小念頭 (通菜街) (已搬遷) 新店位置

近十年都極少出現在旺角，適逢要去旺角處理一些事情，就乾脆去這間朋友介紹的小店吧！2點到達，可能旺角友未出籠，所以全店都沒人，任我到處影，但過十五分鐘已開始有人龍了。坦白說其實無特別之處，只是旺角處處人群，有這樣的一個空間坐坐已很不錯。試了王牌蛋糕，味道不錯，但未至於很特別。下次應該不會特地來了

之前睇報導介紹，見到店主自開小店，蛋糕款式亦會不斷更新，一直都想搵個機會試下。有一日平日想同朋友搵個地方hea坐下，就諗起小念頭。入到去因爲剛剛開門，未有其他客人，店內每一張檯檯凳凳都有啲唔同嘅特色，加上唔會太迫，真係好適合同朋友黎傾下計、休息下。我地點左兩款蛋糕，一款係泰式奶茶味，一款係紫薯味，睇黎兩款都係小念頭嘅signature蛋糕款式。原本比較期待泰式奶茶個款，但食完反而紫薯味個款更加驚喜！（當然兩款都值得試下）因為紫薯個款入面真係有啲紫薯泥，令成件事更加有口感，唔會食黎食去都係得cream同蛋糕，下次黎都會再encore哩款！另外點左杯野飲，係一向都大愛嘅伯爵茶，哩杯係伯爵奶茶，上嘅時候杯入面係伯爵茶味嘅冰粒（其中兩粒仲係鴨仔形狀，好趣緻！），另外會有杯打熱左嘅奶，再倒落去，成杯奶茶都好滑，亦有濃濃嘅伯爵茶味！到臨走有另外三對客人，整體黎講都好安靜，好舒適！希望哩一類型嘅小店可以保持本質，同時長做長有啦

今日想搵個地方同朋友坐下傾下計，所以就上左黎呢間但係佢個位置都真係唔易搵的地都行左一陣之後又要行上條幾得人驚既樓梯先上到去地理位置真係好一般上到去服務態度都好好！而且d cake係幾有水準 不過紫薯既cake味道略淡，奶茶Cake相對好食d入面位置唔算多，打卡位都唔係太多，如果只係想搵個地方坐下呢到都可以一試

這在旺角鬧市樓上的簡約cafe,室內與室外有著截然不同的調子，是與閨蜜悠閒交心的好地方。看看手寫的餐牌，以茶為主，有奶蓋茶，冷泡茶，熱泡茶等。最終挑了養生之選的桑葚茶，有補血之效。店員/店主（？）用木盤捧來玻璃壺及杯，還有一個小皿，上有茶的材料，說可供食用，而茶更可加水再泡一遍。呷著一口淡香茶，彷彿人世的煩擾也消散左茶煙之中，難怪可以補充血氣。本與朋友談，怕作為飯後甜品會較膩，店員說全是低糖蛋糕，頓時選得更開懷 本想嚐嚐伯爵茶芝士切餅，但原來只有原個訂造。看看窗櫥，點了一個鐵觀音芝士切餅，鐵觀音moose及伴碟啫喱的茶香剛好，在下的芝士蛋糕也是君子，整個切餅令人念念不忘。小念頭由格調到食物到飲品到服務，都吸引人回頭，已成貓仔心愛餐廳之一。

有一次search旺角 樓上cafe就搵到呢間cafe呢間cafe出既蛋糕 全部都係自家製有多種吾同既味道店主吾會直接拎display既比顧客食點完餐 會叫顧客坐低等等員工會即時整出黎大約等左15-20分鐘左右今次我叫左泰式奶茶蛋糕同蜂蜜蛋糕加埋都吾洗100蚊呢個係泰式奶茶蛋糕裡面係海棉蛋糕 出面加左層奶茶醬比起真正既奶茶甜少少個海棉蛋糕口感好軟呢個蜂蜜蛋糕我第二次食了比起用醬 佢選擇左將蜜糖加入cream之中每一啖都充滿著蜜糖味

知道這間小念頭已久苦未有時間來光顧！上星期六晚趁約了叔仔一家及前嫂嫂在旺角吃開年飯便走來看看有位否！到達藏身於女人街中的樓上店，當然跟我預計的同樣全場爆滿，不過店員十分好着我留下電話，當有枱時會即時致電給我，但他亦坦然說或許需要一小時後才有位呢！不過心想也不打緊吧反正也在旺角附近遊蕩，就留下電話便到朗豪坊逛一會！ 怎料行到去朗豪坊大約半小時後已收到電話說有位了！！我倆即是又要飛奔返往女人街！ 店內的陳設比較自然座位也只有寥寥18個，所以想吃的朋友如有四位以上記住要訂座啊！ 原來她們亦會接受原個蛋糕訂製！等我試過之後如果喜歡的可以考慮車婆婆生日的蛋糕在這兒訂購！ 大門入口右手面是餅櫃及廚房，而餅櫃內的全部是陳設蛋糕，只用來顯示當天所有的甜品款式所以樣子麻麻哋！ 靠向左手邊行就是我們就座的位置！ 餐廳會有自助清水清供應，餐牌亦是全手寫感覺零舍溫馨，而飲品都有不少的選擇，多以茶底沖調都是心機手作！ 減肥途中的我今天真係很放肆！我們共選了兩杯飲品及一件甜品，其實仲好想試埋其它的甜品！唯有等下次先再食啦！ 車爸爸選擇了炭焙烏龍加濃厚奶蓋$43，從來未試過奶蓋的我試了一口已好肯定不是我杯茶呢！

