小川屋拉麵及日式料理

營業中

休息中

工廈拉麵，本身都無期望，仲覺得會伏，不過原本想食個間無位就去左睇睇，食完覺得比想像中好但同熱門拉麵店都真係有距離既。不過，呢間都係要排既，但隊就短啲，而且好似係唔知幾點(1230? 1245? 1300)前離座有折，到咁上下時間就會大批人離座。叫左期間限定蟹皇拌麵第一啖食有蟹皇味，但愈食愈無，少少雞白湯味，麵偏淋。不過不失無咩評語比到，真係好普通正常。不過呢個價錢呢個味道呢個環境同工廈黎講仲要自己執餐盤，收緊同地舖連鎖店差唔多價就覺得少貴。

本身想食樓下另一間餐廳，但人太多就嚟左呢間食物正正常常啦，價錢貴左少少，同樣價錢係同區有埋飲品最驚訝係埋單果時比店員叫返轉頭拎碟回收先好埋單依家餐廳係好多都會咁做嘅，但多數都係food court 同自行取餐嘅餐廳先係咁，建議舖頭可以多啲提醒客人呢條規矩，比人叫返埋位都幾面懵

喺九龍灣返工嘅人，中午食飯嘅時候經常要排隊等好耐，好多上班族都覺得好煩。不過，我最近發現咗間冇咁長隊仲不過不失嘅拉麵店？日式定食店？呢間拉麵店位喺九龍灣區，係一間工廈入面唔起眼嘅小店。因為我地人數10多個人，為咗唔駛等，我地提早中午12點嚟到呢度。呢間小店嘅選擇算幾多，有各種唔同口味嘅沙律，拉麵、飯同埋烏冬等等。滿足哂唔同同事既要求(某同事要扮減肥唔食飯食拉律🥗)，而我決定試下佢哋嘅夏天期間限定柚子冷沾麵🍋，好涼爽又解暑！面條有彈牙嘅口感同埋麵汁嘅酸甜檸檬柚子味道好好咁融合埋一齊，真係會令人回味無窮。我下次都會再黎呢間拉麵店，試下其他味嘅拉麵。如果你都喺九龍灣做工，唔想浪費時間排隊等食午飯，我好推薦你可以早少少黎呢間拉麵店試下。一定唔會後悔！👍

見到樓下派宣傳單張，俾佢嘅好吸睛嘅宣傳單張吸引住“午市1:30後入座買三送一個拉麵”原來而家有拉麵食？馬上上去試下！好耐冇嚟食嘢，啲格局唔同哂～餐牌豐富咗好多 😳仲多咗好多貓貓畫，好可愛！！ 😍 九龍灣嘅貓奴有福了！可惜淨係影咗兩幅畫，因為有其他客人唔方便 🤣下次再去～～呢度附近都冇乜拉麵選擇，但呢度就有好多款拉麵🍜雞白、豬骨、鹽味、麻辣、仲有黑蒜油～因為其他拉麵店好似都比較少黑蒜油味，所以叫咗黑蒜油豬骨湯試吓🤤好香好濃黑蒜油味！而且隻幼身拉麵好掛湯 🥰💕 仲叫咗芝麻雞翼，炸到脆卜卜好入味 🤤可惜今次一個人嚟，下次會儲夠四個人上嚟享用買三送一嘅優惠 🥹

I recently visited a ramen restaurant in Kowloon Bay commercial area, and I have to say that it was a very pleasant experience. The restaurant was clean and inviting, with a cozy atmosphere that made me feel right at my country.But the real star of the show was the chicken paitan ramen. The broth was rich and flavorful, with just the right amount of saltiness and umami. The noodles were cooked perfectly.I would highly recommend this restaurant to anyone who loves Japanese cuisine. The food is de

評分: Energy Bar …. 填肚都ok….今日同同事試左E間餐廳見有食評講到佢嘅拉麵同鰻魚飯咁好食…完全唔明一個自稱食開米之蓮三星餐廳點解覺得呢間野好食…. 本身非常期待 試完之後嚴重懷疑人生No offensive 但係正評個班人其實有冇食過好食嘅食物….Staff 嘅態度: 劣 唔知以為自己去左澳牛不過抵讚就係個裝修幾靚 幾有feel…. 冇啦九龍灣美食沙漠之中佢都算幾唔好食鰻魚飯超級鹹 勁多骨…. D 飯太濕… 拉麵似即食面…湯底重味精, 啲肉似罐頭肉… 食到懷疑人生… good luck…

