小店

營業中

休息中

其中一間我最喜愛嘅餐廳☺️原來都好一段時間冇黎🫠餐牌大致上冇咩改變今次同阿爸阿媽一行三人黎食晚餐頭盤揀咗凱撒沙律同青口凱撒沙律不過不失 正常出品青口係每次黎都會嗌 大慨15-18隻雖然唔係話好大隻 但佢個汁真係好正 好香 好滑 仲有洋蔥甜味每次都會食剩啲汁 攞黎點包食主菜揀咗三樣 全部都轉set (+$39) 有包有湯同餐飲佢個包真係做得好出色 每次黎必叫 好鬆軟 同埋有好香嘅麥味主菜一: 羊架老闆建議我地七成熟真係啱啱好 肉質係鬆軟 好易入口 完全唔”un”配菜個芝士薯仔都好加分主菜二: 豬胺我地都係揀咗七成熟老闆建議我地沾一啲鹽食食到佢嘅原汁原味主菜三: Parma ham spaghetti 係我最鍾意嘅意大利意粉質地(硬身啲)一啖夾住Parma ham + 蕃茄乾 + 意粉真係好match 同埋佢個olive oil + 蒜片令到成個意粉再香啲因為最後太飽所以今次冇嗌到甜品下次再食過好鍾意呢到嘅老闆/娘會同大家分享唔同嘅食化服務態度超好重點係唔洗加一

今日又訂咗星期日家庭飯，除咗亞仔指定動作焗春雞，小蕃茄沙律，今日老闆特別推介新鮮麵包蟹，我又期待又緊張，之前食過焗蟹糯米飯，今日竟然係新鮮凍麵包蟹，啲蟹膏鮮味到停唔到口，蟹肉鮮味，有家人話好過食潮州蟹，我就覺得不能咁樣比較嘅，總之今晚老人家和小朋友都食得津津有味！老闆真係又一佳作😋😋，我就食蟹配咗支白酒非常好味，再加咗個蒜蓉炒橄欖意粉，不得了！😋😋 今晚餐廳滿座，我諗住母親節再約大家人一齊食，要預早訂位！😘

今日收工去九龍城搵老公食飯～牙痛關係唔知自己想食咩～見到呢間覺得幾好就入左去我叫左個酥皮焗新鮮青斑配意大利巴馬火腿、芝士、菠菜。首先賣相幾好，好似蛋糕咁🤣切開就見到青斑，巴馬火腿、菠菜同芝士，菠菜清甜，魚唔腥，好夾。我要左南瓜湯，有d南瓜粒粒咁，好creamy唔知咩包但幾好食，夾住舊牛油邪惡（好似食菠蘿油咁）老公叫左炭燒西班牙黑毛豬扒，店員建議7成熟，話無菌既。咁當然試下，好多肉汁皮脆內軟，薯仔都好好食，個汁有d似芝士汁，有陣奶香味。佢個雜菜湯唔係牛肉係雞肉嚟估唔到佢杯奶茶都有茶味，通常西餐廳既凍奶茶都麻麻地，不過呢次連凍奶茶都有驚喜

由舊鋪幫襯到而家，每一次入到餐廳唔洗睇Menu 都係次次叫同幾樣野，舊鋪其實有一次不愉快經歷，就係食食吓飯又一隻好大大大大嘅曱甴跌咗落我膊頭，真係好驚好驚，但當時覺得佢哋嘅意粉真係煮得好好食，就算有唔愉快嘅經歷，都令我心掛掛住啲意粉會返轉頭再想幫襯，直至去早幾年轉左去新鋪地址.. 食物質素水準都大不如前，每次食完成身都係油煙味咁走，通風係非常失敗，都堅持比多幾多機會佢地，就算我lunch去食，都唔會嗌lunch set，會直接叫返晚餐嘅Menu，都係嗌同幾款食物。今晚帶咗個朋友去食…真係令我非常非常非常失望，朋友唔熟，所以佢要睇Menu，我哋並不知道鴨肝原來有分好多款，我只係好似平時咁叫返同一樣嘅鴨肝，但係嚟到嘅時候竟然唔係我平時嘅煎鴨肝，而係凍的鴨肝多士，我好好態度去問職員，職員態度惡劣，咁話係我朋友指錯，佢冇錯，當然係我朋友唔多唔少都有責任，但我只係想話返俾佢聽，我唔係唔想唔俾錢，錢會照比，只係想反映番比佢哋聽，如果鴨肝多一款菜式，客人落單的時間係咪好應該問清楚，係要邊一款，而唔係推卸責任，亦都冇重覆張單一次比我地聽，我去多咁多次，根本都唔知道原來鴨肝係多過一款菜式，但係我無奈得到

