小廚美食

營業中

休息中

呢間小店好耐冇入嚟食啦雖然佢寫到營業時間到晚上7:30但係我今日7:45佢都未閂門Lucky😁姨姨好有禮貌不過小店得佢一個人做嘢可能會比較忙…要耐心等待叫咗個蟲草花雞肉燒賣$18有五粒 （雖然感覺有少少貴）但係呢個口味喺呢度先有，好香好特別❤️叫多個頂肚啲嘅食物~粢飯粢飯即叫即整啲飯既口感煙煙韌韌入面有好多肉鬆+條油炸鬼拎上手熱辣辣不過如果佢有埋啲榨菜或者菜譜之類個口感會更加好呢啲小店越嚟越買少見少有空要多多支持

好耐之前幫襯過，放工時間見有啲肚仔餓就行過去買嚟食。一去到見到加左勁多價份量又縮水了。$14/6粒，諗住以前食過唔差都照買啦。點知出到嚟啲燒賣又粉又難食。完全無魚味又唔彈牙！真係無下次！行遠少少去富華買好過。

呢間舖地方偏僻，喺角落頭！🙂‍↕️🙂‍↕️見$14/6粒 其實唔係太抵食！一場嚟到就支持下！🤩🤩行到埋去呀姐👵食緊嘢，但未見話用餐時間，所以照買一份魚肉燒賣！ 🤩然後佢自動落咗豉油，咁叫佢俾埋辣椒油，撞鬼你啊覆句咩：「下次早啲講啊 」😵‍💫😵‍💫碗野你仲渣住，仲唔夠早？！🫥🫥呢間野唔太鍾意做人嘅生意👻🪰，呼籲大家見到呢一個cm，轉移玉步去其他鋪食燒賣👍 保持心境開朗😇😇😇

荃灣大家姐執左之後唔知去邊食燒賣好，記得某kol介紹過呢間好食諗住試吓，$14/得6粒燒賣，因為仲有個朋友一齊去，所以我問店員（女老闆娘）拎多支籤，佢態度勁差話：「呢到囉！」之後指住前面，我見唔到有籤所以再問佢多次，佢再指多次同一個位，原來係用個兜仔裝住平時酒樓送果支牙籤仔，有第二間鋪個名仲要鋪哂塵，我費事再問佢就算數！講真俾多支籤成本有幾高？咁都唔俾仲要叫我用果支唔知放左幾耐咁污糟嘅，你話燒賣好食都算，但仲要係好普通魚肉燒賣，根本唔需要去佢到買！勸大家未食過千祈唔好幫襯佢！

嚟到荃灣，就好鍾意食小廚媽嘅粢飯，同埋佢自製既回甘茶。最特別就係佢嘅自家製辣椒油。藥膳燒賣都係一流，買咗幾樣嘢喺朋友個辦公室食，大家都食得好開心如果有得堂食就一流啦！Whenever I come to Tsuen Wan, I love to eat the rice rolls and homemade herbal tea from Siu Chue Ma. The medicinal siu mai are also excellent. I bought a few things to eat in my friend's office, and everyone enjoyed them very much.

見有網路紅人介紹呢間燒賣話好有魚味就特登去搵呢間小店試下。 當日商場人流唔多，舖頭冇人排隊，見到個阿姐係度睇報紙，我買左一串燒賣，跟住問阿姐有冇蘿蔔餅，佢話“咁大隻字寫左係度都仲要問，寫左就係有架啦，唔使再問架啦！” （我心諗其實好多時唔係寫住就有架, 佢只要答有/冇咪得囉）Anyway, 總結，魚肉燒賣ok但唔係特別好食，蘿蔔餅太油同太咸，阿姐太有性格，應該唔志在賺錢，唔會再幫襯。

