小廚港作

營業中

休息中

由細到大對港式茶餐廳都有一種情意結，鍾意四處搜尋食品質素好而又 “企理” 嘅茶餐廳，今次俾我無意中發掘到「小廚港作」，符合到我嘅要求！·下午時間去食，都幾多人，差不多滿座，眼見有唔少上班一族，亦有好多內地遊客，非常嘈吵，如果想自己靜靜地放鬆下，就要戴定earphone了。·👑 招牌茄腩湯通粉 配火腿煎蛋、奶油豬仔包（$45）- 湯底由蕃茄牛骨熬製而成，味道好濃郁，蕃茄味好醒胃。- 奶油豬仔包好出面，好香好脆（不過要小心d碎跌落個身度 😂），推薦！👍🏻- 火腿煎蛋就不過不失。

為了避開辦公室午飯人潮！我們在中午十二時前就坐下來！餐廳地方乾淨，侍應服務效率高！雖然午餐選擇不算多！大部份都是不同的燒味配搭！但是燒味確實美味！還有一些小炒...我地兩人叫了3款食物。咖哩牛腩煲這牛腩讓我留下太深刻的印象入口即化我完全不浮誇! 即使我對食材不專業 但請相信我是知道什麼是入口即化咖哩的味道先是帶點椰汁的甜味！再配上又香又辣的咖哩醬 太好吃~而且用料給的相當實在連我不挑食但很挑嘴的友人都說這咖哩很正他平常很好食都是說 （一般啦）XO醬炒牛肉翠肉瓜！濃味中帶有絲絲清新的味道！非常不錯的一道菜。仲點了豉汁蒸倉魚, 魚是新鮮蒸！而且相當大條！兩個人食非常滿足！

依間餐廳長期搞緊個週年優惠，加十蚊可以揀多半隻雞或者一條黃立倉，所以長期吸引左我幫襯，而且味道重要高質數，真係不得了😁佢地主打咖哩，每次黎話唔叫咖哩叫其他，最後都係叫左咖哩😅，今次一共就叫左咖哩蝦、肉片炒西蘭花，當然加十蚊要埋條倉魚😁XO醬肉片炒西蘭花份量十足，味道剛剛好，好香好夠味，唔會太咸👌🏻咖哩什菜蝦球平時食開肉，但叫左肉片，咁咖哩就叫蝦啦，而佢蝦都唔少，不過咁岩又好多西蘭花⋯重點個汁送十碗飯我都可能食得晒！夠香夠味微辣🙈👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻豉油蒸黃立倉條黃立倉係細條左少少，但加十蚊黎講，佢係好足夠有突，肉質較實，剛好依條好有鮮味，係現場已讚不絕口了👍🏻👍🏻👍🏻👍🏻👍🏻👍🏻每個餸包一杯野飲同一碗飯總共-140HKD真係抵到不得了飽到不得了！👍🏻👍🏻👍🏻👍🏻👍🏻👍🏻👍🏻

今晚如常去荔枝角恩福堂，每次去都會係呢間餐廳食完再上去。呢間餐廳ke 招牌菜可以話係海南雞飯，每次入去都有為數不少ke 人叫海南雞。所以，我也不例外。呢度ke 海南雞好有雞味，雞肉細膩軟滑，飯也好有油香，好有口感。一啖飯一啖肉，真係正到dum 一聲

平日的午飯時間，此店門外都會大排長龍，但沒想過星期日也會全場爆滿～點了兩個餐：沙嗲牛肉出前一丁配火腿煎蛋及奶油豬仔包：經常都叫這個餐，因為夠豐富呢不過個人比較喜歡硬一點的麵質，但煎蛋入面是流心的～正奶油豬仔包如果再熱d會更正～咖啡牛腩飯：牛腩份量很多，而且夠淋及入味，少少辣，送飯一流～因為人流很多，所以食完東西都會被極速收碟，而且座位會有少許迫，不過茶餐廳就是這樣熱鬧啦～食物各方面都很不錯，絕對會繼續光顧呢～

備註：繁忙時間四人座位要搭枱，全日每位最低消費HK$15 「小廚港作」於2012年04月中旬開張，現香港共有三間分店，而總店坐落於荔枝角長沙灣廣場地下。餐牌上印有多間在中國重慶的分店，據聞該店的老闆打著香港茶餐廳的旗號在大陸四川重慶開設了首間小廚港作後，生意不俗更加開多間分店，遂回流香港開店。店名叫「小廚港作」除了頗為特別外，其室內裝修和食物跟一般港式茶餐廳無異，店內面積頗大，座位寛躺舒服，設有多個卡位和落地玻璃。而長沙灣商場二樓也有一間小廚港作，但味道差別十分大，要食的就食商場外的這一間好了。此外在網上很多食評都對該餐廳的侍應服務態度彈多於讚，但這裡每天午飯時間，門外仍然排起一條長隊，大家如不介意的話，不妨前去體驗一下。 被相信是經理級身份的女士走來喝止我拍攝餐廳環境 (上圖) 現在許多新派的港式茶餐廳都會設計把餐具用品都放在餐桌下的抽屜裡，方便顧客取用 港式早餐 (供應時間7am-11:30am) ▲ (早餐 E2) 吉列魚柳早餐HK$36 (附送火腿通粉、牛油厚多士、火腿煎蛋及熱飲) 食物質素和味道不過不失，價錢也相當合理。唯一感覺不滿是被相