疫情下有幾個月無到小店用餐，因為節目都無大幅加價，所以揀呢間食除夕。小店同米芝蓮剛剛相反，沒有華麗的裝修 (但也坐得舒服)、沒有做作的服務 (但有當客人是朋友的老闆)、沒有跟出面千編一律的菜式 (如果第一次食又接受不到新事面可能令你不習慣) 。就個人以言，意粉從來未令我失望，口感、蒜香、簡單材料就是小店一流意粉的原素。小食拼盤的煙三文魚煙鴨胸及火腿，全部都唔鹹夠味，用來送酒一流。小店不算平價，但絕對是物有所值，前提是你去呢間餐廳純粹為咗好食，另外你唔係以為客人就高高在上。如果對食有興趣，可以同老闆傾吓，佢會將好多知識傳俾你。

呢間由細食到大 由以前兩間舖食到合併埋一齊唔明點啲食評講態度差因為一直食開老闆態度都非常好同埋心太軟咁多年都咁好食皮薄勁多朱古力流出嚟🤤🤤不過係九龍城唔係太就腳唔係嘅話一定成日都食

完成受氣的一餐，我們5个人，朋友門口泊梗車，他們話一定齊人先比枱，之後3个大人，2个小朋友，叫了4个餐，佢話要最低消費，仲要指住个餐牌講，我話2个小朋友share一个餐，佢話唔得要照收，跟住我朋友話唔係咁呀，仲要兇我朋友問係咪黎食飯ga,d態度咁，完全唔係做生意，真谷氣😡

昨天第一次去試下，滿心期待，点知午餐牛排跟薯條的牛排超级多筋，完全食唔到，九成是筋要吐番落碟，話俾肥店員知，佢問番我‘’咁点呀？‘’，我話你睇下，完全食唔到，全是筋，他再說‘’咁点呀（呀字高音）？‘’，你咁嘅態度我冇嘢好講，一肚子氣，餓住個肚埋單，唯有blacklist佢，試一次後怕怕，以後唔去！！失望之極！！

舖頭雖然唔大，但係食物真係幾好朋友生日揀咗呢間，冇諗過最後嘅甜品咁好味😍仲有嗰個乳鴿意大利飯，飯粒軟硬適中🤟龍蝦湯稀咗少少仲有嗰個炭燒牛扒，我都會比90分呢個價錢呢個質素值得一試

諗住差一個人入去坐陣等都唔俾肥老細堅決拒絕我地入座 大熱天時要我地等 入面仲有大半既空位！到叫野食時候 完全唔出聲 然後又漏單又錯單 又話整左就冇得轉 當日野飲就得番熱飲 但時間仲係中午12點 完全百思不得其解 叫左個牛脷意粉 煮到好似煲湯咁野飲叫走甜又冇走 一樣冇得改 要照飲仔仔跌左刀餐落地 拎過set又等左勁耐 食物又凍哂 質素一般 同啲員工餐廳質素差不多 另外仲發現原來佢對熟客先會十分友好 招呼周到 睇黎新客人是不太歡迎此食店不可一 不可再！