以前都有食開, 但今次因為時間比較晏兩點幾鐘先上嚟食, 店長冇咁忙可以得閒吹水, 佢推薦咗碗仲未有售的新menu自家製黑蒜油豚骨拉麵🍜。味道有驚喜, 肉湯非常濃郁, 帶有濃郁煙熏味, 與黑蒜油的鹹味和微甜的味道完美平衡。麵條煮得恰到好處, 用左一蘭同款白身直幼麵, 叉燒片鮮嫩多汁, 半熟糖心蛋夠入味, 加埋拉麵靈魂: 紫菜一片。呢間日式料理店我幾印象深刻, 九龍灣樓上工廈舖好少有湯底咁正宗嘅拉麵出, 配料呢個價錢嚟講算多。肉湯好漿口, 味道濃郁, 麵又掛湯, 聽講湯底係店長以前學日文時在日本做過拉麵店抄考返嚟的。我肯定會向種意食拉麵嘅朋友推薦哩度。絕對物有所值, 期待下次再來。

環境relax! 因想食糖心蛋，睇下佢地Menu個炭燒豬軟骨飯係剛好配糖心蛋的，叫左黎食，豬軟骨夠入味，本身已炭燒過既豬軟骨仲要火炙多次做返個焦香味，在九龍灣工業區平日週街都排隊食垃圾既中午時段做到哩個水準算係咁！味噌湯仲要自助式任飲，海草都任你加！? 本人一個人都飲左2碗, 唔知佢地仲有無得賺...環境又舒適，食完飯差D舒服到D睡意都出埋黎...

呢排好耐冇出街食飯🤓同朋友經過小川屋食左個Lunch Set🍚兩個人決定挑戰鰻魚茶漬飯&鰻魚飯結果發掘到一間九龍灣幾抵食又好味概日本餐廳🤡1.）味道不錯+2.）上菜速度算快 +3.）鰻魚冇泥味～幾新鮮4.）每個套餐都好大碗，份量相當充足✨建議食量大嘅人可以晏晝過嚟食🤟🏻至於麵豉湯,我哋兩個都覺得對比成個餐嚟講不過不失🍱好可惜不過總括而言我哋兩個都覺得小川屋在九龍灣來說尚算抵吃✨✨✨值得推介

琴日咁啱公司做嘢要去九龍灣，決定去小川屋食lunch~呢間餐廳係半自助形式，有自助麵豉湯同沖茶區，非常方便 🫶🏻🫶🏻晏晝有成32度 🫠 好唔想食飯，決定叫個叉燒蟹柳稻庭烏冬試下 ❤️個烏冬食落好爽，唔會煮得太淋，而且掛湯，就算只食烏冬冇湯都食到甜甜哋 🤤蟹柳食落唔粉，個心唔會好實，蟹柳嚟講非常高質，推薦比各位蟹柳fans！🥹啲叉燒唔會太油，脂肪比例唔會太高，一啲都唔油膩~食寫完都唔係太有罪惡感 😆為食的我，仲叫咗個玉子燒 🥹❤️ 好少地方有得單叫玉子燒，而且只係 12 蚊一份，好抵好滿足 🤤日本叉燒蟹柳湯烏冬配溏心蛋 $68玉子燒 $12

有意外收穫,估唔到樓上食店都有驚喜～鰻魚: 肉厚身夠肥～表皮經火燒有炭香～飯量亦出奇地大份, 估唔到100蚊內有理想質素～另外題外話,估唔到佢地亦有賣日本入貨既食材, 可反兜～👍🏻

呢個係我食過最好食嘅鰻魚飯，性價比超高有睇我食評嘅人都知我去開高級餐廳，米芝蓮三星餐廳都去過幾間，依間係拍得住喺日本新sea to table嘅鰻魚飯。鰻魚飯肥美，鰻魚汁喺口腔度停留，唔太鹹唔太甜啱啱好。玉子蛋出奇地好味。下個星期會試埋佢最多人食嘅炭燒雞扒讚岐烏冬。呢度得意嗰個位係麵豉湯無限添飲。凍肉係高級凍肉有A5和牛，亦都係出奇地比市面更加平，良心老闆良心生意。用射燈令到整體環境幾高貴，環境舒適，啲位分得幾開，坐得好鬆動，亦都有房可以坐。亦都適合朋友聚會或者開會傾保險