亦係因為鍾意依隻味道而鍾意左飲依款湯。🍽️陳皮蒸鮑魚陳皮切好一絲絲放係鮑魚上邊，連埋蔥兩樣配料都能幫助提鮮。而鮑魚超軟身，一啖食晒，超新鮮！小