雖然冇黎小店一斷時間，老闆仍然係咁親切，食品仍然係咁好味。今晚有幸食到老闆嘅Special菜式炸雞配藍芝士醬及酸辣醬雞肉炸得嫩滑juicy，如果喜歡食藍芝士，果醬一定覺得perfect，老闆用料十足。另一Special，餐牌都冇寶雲酥焗澳洲羊架羊肉要左7成熟，十分美味，羊肉入口即溶，嫩滑可口，配埋忌廉焗薯，正。另外仲食左鴨肝配多士及橄欖油蒜茸炒煙肉磨菇意大利粉，不過冇影相今餐嘅生日飯，最後食埋甜品心太軟。

已經幫襯左十多年, 由以前兩間小鋪, 再搬到新鋪, 是個回憶疫情我們一家已兩年冇來,以前每個月都會由將軍澳來專程食心太軟最開心是看到老闆健健康康,努力打點一切味道如十年前一樣頂級, 頭巾師傅的功力深厚真的很感動, 兩年後仍記得我們一家, 一個愉快的晚上以前最喜愛的芒果雪芭今晚沒有了, 士多啤利雪糕都好食

今日星期日，去食午餐，去番一間習慣咗去食嘅餐廳，一向感覺餐廳服務態度不是十分理想，不過地方都算企理，食物普通可以。點左安心出行準備入座，女主持人木無表情走埋嚟問我幾多人，我話兩個，佢去隔離街買嘢，好快到，佢即刻用目無表情嘅態度拒絕我入座，當時餐廳亦有一大半的空座位,亦無解釋。我覺得d無理於是我在門口等左一分鐘，覺得我可以入去即刻叫食物，以示我不會佔用時候等待，於是再入去坐低，準備叫野食，另一男主持走嚟問我幾位，我話兩位，不過我而家叫嘢食㗎啦，嗰個男主持諗咗一諗，又係木模表情咁叫我返出去，我話當我一個人來食得啦，我而家叫嘢食，呢個男人竟然話唔可以，我真係莫名其妙，佢哋態度都係相當冇禮貌，亦都唔解釋俾我聽點解，於是我氣憤離開。不過亦都想喺呢度同多啲人講聲，大家如果想入呢間餐廳大家要有高度嘅忍耐力預備佢哋呢一種嘅服務態度，完☹️

九龍城原來有這類舊式港產西式食店。看到它的餐牌，有肉眼扒、亦都有雞扒、金沙骨、以及這個紅酒燴牛尾。它的洋蔥忌廉湯，沒有什麼粟米，亦不會太杰，不覺得像白膠漿那種質地，味道亦都夠香夠濃，不太差。不過紅酒會牛尾配法包，份量不太多，紅酒燴牛尾有很多都是細細粒的牛尾，大件牛尾就只有兩件左右，不過都算味道不錯，帶點甜香，不算太過油膩；法包只有一條，看到追加替玉要再加$20 ，不過法包與DELIFRANCE那種法包比較，軟林一些，鬆脆帶香味，用來吸點紅酒汁，味道相當好。咖啡及奶茶不算好看，結果喝了咖啡，味道都不算香濃。

店員服務態度好唔友善，話說午餐時間，相約同事一齊食飯，我們一行三人，我有兩同事先行取位，因為我還未到達，着圍裙的女店員堅持要齊人先能夠入席 ，但我們只係得1小時時間，她說因為未人齊都不能入，因此我的同事唯有喺門口等，接着因為時間問題，我仍然未能到達，所有我叫他們先入店坐低，圍裙四眼女店員，安排他們坐二人位，他們坐低15分鐘後我便到達，跟着我入到店裏找我的同事，跟着我們要求轉去四人位置，當時店裏有好多吉枱，有一位肥男人戴眼鏡疑似老闆就話不能轉枱，四眼女店員又喺度非常之差話冇得轉枱，結果我非常之氣憤就離開以後都唔會光顧這間店舖😡😡😡