晚上約7點20左右經過，看到👀她還沒有關門， 但OpenRice的資料顯示，他的關門時間是7:30左右，所以就戰戰兢兢地問了問：「請問還有沒有燒賣？」， 一開始的時候，老闆娘還很平淡地回答道：「有啊。」。 然後我點了一份鴛鴦燒賣，當我還在想，老闆娘也沒有網上的傳聞說的這麼沒有禮貌吧？終於老闆娘還是忍不住說道：「下次來的時候，不用再問有沒有說買賣，照登或亮着，這裏有一定有燒賣，這裏是賣燒賣的，不賣燒賣賣甚麼。」還是討論回食物質素，鴛鴦燒賣$16魚蓉燒賣魚肉燒賣不太吃到魚味，口感也不是我喜歡的煙靭口感。藥膳燒賣比較好，有點肉味，摻雜不少筍絲？很有口感。有炸蒜撒在面，加上豉油， 整體味道不錯，只是欠缺辣味。

荃灣昌寧商場宜間小食店出名唔係佢d 小食嗱！並唔係話佢d 小食唔好食而係有樣野比起佢d 燒賣腸粉更好食食個樣野係要配合埋佢d 燒賣魚蛋個樣就係秘制麻辣油個油真係好麻好過癮小小辣勁香佢d 魚蛋係細粒陳皮魚蛋本人鐘意食細粒魚蛋多過大魚蛋細粒魚蛋係比較彈牙d不過都認真好食還好食媽媽d 性格真係惡左d另一講法佢只係唔係溫柔囉但我嚟食小食啫 冇service 都ok

久唔久都會幫襯。平時食開燒賣（+辣油）😋，由於今日未食嘢，所以叫埋腸粉。腸粉正常，燒賣保持水準，重點係個混醬+自家製麻辣油，甜得來又有麻辣，超過癮！😍😍（註： + 辣記得早啲講。 老板娘義氣仔女，支持小店）

我睇食評講到好好食，再加上係黃店，所以抱住興奮的心情一試，但係坦白講，佢的燒賣真心唔覺有乜咁特別，同出面的質地完全一樣，但係佢賣到12蚊6粒，2蚊一粒貴過出面一倍，我期望係比其他店好食，但係真係一模一樣，再者，我唔知係咪阿姐心情唔靚，我話一串燒賣丫唔該，佢眼神好凌厲咁bear我，而且唔多情願咁，我心諗，我買串燒賣姐係咪得罪你阿姐，因為我想買返屋企比屋企人試，所以要求一個膠袋，佢的態度直頭好厭惡咁話要收1蚊，我知食物係唔洗膠袋徵費，但我費時同佢理論，所以我照比佢，但總括而言完全唔係啲食評咁講佢態度好好咁，而且質素又唔值，如果你想為咗支持黃店其實仲有好多選擇。

呢間係我頭三大最喜愛嘅燒賣店，佢地既燒賣係加入左藥材，而且係豬肉燒賣😍首先，雖然佢唔太就腳，但喺荃灣站可以一直穿商場去到，路途還算舒適嘅。👌🏻佢地有幾款小食，但我覺得最特別嘅都係加左藥材既燒賣。🤞🏻市面好多小食店賣緊嘅燒賣都係魚肉/ 金龍燒賣，豬肉燒賣通常酒樓先會有，但呢間可以俾到你！豬肉唔會好太肥太多脂肪，感覺幾健康，但都滑既。🫠雖然唔係好食得出有咩藥材，但係味道唔會太怪太強烈，不過唔鐘意藥材味既話，就唔太建議試😆最後，佢個辣椒油都好正，小小麻，好香，應該是自家調製嘅！必試！🔥

小廚美食，多次聽到不少人談及其有心機燒賣，早前來過一次摸門釘，今次星期日來碰運氣。還好有開門，見有蝦肉燒賣幾少見，要了個雙拼。魚肉燒賣，都係叫貨嘢，稍好的來貨，有魚味，但蒸得過火，燒賣皮濕到爛，魚肉都霉啦。蝦肉燒賣，有啲霉霉哋嘅蝦粒，同樣都係蒸咗唔知幾耐。豉油，正常調味，偏甜加老抽。整體而言，新鮮蒸好可能幾好，但今次就感受唔到坊間講到咁。