每日到lunch，大家都有個好難既問題...今日食乜好🤔 每次諗唔到都會諗起去小廚港作😂因爲乜都有！今次我就叫左個午餐，黑松露鮮菌汁焗一口豬柳飯。份量望落好似唔係好大碗。睇唔岀片碗唔大，但就真係好熱辣辣！我中意 黑松露味就唔係好重，只係好輕微。入面就有少少菇，個豬柳都好淋，幾入味，唔會好乾，反而個汁就多左少少，令到d飯有些濕，可能因為咁，我食唔曬。不過有樣驚喜既係食完，個飯仲岀煙真係好保溫再飲埋個熱杏傷，好淡口。下次唔會叫

價錢大眾化，下午茶多款選擇都係30幾蚊，豬扒包大件夾扺食。服務態度幾好，殷勤又有觀察客人需要。地方寛躺舒服，多卡位和落地玻璃。特意回來幫襯了幾次的茶餐廳，值得推介。

平時在港島區工作好少會去到荔枝角，今日星期日中午經過長沙灣廣場，只有幾間食肆開工，最後揀左呢間小廚港作，舖內人山人海，所以食個快餐快快閃人。二個人點左2個餐，一個沙嗲牛肉公仔麵配奶油豬凍奶茶，另一個濕炒時蔬牛肉河凍檸茶，味道不過不失，普通通通食飽走人。

食物味道不錯，不過服務態度需要改善，要杯水，要叫到第三個侍應先有水拿來，收錢個D呀姊，拿錢慢D都會俾他話；第錢俾佢，佢叫你放在收銀碟上，好似我有皮膚病會傳染佢，難頂，勁冇瘾！

是日路過此地揾間醫下肚，坐低叫個下午茶餐既乾牛河，份量少得離奇，一向細食既我，都填唔到肚。以依個價錢，相信同一條街都可以揾到間好啲。間舖又VIP卡又優惠券，攪依啲野不如正正經經整啲嘢食好味啲啦

侍應服務態度惡劣，與朋友点了2份A餐蒜蓉汁燒雞脾拼吉列大蝦餐，食時發現餐内未有跟吉列大蝦，向年長女侍應反映，該侍應以强硬語氣回覆"冇喎，今日賣晒啦，落單冇同你講咩"我地回答冇同我地講过甘有乜野跟番，該侍應再回答"冇架啦，塊雞咪大塊左lo"，態度惡劣豪無歉意，感覺被欺騙强迫接受次等餐膳，希望貴店管理層留意改善員工服務技巧，其實有表示小小歉意顧客會比較好受。

今晩約咗啲朋友去荔枝角食晩飯，是但去咗間茶餐廳，諗住嚟緊假期咁多消費，所以今餐食平啲，點知原來都唔太平喎，同酒樓價差唔多。菠蘿咕嚕肉 ($70) 都幾有鑊氣，咕嚕肉炸得脆口，酸酸甜甜好開胃。沙嗲粉絲金菇肥牛煲 ($66) 真係好好撈飯食，肥牛都幾腍，唔韌。但個味道就鹹咗啲。我就覺得一口牛 ($72) 好唔掋食喇，好似蔬菜多過肉咁，啲牛真係好油膩。

朝早食早餐個時叫左個蕃茄通 牛肉伴個通 好有蕃茄味架 呢個唔錯呀喂 跟住佢個蛋都冇乜特別既 係就係細左少少囉 通粉係冇問題既 叫左杯凍奶茶 奶茶真係麻麻 有D水味 算OK既 好飲既 早餐整體黎講都OK

今日stock take完番到公司都2點，當然就等到2點半嚟食下午茶啦！最近食咗2次豬扒烏冬下午茶，比較熱氣，今日食吓其他嘢～揀咗 F3 鮮忌廉黑松露大蝦意粉餐 跟 餐飲熱檸水，$35...賣相不及烏冬吸引，不過松露味十足，嗅覺同味覺都有，每一啖都有果種火水味（唔知噉樣形容得啱唔啱），意粉配有洋蔥絲、紅蘿蔔絲、蘑菇粒，同三隻金香「大蝦」。意粉嘅口感shok shok聲唔錯嘅，3隻「大蝦」略為鹹咗啲但都新鮮靚仔嘅，不過呢個配搭就好似唔係好match喇...$35呢個價錢，仲要求啲咩吖～食飽飽喇，又係時候番上公司繼續努力工作～下次再試吓其他，邊食邊寫食評同大家分享～