今日同朋友去了呢間樓上cafe, 環境舒服~剛到達嘅時候冇人, 可以周圍影相我哋2個人共試了三款蛋糕1. 泰式奶茶戚風雪山 ($48）奶茶味道主要來自醬, 唔會太甜2. 流心紫薯圈 ($52)唔太甜, 幾好食, 流心效果好好3. 鐵觀音芝士蛋糕 ($45）茶味被芝士味蓋過了, 如果增加上層鐵觀音果部分嘅比例會更好總括而言, 個人最喜歡泰式奶茶戚風雪山P.S. 1. 喺樓下要喺左邊按鈴等候開鐵閘2. 清水以自助形式提供3. 用餐時間為兩小時, 如果冇人等候可以繼續坐

星期日無野做去左試呢間樓上cafe喺instagram見到啲蛋糕 想試好耐叫左流心紫薯蛋糕 + 栗子卷蛋推介紫薯蛋糕🍠🍰質地濕潤而且一切開個流心效果好澎湃夾住係中間嘅紫薯唔太甜得黎幾滑🤤個栗子卷蛋就普通 味道比較淡週末去特別多人 等左15-20分鐘特別係cafe地方比較細同一時間 坐到10-20人到我地發覺比較多女仔去 九成都係可能同我地一樣 去傾偈打卡老闆娘態度非常好 值得讚會介紹好食嘅蛋糕同飲品 而且會得閒問下有無野加

第一次食「小念頭」係同事嘅散水餅，對佢以茶入甜品嘅印象好深。細問之下，原來佢喺旺角有實體店，就黎試下。（前）伯爵紅茶芝士蛋糕（後）流心紫薯圈前者茶味香，芝味濃，兩個味都清楚食到後者 （見下圖）紫薯流心圈，好食又好影。以為會好「漏」，但係紫薯汁比較水，有薯味，但唔食到實體薯。蛋糕鬆軟。唔係一件超飽嘅甜品。（左後）東方美人熱泡茶（右後）蜜糖黑杞子桑椹茶熱係可以沖兩次，好「襟」飲。東方美人甘甜，易入口。桑椹茶酸酸甜甜，仲有粒梅俾你食。食物全景！

終於終於食到小念頭，成個環境都好清新好舒服，每日蛋糕都係新鮮人手製造，之前都有睇過報導係店主自學好多蛋糕整法好有心機。去到樓下其實要禁鐘先開到門，真係要細心先搵得到，上到去就會同旺角有另一個感覺，成個環境既感覺都好舒服，可以坐好耐慢慢享受既地方。佢地既設計都幾有心思同幾有特色，有一個高枱位用左成幅葉既牆做裝飾，成個感覺即時Fresh左，仲有入門口既標語字句同埋一啲有心思既小盤栽擺放。一入門口就係廚房位，見到櫃入面放左一款款蛋糕，淨係個樣都已經好吸引，真係要諗一陣先諗到揀邊一款好。呢一款係俄羅斯既家常甜品，《俄羅斯蜂蜜蛋糕》($50)一黎到已經聞到勁香蜂蜜味，中間夾上左層層既乳酪，食落係好香既蜂蜜又唔會覺得好漏。呢度大部份既甜品都以茶做底，本身就係泰式奶茶既愛好者，《泰式奶茶戚風雪山》($48)有鬆軟既戚風蛋糕上淋上泰奶醬，啡啡白白好似雪山一樣，有好香既奶茶味又唔會好似泰奶咁甜較為輕盈。店主專門去左台灣學茶，見到呢杯係推介，《沖繩黑糖奶蓋炭焙烏龍》($46)奶蓋好厚實好重奶香，底層炭焙烏龍茶甘甘地，同奶蓋一齊飲會甜甘味都出。餐牌上面既茶都好詳細咁寫低左有邊種功效，等你揀既時候就會更加清楚