平時掃街一定會食嘅就係魚肉燒賣雖然只係普通嘅燒賣可能你會覺得燒賣咪燒賣分咩aabb但無論口感上味道上都重要！真係好難搵到好食嘅魚肉燒賣🥴之前網上介紹過嘅呢間位於荃灣嘅小食店自己嚟開呢度都會幫襯除咗燒賣仲有其他小食撈麵三文治咩都有魚肉燒賣呢度主打藥膳燒賣不過最鍾意食都係魚肉燒賣$12未至於海鮮價但係唔算太平 不過味道最緊要燒賣正常size唔會蒸到過龍發脹質地唔係粉感 口感幾彈牙不過如果再煙韌啲會更好雖則魚肉燒賣大部分成份都係豬肉呢度嘅燒賣魚肉味都唔算太出至少唔會有浸腥臭味最重點都係秘製辣油食燒賣一定要落好有花椒麻香 唔會太辣 超正！如果經開呢度當過下口癮唔錯🤤

一日一黃店-荃灣高質良心小食店 今次係第2次黎 假日黎到人唔多 店面細細 小左文宣 得番同其他良心店合作既宣傳文 同貼紙（第一次既評價可以去 #hkfunfoodrecord_荃灣 搵番）.我望左好耐餐牌 點解唔見左沙嗲牛肉包既？ 最後點左 ⭐️滑蛋咸牛三文治$16烘底$2如果單拼都只係$12 算勁平🔥由於即叫即整 出品新 鮮爆熱辣辣唔似其他小食店 整定再加熱 👍🏻三文治外層 夠脆 食到索索聲 爆碎👍🏻滑蛋咸牛配料量都好多看似平平無其既三文治‼️其實要整得好食過佢 絕對有難度 高分好評.⭐️手抓餅$16👌🏻同樣整即 爆熱 都好食 但相對普通 🥲因為望相 都見到用左 2張吸油紙 都好鬼油如果加埋配料夾係中間 同樣會變成高分美食.姨姨見到我有影相 勁nice主動協助我影 仲話多謝我回想上次黎果時 係店面影相可能會覺得我奇怪 但今日感覺勁自然好多傾落發現 原來⭐️沙嗲牛肉包$16變左隱藏menu 因為包黎貨唔多所以轉左要熟客仔先點得 .#hkfunfoodrecord窮遊香港#hkfunfoodrecord_荃灣#hkfunfoodrecord黃店.#小廚美食 (荃灣)地址：荃灣西樓角路202-2

.📍小廚美食📍 #饅頭去荃灣 #饅頭掃街之選溫馨提示：老闆娘會主動比膠袋你，即食嘅朋友仔記得要提前同佢講聲，避免製造多餘垃圾😉。------------------------------魚肉燒賣($12/7粒)Size正常，魚肉味偏淡，口感唔夠煙韌，不過都軟彈有咬口；燒賣皮薄，冇甩皮甩骨，有皺摺掛醬油；整體不過不失。------------------------------藥膳燒賣($15/5粒)Size比魚肉燒賣細少少，每粒大小不一，純人手製作。依然係皮薄，但就有啲散，食落有淡淡嘅冬菇香，豬肉味道香嫩，唔會死實，彈牙有汁😋，但藥材味唔濃，比醬汁蓋過曬。最最最重要嘅係佢嘅麻辣油，係用花椒、豆豉、蝦米同花生🥜醃過，令味道昇華👏🏻，辣味同後勁唔算好強，又香又惹味，騰椒味極重，食到個嘴唇麻一麻，配埋脆口嘅蝦米同炸蒜就更加香口😍，同鹹中帶香甜嘅豉油一唱一和，簡直冇得彈。但燒賣嚟講價錢都好貴下😕，宜小食多滋味，或者直接買一樽麻辣油同一包金龍燒賣喺屋企自己煮😆。------------------------------整體評分：7.6/10小編回頭率：6.5/10