小廚港作

營業中

休息中

下午在荔枝角有要事要辦，時間不夠只能在附近茶餐廳快速用膳。小廚港作是一般茶餐廳格局，整潔度普通喇！一客火腿煎蛋併奶油豬仔包，煎蛋無得轉炒蛋，毫無彈性，煎蛋亦不算煎得透白滑溜。奶油豬仔包很脆口，味道吸引，若奶油份量更足更平均口味會更佳。仿鮑魚火腿絲午餐肉湯公仔麵，仿鮑魚絲味道不俗，午餐肉對辦。湯底味道一般，公仔麵是下價貨式，有進步空間。凍檸茶茶底唔錯，但檸檬片太薄不夠味。

係附近見完客, 又到食飯時間就隨便入左呢間小廚港作。除左名字改得頗有味道, 其他室內裝修其實同著通茶餐廳無異。 一張又一張散亂的餐牌, 唔想唸太多, 見到個餐有加「招牌」兩個未字既, 我就叫喇。超值午餐D 招牌咖哩牛棒棒骨飯 $45棒棒骨比我想像中細件, 一碟大約有4件, 其實碟咖哩裡面骨係多過肉既, 而且好多時骨肉散開, 並唔符合棒棒骨呢個稱號啵。咖哩好香, 超送飯, 但個人比較鐘意椰汁味濃郁既咖喱, 呢碟仲未達到要求。 薯仔大大件但都煮得夠透, 仲幾入味。主角棒棒骨亦都軟淋厚身, 本身以為個飯份量好多, 實食唔完, 點知比我食到一粒都無剩。午餐 以熱菜蜜甜美作結。

同人係長沙灣附近交收完,突然好想食個快速下午茶.諗住求其一間茶餐廳都ok.行到長沙灣廣場,有兩間茶餐廳,Lee 間都幾多人諗住實冇死.入到去,個個好忙,叫我自己搵位.自己坐左4人Ka位.睇下menu, 樣樣都好似怪怪combination. 見到招牌咖哩牛腩米粉,招牌野應該唔會差.舉左手1分鐘,都未有人尼.之後舉多一陣就有.叫左個餐加多杯凍檸茶少甜.上餐都好快,一飲,冇少甜.一杯兩杯同埋你地咁忙，算!個米粉之後上,賣相有小小不太美觀,分量一個牛腩一個牛根一個薯仔加米粉.咬第一下,米粉硬嘅,未太熟,加埋個咖哩湯汁有小小苦! 有時創新係好,但係好似愛情咁,有d野點都唔會夾得埋.1+1未便=2.用同事教ge香港slang, 有小小服! Sai & Tris rating 1/5. 好想rate zero 但是茶餐廳同只係$40,下次open rice 下先lor

天氣寒冷 胃口大開 忍不住吃一個大大的早餐 作為今天嘅開始😁經過小廚港作 當然要吃他們的招牌早餐 蕃茄牛腩湯配通粉 加火腿煎蛋牛油脆豬😋湯底配料十足 粒粒薯仔 牛腩粒 蕃茄蓉 還有少許洋蔥👍🏼通粉佔了半個外賣碗 廚師把它煮得還有咬口 並不會太軟 一般餐廳都會把湯跟通粉放在一起 但小廚很細心把它們分開👍🏼牛油脆豬 即叫即烤 少許牛油煉奶 令包面香脆金黃 配上火腿煎蛋 像burger一樣😂 吃飽飽又開始忙碌的一天了😊

牛扒配薯菜牛扒很有份量，肉多油份筋亦多，60元的價錢，算是合格。薯角熱辣辣，想唔好食都難(雖然炸得未夠乾及脆)。作為午餐可能在荔枝角區不算便宜，偶一食之亦無不可。奇怪的是，長沙灣商場入面有也有一間小廚港作，味道差別十分大，要食的就食商場外的那間好了。總結評分味道:6/10 價錢:5/10 (60)環境:6/10服務:6/10

這幾天都在長沙灣那邊工作 午飯時間和大伙兒子去了小廚港作 之前也曾光顧過這家在觀塘的分店 叫了份巴西肉眼扒 點了洋蔥汁伴意大利粉 標榜巴西草草飼牛 味道和一般港式西餐廳內的牛扒沒什大區別 肉質入口軟鬆散 口感一般算是合格 對洋蔥汁沒什麼意見 一般的做法所以一般的味道 只能說一份午餐 不過也不失而已

因著便利，到荔枝角港鐡站附近參加講座，未開始前便先在就近的地晚饍。餐廳的名字都頗特別，也不易讀。看見有心愛的牛扒，所以便點選了。其實在茶餐廳裏，都不會有很大的期望，而這個外型都算是不錯了。意粉的軟硬度也可以，有一定的嚼勁。但牛扒就真的不行了，很硬，很難切開，更不要說在咀內的難度了。而牛扒也沒有很好的牛味，淡淡的，不說也不知是牛扒呢！