食完正餐後想食甜品同埋飲野，搵左間近近地既樓上cafe🤔店員非常殷勤咁介紹蛋糕同埋茶種，而且環境幾舒適，結果係度一坐就係三個幾鐘🤤▪️ 泰式奶茶戚風雪山蛋糕（7.5/10）💲48望落好似好多醬，但係其實食落份量恰好唔會話過濕，入口比較薄滑身，雖則並非好濃泰式奶茶味，但係都有陣陣奶茶香，甜度亦適中，帶有腰果粒，戚風蛋糕夠曬鬆軟，個人幾鍾意呢個質感🍰▪️（右）芝士海鹽奶蓋炭烤烏龍（7.5/10）💲45奶蓋幾厚身，飲到尾都仲有，帶有芝士鹹香，但係唔會話太鹹嗰種，亦不失烏龍茶既甘香☕️不過朋友就略嫌佢嗰杯玫瑰奶蓋玫瑰青茶個奶蓋有啲杰飲唔到茶，一次過就攪勻左🥤🔎 整體評分（7.5/10）

Hidden in the hustle and bustle, this place offers an escape-away for people looking for quality light refreshment.Thanks to thoughtful consideration made by the shop, the texture of the sweet purple potato cake is nicely enriched. Unlike any other molten cake, this piece of quality sweet treat is rich not only in its taste, but also in its mouthfeel. 😋Sandwiched and bottomed with cream in which you can find mashed sweet purple potato, the cake surrounds a spoonful of violet lava. When cut open,

旺角站附近有幾多樓上CAFE店,今次同朋友就選了這間小念頭,度過休閒下午~店簡約清新,光線溫和,音樂悠閒,綠色植物WALL就如繁市中的綠洲~.*泰式奶茶戚風雪山 $48奶茶醬香濃幼滑,蛋糕質地口感鬆軟,三角形狀雪山感重~*青咖哩雞肉乳蛋批 $68香脆外層包住香濃青咖喱雞,批邊酥皮焗到鬆化提升了口感層次,沙律菜清甜清新*金邊玫瑰杞子桂圓茶 $46幾養生下,有明目,養肝,飲後心情也會開朗些,哈~ *鐵觀音黑糖奶茶 $44茶味清香,鮮奶夠滑~.*雪球曲奇 聽店主說新年更會有'新春曲奇禮盒'的雪球曲奇呢,果然應節~雪球曲奇是俄羅斯人的一口甜點,大概一口一件的曲奇,朱古力,焙茶,紫薯味,入口鬆化,牛油味香濃溫馨提示:日本種紫薯已開始斷貨了,所以流心紫薯圈已停產~.這家餐廳座位都算舒服,如果和朋友行到累來吃輕食野飲下泡茶和聊天也不錯喔  埋單1XX每位左右

@littleideacakeshop ————————————————————可能適合對象：#蜜糖蛋糕 #俄羅斯傳統蛋糕甜度（5星最甜）：⭐️⭐️濃度（5星最濃）：⭐️⭐️⭐️🍴：餐具 ✖️ / 蠟燭 ✖️ / 冰袋 ✖️/ 紙盒✖️🏷：✖️💬：當日兩位店員都好Welcoming，地方乾淨，寧靜舒服。眼見有人嚟到攞蛋糕，店員都細心同佢講解跟進。地方都就腳，OK。🛒：旺角 #cakeup_旺角站🔘：件裝/ 個裝 5” (2-5人) 或 9” (10-12人)💰：$50/ $360/ $620————————————————————性價比：中下小念頭嘅蛋糕，我哋好早之前曾經介紹過。而當時係試過鐵觀音芝士蛋糕，印象唔錯。而係介紹過後，分別都有好多人訂完嚟食之後，回覆都非常正面。所以，當我哋一知道佢哋推出咗俄羅斯蜂蜜蛋糕之後，都心郁郁想去試！其實𠵱款蛋糕，係香港相信佢唔係第一間做俄羅斯蛋糕嘅餅店。而係較早之前，我哋都搵到一間食俄羅斯菜嘅餐廳賣𠵱款蛋糕，叫 @dacha_hk 。可惜，又係由於有太多蛋糕要介紹，就仲未試到。But Anyways，試咗小念頭先，下次再去 Dacha試吓，又可以Compare 吓。講

如果大家係旺角行完街睇完戲想搵個地方坐下食個tea同傾下計，好推薦大家去哩間cafe☺️小念頭主打芝士奶蓋茶同埋蛋糕🍰今次叫左流心紫薯圈$52💜同埋泰式奶茶戚風雪山$46🗻兩件都好靚好啱影相🤣切開紫薯圈睇住啲醬流出黎好治癒🤤紫薯唔會太甜都幾好食，不過我就比較喜歡泰式奶茶嘅味道🍼飲品方面叫左芝士海鹽奶蓋炭焙烏龍同芝士海鹽奶蓋青茶$45/1，佢地個奶蓋勁濃郁好重奶味😋可惜係差在茶底一般，啲茶葉唔係特別靚，青茶係日本嘅煎茶所以苦澀味比較重🤧但整體來講幾高質，如果係地鋪應該會大排長龍！不過佢地暫時淨係接受4人以上大枱嘅booking，所以如果2個人嘅話最好早啲去喇