放工約下FD 去玩先, 大家咁熟, 食茶餐廳都無乜問題, 呢間都算好企理, 燈火光明, 而且間店好大, 成千幾二千呎。我叫個 黑椒牛扒薯角，牛扒好大, 成半個碟咁大, 火喉控制得好好, 我叫左5成熟,肉質紅紅地,好靚, 幾嫰口, 好JUICY,一D 都唔UM 一啖咬落去 口中充滿牛既香味，汁又辣辣, 好襯隻牛。

通常食Lunch時間12點一到, 就要煩諗去邊度食Lunch好~ 而呢間要行遠少少既小廚港作都係我地既飯堂之一, 皆因佢既咖哩我D同事好Like~ 通常係呢區既茶餐廳每日都會有幾個餐比你揀, 每次去到就如賭博睇下中唔中你口味喇~ 今日我就好好彩喇~ 有咸魚煎肉餅~ 一黎到, 睇賣相已經好吸引~ 食落去仲脆脆地, 入面D肉又好juicy~ 真係食哂成碗飯呀~ 仲有西蘭花, 正呀~

日前友人放假，適逢筆者當天需要工作，友人便遷就筆者，選擇前來荔枝角搵筆者食晏，友人選擇了小廚港作作為是日用膳地點。由四款超值午餐中，友人選擇了招牌咖喱牛肉而筆者則選擇瑞士汁雞髀拼原隻元貝。元貝以蒜蓉烹調處理過，鮮甜多汁，而淋上瑞士汁嘅雞髀，軟腍嫩滑，雞肉充斥著陣陣的瑞士汁韻味，啖啖肉香，不俗！值得一提嘅係啲瑞士汁用嚟撈飯真係超正！

呢間坐落係長沙灣廣場附近嘅小廚港作，都可以話係我係荔枝角食過最好嘅咖喱底，今日諗住嚟再回味一下，點知有少少失望。佢哋嘅SET LUNCH每日都會有一款喺佢哋嘅招牌咖喱，今日嘅就係咖喱雞球，唔啱我口味，好彩仲有張新檯卡，上面有招牌咖喱牛排骨，就點呢樣啦！唔使5分鐘就送上，咖喱汁保持一灌水準，香氣撲鼻，辛辣度亦都適中。唯一嘅問題真係牛排骨肉太太少喇，骨頭超太，每舊只係有少少肉。雖然話咖喱先係主角，但係呢個骨肉嘅比例真係唔能夠接受。之前食過最好食係配牛腩，其他配肥牛，牛肉片，雞球都唔多掂，其實個基本汁底已經做得好好，真係唔需要咁多冇謂嘅變化。下次經過都會再入嚟食嘅，希望下次會做好D啦！

自從辦公室搬到荔枝角，已前前後後幫襯過無數次這間餐廳，位於荔枝角地鐵站A出口，步行只需約一分鐘便到達，店內面積頗大，座位也寬敞，當初一個星期大約有3-4天都幫襯此店，也是基於這原因。是次午餐時段，同事提議再次前來此餐廳用餐，邊二話不說的答應了。選擇12點前前來是為了避免午市時段的高峰期，這樣也就能更輕鬆的享用午餐而不被高峰期的緊張氣氛所影響。看一看是日的超值午餐，有鮮茄香煎豬扒($45)(可選擇配搭意粉、薯仔或白飯)、蒜香金菇牛柳粒焗飯($45)、鮑魚汁帶子雞柳福建炒飯($46)以及招牌咖喱雞球($46)，由於本身感冒咳嗽還沒完全好返，所以就避重就輕，選擇了鮮茄香煎豬扒配意粉。豬扒份量頗大，有些薄身，雖然淋上滿滿的茄汁，但依然難掩其帶乾的口感，味道尚可，而是次師傅調教的茄汁略顯淡咗啲，不能增加食慾之餘，也未能帶出該有的鮮茄味，反而意粉軟硬度適中，是唯一可取之處。

今天跟同事黎到這間港式茶餐廳Lunch我叫了沙嗲牛肉既常餐系列$41，包括沙嗲牛肉配出前一丁、豬仔包和火腿配煎蛋，沙嗲牛肉既味道有驚喜，牛肉好嫩滑，沙嗲味多層次又唔會太鹹。豬仔包烤到外層好脆，配上煉奶，可作飯後甜品。火腿分量偏細，煎蛋煎到蛋黃流心。 

今日，比平時早落車， 於是食個full set早餐先由落單， 到上菜不用五分鐘， 真快手。點了B餐招牌鮮茄牛腩湯蜆殼粉奶油豬，火腿煎蛋濃濃的鮮茄牛腩湯底 脆脆的奶油豬， 十分鬆脆， good滿分早餐， 為一天工作加油

小廚港作，比較新派的茶餐廳，新式裝修，環境舒服，價錢屬價廉物美，比“太$“, “#華“ 平宜很多，今天沒食午飯，來此處下午茶，鮮茄吉列豬扒焗飯，茄汁蓋面，豬扒肉質結實，唔會鬆散，份量不多不少，下午茶份量已經算合格，另熱辣辣，鋼盆上枱，賣相一流，連飲品，$29.-。